馬辣台式鴛鴦火鍋 (大鴻輝(荃灣)中心) (已結業)

已不是第一次到這間任食台式麻辣火鍋，喜愛台式麻辣火鍋的我真的覺得這家火鍋店真的物超所值。這裏的醬油部，白醋、黑醋、炸蒜、生蒜.......應有盡有！有多款不同牛肉選擇，台式肉丸都齊全，它的韭菜豬肉餃和海鮮更值得推介。不過，每次送來的海鮮份量有點少，所以提醒各位一定要不停入紙點海鮮。另外，最令我喜歡這家店的是....鴨血是可以任添的，服務員每次添加鴨血的份量都好補足！朋友知道之後大喜，馬上說下星期要再來！

一家大細諗唔到去食乜，最好就係選擇啲任飲任食，種類多多嘅自助火鍋啦！經過大鴻輝，整日都排滿人龍，哈哈因為 食肆多啩！呢間馬辣鴛鴦火鍋之前都好想去試，今日一家大細就即管排下隊啦！店內地方頗大，職員安排我們一家四口坐張大嘅卡位，地方很闊落，我哋入座後就四 圍睇下有咩好嘢食！除咗一啲靚牛肉及海鮮係自己點選之外，其餘一般火鍋配菜都可以喺出面自己選擇，除咗食物選擇多之餘，其他甜品、飲品選擇亦很多 包括罐裝汽水，鮮橙汁，花茶。甜品方面有什果啫喱，芒果布甸，雪糕、雪條…… 嘩真係講都講唔曬，我哋一家人都食得很開心！特別要補充嘅係海生蝦及鯇魚片都很新鮮，我最愛係安格斯黑牛，必食推介！

今日扮孝順同99打邊爐，去到荃灣最多火鍋店既大鴻輝，精明既老公揀咗馬辣鴛鴦鍋!台式火鍋點可以唔食麻辣，要就老人家另一邊就叫下火既芫荽皮蛋湯底。聽到唔啱聽既說話，最啱就係行出去攞食物，唔洗坐定定真係一個完美安排!唔怕行既話，每次出去拎一粒丸都冇人話你，唔洗剔一碟上枱幾粒丸冇人食浪費晒，落單紙可揀海鮮同肉類，我地多數揀安格斯黑牛，是日海鮮係蜆仔，全部海鮮質數都ok平時唔想去半自助係覺得夾食物時總會整到周圍污糟睇見都唔想食，但出去行咗個圈都唔見有類似情況，反而俾咁多款食物搞到我選擇困難，幾排凍櫃有齊蔬菜、丸類、粉麵、花膠、魷魚同沙猛魚飲品選擇都眾多，唔飲汽水既我主攻果汁先生橙汁同洛神花茶，食到滯滯地又可以沖返杯花茶，男士喜愛既咖啡都有齊老人家唔係好食肉，年紀去到幾大既女士都愛甜品，7款甜品樣樣都俾99食過晒，佢話最好味係奶凍同慕絲，連雪糕都食咗兩球，老人家既食力都不容忽視

很久沒有到荃灣找食！這次是因為馬辣香港才到來的，其實我知道了開了很久，但一直抽不到時間來吃！由於吃了台灣的好幾次，每次都非常滿足地走，所以這一次便來試試香港這家的！店內位置非常之大及非常多客人！比起我去台灣的那家還要大很多！有一個corner位給客人混醬！不同的丸類！！！不同肉類！真的多不聲數還有兩類的烏冬 包括了我必吃的稻庭烏冬還有多dreyers 雪糕任吃呢！由於我們太餓了，一坐下便一人一碗肉燥飯加蛋先填一填肚子點了兩種不同的湯底，有麻辣及沙嗲！已急不及待開餐了！有些肉類是跟店員點的，有些是自行出來拿的！香港分店的食物比台灣還要豐富及多選擇呢！由於我們是在假日前往，價錢是＄158 加＄10，總共＄168。加了一還用＄200，任食2小時！是任飲任食的台式火鍋，這個價錢在香港真的很難找呢！吃飽了還可以拿雪米糍作飯後甜品呢！

