養心殿台式養生鍋 (已搬遷) 新店位置

近排唔知點解與台湾食物咁有緣份, 早两日才與家人在西營盤享用台湾地道午餐, 今晚竟然在偶然机会下嚐到台湾補身火鍋。我們一行四個友人都覺得在秋冬季節要補一補才對得起自己的身體, 所以在openrice網頁找到此火煱店。只覺得店面不大, 但每張枱的面積都很足夠给客人作火煱之用。我們叫了:1. 養生鍋: 老火湯有人參、火腿、老雞及猪肉等..…2. 美人鍋: 老火湯有桃膠、原隻烏雞、杞子、南棗及金華火腿等...(共 $188), 湯清甜滋潤補身、充滿骨膠原…很多湯渣材料。因為同行其他人話烏雞已煲湯冇味道唔肯進食, 我一個人淨係食湯渣烏雞都已經好飽了。3. 沙巴龍蠆斑($238)、新鲜爽口彈牙, 份量好似食極都沒完似的。4. 厚脂黑毛猪梅花肉($168)、食落滿口甘香、爽脆……5. 自家制韭菜餃四隻($42)、因為每人只得一隻吃, 都感受不到其味道的印象, 下次要叫多些。6. 蟹籽墨鱼滑($88)、彈牙爽口, 但份量不多。7. 蟹柳($48)、一如在家吃的感受。8. 切片年糕($38), 味道清淡。9. 紫准山面($38)、好頂肚。10. 水耕菜一盆($58)、 不同平時吃的蔬菜。11. 鸭血

近年食咩都講健康, 連打邊爐都要講養生養心殿主打台式養生鍋, 我地就簡左麻辣加美人鍋雙拼 ($188)價錢同單叫一個鍋同價,咁緊係叫雙拼試下唔同味美人鍋主要係烏雞, 金華火腿同其他配料, 感覺唔算太濃味, 中和返隔離既麻辣湯底~自助醬料區, 選擇算係不過不失, 始終湯底先係重點~皇牌手切牛肉 $228打邊爐首選一定係肥牛! 呢到既牛雪花分佈平均, 而家厚薄適中, 食落好嫩滑, 四個人食岩岩好!厚脂黑毛豬梅花肉 $158同樣吸引既黑毛豬食落都係嫩滑爽口炸午餐肉 ($58)雖然都係罐頭午餐肉, 不過呢到係炸過先上枱, 幾有新鮮感, 就咁食都得~黑松露蝦丸 $48; 食落都幾爽口, 黑松露味好香好重, 而且係出面少見既combination, 值得一試芝士牛肉丸 $48, 雖然聽個名都估到係咩味, 但食落依然覺得幾特別,自家製極品水餃 $42; 皮薄餡多, 菜同肉既比例都唔錯整體感覺上都唔錯, 而且種類都齊全, 上菜速度都算快空間感亦都充足, 枱與枱之間唔會好逼~

冬天最岩去食火鍋，早排同朋友一齊去左銅鑼灣鵝頸橋附近新開的一間台式養生火鍋，無論裝潢、食物都充滿台灣風味地方闊寬，座位之間的空間大，食物選擇都幾多，仲有多去款自製的火鍋配料，醬料係自助形式鍋底有數款合台式出名的湯底，最後點麻辣鍋拼美人鍋的鴛鴦鍋大大一爐，湯底的湯料非常足，好似美人鍋就有多種健康藥材，如杞子、淮山、參、金華火腿、桃膠等，再加原隻烏雞肴制，湯頭非常香甜，雞肉幼嫩，岩晒女士養顏補身我地兄弟就鍾意麻辣鍋，用左多種香料、藥材調製，入面仲有鴨血、凍豆腐等，小辣唔會太辣，帶少少麻的味道，好暖身平時食得太多牛，今次食下豬，御選梅花豬肥瘦均勻，肉質食落嫩滑 手打丸就好推薦鵝肝墨魚丸&黑松露蝦丸，鵝肝墨魚丸爽口，淡淡的鵝肝味; 黑松露蝦丸口感彈牙， 黑松露味香濃，仲有自家製麻辣牛肉餃都幾特別，牛肉香濃中又帶微微的辣翠絲水蓮真係未食過，由台灣新鮮直送，口感爽口，幾特別炸響鈴即叫即炸，新鮮香脆又大大條，咬落脆卜卜炸芋頭做得非常好，入面好粉嫩，外面香脆仲有台灣道地的蜂蜜白苦瓜汁，食完飲返杯清熱又解渴

今日約左朋友去食晚飯,就去左養心殿台式養生鍋...朋友說湯底正個環境都幾好,古式古鄉咁都有FEEL喎今日叫左以下食物,先講個湯底先湯底係美人鍋加養生鍋,之後再叫左海鮮拼盤--帶子,海蝦,聖子厚脂黑毛豬梅花肉寬粉條美人鍋加養生鍋--入面超足料,烏雞都幾好食,有咬口肉質鮮味,仲有超多桃膠,桃膠係近年新興健康營養食品,好多好好食...鴨血唔腥味仲要好好食,豆腐入晒味,仲有人蔘味好勁,大大枝.....海鮮拼盤--帶子,海蝦,聖子好新鮮,隻蝦仲生猛既,帶子都算大隻,聖子入口鮮味可口厚脂黑毛豬梅花肉--肥瘦識中,唔會太肥肥到個湯勁油,同時都有好有肉香,唔會蘇味寬粉條--隻粉好得意,有咬口又唔會硬,吸下湯超好食,唔似平時D粉咁

