馬辣台式鴛鴦火鍋 (大鴻輝(荃灣)中心) (已結業)

星期二晚同家人又來荃灣馬辣打邊爐 7:30pm前埋單減$10，好抵食湯底揀左麻辣（大辣）同皮蛋芫荽清湯，食食下麻辣口味，偶爾食下浸在清湯的粟米、冬瓜，真係好好食！呢個配搭我最鐘意。麻辣湯底好夠辣同麻，有豬紅係入面調味料勁多食物有幾個櫃，種類好多。自己按照食量去夾，個人覺得幾好，唔會食唔晒最欣賞係 呢個價錢食到幾款唔同嘅牛，仲有羊肉。安格斯牛最好食呢款幾特別，口感似芝麻湯圓， 咸食都唔錯喎鐘意沖茶可以自己黎：呢度甜品有好多！ 雪糕同雪條都有。狂食dreyers 回本，哈哈哈麵包布甸同埋法式焦糖燉蛋都好好食焦糖燉蛋啲焦糖仲係脆卜卜的，食落質感好creamy, 蛋唔會過熟。 呢間餐廳有火鍋料、調味料同甜品都好有誠意，值得推薦！

今日去開荃灣食飯，同行朋友話想打邊爐，我心諗打邊爐唔使問一定係去大鴻輝啦。一去到樓下好多好多人，等咗一陣上到去， 嘩地方好大喎， 侍應俾咗一張好闊落嘅枱我地。呢度出名食牛肉，貪心嘅我梗係每一款有叫一碟喇。侍應一放到黎搭到成座山咁高 ，哈哈......我唔客氣啦。首先要讚好嘅係美國精選牛五花， 食落去好有鮮牛肉味，完全無雪藏味， 碌佢五六成熟 ，入口嗰下仲有啲鮮牛肉汁濺出嚟，充滿曬成個口腔 。另外要讚好嘅係美國prime頂級牛梅花肉 ，呢一種牛肉就比較少脂肪， 有少少入口即溶嘅感覺，亦都係充滿曬鮮牛肉味， 咬落去亦都係好有口感。 最後要讚下佢啲湯底 ，絕無欺場十分充料。

放工相約同事放工後晚餐，有人提議到荃灣大鴻輝覓食我哋一致贊成食呢間台式火鍋，”馬辣”好得意，會唔會就係普通話，麻辣嘅諧音呢😅地方好寬敞好企理，都好台式嘅感覺。我地點左麻辣鴛鴦喎，一邊皮蛋芫荽，一邊就係正宗台式麻辣湯底，啱晒我哋，因為有一朋友吾食辣，亦可以燙菜個湯底真係好香，一滾起麻麻甜甜嘅味道，同四川重慶嗰啲完全唔同，好啱我哋口味，一種台灣先食到嘅風味呢度係自助形式，種類繁多想食嘅嘢都有齊晒，仲有甜品，生果，雪糕，即場包嘅牛肉餃同韭菜餃，特別少少仲有滷水大腸😆三五知己一齊啤啤佢🍺🍺啤酒有獅威同嘉士伯，好識任食火鍋會用嘉士伯🤭有個骨籃，好細心，唔會成枱都係殼，乾淨企理😎店員俾咗一張六人枱我哋對住佢窗邊望住個view好relax，傾下計好開心呀食物都好新鮮，有安格斯牛小排，美國頂級牛梅花，黑豚五花肉，頂級小肥羊肉，海生蝦，顯，同埋脆肉鯇魚腩⋯⋯我哋叫咗四五轉價錢158+1呢個價錢來講簡直係超值之選

打風橫風橫雨，最好同朋友烚下烚下放題打邊邊，荃灣大鴻輝八樓嘅馬辣台式鴛鴦火鍋係上上之選，6:00左右去就最perfect ，等𨋢唔多人，上到去仲有窗口位揀，依家夏天遲天黑，可以日、夜荃灣景都睇哂，食物選擇極其多，尤其喜愛雪糕嘅朋友，可以一餐又打邊邊又雪糕，一次過兩種放題🤣飲品除左有汽水啤酒果汁外，有一壺壺花茶自助拼，玫瑰、菊花、薰衣草、綠茶、玄米茶等等，我將薰衣草配玄米茶一齊飲，好味道👍🏼湯底我哋要左小麻辣配清湯，麻辣辣度啱啱好，攞嚟滾肉好野味，清湯打鮮蝦、是日海鮮花甲、花膠及瓜菜就顯鮮甜食到飽飽之際，至發現調味吧枱後方有自家包餃子，有洋蔥牛肉餃子及九菜豬肉餃子兩種，洋蔥牛肉一咬流出肉汁，有啲驚喜，可惜九菜豬肉過鹹，亦無乜九菜味，都係食個韓國麵穩陣啲。

