香香宮煮 (金輝大廈)

營業中

休息中

地方頗為狹窄，但是它的食物令我忘記它的不寬敞。我叫的「黑胡椒肉蟹濃湯鍋」（鬼記得是甚麼公主），等了很久，然而上檯燃點酒精後，就明白為何要久等。肉蟹鮮甜肉嫩，蜆隻食極都有又肉厚，重點是其豉椒濃汁好味到多次舔手指（因為吃蟹要用手），而且之後多次加湯只會令汁液更濃更香辣！叫的食物不算多，但油麥菜清甜，鴛鴦蚌新鮮爽脆，山根不太油，蟹黃餃啖啖蟹肉，芝心墨丸好芝味，與及邪惡又抗拒不了卻吃兩條即刻飽晒的黃金響鈴，每一樣都令人回味無窮。未埋單已經約定友人下次再來。

老婆想打邊爐，但又唔想食任食，上op搵左呢間特色火鍋店。宮廷式既主題，岩晒港女黎打卡，仲有得借衫著扮下公主(不過疫情下應該無咩人著🤣). .全部野食都散叫，湯底選左豬軟骨蕃茄湯$198，除左蕃茄同豬軟骨，裡面都有好多紅蘿蔔唐芹洋蔥等，岩晒女人食既湯底🙈.食火鍋必叫牛肉，佢有安格斯牛肉同本地牛肉擇，價錢都一樣，350g(大)收$348 ，牛肉都唔錯，有咬口得黎牛味夠，個人覺得好食過安格斯牛，起碼唔係冰鮮既。之後都係大路既打邊爐材料；厚切午餐肉$58-炸過先上碟，唔使再煮都已經夠熱同脆；蜂巢冰豆腐$48-要黎吸晒個湯底最正；豬肚$48 呢個要滾耐少少，洗得乾淨無臭味；陳年花雕醉雞$78 酒味好重，應該浸左一段時間，放左落湯底都好滑同有味；海鮮種類算多，叫左脆鯇腩片$88 好食唔痴牙 唔會太硬好難咬。.用apps登入可以儲分，夠分又可以換野食。飲品偏貴d，食物還可以，尖沙咀黎講真係算唔錯。

今日係尖沙咀同屋企人打個中式邊爐，餐廳裝修非常有特色，就像進入了朝廷的宮殿一樣～湯底和食物的選擇都幾多，$26的醬料費有九宮格配料供客人混醬！另外印象最深刻的是店員會開爐為客人消毒餐具，非常貼心，令我們非常安心使用！豬軟骨蕃茄湯底湯底非常足料，而且真是啖啖新鮮番茄的味道！還有不少的豬軟骨，味道手切頂級安格斯牛肉有成個好浮誇嘅冰箱座住上，氣派都足！每塊牛肉都係開邊切，而且每塊都有一定厚度，食落好有口感，而且果然係安格斯牛肉，牛的香味十足，肉質彈牙而嫩滑！餃子拼盤有韭菜豬肉餃、黑松露蟹肉餃、蟹皇餃、鮮蝦鳳尾雲吞各2粒，黑松露蟹肉餃非常之爽口彈牙，而且黑松露味十足，皮亦唔厚，幾好食另外我仲食咗鮮蝦鳯尾雲吞，真係有成隻蝦包係餃到，好搞笑，食落就同普通雲吞差不多肉丸拼盤有爽骨豬肉丸、手打鮮牛丸、松露芝心墨魚丸、手打蟹籽鮮蝦丸、手打蟹籽墨魚丸各兩粒丸好高質！一d都唔粉，而且真係夠曬爽口彈牙，仲食到各樣食材的味道～真的不錯！魚滑雙拼：蟹子蝦滑+黑松露魚滑蝦滑好爽彈，加上蟹子卜卜脆的口感，食多幾粒都唔會厭。黑松露魚滑因為係魚肉的關係所以冇咁彈牙，但係仍然都好滑，而且黑松露味非常之充足，食落味道都唔錯！

