魔膳廚房 (已結業)

之前朋友在觀塘返工，知道有假日午市自助餐好抵食，所以今日約埋我地一齊去食，可以一路食一路傾下計，因為有120分鐘食，所以都唔會食到好趕。餐廳樓底好高，坐位亦好多，坐得舒適，好多人黎食假日午市自助餐呀，因為真係好抵食。頭盤有多款沙律，有雜果沙律、青口、泡芙、西瓜、蕃茄仔等等。湯有兩款，意式雜菜湯、黑松露雜菌忌廉湯，有我至愛既黑松露雜菌忌廉湯，可以飲多幾碗。炸物都有，有好多款，有炸春卷、炸魷魚圈、炸咖哩角、炸魚手指、薯角，炸到金黃香脆，炸雞翼，擺得耐都唔會好快淋。熟食有12款，有麵、飯、雞翼、意粉、德國腸等等，好豐富呀！味道不錯，每人只需$100左右就食到咁多款食物，真心覺得抵食，另每人包多一杯飲品。