每次到台灣必食火鍋，馬辣一向好受歡迎，所以開到黎香港一路好想試，但一直同一位同樣喜愛台式火鍋嘅朋友夾唔到時間，終於復活節之前約到喇✌🏻大鴻輝中心多人唔駛講，大家留番啲時間等𨋢我地揀9:30先黎，因為平啲，$138一位。嘩！咁夜都爆場一黎到先揀湯底，可選兩款，台式麻辣鍋當然是必選，唔知辣度如何，所選一隻辣椒，另一湯底選馬拉沙爹鍋肉類及海鮮都係用點餐紙點，之前可以加單丸類及菜類等其他火鍋料就係自取，店員會不停添加，我地咁晏黎唔會話無乜款甜品有即整pancake，估唔到火鍋竟然有飲品除左飲品櫃之外仲有涼茶放喺另一邊是日海鮮係蜆，蜆同蝦都幾新鮮，唔似其他任食火鍋店咁蝦肉係霉牛肉共有四款，我地點左三款，唔會好薄最滿意係鴨血，鴨血係麻辣火鍋嘅精髓，一鍋大概有四五舊，兩個人食剛剛好，鴨血大大舊又彈牙，吸哂麻辣湯底食一流👍🏻一隻辣椒嘅湯底係好小辣度，下次要選兩隻辣椒甜品選擇都幾多，共有兩個雪糕櫃

無限加班過後 終於黎到長假期前夕了放工後約埋戰友一齊去食返餐勁嘅近近地大鴻輝啦 總有一間岩心水的戰友㨂左馬辣火鍋放題 好彩唔洗等位叫左個鴛鴦煲 有清熱嘅芫茜湯底同勁野麻辣湯底麻辣湯底入面重有豬紅 夠晒入味 好好食接下來緊出去大雪櫃拎野食啦 款式都幾多 完全唔知食邊樣先 唯有每樣拎少少啦淨係食丸又點滿足到我地丫 叫埋靚牛就差唔多有prime 牛梅花同安格斯 重要無限任食牛魔王嘅我叫左三/四轉重有海鮮啦 都算新鮮架 最後出去食埋甜品就大滿足

因為復活節假, 第二日唔使返工既關係, 出街食飯食晏D都得啦。之前已經係旺角店食過，對呢間台式火鍋念念不忘，今次咁岩尼到荃灣呢邊見返佢，點可以唔食呀!!!!!位置係食廈 大鴻輝中心，食飯時間既關係，排隊等lift 上去係超多人，龍尾係出左幢大廈，好誇張...終於上到去門口，諗住要等好耐位啦，又唔使等好耐既，我叉左一陣電就有位~佢比左張4人枱我地兩個人坐，坐得好舒服點餐同旺角店一樣，湯底、牛羊豬同海鮮類都係寫紙點既其他配料就係出面凍櫃拎既趁等緊個鍋同牛肉既時候，我就睇吓有咩飲啦罐裝飲品，平時飲開既都齊涼茶都有鍾意熱飲既有花茶仲有咖啡類醬料區好整齊企理，一眼睇晒咩醬打咩醬，基本上我講得出既醬都有火鍋豉油豉油旁邊有餃子，洋蔥牛肉好新鮮旁邊仲有香蕉pancake飯都有呀牛肉尼左喇，兩個人份量每碟3、4塊岩岩好!可以試多幾款食完記得認返碟邊顏色再加單呀~脆魚鯇，爽海蝦同是日海鮮(蜆)食過咁多間任食邊爐，呢間既蝦係最好食既!呢D 係凍櫃拎既，冇邊樣係唔好食不過蘿蔔切薄D 就好喇，太大舊要臨尾先食得食到咁上下，又係甜品時間有我最愛既雪米糍，不得不讚既點--> 三款雪米糍係分開擺!因為出面有時

呢間好大 坐位又多 好濶落 唔似其他既任食鋪密逼逼個種 我兩個人食 可以簡兩個湯低 正呀 我就簡左胡椒豬肚湯拼番茄湯 佢胡椒味重 勁香口 番茄味就好開胃 甜甜酸酸咁佢本身有時令海鮮 黎到係新鮮蝦同埋蜆 超正呀 仲可以係咁再叫 最衰掛住食 唔記得影相 佢仲有好多特色野食 有即整既香蔥牛肉餃 呢個都好香好好食另外佢仲有好多野可以自己去拎黎食 我覺得最正就係花膠同豬大腸 花膠就唔洗講啦 貪靚既我緊係食多幾舊 豬大腸係大大舊 好香 好林 好鬼正香蕉忌廉班戟都係我致愛 佢即刻整 個皮好彈牙 又勁香 好多香蕉溶 再配朱古力 好好味甜品有熱有凍 不過食到尾聲真係好飽 我簡左熱既鮮奶燉蛋白 同埋啫喱食 雪糕都好多選擇 不過我就食唔落啦仲有勁多野簡既野飲 有罐裝 有即飲 我就簡新鮮既野飲

