魔膳廚房 (已結業)

行開附近都好多選擇，但係呢個位就好就腳，由鱷魚恤中心行落去轉個灣就到，上面apm 多人又要等，呢到餐廳地方夠晒大，而且座得闊落舒服，望主餐牌同埋出面個沙律吧，就係咁點了set dinner menu 內嘅香煎三文魚柳配藜麥沙律，已包餐包同餐湯，但係都係加錢要埋個任食自助沙律吧，點了餐後就出去個沙律吧望望，大致有兩邊，一邊有調味嘅沙律，螺肉，中華沙律菜，啫喱糖，菠蘿，西瓜等冷盤，而另一邊就係大量嘅沙律菜，加埋幾種醬汁由自己配搭！因為係任添沒有限制，所以就算食完主菜亦可以再任添，除了晚上9:00後就會停止供應，其實由頭到尾我出了去4至5次，真係由頭帶到尾！當食完頭輪沙律後，同店員講聲上菜，餐包同餐湯就跟住上枱，個湯都十分足料！跟住就係主菜香煎三文魚柳配藜麥沙律，雖然頭先已經吃了好多沙律菜，但呢個主菜上還有超級健康嘅藜麥配上沙律菜，入口堅有口感之餘亦十分健康，對於時常在外食飯嘅健康選擇，而塊三文魚柳亦煎得好香滑，望上去好似未熟，但入口個種香滑同軟熟嫩滑嘅感覺真係好正！另外追加了份邪惡黃金芝士雞膇，上枱真係好邪惡，師傅將雞膇肉反轉上去炸，揸住條骨真係一啖入口，但係入口前就要點埋個芝士汁，入口香

行行下街，本身諗住打8號風早d番屋企，點知俾個風fake左，之後就去左同女友揾野食香辣豬肋骨配芝士焗薯一黎到，第一個的感覺堅大份，老實說我跟女友兩個人都食唔晒。有少少酸同少少辣，不過味道都唔錯，而我個人特別欣賞個焗薯，可能我鍾意食薯仔，食落有種食bbq薯片的味道，好味。另外我都好欣賞佢的燒菠蘿，好甜好好味。黑松露帶子意大利飯帶子都幾大粒，不過我覺得飯更吸引，黑松露配上意大利飯同其他配菜，令我今日特別想食飯，好香。炸的金菇都幾得意，好少試過咁食。餐包正常水準，熱辣辣咁都唔差的荔枝玫瑰同青蘋果梳打一定要搞好，否則我有一啖勁甜，不過我試過咬一小片薄荷葉再飲，感覺特別清涼。整體感覺唔錯，我見人地食Burger 都幾吸引，另外都見人食甜品都想試下，下次有機會再試先。

觀塘多工廈係人都知，近年愈黎愈多西餐開係工廈到，今次黎食魔膳廚房，友人之前食過一次推薦黎食！我地叫左2個set dinner，有餐包，餐湯，主菜和飲品，我地另外加左$38仼食沙律吧餐包好鬆軟，上枱仲熱辣辣，餐湯好多料，絕對唔係罐頭湯香煎三文魚柳配黎麥沙律 $178三文魚煎到皮脆肉嫩，中間仲帶有粉紅色嫁，魚肉好嫩滑 ，好鮮甜，一點都沒有腥味，好香魚油味，配上芒果醬酸酸甜甜，一點油膩感都沒有，旁邊有黎麥沙律，好健康，沙律新鮮夾住好多生果，口感豐富香煎帶子黑松露雜菌意大利飯 $168好香黑松露味，帶子爽口彈牙，加上大量蟹籽連埋意大利飯一齊食，好多層次，意大利飯好creamy，份量不少，可以同朋友一同分享

點解咁多人都去工廈食飯，原因好簡單方便同多選擇，價錢亦大眾化又食到，食物有水準都有番咁上下質素至會有咁多人來呢度開飯，好似成日食咁但如果好食你就唔厭，好友今次帶我來一定有佢原因入去已見環境夠大坐得又舒服，至於嘢食方面很定有水準先至會有咁人幫襯，我同好友分別點咗set dinner 同前菜一同享用，仲可以加$38係自助沙律吧任食，好友見到都有幾多選擇就加錢品嚐下，睇佢食得幾滿意就知道質素有番咁上下等咗一陣先有係糯米釀香辣雞翼，雞翼入口夠香脆，內裹食到糯米嘅香軟同雞肉嫩滑之餘，仲微微帶點辣食落幾惹味輪到是日餐湯係羅宋湯配鬆軟麵包連牛油，再來主菜係墨西哥香辣豬肋骨配芝士焗瘋薯，未食已聞到濃濃醬汁味，而且份量十足唔知食落味道如何輕輕切開已見肉質細嫩又帶點脂肪配埋香辣汁食落特別滋味，再食番啖香滑焗薯連同香甜燒菠蘿簡直係完美配搭最後梗係飲杯焦糖凍咖啡，又品嚐一餐美味晚餐。