近排成日加班，放工都好夜，所以可以約朋友夜D，我同朋友仔都好鐘意食火鍋，可以邊食邊傾計，又唔怕D嘢凍晒，我朋友住荃灣，佢話呢間火鍋幾抵食性價比高，每人都係$158任食又可以坐耐D有兩小時，幾好！😋叫得做馬辣台式鴛鴦火鍋，就好似個名咁係食鴛鴦火鍋，鴛鴦湯底唔需要加錢💰，又有台式麻辣鍋🌶揀仲三種辣度揀添。我哋揀咗台式麻辣鍋嘅小辣同芫茜皮蛋鍋。揀完湯底可以去醬料區混醬。個麻辣鍋唔算辣都幾惹味，芫茜皮蛋湯底都幾足料又好多皮蛋🥚。D肉類有牛肉🐮、豬肉🐷和羊肉，海鮮類有海蝦🦐，鯇魚片🐟和鯇魚腩，同樣任點任食，我同我朋友就每樣肉類先叫一份。但海鮮類我同我朋友一向麻麻地海鮮所以冇叫。牛肉每份不太多，任叫時好容易預份量。我比較鐘意食無骨小牛排，覺得肉質唔錯，肥瘦均勻。除左D肉類需要落單之外，其實仲有好多火鍋配料好似肉丸、腸仔、菇類、菜等等，諗到嘅大部分都會有。仲有即包雲吞🥟，我覺得幾好味！呢度仲有好多飲品可以揀🍺🥤，食飽飽仲有生果同雪糕🍦做甜品🍮。

之前聽朋友講依間-馬辣用佰幾蚊，就可以食到有質素嘅台式麻辣火鍋，愛台嘅我點都要去試吓。放工兩口不說即衝過去，因為一到7點就到等位，醒目嘅我等咗一陣就可以入坐，入到去環境及坐位尚算寬敞唔會太過逼逼澀澀, 坐底就揀個 鴛鴦湯底一邊胡椒豬肚一邊就係台式麻辣湯底，點心紙上有唔同嘅牛肉及豬腩片揀，尾段就係海鮮類，至於其他火鍋配料就係自助式，自助式嘅配料選擇好多，有成4個大凍櫃嚟放不同配料，睇到我眼花繚亂，連醬汁方面都有好多選擇最特別有生洋蔥， 芹菜粒， 香蔥，辣方面都有成4至5種自由配搭，令我最驚喜係除咗凍櫃飲品外，仲有3款花茶可以自己焗多選擇到不得了，而火鍋配料全都好新鮮，連牛肉片全都好靚又大塊肉質又好，食灑咁多款牛全都唔韌又有肉味，仲可以食2個半鐘，食下攞落嘢食絕對滿足到我依類眼闊肚窄嘅人。

星期一慶祝好友第一日返新工，當然要慶祝恭喜佢啦，新工唔知幾點放工，就返佢在荃灣慶祝，大鴻輝就最多餐廳食肆選擇，我一早安排去搵定位，最近想打邊爐，見到間馬辣平平地，一於去試下！7點鐘入去到都坐滿大半，看來幾受歡迎！最好的是卡位夠晒寬闊，我們四人安排坐在6人的卡位, 很舒服!只有一張點菜紙, 首先湯底可以選兩款, 肥牛,豚肉, 海鮮都要寫紙仔, 紙仔上款式唔算很多, 是因為其他都自助自己出去拎的~肥牛有4款, 質素OK~蝦很大隻新鮮~推薦!有脆肉腩同蜆!!!!!!一點也不失禮~外面有很多肉類, 例如豬頸肉, 雞肉, 午餐肉, 丸類等我看到有阿姐即場包餃子, 兩款餃子分別是韭菜豬肉餃及洋蔥牛肉餃, 洋蔥牛肉餃有驚喜!!洋蔥很甜, 跟牛肉很配~另有即場製作的香蕉班cake, 內裡有一,兩片香蕉, 味道當然, 最令我欣賞是有dreyer's雪糕!!!一口氣拿了4球yummy 百幾蚊任食邊爐, 性價比高, 難怪坐滿人~可再食~

