馬辣台式鴛鴦火鍋 (大鴻輝(荃灣)中心) (已結業)

去完台灣食過台式麻辣火鍋之後都好懷念，所以呢間約朋友仔一齊食返台灣ge味道。呢個馬辣野食好多選擇，個麻竦鍋都好濃味。呢度火鍋料大部份自己出去夾，款式多又唔洗等人送黎，可以食多好多轉呀!先揀好火鍋底，肉類海鮮類就要畫紙仔點，不過都黎得好快， 一樣可以食好多轉。飲品都好多種類選擇，汽水基本上想飲ge都有。連餃子，飯，魯肉蛋都有呀!睇左咁耐終於黎湯底，都唔算等好耐，揀左鴛鴦火鍋，一邊麻辣少辣，一邊胡椒豬肚，麻辣個鴨血就麻麻地，不過湯底幾香幾濃。豬肚果邊就淡左少少啦。肉類每樣叫左一款，牛肉都算新鮮，D蝦就麻麻啦。不過份量係OK ge。蜆都大隻幾新鮮。食完肉都飽左幾成，出面繼續拎野食!醉雞都有得打邊爐， 緊係要試下，都唔錯wor，肉幾滑。食完仲有大量甜品呀!!雪糕有Dreyer's同雀巢仲有唔同ge雪條添。結果都唔係食左好多，因為實在太飽啦!咁多野食個價錢都唔係貴呀!

上星期五晚Happy Friday , 去咗食馬辣台式鴛鴦火鍋。環境方面非常乾淨，卡位又大又舒適，店員服務非常好。價錢非常大眾化，火鍋配料選擇都幾多，很抵食。飲品款式也很多，任飲任食兩個鐘，都係百幾蚊，很抵食。湯底有很多選擇，有辣有唔辣，唔食辣嘅我哋選了蔬菜清湯鍋同芫茜皮蛋鍋。火鍋配料係自助形式，配料放滿四個大雪櫃，選擇很多。肉類都有幾多選擇，特別推介安格斯黑牛、無骨牛小排，我哋encore左幾round 另外我哋又點左海蝦同脆肉鯇魚腩，很新鮮甜品方面，有三大個雪櫃，方滿不同種類嘅雪糕、糯米糍、雪條。雪糕方面有雀巢同Dreyer's 選擇。另外糯米糍口味選擇也很多，特別喜歡香芋味。

荃灣這間馬辣台式火鍋已來了多次了, weekend嚟總是人山人海咁等位,今次閒日夜晚嚟冇咁虛冚, 有機會四周圍影吓相喇~呢度啲座位幾濶落架, 二人都有機會坐到濶啲既卡位.駌鴦火鍋可選兩個湯底, 嚟親都係點台式麻辣鍋同西紅柿洋蔥海皇鍋呢兩個配搭~醬料區都幾多選擇老公最鐘意呢度既鴨血, 不時會有人推車嚟問你駛唔駛添, 想加幾多都得~剔紙叫既有幾種牛同豬同埋羊海鮮類有生蝦, 魚片同是日海鮮, 今次係蜆. 唔算多沙都OK~而啲蝦都好新鮮爽口~另外仲可以自己出去夾嘢食, 唔同丸類腸仔等, 特別少少既有台灣甜不辣同湯丸.不過今次啲丸好似冇之前幾次咁好食~　仲有各式蔬菜今次有新嘢牛肉餃同豬肉餃, 似係自家製咁喎! 不妨一試~冰櫃有烏冬同雪條, 今次多咗啲新口味雪條, 想食榴槤雪條但晏咗冇哂了 但紫米雪條都好味~甜品櫃都有各式精緻甜品, 今次飽飽地冇食, 之前試過班蘭味甜品係幾好味既~至於飲品選擇都幾多架, 有罐裝之外都有果汁機可以自己斟, 仲有花茶沖添~而最尾我必定食番包韓式公仔麵, 吸收哂湯底既精華, 正呀!! (但又好邪惡XD)依家任食火鍋店競爭都幾大, 所以保持到水準既話一定可以keep住人流