天氣已經開始轉熱，一眾朋友都想襯還有些少涼意時盡情去食火鍋，其中一位朋友就介紹了這家宮廷風格的火鍋店，現在餐廳有訂座優惠，我們就訂了放工時間好好的放鬆一下。餐廳裝潢非常有趣，有王位及宮廷服裝可以打卡，連餐牌都用聖旨的設計。而且職員會在我們面前高溫消毒餐具，好衛生！食材和醬汁配料的選擇都有很多，最特別是餐廳有蔥油及芝麻提供！一般的火鍋店都沒有這個選擇～飲品方面點了竹蔗茅根，放置飲品的用具都是宮廷用品，竹蔗茅根味道清甜，不錯～湯底方面我們就選擇了花膠雞湯鍋。個雞湯非常濃郁！可以放雞前先飲一碗湯，味道鮮甜且不油膩，飲了兩碗後都沒有口渴，想必沒有加味精！花膠的口感比較軟稔，味道一點都不腥！而半份的雞件份量都非常多！跟著職員提議的煮食時間來煮，雞件煮得非常嫩滑！配搭餐廳的蔥油醬油更加滋味！配料方面都好出色！蟹黃餃六粒售$98，包得大大粒，皮夠薄之餘，肉餡內有極多蟹膏，咬開會見到肉餡被蟹膏染成橙黃色，好足料！蜂巢冰豆腐食火鍋必點，能夠將湯底的精華都吸盡，這個雞湯底既健康又濃郁，跟蜂巢豆腐的豆香味好配合～手打蟹子蝦滑份量絕對不少，而且蝦滑沒有完全打成蓉，保留了一點蝦身的口感。口感彈牙！香香宮煮響鈴拼

之前限聚令2人一直都無咩機會打邊爐，始終兩個人食得唔多野，今日難得約齊成枱frd(其實咪又係4個😅) 打邊爐，搵左呢間宮廷主題既打邊爐，Openrice coupon有全單88折。.醬料費每位$26 ，湯底有差不多8種選擇，由$198-$398不等..我地擇左「豬軟骨蕃茄湯鍋$198」蕃茄湯底好濃加上豬軟骨會愈煮愈淋，烚吓烚吓連骨頭都咬得爛😋.食材方面價錢都合理，因為同行友人麻麻地海鮮就無咩點，主要係好想讚個「手切本地牛肉$348」手切牛只係賣3xx都算幾平，牛肉嫩滑又厚切，食落好有口感👍🏻之後仲有個「魚滑雙拼$128」都值得介紹，蟹子蝦滑蝦肉滑實；黑松露魚滑就比較爽口，「豬頸肉$48」個擺盤好特別，整到好似一朵花咁。「韭菜豬肉餃(6粒) $78 」令人驚喜，皮薄得黎個韭茶味好重又濃，加埋個蕃茄湯好好味。最後想講個「響鈴拼盤$78」係有原味+鹹蛋黃味 ，好脆身同埋好大卷，勁邪惡但又好食😆.呢間餐廳平時食lunch係58折，早入座又有折，價錢唔貴又坐得舒服😉都算唔錯既打邊邊選擇。

2021年3月28日 星期日又到左週末嘅時間，當然要抽時間陪下屋企人，所以今日就同老婆約咗屋企人去尖沙咀食飯，選擇咗我爸最鍾意食嘅火鍋一入到門口就俾佢裏面嘅裝修嚇親，因為好似置身宮廷咁樣，仲提供服裝俾你着上去影相添坐低咗之後睇返餐牌，估唔到連火鍋名都有宮廷元素，其中火鍋湯底用咗唔同公主嘅名，幾特別，最後我哋要咗長平公主，即係豬軟骨番茄湯，再加其他配料一落完單之後店員就送上調味盤俾我哋，賣相好精緻，就連豉油都用咗個鼎嚟裝住，可以自由調味，最特別嘅地方係有白芝麻同葱油，好少餐廳會提供大約10分鐘之後湯底就送到，見到係好濃郁嘅番茄湯底，裏面仲有好多豬軟骨，湯底幾鮮甜之後食物就開始陸續送到，首先有手切頂級安格斯牛肉，睇得到牛肉切得好薄，而且脂肪分布好平均，放落去火鍋到淥大約1分鐘左右已經熟晒，食落去充滿牛肉味之後有肉丸拼盤，分別有三款唔同嘅味道，其中我覺得松露芝心墨魚丸最好食，因為咬落去真係食到芝士流心嘅效果，而且松露味好出全部丸類都幾彈牙，有咬口，真係似手打嘅至於呢一個餃子拼盤，有韭菜豬肉餃、鳳尾鮮蝦雲吞、黑松露蟹肉餃等等，真係做到皮薄餡靚，每一隻都包到好足料，就連鮮蝦雲吞都見到有隻蝦尾喺度