打邊爐真係冇分季節,有種心癮令我久唔久就想去一次 今日同我朋友去咗荃灣大鴻輝8樓【馬辣台式鴛鴦火鍋】打邊爐， 開頭見到個名有個辣字都驚驚地，但之後發現有其他唔辣既湯底，所以就決定食呢間。大鴻輝一如既往超多人排隊搭電梯。 好彩我同朋友book咗六點半上去食飯，成功避開左排隊既高峯期。一上到去，估唔到咁早都有50%入座率。職員安排我地坐窗邊既卡位。我地今次叫左鴛鴦鍋，一邊沙爹湯，另一邊係蕃茄湯。仲叫左5種精選肉。原來呢度除左精選肉類同海鮮類之外，其他食物同飲品係要自取。行左一個圈，發現食物種類好多，菜，丸，肉，即包水餃，甜品，生果，野飲。我最鐘意甜品，除左有3個雪糕櫃之外，仲有蛋糕同埋我最愛既焦糖燉蛋😍😍我食左2杯。另外一樣要讚既係野飲方面，除左有普通罐裝汽水同凍既果汁涼茶之外，仲有咖啡機，茶包，花茶，同埋熱水。我同朋友將鴛鴦鍋，分左做素食區同肉食區。沙爹湯放肉，蕃茄湯放菜。咁樣啲菜唔會吸太多油，感覺健康啲。呢間啲菜正常新鮮，可以同呢度客人多，啲食物去得快有關，我地食左4轉菜都見唔到有帶啡色好似少少燶左既菜出現。精選肉類上菜，但係我同fd分唔出邊盆係羊，證明佢個羊肉一啲都唔"so"。自取既

荃灣有好多多元化餐廳 今日就試下台式火鍋 5:30pm去到 唔洗等位 侍應安排坐窗口位 非常舒適😊 配料非常多 岩哂鐘意試新野既我😊食前有前菜 大蝦沙律😋 叫左鴛鴦火鍋 可以試哂2個湯底 另外仲有海鮮任叫 海蝦非常新鮮 好正😋火鍋配料有好多款式選擇 花多眼亂 連平時打邊爐見唔到既大腸都有😱 另外仲有貴價材料花膠! 值得推介既有蜂巢豆腐同芋頭 好粉😋😋呢度有自家製餃子 有多款味道 新鮮又好味！🤗🤗飲品方面有好多款選擇 有清熱既竹庶水 花茶 仲有乳酸汁 好開胃👍🏻甜品都有好多款 可惜太飽食唔哂😣下次一定會再黎食!

成日都聽人講去台灣一定要食馬辣，大鄉里既我啱啱先知香港開左兩間分店，一於去試試佢睇下係咪真係咁出名一入到去就見到枱面有啲紙比我地填，湯底都算多，今次就試左台式麻辣鍋加芫茜皮蛋鍋因為我地揀左小辣既關係，所以食落就唔係太辣。作為芫茜迷，見到個芫茜皮蛋鍋咁多芫茜 已經加左分填湯底果張紙有得揀埋肉類，牛肉都有分四種，個人認為最好食係白色果隻呢度同我平時食開既火鍋店有啲唔同，佢係自己拎野食而唔係落單既，係分量控制方面好過其他餐廳調味料bar甜品🍮 鮮奶蛋白布甸好食整體而言，馬辣係目前我認為最好食既台式火鍋店

這家馬辣台式鴛鴦火鍋，感覺好特別，在非常寬敞的座位上食火鍋，出出入入攞嘢食都好輕鬆。食物亦都選擇非常多，我哋叫咗胡椒豬肚湯同清湯，前者足料，後者也不錯! 唔好意思，我唔記得攪起個底d料先影相咗!食物方面嘅選擇都非常豐富，有美國頂級梅花牛、牛小排、安格斯黑牛同埋特選牛五花，試哂之後我就比較喜歡牛午花同埋安格斯黑牛，味濃痳。另外，片片都砌得好薄，淥完好林!手包餃子有兩款，我喜愛佢既洋蔥牛肉餃，一聽個名就知係無敵既組合吧！另一款係豬肉餃，都好鍾意嘅。 而且兩款都係皮薄餡多㗎! 另外攞咗海膽丸、年糕、千層豆腐同牛丸，全部都一樣美味，吸收哂個過嘅湯料之餘又有自己既味道! 沙猛魚一定要食，佢淥極都唔爛，有少少似九肚魚!甜品都無敵界㗎，佢有唔同嘅啫哩，又有桂花糕，雪糕，燉蛋，燉奶， 芥辣蝦沙律 等等等等……食過番尋味!