係荃灣搵食，大鴻輝一定要識。全幢最多就係食市，週未去親去食飯都一定要打蛇餅先搭到𨋢上到去。全幢好多間火鍋店都食過，今次有朋友推介依間話有幾款牛肉選擇，未試過又一於去試下。鴛鴦湯底可以仼選兩款，由於唔係好辣得，所以要左沙爹同胡椒湯。但沙爹就差d，唔似沙爹味。反而胡椒就ok，胡椒微辣，好野味。另外，肉類同海鮮都要入紙，海鮮，有生蝦同蛤有4款牛肉，2款豬肉，1款羊肉每次黎既份量都得好少，四人份量選三份，但每次每款肉就每人得一片，蝦就一隻，真係。。。唔係好夠，再入單再落，好在上菜速度尚可。三款牛其實都唔太知佢地係邊款，但留意到碟邊三款都唔同色，同落單張紙每款牛隔離既色配對下，應該就可以分出邊碟係咩牛打咩牛。但每次牛既份量真係比較少，得三片真係一人一塊都無。而且有d肉質又呈瘀黑色，唔新鮮。三款牛其實食落去真係差唔多，分別唔大！其他食材就有四個雪櫃比大家自己拎，食得到幾多就拎幾多，拎一件試味又得，鐘意食拎多幾件又得，隨個人喜好，又可以減少浪費。仲有即制甜品，有香蕉班㦸，焦糖燉蛋，牛乳蛋白，仲有個甜品櫃，有d沙律，啫哩，布甸咁，但我就興趣不太，只係食左即制果幾樣，甜品都幾多元化。仲有雪米滋、雪條同雪

又一次馬辣 我唔係FANS 不過真心覺得任食火鍋黎講 呢度真係好值得推介👍🏻今次去左荃灣店 仲無旺角果間咁多人 正! 都係卡位為主 2個女仔霸左一大張台朋友點左麻辣 佢本身話就我點個唔辣 我話有得鴛鴦 怕咩渦 所以佢就要個小辣 我就要酸菜白肉都幾多酸菜 好正 好似仲正過上次個蕃茄湯底!🤪不過荃灣店食物擺放區無旺角店咁集中 分流得好好多 唔係逼埋一齊 但就要行多2步 今次試下新野呢個芝麻麻吉燒 其實即係湯丸 不過我就都係唔慣湯丸咸食🤣今次無食內藏 反而食得比上次仲多 芝士狗係我至愛 食完又食 韓國拉麵大大個 夠我地2個女仔SHARE!午餐肉係厚切嫁 ! 真係甚少有任食火鍋店既午餐肉係厚切 !!同行既朋友玩健康 所以我地齊齊飲涼茶 唔飲可樂! 竹庶馬蹄清清地 飲完一杯又一杯 

飛唔到台灣食麻辣火鍋，唯有喺香港揾麻辣火鍋食，台式火鍋撐行一個價錢吃到飽，香港呢間馬辣都係一樣！餐廳地方寬曠，有不同既坐位組合，由2 人開始到十人以上既檯都有供應！湯底選擇亦見多元化，除了台式湯底外，亦可選擇其他7 款不同味道湯底，唔食辣既朋友亦都合適！打邊邊最重要之一既牛肉都有勁多選擇，我最推介係安格斯牛，同牛小排！當然其他款式既海鮮同肉類都要點！同台式火鍋一樣，配料係自助型式，有4大個雪櫃既配料供選擇，内臟如大腸，鵝腸，雞子，牛根，牛柏葉都有供應，肉類如醉雞件，香腸，午餐肉也有大量選擇單係蔬菜都有一整個雪櫃既配料供選擇！肉丸，餃類係我覺得很出色既配料，足足擺滿兩個雪櫃！ 而且質素都很好，燕餃同麻吉燒，外面都係比較少見！仲有墨汁丸都係出色！牛小排，安格斯牛比較出色，多點也無妨！湯底可選兩種，我就揀左台式麻辣+ 雜菜清湯！麻煩湯用料都足，辣椒，鴨血，腐皮，跟足台式火鍋店一樣！重點係加湯係會加返麻辣湯，唔會只係加清水，確保麻辣湯唔會淡左！調味料亦係勁多選擇，超過20 樣調味料選擇，相信一定可以撈到最啱自己既口味出嚟！最後要講既係，既然係台式食到飽型式，點會少得任食甜品同飲品！甜品以雪糕雪

今日難得搵齊班FD,當然要去打返過邊爐,2小時$158/位,絕對足夠我地過足口隱我地揀左台式麻辣鍋(少辣)同芫茜皮蛋鍋,2個湯料都好足,麻辣鍋辣度對於唔太食得辣既人黎講完全接受到,皮蛋鍋清清地又可解熱氣又可中和麻辣鍋既辣醬料區有好多款選擇,連腐乳醬都有,真係好少見...配料同樣多款,除左一般既丸類,蔬菜菌類,仲有雞肉,內臟,少量海鮮等選擇,每款都好新鮮,我見不時都有店員增添食材...仲有2款新鮮既餃子,韮菜豬肉餃,韮菜味雖然唔太突出,但裏面都幾多汁,唔錯..而洋蔥牛肉餃就比較有驚喜,洋蔥同牛肉完美配合,香甜美味,而且肉汁豐富...精選肉類,我地叫左美國prime頂級牛梅花:肉質嫩,脂肪紋路分布均勻,口感香甜多汁.美國choice無骨牛小排:油脂均勻,略帶咬勁,牛肉香氣十足.美國CAB安格斯黑牛:軟嫩帶彈既肉質,肉味濃郁.美國精選牛五花:油脂比較多,口感豐富.海生蝦:新鮮彈牙,獅子狗中有芝士,幾特別,脆肉魭魚腩口感爽脆彈牙有嚼勁,是日海鮮係蜆,肉質爽嫩甜,無沙.蔬菜菌類都好新鮮.甜品方面有好多選擇,我揀左幾款黎試,法式燉蛋:味道香濃軟滑, 加上面層既香脆糖衣, 外脆內軟,令人回味...牛