之前嚟食個香香官煮，今次再翻兜純粹係因為佢哋服務同埋食物嘅質素都十分之好。一坐低已經有專人幫手消毒碗筷同埋提供搓手液，咁大家就食得安心啦。今次試咗個新嘢泰式冬陰功卜卜蜆煲（$198），卜卜蜆煲入邊超多蜆食到最尾都仍然有好多食唔晒，可能因為叫咗太多其他食物😅 而且蜆肉入邊完全冇沙，而且蜆肉好鮮甜。至於個冬陰功湯底就不錯，只係密度有些微不足，啱晒啲唔敢食辣嘅朋友。今次好想食牛肉，所以就叫咗個玉面公主四國牛肉拼盤（$498），呢個牛肉拼盤入邊有唔同和牛嘅部位。上枱嗰陣時出晒煙啱晒打卡😂但係牛肉嘅質素方面一啲都唔輸蝕，和牛雪花分布平均，而且份量十足。但係建議大家唔好淥得咁熟，咁就可以食到最出色嘅和牛啦☝️至於其他火鍋配料我大力推介呢個黃金炸響鈴（$78），個響鈴係即叫即炸既，仲熱辣辣。所謂黃金其實即係鹹蛋咁解，鹹蛋配響鈴好match，雖然好邪惡但係打邊爐浸落個湯度一流呀！ 另外呢度嘅手打丸都整咗10分出色，今日叫咗兩款各四粒，每款都係（$68），第一款叫咗黑松露芝心墨魚丸。松露香氣十足，而且墨魚好彈牙，入面仲有流心既芝士！👍另外第二款係手打蟹子鮮蝦丸，一粒蝦丸入邊啲蝦手打到起晒膠，睇得出師傅真係

疫情下weekend同一班好友行山再食飯吹水已經係生活中嘅小確幸～友人話想打邊爐，又咁啱見呢間火鍋鋪d相個鍋中間有一條好似煙囪嘅管，宮庭式設計個concept幾特別於是去試試～ 火鍋鋪採用古典器皿，九宮格醬料嘅豉油壺同裝竹蔗茅根個壺就仿宮庭銅器，印有圖騰 ，好有心思～鍋底我地揀左胡椒酸菜魚鍋。雖然侍應生將鍋底端上果刻先發現原來胡椒酸菜魚湯係用四方鍋而唔係用宮庭式鍋，但呢款湯底酸得嚟唔係好辣，十分開胃。而且魚片、酸菜、芽菜同豆卜嘅分量好多好足料，唔錯唔錯！食物嘅整體質數中上，擺盤吸睛！頂級雪花牛肉上盤時仲有乾冰營造出仙氣，牛肉油脂分佈平均唔韌。西班牙黑毛豬好爽，完全冇雪味。 打邊爐又點少得肉丸同餃子拼盤～餃子拼盤有韭菜豬肉餃、黑松露蟹肉餃、蟹黃餃、鳳尾鮮蝦雲吞各兩粒。原本最期待嘅蟹黃餃顏色就夠晒橙黃但味道唔係好出，反而鳳尾蝦雲吞幾爽口鮮甜，成條蝦尾出晒嚟，好過癮！手打蟹子蝦滑、黑松露墨魚滑雙拼可以自己控制分量，兩種滑都好爽口彈牙。肉丸拼盤有爽骨豬肉丸、手打鮮牛肉、松露芝心墨魚丸、手打蟹子鮮蝦丸、手打蟹子墨魚丸各兩粒。爽骨豬肉丸幾出色，juicy得嚟因為混入左軟骨令口感十足！我哋仲叫左響鈴

終於可以堂食晚巿，好耐無同朋友夜晚吹水食嘢。所以打邊爐係我嘅頭號選擇。香香宮煮都好有gimmick,係門口有張龍椅同衫可以借俾你影張靚相。而入面啲裝修都好古式下，今晚我就分到坤寧宮，叫定啲嘢食等皇上黎寵幸下..我。皇上鍾意白滑美人，當然叫左個花膠雞湯黎養一養顏，侍應都會俾個suggestion叫飲左個湯先，再落雞。個湯真係好飲嘅，所以我都飲左2碗唔知係咪人多，啲上菜有少少亂，我地叫左手切牛，蟹粉餃，墨魚滑，鴨血，牛骨髓，午餐肉。但係呢…我最唔滿意就係鴨血，因為感覺似豬紅多過鴨血，可以不試。我最欣賞就係個手切牛同午餐肉，手切牛係好新鮮，好彈牙，睇相都知新鮮，靚貨。午餐肉就熱嘅，就咁食已經好好味今晚3個人食左千五蚊，已經叫得唔多嘢，compare係偏貴少少嘅...嬪妃今晚食左唔少好嘢，如果有皇上黎埋單就好啦～皇上

