香香宮煮 (金輝大廈)

營業中

休息中

週日午餐和朋友相聚選了這個裝修比較有特色的火鍋店雖然是星期日，但人不多午市套餐有三款我們四個人，選了最貴的$888，可以選兩款湯底因為三伏天開始了，選了瑤柱冬瓜湯底，和麻辣鴨血鍋瑤柱冬瓜湯超正，直接喝都好鮮甜麻辣鴨血鍋不辣，但口味偏鹹套餐包括了：肉丸拼盤10粒、半熟五花腩、新鮮鵝腸、即炸響鈴、雜菜拼盤、水連、烏冬兩個、拉麵兩個、安格斯牛肉、海鮮拼盤 數一數都10碟菜！！海鮮拼盤真的很誇張，全部都超大隻，很新鮮我們還點了自家製的竹蔗茅根水、薏仁水各一札，舒爽！老闆服務很好👍最後埋單人均低於$300 ，抵食

清朝宮廷主題的火鍋店餐廳佈置圍繞清朝宮廷，一入門口有龍椅，有宮廷服飾可以免費拍照留念，不過要更衣太麻煩，戴帽算吧座位以各宮命名，慈寧宮、永和宮、延禧宮……混醬每位收$26，好貴呀，九宮格醬料款式唔算多，炸蒜最特別，油又香。四款前菜賣相精緻。湯底揀友人推薦的雍穆公主，即是養顏花膠雞湯鍋 (半隻)HK$298，金黃色湯底和半隻雞分開上，好豐富！ 湯底味道濃郁，飲落又滑，加上花膠，感覺好養顏！雞件大大件而且肉質鮮嫩，好味火鍋配料選擇多又高質桶蠔肥嘟嘟好肥美蟹王餃，滿滿蟹肉，鮮味又豐富美濃水蓮好特別黃金響鈴，響鈴鬆脆，滿滿咸蛋黃，咸香又邪惡炸午餐肉，又是邪惡之選，味道唔洗多講

香香宮煮以古代中國公主為主題，由裝修設計到食物款式，都圍繞住宮廷做題材。雍穋公主花膠雞湯湯底我地揀左佢地既推介，味道濃郁，帶帶濃濃嘅南瓜味，香甜味美。配料有半隻雞同花膠，雞本身已經煮至七成煮，稍為加熱就可以食，肉質嫩滑。花膠大大件，可以放湯煮多陣，令花膠味道滲透到湯底。手打蟹籽鮮蝦丸手感爽滑彈牙，咬落啖喺蝦肉！面頭加上蟹籽令口感更豐富。推薦。珊豬、桂花蚌雙拼$138 就可以品嚐兩款蚌。兩款都好新鮮，口感爽脆，味道鮮美。羊肉片價錢化算，羊味濃郁最後食埋個拉麵，非常滿足

門口已見宮廷式裝修，大堂設龍椅一大張及宮廷服，打卡💯等大家做一晚皇族😎餐廳有不同的宮殿設座，睇下你做邊個公主😂望住個聖旨 Menu ,今次有唔少的必食推介呢😋.一上枱有九宮格的小食及火鍋醬汁，果然貴氣，連小食都有鮑魚粒沙律！😍係好食嘅.✨✨!! 必食推介!! ✨✨🟥泰順公主-泰式冬蔭功卜卜蜆湯鍋🟧火鍋店具十多款湯底，全以公主命名，我哋叫咗"泰順公主" , 開頭會驚中式餐食泰式菜會唔會唔夠傳統/專業咁好食。對唔住大佬我錯了，一上枱超級香，先酸後勁辛辣味慢慢滲出，再加蜆的鮮甜味，當真正冬蔭功湯飲絕對冇問題！😋.🟨手切頂級安格斯牛肉350g🐮🟩古董痰罐上的安格斯伴有乾冰的仙氣，霸氣出場😎雪花均勻，牛味濃郁，入口即滲滿牛油香，正♥.🟦象拔蚌刺身🟪公主食飯當然要食高級菜啦😆今次叫咗象拔蚌刺身，薄切鮮甜，而象拔蚌頭亦有切片供享用。刺身面仲撒了蟹子，雙重爽口😍.⬛黑松露墨魚滑🦑蟹子蝦滑🦐瑤柱乾貝滑⬜三款手打滑都好彈牙😎墨魚鮮味好出！反之唔太食到黑松露味。蝦滑亦好鮮甜，加上蟹子卜卜卜，口感更豐富。但乾貝滑比較遜色，雖然真材實料有好多瑤柱粒，但滑的味道淡。.🟫蟹黃餃🦀🟫皮薄餡靚，一咬見到滿滿的黃色蟹黃💛