魔膳廚房正正喺鱷魚恤大廈隔離，工業大廈堆裡面算係比較易搵到嘅，座位好寬敞，好啱一家大細一齊嚟食。佢提供嘅套餐款式唔少，扒餐、沙律餐、海鮮餐、兒童餐都有，都有跟餐包餐湯。沙律吧大概有十款揀，有菜有水果，有日式前菜，不妨一試。海膽汁海鮮意粉，足料海鮮，大蝦青口魷魚，份量幾大，初時怕海膽汁會腥，不過海膽汁嘅味控制得好好，濃汁得嚟唔會破壞個意粉。三文魚柳沙律嘅三文魚配水果醬，濃淡適中，魚柳亦唔會太老，藜麥沙律亦都好大份。

行去餐廳條樓梯有好多畫，好文青嘅感覺！入到去有好多桌枱，但一啲都唔迫。我地去自助沙津吧拎野食，食物選擇都唔少，新鮮程度同味道都算正常。叫左個做緊特價嘅青口，雖然唔算好大粒，但都幾鮮甜好食！呢個雞肉除係我地覺得最好食嘅！肉質唔錯，都唔會好油膩！拎住黎食都好方便呢碟魷魚就正正常常。去到最後，終於上墨西哥香辣豬肋骨，成塊野超級大塊呀！絕對係兩個人食唔晒，係平時嘅雙倍份量，不過因為我唔係好食得辣，所以都唔係食咗咁多，我覺得如果大家鍾意食比較重口味嘅嘢，應該會好鍾意佢㗎！佢仲跟左好多薯條上，勁飽呀！最後嘅餐飲，我哋叫咗兩杯花蜜，個杯勁靚，少女心爆發仲好香花味架餐廳環境真係好靚同好大寬落，坐得好舒服！

魔膳廚房其實都可以算係頭幾代既觀塘工廈餐廳大約3年前已經食過1次 果陣觀塘工廈區食肆絕對無而家咁多 今次就再試下依到既晚餐啦🍽-我地叫左2個Set Dinner 可以+$38要任食沙津吧都有唔少小食可以選擇 包括沙律菜🥗 三色椒 番茄🍅 哈蜜瓜仲有車厘茄 青瓜🥒 菠蘿🍍 啫喱糖 什果沙律 八爪魚🐙 帶子裙邊 中華沙律等等我都夾左D返去食住先-Set Dinner 包左餐湯同餐包🍞餐湯可以選擇羅宋湯或者忌廉南瓜湯 兩者都估唔到地高質💕特別係個忌廉南瓜湯真係好好飲 好creamy羅宋湯亦有大量什菜 好足料 而個餐包仲係微溫 幾鬆軟-▫️香煎帶子黑松露雜菌意大利飯 $168有帶子 炸金菇 蟹子等配料 帶子煎得微焦岩岩好意大利飯有咬口 再加上香濃既黑松露汁同芝士粉🧀 整體唔錯-▫️香煎三文魚柳配藜麥沙律🥗 $178三文魚柳煎得幾香 魚肉仍然keep住嫩滑藜麥沙律mix左唔少生果 例如士多啤梨 藍莓 哈蜜瓜 加埋個醬汁酸酸地 幾開胃-最後再上埋2杯餐飲🍹▫️荔枝玫瑰梳打 +$5▫️熱玫瑰蜜花茶 +$32杯都有淡淡既玫瑰香味 鍾意玫瑰味飲品既都可以試下🌹

今日去咗觀塘行街，因為朋友同我講話呢一間餐廳有自助午餐，之前我都幫襯過一次晚餐既，質素都唔錯，所以決定去試埋佢個自助午餐，雖然係星期日，但都有一半嘅入座率，環境確係舒適，又不會太嘈，確實係同屋企人或者同朋友仔假日嘅好去處，被安排座位之後，馬上出去睇吓有咩食，頭盤有多款沙律選擇👍🏻，餐湯方面就有兩款，黑松露湯同什菜湯，主菜方面有朱肋骨，瑞士雞翼，咖喱雞，炒烏冬或者意粉仲有白飯，小食方面有炸魚柳，春卷，炸雞翼等等，味道都不過不失，價錢亦都唔係好貴，兩個人加埋一都係$200，仲會每人包一杯凍飲👍🏻