係呢到打邊爐真係一件好玩又滿足嘅事! 點解呀? 因為你要咩湯底有咩湯底; 要肉有肉(豬、牛、羊); 要補品有花膠; 要飲品有唔同飲品; 要甜品有Dreyer's雪糕、有pancake、有焦糖燉蛋、有旦白燉奶同麵包布甸。 一句講哂，多選擇到離譜，咩人都啱食!嘩! 你睇佢啲牛肉? 雪花黎㗎仲片得好薄，又滑又林又好味!羊肉都好正呀，絕對有羊味! 未熟個樣超級似parma ham，優質㗎!見到舊花膠嗎? 淥完之後真係好林，好補同好有膠質。 餃子亦都係自家製feel既，有兩種口味一個牛肉一個豬肉，兩種d肉汁都好豐富，皮又好薄。另外呢個薑汁皮蛋牛丸都好正正。真係從未試過咁新穎嘅 餡料!韓式公仔麵，肥嘟嘟，煙煙靭靭，浸完個湯底好好味。仲有呢個韓國年糕，好正都係軟軟淋淋、煙煙靭靭。墨魚仔記得睇住淥，一熟就攞起食嘞，爽夾鮮!😋罐裝飲品又有, 汽水又有,涼茶又有，花茶都有呀…不過冇影相🤣別家打邊爐呢隻蜆真係冇味嘅，但係呢到就極鮮甜!我推介既甜品有成四款，但其實選擇仲有好多，有唔同味道嘅啫哩，但我食到唔得閒記錄在案啦總之花款非常多， 我影咗呢四款係好好味既!

老公之前去台灣食過, 覺得OK, 所以今晚就過黎食野! 我地一行六大一小被安排坐一個大卡位, 所以出入會有點不便.價錢黎講, 真係好相宜, 出去巡左一圈, 都真係好多野食! 飲品任飲 (汽水, 咖啡奶茶, 花茶, 仲有果汁, 蔗水, 洛神花.....)即包水餃肉燥飯 :自己裝~~自選調味料都有咁多野生果櫃由於我地有小朋友, 所以一邊湯底要蕃茄 (唔辣) , 另一邊先要麻辣.甜品又有焦糖布甸, 不同口味雪糕 (有雀巢, 又有Haagan Dazs) , 雪條, 雪米糍, 即煎pancake! (仲有烏冬)坐低後, 就點餐了, 一黎就有咁多盤肉同海鮮了整體食物質素真係好好! 海蝦好新鮮, 食落隻隻爽口, 我地仲叫左幾轉. 湯底黎講, 麻辣味道唔算好辣, 大概可能要迎合香港人的口味. 但香濃既.肉燥飯好好味. 落單後又好快上, 唔會拖客人. 

今日放假約左三五知己去荃灣睇戲，睇完戲望一望錶原來已經差不多6點鈡，好朋友突然話好想食火鍋，於是我地不約而同諗起大鴻輝中心有間叫馬辣台式鴛鴦火鍋，我地便急急腳行過去食野喇！上到去見到好多選擇，有不同的丸，如芝士丸、龍蝦丸、貢丸、墨汁蝦丸、水魚蛋、豬肉丸、牛丸、厨師腸、脆皮腸、魷魚、八爪魚、蟹柳、炸豬皮、韭菜豬肉餃、洋蔥牛肉餃……等等蔬菜都有好多種類，如有金針菇、雞髀菇、秀珍菇、南瓜片、鮮海帶、蓮藕片、韭菜、白蘿蔔、珍珠筍、甜粟米、生菜、白菜仔……等等至於甜品飲品都一樣有好多選擇，如鮮奶蛋白布甸、焗麵包布甸配雲呢拿汁、藍莓奶凍、芒果布甸、綠茶慕斯、青檸啫喱、粟子蛋糕，仲要有dreyers雪糕添呀！飲品就有各式各樣的汽水，仲有夏枯草、檸檬茶、洛神花茶、橙汁、竹蔗馬蹄水……等等呢間真是超抵食，全部食材都好新鮮好好味，侍應服務亦非常好，下次我地一定會再來食過，正

天氣好熱，成三十幾度，但都要去打邊爐，唔知點解會咁，但係打邊爐真係好正，任飲任食，食材新鮮又多選擇，點解嚟左呢間打邊邊，因為佢唔單止名符其實符合晒以上基本要求，呢度啲冷氣仲係夠勁夠晒涼，又有落地大玻璃睇吓藍天白雲，爽呀。坐低叫左個鴛鴦火鍋：台式麻辣鍋同埋芫茜皮蛋鍋，一濃味一淡味，實行嚟個冰火兩重天。我特別喜歡呢度嘅新鮮豬潤，放入鍋中兩分半鐘之後放入口又爽又滑，如果豬潤唔夠新鮮喺做唔到呢個效果。仲有呢度啲蝦都好鮮甜，容易剝殻，蝦尾肉都可以用手輕輕一拉就出，都喺嗰句，唔新鮮做唔出呢個效果。有樣嘢好得意，就係呢款獨立包裝芝麻丸，唔係甜品，喺咸點嚟㗎，芝麻蓉喺口入面漲爆感覺又香又滑。多款Dryers 雪榚任食，我揀左有豐富果肉嘅芒果味同埋士多啤梨味，超正。