又到sad Monday 喇，今日終於試咗想試好耐嘅火鍋店，今次早左嚟，夜左就越來越多人任食火鍋店嚟講，依間算勁多嘢食首先揀咩湯底先，我地揀左麻辣小辣同蕃茄洋蔥海皇鍋，仲叫左每樣肉類一份是日海鮮係花甲，好新鮮彈牙，正，海蝦好新鮮，而牛小排，黑牛都幾好食除左紙上面嗰d,出面仲有勁多嘢飲，好多丸類蔬菜可以拎，值得一讚係refill 速度好快，客人都無出現要爭拎嘢食既狀況都有好多特別既丸，仲有拎湯丸嚟打邊爐，又俾我想像中正常😂調味料五花八門，任君選擇甜品都有好多不過其實淨係食二輪邊爐，已經完全食唔落甜品現場有姐姐們即刻包既餃子，好食又新鮮，二款都唔錯雪糕方面，任食4款dryers ，石板街，曲奇，雲尼拿，同芒果，仲有好多牛奶公司任你揀嘢飲就啤酒，汽水，茶等任你揀，滿足有選擇困難既大家總括嚟講，任食得嚟食物質素不錯，坐得舒服寬落，朋友家庭聚會可以選擇依度丫友善提醒，上去餐廳既𨋢要喺大堂排隊，大家預鬆小小坐𨋢丫

同朋友慶祝生日想食得豐富啲，多選擇，又要搵近，行完街，就可以去食，所以揀咗這間 任食。夜晚七點鐘到，已經見到全場爆滿，仲要等第二張枱，入到去有張紙畀你揀火鍋，可以揀兩款火鍋，都有八款俾你揀。全部都是任食的，158蚊就可以食，食這些都已經覺得好抵，出面仲有好多款畀你選擇呀。有即包餃子:有牛肉同埋有豬肉， 仲有咖啡，朱古力機畀你自己斟，又有中國茶，又有果汁畀你飲 。食物出得快，收碟收得快，服務好仲有海鮮俾你叫，有蝦，有蜆，有魚，有脆肉鯇魚腩同魚片，有牛肉，有四五款，有豬肉有兩款，有小肥羊，我全部叫1份。啲牛都好食，唔會好肥，簿切，快熟，個蝦好甜，好彈口，蜆都好鮮甜，好肥美，羊肉好so，好好食，脆肉鯇魚腩同魚片好脆。帶子任食，好味道，豬頸肉好爽口，鮮牛新鮮，醉雞有少少酒味。我揀咗胡椒豬肚同埋馬拉沙爹湯底。有甜品。正。我揀左士多啤梨同咖啡奶凍，好正。好味道。有 dryer雪糕成10款啦，我無食雪糕，食糯米糍同生果。響鈴等左幾轉，先有得食，好快俾人攞晒。好脆。丸類有20款有，仲好少見，有魚刺丸，甜不辣，菇類有幾款 ，魷魚都有三四款俾你揀，又有卤豬腸，有粉腸，又有牛孖筋，又有豬頸肉，仲有花膠等等啲

今次同屋企人食火煱自助餐😳感覺好寬敞同算整潔，大部分好多都係卡位形式。我地6個人都被安排坐卡位。家人因爲覺得咁坐出入唔算太方便，但店員唔俾我地調位呢👉🏻👈🏻 不過好彩6人卡位都唔算太窄既⋯⋯👀除左汽水外，仲見到好多款式的特別飲品。仲見到有特別唔同的熱茶包，雖然自己最後都係揀返汽水飲😂但呢樣覺得幾好幾貼心的。有唔同好多種類既食物俾我地揀👀個人認為都好多野食可以揀😋！但菜既種類都少咗啲了。因為頭一轉仲有菜心，生菜拎，但之後幾轉都得返小白菜揀了🤢小白菜感覺打邊爐冇咁夾呢🤔有雀巢雪糕同Dyrens既唔同味雪糕，又有大腳板，雪米滋，牛奶樂，等等。真的好多雪糕可以揀喔😍👍唔怕冇雪糕唔岩自己啦☺️甜點吧，都算ok既😀我地揀左清菜湯底同沙嗲湯底😀清菜湯底個人覺得幾清甜喔😳Dyres曲奇味好好食😀但要自助筆雪糕，同呢款俾人拎哂咁滯，好辛苦咁筆先筆得咁少🤢相反，雀巢既抹茶味反而仲有好多剩，就好易筆啦。但一食⋯就覺得同我平時食開既抹茶味既雪糕好唔同🤢成個好化學味。初時以為係我味覺問題，但家人試左一啖都覺得陣味好怪🤢雪米茲佢有紫薯，荔枝同榴蓮味。我揀左紫薯味。感覺都係香芋味先最好食喔！紫薯味都有點假喔😭可惜冇得