朋友們知道我要到印度公幹都紛紛說要跟我Farewell。今次就特意來到觀塘業發大廈的魔膳廚房吃晚餐。這間餐廳地點方便，從觀塘地鐵站B3出口步行大約兩分鐘便到。這裏裝修簡單，感覺令人舒服。值得一讚的是這裏的地方十分闊落，枱與枱之間有足夠距離，私隱度十足，是一般商場餐廳做不到的。我們一行二人選了兩個是日晚餐互相Share。1) 餐湯及餐包(⭐⭐⭐⭐💢):南瓜湯喝起來味道濃沃，而且有有啖啖南瓜蓉，質感豐富。另外朋友叫的羅宋湯也有挺多配料，微酸。相比起南瓜湯較為清淡健康。餐包也是烤熱了才上的，熱辣辣，十分鬆軟。2) 沙律(⭐⭐⭐⭐💢):沙律是加38元任食，選擇挺多。除了一般的沙律菜外，還有中華沙律，螺肉，西瓜和啫喱糖。沙律菜新鮮爽口，配上沙律醋吃起來甜甜酸酸，十分開胃。3) 香煎三文魚柳配蕎麥沙律(⭐⭐⭐⭐⭐):三文魚煎得外表鬆脆，而內裏鮮嫩。三文魚脂肪分佈平均，吃起來十分有油脂感，充滿Omega-3。伴碟的醬汁是芒果做的，有著粒粒芒果肉，十分適合炎夏消暑。另外沙律菜份量也不少，一定會吃得飽 。4) 香煎帶子黑松露意大利飯(⭐⭐⭐⭐⭐):這個意大利飯一共有兩隻帶子，挺為厚身，而且肉質鮮甜，用牛

出糧日！決定要食餐好的，和同事去了這間在鱷魚恤中心旁的餐廳。吃飯前先要勞其筋骨，先要走上一條隱閉的長樓梯；沿途已有看見有很多畫作裝飾，一推門進餐廳則是富有歐陸神秘風的裝修，而且原來地方也算大。午餐比我想像中實惠，最平五十多塊有交易；而且餐湯/餐包和沙律吧另外加錢，對胃口小的人也更有彈性。是日我們加了沙律吧，選擇不算很多，但勝在質素不錯，和同事一致推介的是螺肉，非常大粒！我叫了厚切豬扒配無花果燒汁意粉，真的厚切而且不韌；雖然吃不出無花果的味道（因為我不知道煮了的無花果有甚麼味道...），燒汁惹味中帶微微的甜，很特別！至於同事的西冷也不錯，最欣賞的是它煎的扒類火候控制得很好，不會過火煎得金黃色剛好。也喜歡它的薯角是新鮮炸起，非常熱辣辣！看見其他人的特飲和甜品都很漂亮，不過實在已經很飽了。觀塘其他工廈cafe雖然裝修特別，質素其實很參差，這間的lunch set款式都是些大路款式，但勝在食物質素不錯！地方也很大適合一大班人。

主菜及飲品不錯，新鮮大份，一人一份餐，非常飽肚，只是自助沙啦吧的食物較少，沒有什麼選擇，地方不錯，可能我們平日去，不会太嘈，座位寬敞，三五知己，小聚快樂，價錢就贵少少

觀塘工業區嘅餐廳近年越來越多，越來越高質，試過一次朋友聚會食過，當時帶埋一啲小朋友，又有BB，環境非常適合，好闊落。今次兩個人食，坐卡位一樣有情調。魔膳廚房算係一間好多選擇嘅餐廳，套餐都有幾頁，有dinner sets又有today special，有二人餐又有兒童餐。其實款式多，會怕整得唔夠detail，不過食落去，覺得魔膳廚房好細心準備食物。大部份套粲都係二佰蚊上下，有餐湯、自制餐包、主菜、餐飲，$38沙律吧，係任食，唔駛逼自己一次過拎得太多，仲有帶子裙邊、辣味螺肉同中華沙律。侍應們好細心，例如叫餐湯，有忌廉湯同雜菜湯，佢哋問有無食物敏感，咁啱其中一款湯真係唔啱飲。香煎三文魚柳配藜麥沙徤（$178），三文魚無太過熟，個芯都仲好滑，配芒果肉汁好清甜，而個藜麥沙律好大份，係一份好飽肚嘅沙律餐。另一份係自家製海膽汁海鮮意粉，好濃味嘅意粉不過海膽味唔重，有一隻好香口嘅蝦同好鮮嘅青口，仲有個意粉非常足料！