姥姥既老公超鐘意打邊爐，今日黎到尖沙咁依間香香宮煮，充滿著中國特色，剛踏入門搭記見到有古代服飾俾你角色扮演，打返個卡先～佢既室內設計都帶帶古代宮廷氣息，好多宮俾你揀，我地入左「永和宮」享用我地既午膳。點左：卜卜蜆成日食，不如試下「泰順公主： 泰式冬蔭公卜卜蜆湯鍋」帶點泰國風情～佢個鍋係古代style, 粉紅色， so sweet~湯底好多料，包括芹菜、蕃茄、香葉、香茅、薑、菇…蜆爽滑無沙、帶著冬蔭公香辣好惹味😋而且超多呀，你睇下啲殼！頂級雪花牛雪花紋靚，肉色紅潤，肉質鮮嫩。半熟五花腩無耐性既人最岩，唔使等好耐就食得。而且用滷水調味，好具特色既味道又入味。香香宮煮響鈴拼盤：各三件響鈴即叫即炸好脆😋黃金響鈴，超重量級咸蛋黃，正呀👍🏻👍🏻👍🏻手打蟹子蝦滑拼瑤柱乾貝滑手打蟹子蝦滑有蝦膠又有蝦粒，兩者彈牙，雙重口感👍🏻瑤柱乾貝滑，濃郁既瑤柱味，海洋氣息強烈🌊老公每次打邊爐都不能缺既蔬菜，香香公主雜菜拼盤，多款新鮮蔬菜，健康又平衡😁有：木耳：大塊超爽口，降血壓娃娃菜：吸收晒湯底，好濃郁冬蔭公味道😘生菜：非常新鮮，滾2滾就食得。准山、蓮藕、窩荀：賣飛今山，好爽脆油麥菜打邊爐咁熱氣梗係飲下啲下火野，佢

朋友話今日好想食特色火鍋，諗吓先！ 諗到喇，就帶佢去位於加拿芬道嘅火鍋專門店—香香宮煮。一開門就見到有龍椅，龍袍同啲古代服飾，可以玩吓cosplay添！ 每個卡座都屬於唔同宮房，耳熟能詳嘅延禧宮、乾清宮、太和殿都一應俱全。點餐menu以傳哀家懿旨為設計，火鍋湯底全以各位公主命名，例如我地選擇嘅係平陽公主，就係消暑冬瓜瑤柱鍋，店員送上枱時排得整齊精緻之餘，擺盤亦氣勢十足。香香宮煮響鈴拼盤即炸響鈴、黄金響鈴各三件，簡單爽脆香口係最貼切嘅形容，而黃金響鈴則係再加多一份邪惡，美味而邪惡！日本廣島蠔隻隻肥美夠大隻，入口鮮甜得嚟有海水味。玉面公主四國牛肉拼盤分別有日本飛驒和牛、澳洲和牛、本地手切牛肉、頂級雪花肥牛四款，牛肉紋理分明，只須要放落湯底一陣就食得，嫩滑得嚟牛味濃厚。香香宮煮肉丸拼盤有十粒：爽滑豬肉丸、手打鮮牛丸、松露芝心墨魚丸、手打蟹籽鮮蝦丸、手打蟹籽墨魚丸各2粒；其中松露芝心墨魚丸一咬就會有流心芝士澎湃地標出嚟，超正！大家食用時要小心呀。香香宮煮餃子拼盤鳳尾鮮蝦雲吞、蟹黄餃、黑松露蟹肉餃、韭菜豬餃各2粒，其中蟹黄餃你真係見到餃子皮內滿滿蟹黄，鲜蝦雲吞隻蝦大到凸咗條尾出嚟㗎。香香宮煮雜菜

週末中午約埋朋友嚟到位於尖沙咀加拿分道的「香香宮煮」嘆返個火鍋午餐🍲餐廳裝修充滿古代宮廷氣息，餐牌設計也甚具特色，好特別呢中午時段設有午市套餐，包咗指定湯鍋同多款火鍋配料，定價適中自助醬料調味架有九款可供選擇，方便顧客隨意混醬，乾淨衛生平陽公主：消暑冬瓜瑤柱鍋原件冬瓜放落去熬湯，仲有蝦肉、瑤柱、雞肉、西芹、素翅等等配料，好足料！湯頭清甜不油膩，打邊爐就啱晒香香宮煮響鈴拼盤原味同鹹蛋黃響鈴，即叫即炸，非常新鮮！原味脆卜卜，放湯一秒就食得～鹹蛋黃響鈴沾滿油潤鹹蛋黃粒，就咁食都得香香宮煮餃子拼盤餃子拼盤分別有以下四款：黑松露蟹肉餃、蟹黃餃、鳳尾鮮蝦雲吞、黑麥皮韭菜豬肉餃🥟每粒都勁大隻，皮薄餡靚！原隻鳳尾鮮蝦雲吞真材實料；蟹黃餃帶有濃濃蟹黃羔香～韭菜餃嘅菜肉餡料好平均，充滿韭菜鮮香呢玉面公主四國牛肉拼盤拼盤包含：澳洲和牛、日本飛驒和牛、頂級雪花肥牛、本地手切牛肉🐮脂肪雪花分布均勻，肉質香軟，牛肉味夠哂濃郁，輕輕灼至七成熟就剛好嚕日本廣島蠔一客有四隻廣島蠔，每隻都肥美飽滿，好鮮甜哦芋頭新鮮芋頭條炸到金黃香脆，口感粉糯，充滿芋頭香