第一次離食，book咗7點半枱，完全唔使等就可以入去同朋友2個入食，點咗麻辣湯底同酸菜白肉湯底，麻辣湯底仲有2種辣度可以揀，食得辣嘅朋友可以點辣啲個款，而且湯底仲有好多豬紅，酸菜白肉湯底你都見到好多菜同肉而且酸菜味啱啱好，呢間連湯底都咁足料真係好有驚喜肉類都有成7款，呢度只係其中3款，正常薄切又快熟，每份細細份唔怕叫太多食唔曬我係一個海鮮精，叫到海鮮一定係喪點海鮮!有海蝦同花甲，脆肉鯇魚片，脆肉鱔片同白鱔片，海蝦幾新鮮未有發現有霉咗或者甩頭嘅，花甲就差咗少少比較多沙但唔會影響味道，魚片同鱔片都算幾好，第二輪上俾我嘅鱔片係超厚切份量，好有口感，但相對離講厚切嘅骨有啲多其他丸類菜類嗰啲都係自己出去夾返離，好驚喜有豬頸肉同鵝腸，相比有啲任食火鍋場都無呢2樣嘢

本身朋友介紹荃灣開左間同台灣好出名既馬辣麻辣火鍋一樣既鋪，咁就諗住試下啦，台灣果間都幾好食的，但就好多人，好好彩今日晏就去到大鴻輝中心果陣都已經差唔多夜晚，唔洗排隊，正入到去個環境都係乾淨，同台灣果間差唔多樣，但唔知係咪做香港人生意，裝修同放野食既格局都比較似香港人平時去既火鍋店，野食都係有丸類，肉類，甜品果d野咁就叫左豚肉，牛肉，雞肉黎食，d肉類同魚真心唔錯，都幾新鮮唔會好大陣雪味，Good丸類就同平時既火鍋店差唔多啦，值得一提佢有好多野飲，岩哂我成日鍾意打邊爐飲好多野既人😂最尾食埋個雪糕真係好飽飽，雪糕仲要係我鍾意食既維記雪米滋。其實這間店鋪湯底，野食都唔錯，款式又多，真心可以同成班fd一齊黎試

平時同家人食火鍋都會揀味道較溫和的湯底，但今次想食台式麻辣鍋，而且仲係不用加錢就有鴛鴦鍋，岩哂我同家人，有辣有唔辣都可以一齊食火鍋，呢度有8款火鍋湯底選擇，較有特色包括有台式麻辣鍋、胡椒豬肚鍋、西紅柿洋葱海皇鍋、馬拉沙爹鍋，連泰式冬蔭功湯底都有。任飲任食2小時，每位$158我地揀左台式麻辣鍋及芫茜皮蛋鍋，前者有兩款辣度，小辣剛剛好，刺激得來有麻香，食完唔會喉嚨痛；後者芫茜味濃，皮蛋甘香溫和口味。醬料方面都好多種類，平時生蒜、炸蒜已經夠香，呢度還有炸香蔥，更加清香撲鼻，醬料更有腐乳醬，用黎配蔬菜都幾夾，不過發現其實湯底已經夠味，都是用醬料，反而見有生雞蛋，用黎沾肉就香夾滑。肥牛片唔少得，但有更好選擇，餐廳特別有美國頂級牛梅花、牛小排、安格斯黑牛、牛五花，全部都鮮紅透薄好吸引，仲切得夠薄快熟有口感。牛肉薄薄又大塊，輕輕涮熟就可以沾點蛋汁來食，好嫩滑又軟腍，牛味突出夾雜脂香溶化既香，味道好好，我地食左3-4 round，必食推介。另外，肉類都有黑豚五花肉、黑毛豬梅花、頂級小肥羊肉，不過我主打食牛。海鮮有海生蝦，好爽彈鮮味，蝦味重，估唔到點左幾次都用靚貨，證明入貨係新鮮。脆肉鯇魚腩同樣好食，爽