觀塘人對 MS cafe 都應該唔會陌生，佢D lunch 款式多，又唔貴都係六至七十蚊左右。而且坐位對比起其他樓上 cafe 來講算多，容易 book 位，所以基本上每隔個星期我地都會來食一次。今日有朋友約食，難得佢有興趣來我地頭 （其實因為我要 OT 😅），所以就揀左呢間。因為佢好近地鐵站 ，就響 apm 隔離，方便佢搵。食左咁多次，晚餐真係未試過。原來晚市人都唔少喎！好熱閙吓，所以我地就揀左另一邊坐，晚市果然正好多，仲可以揀位 😁Dinner 餐牌同 lunch time 當然有所不同，但價錢都好保守，唔會獅子開大口🙏 （因為試過同區另一間，lunch 都係幾十，但晚餐竟然要三舊水，真係走唔切......）晚餐我揀左D平時lunch set 未見過的菜式，心理上會比較平衡D 😏，就叫左；德國烤原隻豬手配薯角套餐 $186海膽汁海鮮意粉套餐 $178套餐有餐湯同小麵包，一貫熟悉的口味 👍我地仲加左錢食任食沙律吧，平時 lunch time 點會有時間慢慢歎吖 ✌️。款式不算很多，但種種都啱食，主要有西式沙律菜同日式三小食果D，好快回本。我地仲歎緊沙律的時候，主菜話咁快送到了。烤原隻豬

假日限定$88午市buffet‼️魔膳廚房晚市好多人都贊估唔到佢搞搞新意 岀左個$88假日buffet好似幾吸引啵 趁餓餓地試下先Buffet $88 包左一杯野飲主要分左三個區域 沙律吧 小食區 同主菜類沙律吧 放咗青口 生果 沙律同埋啫喱小食區放住不同小食 有雞翼 春卷 咖哩角仲有鴨胸 鴨胸好好食 伴住蕃茄同蜜桃碎 香香甜甜鴨胸又厚身 好正👍🏻主菜類選擇都唔少喎👍🏻幾款好啱送飯嘅菜式有一大盤飯俾你自己攞🙈💓香草忌廉汁煮牛舌牛脷切到細細粒 醬汁加埋厚身嘅牛舌粒送飯一流呀💓紅酒煮牛面肉牛面肉好淋呀 亦係送飯嘅好選擇💓芝士白汁煮龍脷柳魚不是平時嘅炸魚塊 配埋芝士白汁剛剛岀就好快俾人掃光光了🤭💓仲有豬手 豬肋骨兩者啖啖肉 豬肋骨調味好好中意食豬肋骨嘅你要食多兩件😍送嘅兩杯飲品 玫瑰花蜜茶 藍橘子梳打🍽 魔膳廚房🔎 觀塘開源道77號業發大廈一期2樓D室

1. 香煎美國西冷8oz配薯菜跟黑椒汁（＄138)🥩叫左3成熟，比較軟腍又多汁，又夠厚身，略偏有少少韌😅配埋嘅配菜都幾好，尤其係薯角😁彤樂評分：8/102. 熱玫瑰蜜花茶（跟餐＋＄3)🌹☕幾驚喜，玫瑰花味好香濃🌷落左嘅蜜糖微微帶出少少甜味🍯但依然會飲到茶味，幾清新👏彤樂評分：8.5/103. 荔枝玫瑰梳打（跟餐＋＄5)🌷飲到荔枝同玫瑰味，不過梳打較重，有被蓋過之嫌🙈彤樂評分：6.5/10·4. 安格斯牛肉漢堡扒拼德國腸配飯（＄73)無論係德國腸定漢堡都好多汁，尤其係漢堡，好鬆軟，但仍有咬口，送飯幾唔錯😋彤樂評分：7.5/105. 法式白酒忌廉燴牛脷（＄64)牛脷好腍身，一啲都唔韌，加上忌廉汁幾唔錯，不過就唔係好食到白酒味啦😂彤樂評分：7/106. 黑松露忌廉湯加餐包（跟餐＋＄10)🥖個湯好驚喜，黑松露味超濃，而且鮮忌廉更為成個湯點綴唔少，正🤤🤤🤤餐包都幾軟熟，加牛油就一流啦😁彤樂評分：8.5/107. 沙律吧（跟餐＋＄20任食)🥗個沙律吧係自助形式架，岩晒我依啲唔鍾意餐廳附送嘅雜菜沙律嘅人😂重點有彤彤喜歡嘅螺肉同中華沙律，食到最後再食埋啫喱就滿足晒啦😁彤樂評分：7.5/10