香香宮煮，成日見到人打卡，今日去到食夜晚，都幾多人～有個皇位，同埋放左幾套衫可以換來影下相🤩食物既選擇都幾多，而且有特別既鍋底，好似花膠雞湯，麻辣鴨血咁😉我麻麻地食得辣，叫左呢個酸辣豆腐西施湯底$188 比我想像中多材料，豆腐好滑，另外有胡蘿蔔，蛋等等～辣係bb辣，帶有d酸，係惹味開胃既湯底🐷可以自選適合既調味料🐣我哋兩個女仔唔算食得好多，叫咗個牛，丸同幾個菜，已經捧住個肚仔走😝呢個係免費送嘅響鈴🔔只要做佢哋會員就可以有！最特別嘅係佢除咗原味仲有鹹蛋黃味，個味道好得意，有啲啲似嗰個鹹蛋黃薯片！而且佢好脆身好香～手打既豬肉丸，果然係比較彈牙！😋手切頂級安格斯牛肉200g🐮$238牛肉片得幾大塊，牛味十足，而且好滑嫩，係嗰種帶有油脂感既滑嫩，點上少少豉油已經好惹味🤤蔬菜都正正常常新鮮嘅，兩個女仔食上面嘅嘢已經好飽，味道確實都唔錯～值得試吓～

今日心血來潮，好想食蜆，於是放工就去左香香公煮，由於冇book 位，walkin 要等到9點🤮，但由於太想食，唯有等啦。卜卜蜆湯底好足料，d 蜆食到尾聲都仲有，冇沙乾淨湯底好鮮甜聖子都好新鮮好大隻，手切肥質素唔錯，鹹蛋黃響鈴，好好味，有5件兩個人都食唔晒蔬菜拼盤好大份，兩個人都食唔曬，黑松露芝士丸，入口好香嘅黑松露味，入面包住濃濃既芝士，仲好彈牙，冇得頂，不過唯一失望嘅係，其中一粒中間冇芝士，餃子就好普通，食唔晒打邊爐食餐肉一定要炸過先好味，呢個就炸到表皮好脆，好香口呢間火鍋店真係值得推介，不過價錢略貴，但有質數，9點半後入座7折，做會員也有88折哦，仲有野送。

有時出街食飯除左要講食物味道好之外環境都好重要而今次我就揾到黎呢間gimmick宮廷風打邊爐店Menu都好架勢卡位既privacy都好好點左花膠雞湯底，個湯好杰好重膠質飲左兩碗先開始打邊爐完全冇覺得口渴真材實料有半隻八成熟既雞份量都好大講埋呢個醬料盤最特別嘅就係有蒜油仲有黑醋都係坊間比較少見呢碟唔記得左係咩牛擺盤好靚好有心思食落牛味好濃唔會好多油脂啱晒我蟹子蝦丸好彈牙，呢度係半份蔬菜藍用黎吸湯食一流

「宮煮」當然是取了「公主」的諧音，從大門到店面均以宮廷概念式設計，就連餐具和盛器都保持風格一致，蒲一坐下，便是打開「哀家懿旨」（即菜單）。胡椒酸菜魚鍋，酸度和辣度調配不過火，作為湯底，非常合適，能喝數碗。鹹酸菜也爽脆，味道不會太刺激。魚片尚算滑溜，份量足以過口癮。蟶子皇，鮮甜爽脆，開水煮數秒離殼後即可。爽脆豬膶，沒有腥味，不結實，嫩滑。自家製薏米水，少甜薏米味濃。相信受潮汕火鍋影響，流行講究食用不同牛部位。手切封門柳，其它店少見，惟肉有點柴。即炸黃金炒響鈴，有點油膩，可以再脆一點。2人光顧，點餐如下：公主醬介 x2蘭陵公主胡椒酸菜魚鍋蟶子皇手切封門柳（200g）爽脆豬膶萵筍鮮淮山即炸黃金炒響鈴烏龍茶自家製薏米水加一後，合共HK$1,205。