上月週末來到尖沙咀，雖然天氣唔係好凍，但係好想打邊爐，喺OpenRice度搵到一間叫香香宮煮，有五八折優惠，仲係無限時，當然要去試吓。入到香香宮煮嘅門口，見到有張龍椅，同埋有啲清裝掛咗喺度，應該係比客人穿着影相嘅，不過我哋就無著。 現在疫情嚴重，通常兩個人都可以坐四人卡位，所以二人坐好舒服。我哋一坐低，侍應就擺低啲杯碟碗筷同一大碗熱水，幫我哋清洗杯碟碗筷，服務非常好。佢哋個Menu都好多嘢食，而且全是五八折優惠，另外佢哋有午市優惠套餐A, B, C, 我哋揀咗A餐，原價$844 優惠價$388，當然無再五八拆，但都好抵食，包括火鍋湯底，有五款俾我哋選擇，我哋揀咗花膠雞湯鍋，火鍋料有頂級雪花牛肉、白沙蜆、新鮮海蝦、爽骨豬肉丸四粒、豬頸肉、蜂巢冰豆腐、香香公主雜菇拼、唐生菜、日本稻庭烏冬、另羊肉片，因我哋唔食羊肉片，所以轉左個差唔多價錢嘅紫菜腐皮卷。最初我哋諗佢個套餐$388咁平，食物份量應該會好少，如果唔夠飽就另外再散叫，但係估唔到原來份量都唔得少。首先我要講吓佢個火鍋湯底花膠雞湯（套餐沒有雞件跟，所以只得鷄湯和花膠），佢啲湯底全部都係真材實料，佢哋啲花膠好大塊好厚同埋數量都唔少，雖然唔

打親邊爐都諗起香香宮煮👍🏻都嚟過好幾次😋😋忍唔住發表下意見🤣🤣除左食物❤️❤️啲服務都啲員工會同我地講下笑仲會介紹下啲野食比我地💕💕今次叫左牛魔王拼盤✨✨比較下，本人覺得本地牛好食啲🤤🤤佢啲餃呀⋯⋯丸呀⋯⋯都好正炸魚皮同響鈴脆到颯颯聲又無油膱味✅✅✅大部份食物都有水準👍🏻仲有就係個環境❤️❤️當初第一次嚟係因為個裝修🥰🥰一入到門口有張龍椅俾你坐又有宮廷服俾你着住扮娘娘影下相📸️都算有啲野玩下🤣

再光臨 預期試新餐廳 不如回去覺得不錯的餐廳畢竟時間沒有很多近近的 把路程轉為享餐時間更好這次也沒有迷路 沒有多上一層這回我們點了個辣湯底 小辣的湯底有鴨紅 豆泡 木耳看到紅紅綠綠的就已經覺得開胃料我們就點了 半熟（？）豬腩片山藥 竹笙 松露魚丸 豬肉丸（？）牛肉 豆苗 山根 墨魚丸 豬肉菜餃 牛柏葉這次是朋友發板 所以有些在下也不知道是什麼反正好吃就好而且這次點的份量好 不多不少沒有end Call 吃到5:30左右我們還能坐一下閒聊著不過今日我們得到一個不錯的經驗就是如果想吃菜 最好就別點辣湯底了如果又要辣 就去吃鴛鴦湯底後期的菜把油和辣都全吸了在下還要挑椒粒😅感覺有點浪費美好的食材湯也不能喝所以下次還是乖乖別吃辣另外就是記得Open Rice訂位和登記做香香宮煮的會員存積分