今日同男友嚟到荃灣覓食，見到呢間馬辣火鍋，男友話台灣都好似有間類似嘅火鍋好出名，咁就緊係唔好走雞要去試試😋食物選擇非常多！！除左有點菜紙嘅肉類同海鮮外，仲有4個大雪櫃係放丸類/菜類/少量肉類，仲有張L型嘅長枱係放一啲新鮮即製嘅食材。海鮮唔錯幾新鮮，蜆肉好鮮甜👍🏻👍🏻蝦唔係死蝦，肉質好彈牙~肉類總括而言都ok，特別推薦無骨牛小排，肉味幾重，混搭海皇湯底非常match!! 簡直係牛魔王至愛呀！另外不得不讚姨姨親自包嘅韮菜餃，皮薄餡靚，食落去超足料，男友不停encore又encore😂😂飲品同甜品嘅選擇亦比一般嘅放題或者火鍋店多，除左 汽水之外，仲有唔同嘅熱飲同特飲，以呢個價錢嚟講，簡直係相當超值！！

我其實唔係成日會寫食唔評既人，但發覺食店有問題必定出聲，希望大家唔好中伏，上星期五同班Friend去食，其實今次係第二次食呢間，還記得第一次食，各方面都唔錯，但今次就質素已下降不少，最令人不滿就是服務態度，我book 6:30, 應該食到8:30, 但8:10有個樓面同我地講，夠鐘要交枱，咁我話乜唔係至到8:30咩？跟住佢就走開左，10分鐘後，又有樓面走埋黎要執走d野，ok,反正我食緊甜品，其實食2個鐘既時間都唔太多，佢地仲要偷我地時間，真係有點過份囉！

今次食哩間去到見到已有大量多款食品，等我食佢。調味選擇多，醬汁又多，較特別是花椒油，加了非常之香。有新鮮即包嘅韭菜餃， 餡料鮮味，水餃皮唔太厚又彈牙。蜆肉隻隻新鮮鮮甜。 喺自助吧攞咗個西北麻吉燒， 膠袋寫明係火鍋配料， 適合有啲似湯丸，餡料有好香嘅黑芝麻味，又鹹又甜唔錯，值得一試。 脆鯇片新鮮嫩口黑豬梅頭肉又淋又滑。牛都有幾款選擇，我哋就揀咗肥牛同埋小牛排，比較鍾意食小牛排因牛味濃d。下碟碟新鮮，食完一碟又一碟韓國不倒翁麵加上邊爐湯底一齊，食非常惹味飲品除咗啤酒、汽水同埋一啲熱咖啡奶茶之外，清清地可以沖杯花茶雪糕有dreyer's， 中另外有幾款雪條同埋雪糕糯米糍揀係醬料旁邊，仲有熱嘅燉奶同埋法式燉蛋添。同成班朋友一齊開開心心食個夠

今次係第二次食馬辣火鍋，上次幫襯係行過路過是旦試下，但結果都唔錯😜今次就再帶朋友仔黎食，好彩今次有訂檯咋，如果唔係就要等位啦✌🏻呢個價錢真係超值，仲要食到夠鐘又可能已經無咩人等位，職員都唔會吹你埋單交檯八款湯底選擇，仲可以選兩款，一個辣一個唔辣，啱哂大家喜好啤酒汽水任你選凍既唔啱飲，仲有熱飲選擇👍🏻不過本人打邊爐喜歡配可樂😝除咗🐖🐄🐏🦐🦀🐟要寫紙外，其他食物都係自助既，雞子都有架醬料區都好大喺醬料區隔離有自制餃子架，記得食呀，好新鮮火鍋牛都有三款選擇，絕對唔係普通料當然仲有甜品區啦，即制香蕉pancakes 👍🏻👍🏻埋單都係每人百幾蚊，超值👏🏻