影片
更多
2018-04-26
131 瀏覽
平時同家人食火鍋都會揀味道較溫和的湯底，但今次想食台式麻辣鍋，而且仲係不用加錢就有鴛鴦鍋，岩哂我同家人，有辣有唔辣都可以一齊食火鍋，呢度有8款火鍋湯底選擇，較有特色包括有台式麻辣鍋、胡椒豬肚鍋、西紅柿洋葱海皇鍋、馬拉沙爹鍋，連泰式冬蔭功湯底都有。任飲任食2小時，每位$158我地揀左台式麻辣鍋及芫茜皮蛋鍋，前者有兩款辣度，小辣剛剛好，刺激得來有麻香，食完唔會喉嚨痛；後者芫茜味濃，皮蛋甘香溫和口味。醬料方面都好多種類，平時生蒜、炸蒜已經夠香，呢度還有炸香蔥，更加清香撲鼻，醬料更有腐乳醬，用黎配蔬菜都幾夾，不過發現其實湯底已經夠味，都是用醬料，反而見有生雞蛋，用黎沾肉就香夾滑。肥牛片唔少得，但有更好選擇，餐廳特別有美國頂級牛梅花、牛小排、安格斯黑牛、牛五花，全部都鮮紅透薄好吸引，仲切得夠薄快熟有口感。牛肉薄薄又大塊，輕輕涮熟就可以沾點蛋汁來食，好嫩滑又軟腍，牛味突出夾雜脂香溶化既香，味道好好，我地食左3-4 round，必食推介。另外，肉類都有黑豚五花肉、黑毛豬梅花、頂級小肥羊肉，不過我主打食牛。海鮮有海生蝦，好爽彈鮮味，蝦味重，估唔到點左幾次都用靚貨，證明入貨係新鮮。脆肉鯇魚腩同樣好食，爽
我地揀左台式麻辣鍋及芫茜皮蛋鍋，前者有兩款辣度，小辣剛剛好，刺激得來有麻香，食完唔會喉嚨痛；後者芫茜味濃，皮蛋甘香溫和口味。
醬料方面都好多種類，平時生蒜、炸蒜已經夠香，呢度還有炸香蔥，更加清香撲鼻，醬料更有腐乳醬，用黎配蔬菜都幾夾，不過發現其實湯底已經夠味，都是用醬料，反而見有生雞蛋，用黎沾肉就香夾滑。
肥牛片唔少得，但有更好選擇，餐廳特別有美國頂級牛梅花、牛小排、安格斯黑牛、牛五花，全部都鮮紅透薄好吸引，仲切得夠薄快熟有口感。
牛肉薄薄又大塊，輕輕涮熟就可以沾點蛋汁來食，好嫩滑又軟腍，牛味突出夾雜脂香溶化既香，味道好好，我地食左3-4 round，必食推介。另外，肉類都有黑豚五花肉、黑毛豬梅花、頂級小肥羊肉，不過我主打食牛。海鮮有海生蝦，好爽彈鮮味，蝦味重，估唔到點左幾次都用靚貨，證明入貨係新鮮。脆肉鯇魚腩同樣好食，爽脆肉質，少骨不腥，肉質有嚼口。是日海鮮是蜆，雖然不太肥，但無沙味道不錯。
火鍋配料超多款，自己想食就夾埋位，一共四大個雪櫃，放滿火鍋配料。菇菌及蔬菜都有10多款，少見的鮮海帶、韭菜、珍珠筍都好吸湯汁好好味，當然唔少得我至愛響鈴同山根。
頭兩層都是腸類、豆腐等等，但吸引之處是第三層的海鮮類，有爽滑水魷魚、彈性十足八爪魚、火煎魷魚好可愛也很彈牙。
旁邊仲有扇貝仔，雖是急凍，但口感幾好。
餃類及內藏也擺放得乾淨整齊，連台灣甜不辣也有，醉雞醃得入味，滑牛有如茶記鮮製牛肉，有咬感牛味特重又厚身，但要用較清湯底涮熟。
鮮豬潤好爽，雞子我第一次食，原來口感獨特，有想爆漿感且頗滑溜。
丸類終於出場，也是10多款，薑汁皮蛋貢丸夠特別，爆餡刺激味道又好，仲有芝士獅子狗，半溶芝士好滋味吸引，配微彈獅子狗好好食。蔬菜好乾鮮，仲賣相美觀，一盤盤放好。
另一賣點就是有兩款餃子，洋蔥牛肉餃，大玩中西合璧，洋蔥清甜帶香，配牛肉已經好夾，餃子仲要皮薄多汁。韭菜豬肉餃看似平平無奇，但韭菜比較更多，食落唔膩又香。
話明台式，除左有白飯，還有滷肉飯，岩哂要有米到肚既食客。
火鍋任食，連飲品都任飲，有各種汽水、茶、果汁、啤酒等等，選擇的確多，呢個價錢黎講，係值回票價。場內有兩大雪櫃放滿飲品自助。
嘉士伯及樂怡仙地外，仲連Somerset 蘋果酒及Asahi 櫻之宴啤酒都有。
另有勁到有咖啡機，可沖咖啡、奶茶及朱古力，特式飲品有薑母茶、乳酪奶、夏枯草、洛神花茶、竹庶馬蹄水及自己沖泡多款花茶。連飲品都多到唔知點揀。
飯後甜果有兩款，果肉夠甜但欠缺水份。
Buffet食到既即制朱古力香蕉班戟，火鍋任食都可以食到，配雪糕一流。
雪糕有5個口味是雀巢，也有5個口味是Dreyer’s，好難食哂咁多口味，最後揀三球不同味Dreyers
的骰可愛甜品有凍有熱，其中4款熱食。
凍食較多款，味道同外觀都好好。
意大利芝士蛋糕輕盈且餅底浸濃郁咖啡，喜歡咖啡的朋友不可錯過。焦糖燉蛋由於焦糖不脆，所以麻麻地。反而總燉奶又香又滑，奶味濃又不太甜朱古力味雪糕最正，有埋朱古力碎，士多啤梨都好清甜。雪米滋都有幾個味，抹茶味不假，算不錯。
張貼