第一次中午時間打邊爐，難得有個同自己一樣愛打邊爐既朋友，佢話想試下，適逢佢1月31號前6點前結脹，成張單有58折，就試試佢啦！去到門口已經見到幾件中國官廷衫，裝修都幾有心思。一坐底佢地會用個鍋放啲碗筷，然後加熱水，再開電爐快滾，佢地會細心幫你洗埋，呢個高溫清洗，我幾滿意，亦非常衛生👍🏽佢既menu 整到好似奏摺，我地揀左胡椒酸菜魚鍋有好香胡椒味，但不會太辣，佢有好多酸菜同芽菜，但吾會太酸，又吾會有好大層油係面，啲魚肉起晒骨，啖啖肉又滑。我地點左基本打邊爐料，其中有款牛肉佢用左花雕浸，淥完之後仲好嫩，又有好香花雕味，呢款值得推介😋醬料都係基本野，不過佢地員工會同你快速介招下唯一美中不足就係食吾到水蓮😌

天文台🔭話過幾日開始回暖, 趁住呢兩日仲凍, 打多次邊爐。香香宮煮裝修風格同我無幾耐前幫襯過的成都老碼頭火鍋好似, 充滿濃厚中國古典氣息。可能位置比較方便既關係, 香香宮煮比較受歡迎, 同樣大概下午4點到達, 客人數目比成都老碼頭多一半。我地點左豬軟骨蕃茄湯鍋, 手切頂級安格斯牛肉(300G), 牛骨髓, 桂花蚌, 蟹黃餃(4粒), 香香宮煮肉丸拼盤, 即炸響鈴同自家製竹蔗茅根。湯底不錯, 足料味鮮。自家製🎋竹蔗茅根 - 好飲, 清甜滋潤。香香宮煮肉丸拼盤 - 5款肉丸當中最好味係松露芝心墨魚丸, 爽滑彈牙既墨魚丸包覆住滿滿香濃既芝士流心, 餐廳誠意之作。另外鮮牛丸都好食, 牛肉質地係腍滑既嗰種, 似食緊窩蛋牛肉。豬肉丸質感就好似香港家常蒸肉餅不過係丸子形狀, 可惜入口較乾同嚡口。手打蟹籽鮮蝦丸好重腥味, 手打蟹籽墨魚丸都有輕微腥味, 比蝦丸好少少。蟹黃餃(4粒)本身味道唔錯, 但有我唔鍾意食既薑絲。桂花蚌同即炸響鈴表現正常, 有🆚比較之下, 成都老碼頭既出品質素好很多。我覺得成都老碼頭既半份桂花蚌跟香香宮煮既一份份量差不多。但折後價香香宮煮貴大約$20之餘, 成都老碼頭的桂花蚌大塊厚

凍冰冰最好就係打邊爐🥶雖則作為一個邊爐怪 其實我一年四季都會食火鍋🍲🤣今次就去左尖沙咀呢間宮廷式邊爐店！成間餐廳嘅設計大至裝修 細至𝚖𝚎𝚗𝚞都係走呢個風格👸🏼🤴🏻門口仲有張龍椅比你打卡(不過我走文青風 個位就唔太啱我ʜᴀʜᴀ😂).𝙵𝚘𝚕𝚕𝚘𝚠 𝚑𝚔.𝚏𝚘𝚘𝚍𝚖𝚊𝚙 𝚏𝚘𝚛 𝚖𝚘𝚛𝚎 𝚏𝚘𝚘𝚍🍽.試左佢地嘅花膠雞湯底 要左半隻雞(原價$𝟸𝟿𝟾)店員提醒可以飲左湯先開始打邊爐🥰飲落去鮮甜 唔會話重味精果種～最貼心嘅位係半隻雞係生上你想食先放落去就唔洗驚淥到鞋曬🐥雞肉鮮嫩！配料方面比較特別嘅係紫菜腐皮卷(原價$𝟻𝟾)同埋厚切脆炸午餐肉 (原價$𝟻𝟾)～紫菜腐皮卷即叫即炸 熱辣辣又脆口🤪不過略嫌入面包住嘅油太多～厚切脆炸午餐肉用竹籤上 真係好厚身炸完好香口😍其他配料價錢比大家參考下～鴨血(原價$𝟻𝟾)薯粉 (原價$𝟸𝟸)萵荀 (原價$𝟺𝟾)豆苗 (原價$𝟻𝟾)❕唔是廣告系列 - 留意番經𝚘𝚙𝚎𝚗𝚛𝚒𝚌𝚎訂位先有𝟻𝟾折 加一會以正價計算喔❕