今次黎到一間同某位女藝人嘅花名同音嘅餐廳食，間餐廳名叫香香宮煮，唔知係巧合定間店佢都有份呢哈哈。店內環境好有宮廷feel，剩係入門口已經有個打卡位，仲有宮廷服飾，真係好誇張，有穿越feel喔。打開餐牌揀湯底嘅時候發現每個湯底開頭都有個公主，咁盞鬼嘅，於是我地揀左蘭陵公主胡椒酸菜魚鍋，想食返次平時沒食開嘅湯底。無諗到個湯底係咁有驚喜，用龍躉肉，份量仲要係勁多，而酸菜湯底突出魚肉嘅鮮味，啖湯仲要好暖胃。打邊爐點少得牛？牛魔王拼盤真係好夠做，有唔同牛肉嘅部位，我好鍾意佢個牛舌，烚熟之後好有牛味，而且真係食牛都可以食得好過癮。仲食埋肉丸拼盤，其中有隻芝心丸係屈左機，啲芝士味濃，真係手打丸先做到呢種效果。叫埋餃子拼盤，其中係黑色餃子皮嘅竟然係韮菜餃，仲要咁飽滿。呢間店嘅邊爐真係好高質，個質素有返咁上下，有咩爽得過黎宮廷打邊爐呀，上菜上湯底都有騰雲駕霧嘅效果，沒得輸。

好回味嘅一餐火鍋🍲❤️湯底揀咗花膠雞湯鍋👍🏻👍🏻好多花膠 湯底亦都非常濃郁 我係一路食啲花膠一路飲湯‼️‼️推介‼️‼️揀咗個象拔蚌刺身 頂級雪花肥牛 非常新鮮😋另外隨意叫咗啲配料：響鈴 香香公主肉丸拼盤 珊瑚蚌 脆鯇腩片 美濃水蓮個人認為除咗個湯底係100分之外 象拔蚌刺身同埋手打肉丸都非常之好食同新鮮 齒頰留香🤤另外第一次試水蓮 爽脆清甜不膩口 聽住係台灣嘅產物 如果去食香香宮煮見意可以試下 幾新鮮同特別😆

今日放工同朋友去咗一間叫香香宮煮打邊爐，位於尖沙咀，係地鐵站行兩分鐘左右就到，幾近架💚💚主打係中式火鍋，裝修方面都好古風，好似穿越左時代咁🔎🔎我地今次就叫左花膠雞湯鍋，雞肉好嫩口，花膠又大塊，而湯底都幾濃😗😗西班牙黑毛豬，油脂分布好平均，一開頭食落去以為係牛肉，原來係豬，幾驚喜，十分推介👍🏻公主油炸鬼係店內推介，外層油炸鬼內層就係蝦滑，食落口感幾特別~外脆内軟鴨血比較爽口！夾起唔會散，但味道唔夠，可能唔係麻辣湯底既原因，所以差左少少，但整體係覺得幾好食架！手打鮮牛丸，唔似平時酒樓食牛肉球，食落超有牛味，而且啖啖都好正，仲好juicy~~松露芝心墨魚丸，墨丸入面有d松露，但係松露嘅味道唔會掩蓋左墨魚嘅鮮味，仲好彈牙👍🏻👍🏻飲品就叫左鮮橙汁，幾新鮮同甜，入面仲d粒粒烏龍茶打邊爐亦都啱晒！ 可以消脂 哈哈~

 全港嘅古裝宮廷火鍋店其一「香香宮煮」，之前見過有唔少foodie都黎食飯打卡，今次終於輪到我啦～見到openrice有訂座優惠，逢星期一至四、日17:00-21:00全單88折，宵夜時段21:15後全單78折，抵喎！「香香宮煮」走中國宮廷風，甫入餐廳，已經見到一張金黃色嘅龍椅，很有氣派呢～食客可換上男女宮廷服，做皇帝呀，做皇后妃嬪，除可拍照留念外，更可穿着用膳～😂店內嘅卡座，以宮殿牌匾命名，大家睇過《延禧攻略》，一定對「延禧宮」不陌生吧！😆仲有「永和宮」、「儲秀宮」、「長春宮」～餐廳提供火鍋湯底多樣化，有超過10多款湯底，全部用上公主名稱，玩味十足！火鍋配料也很挺多選擇，有來自不同產地嘅肉類和海鮮。上菜前，先有個四式小食拼盤，有道小食仲要係涼拌鮑魚，正！☺️我地今次揀左蘭陵公主——胡椒酸菜魚鍋（$298）和平時食開嘅川式酸菜魚有點不同，味道比較清香，鹹酸菜嘅酸反倒很突出，不過胡椒味唔算重 ，店家話這道酸菜魚原用材料應該係石班肉，不過剛好賣晒啦，所以轉左做白鱔片，白鱔片新鮮，魚肉嫩滑，但白鱔片嘅份量真的太少，只有8塊，反而配菜如酸菜、芽菜、豆卜就很多。😟食酸菜魚加配薯粉（$22）就per