每逢晚飯時間 大鴻輝商埸一定排滿排隊等撘𨋢嘅人 而今次我地就決定打邊爐 馬辣台式鴛鴦火鍋 好采一早book定枱 吾係就又排等位安排咗我地坐卡位 位置都幾闊落 仲有個大玻璃 景觀一流湯底我地點咗個台式麻辣鍋同埋馬拉沙爹鍋 我地吾係食得太辣 都係點咗少辣除咗肉類同海鮮 其他都係自助形式醬料種類非常之多 豉油蒜蓉辣椒葱次次打邊爐都係必點嘅海鮮叫咗海生蝦同埋是日海鮮係蜆 海生蝦彈牙新鮮 蜆都好鮮甜美味肉類我點咗幾轉 最鐘意食 五花肉同埋豬梅花 肉類切得薄薄好易入口 要有少少肥肉先最好食最後到甜品喇 甜品係第二個胃 法式燉蛋 整得好滑 已經食咗好幾林

今月好友敘會選左位於荃灣大鴻輝中心8/F的馬辣打邊爐，兩日前訂左位，同朋友7點半到達後立即安排入座，店員並安排我們坐四人卡位，坐位濶落坐得舒服👍🏻唔錯，調味料就自行到出面調味吧調配，款式特別多啱哂各口味人士👍🏻，而湯底就選左麻辣同芫茜皮蛋(麻辣鴨血仲可無限添加😋)，跟住点了肉類有牛梅花、牛五花、牛小排、黑豚五花肉、海蝦同是日海鮮(蜆)，其它食物同甜品就响出面雪櫃自取有響鈴、粟米、魚皮、滑牛、丸類、豬頸肉、鵝腸、粉腸、水魷、豬大腸同稻庭烏冬等等種類繁多，飲品種類亦繁多有凍有熱，甜品有Dreyers雪糕、芒果布丁同啫喱，完全滿足哂我地的味覺，這間馬辣無論整體食物，價錢，店員服務好好(時常來加湯同加鴨血)，所以這間台式火鍋店，好值得向大家推介👍🏻😋

朋友慶祝生日於是去試下，火鍋湯底選擇都好多，叫左兩個湯底，唔駛加錢，一個係沙嗲湯底，另一個係芫荽皮蛋湯底，但個湯底味道唔太濃，中途叫服務生加湯，但佢加左水而唔係湯，所以食食之後直情無味，但肉類選擇非常多，都有海鮮好似蝦同魚都有，出面仲有其他食物可以自取，都有好多款。飲品都係自取的，好方便，甜品都可以，有好多種，推介焦糖燉蛋幾好食，仲有雪糕雪條！座位都幾好，唔會太迫，有卡位坐！整體都可以，係湯底的味唔太濃！

趁天氣轉涼左，2條友走去食轉馬辣暖下先。入到餐廳，好寬敞，又光猛，地下同枱面都好乾淨。混醬bar好多選擇，要乜都有。飲料唔使講勁多款式，仲有花茶沖，我沖左玫瑰玄米茶飲。我點左台式麻辣和胡椒豬肚做湯底，湯料好足呀，麻辣湯有大大舊豬紅，而胡椒豬肚就有爽口既豬肚食。至火鍋料放滿4個凍櫃，仲有我最愛既牛柏葉，鮮鵝腸。肉就點左牛梅花，特級牛小排同羊肉，d肉切到薄薄的，滾一滾就食得，唔驚熟得濟太韌。除左蝦同魚，有一項叫是日海鮮，我呢日就係蜆，碟蜆好鮮味又無沙，十個like。甜品掛住食無影相，焦糖燉蛋一定要食，好好好味。雪糕唔少得啦，Dreyers同牛奶公司都有，仲有雪米糍，朱古力雪條同大腳板，食到勁飽，太抵食啦。唔使去台灣都食到馬辣，一定再黎。

馬辣喺台灣食過一次，覺得唔錯，香港都有左一排，決定走上去試試，驚人多等𨋢時間耐，所以特登約六點半，一放工即衝上去因為早食，所以可以坐大張枱既雙人位環境大，乾淨企理坐得好舒服一坐低，即點火鍋湯底，選左鴛鴦鍋，一邊係台式麻辣（小辣），另一邊係酸菜白肉鍋底落足料，兩款湯底都好正自助餐形式，大部分係自取既，包括肉，丸，菜，飲品，甜品，雪糕。有部份係落單點既，全部任食，好似放題咁食物款色勁多，好新鮮，上菜收碟都好快手有四款牛肉，每種肉類都好食，質素真係唔錯飲品除左平時食放題會見既罐裝同樽裝汽水，涼茶之外，仲有菊花，玫瑰花可以沖水飲，勁體貼又有咖啡自助機，杯latte好掂