朋友生日！我地去左銅鑼灣養心殿打邊爐，我地都係第一次去！覺得環境怖置得古色古香，感覺幾好！今次我地要左鴛鴦鍋(美人鍋，酸菜白肉), 坊間比較少見這2款湯底！美人鍋內有烏雞，杞子，南棗去滾湯！味道比較香濃~白色湯底是酸菜白肉，比較酸酸香醒神開胃，仲有 qq寬粉條，質感爽彈！手切肥牛(細份) 雪花油脂平均，牛味好香！而家肉質嫩~就算細份都唔算細碟識食一定包住 d葱花黎食鵝肝墨魚丸，手打自家製的~內層鵝肝餡料唔算好多，但足夠滲出陣陣甘香，外層墨丸爽彈蠔就係冰鮮蠔，滾完後有少少縮水情況！但都吸哂湯既鮮味！夠入味。小食叫左甜不辣，第一次食這款台灣小食！ 估唔到咁好味！又唔油膩，倫層好似有 d芋香口感！清清地

想念台灣ga養生鍋，但又未有機會出走。被困香港所以決定搵一間頂頂癮。呢間店名咁打正旗號，就試下佢啦！💪🏼湯底叫左養生鍋，有好多人參加老雞等熬成。淡淡人參味，好香甜，一滾起已經即刻飲左幾碗！原來湯鍋已經有跟蜂窩豆腐同鴨血！好多同大大舊，正！霜降肉眼肥牛，肉質不錯，涮一涮就可以了！烏卒卒雲耳，靚同大碟，好爽口！墨魚丸半份加黑松露蝦丸半份，兩個都好彈牙，好鍾意個黑松露蝦丸，好香ga黑松露味☺️蔬菜籃，每様菜同菇都有啲！啲菇好大粒加隻生蛋撈醬汁點，完美呀！！

天氣開始轉涼, 我們又準備買新衣換季了.  目的地是去銅鑼灣 shopping.  下午先吃個午餐, 為了禦寒, 考慮飲個熱湯暖暖胃,   看看 Open Rice, 找到台式養心殿.  近著鵝頸橋, 離 Sogo 不遠. 這餐廳位於三樓, 乘電梯可直達, 看裝修, 好特式, 像回到武俠片時代, 紅/黃燈籠, 木質雕花屏風及檯凳.  令人有點遠離塵囂感覺.餐廳面積很大, 空間很多, 卡座間格,  座位寬敞舒適, 燈飾幽雅,  也有靠窗位置, 可看到繁忙的軒尼斯道,侍應安排我們座位, 先看餐牌.  侍應推介 "台式午市套餐, 由$58 ~ 78" 送是日原盅台式燉湯, 配菜, 冷熱品一杯, (冷熱飲也可) ,  午市免加一, 經濟 扺食 !我們點了 #7 和 #10 號套餐,  先來飲品兩個:   烏梅汁 (冷飲)  酸酸甜甜, 味道似酸梅湯, 醒胃.                                   杞子菊花露, (冷飲)   明目, 清熱, 去心火. 等了 10 分鐘,  兩個套餐送來了.  有效率.每人都有一碟, 含三款前菜:  荀乾, 雲耳, 泡菜, 十分醒胃,

難得天氣終於轉涼, "邊爐精"已經按耐不住, 今晚約左係呢間食台式火鍋邊烚邊吹水場內以木器為主調, 燈光昏暗, 幾有古典氣氛, 有別於坊間既燈光火著, 坐得都幾舒服坐底後先選好湯底, 呢度既湯底除左傳統又多人認識既麻辣或薑母鴨外, 仲有幾款特式養身湯底: 寧神養心鍋, 美人鍋, 養生鍋等火鍋配料又夠多, 包括台灣特式有食材, 如鴨舌, 鴨血, 台灣A菜, 翠絲水蓮等點好湯底及食材後就等食啦喂.........未食得住就出去混醬區混醬先今晚點左鴛鴦湯底 (以較高價湯底收費), 寧神養心鍋X麻辣鍋(選小辣)!  寧神養心鍋材料包括川芎, 白芷, 天麻, 當歸, 魚頭, 烏鷄, 豬肉, 先飲啖湯, 鮮甜無比, 藥材味都幾出, 無腥味, 此湯底有效驅頭風及袪頭痛, 個魚頭仲肉滑, 千祈咪錯過!另外一邊既麻辣湯底, 包括多種藥材及香料, 加入鴨血及凍豆腐, 仲有另送鴨血多一份, 相當抵食!鴨血超滑, 好味呀火鍋配料好快上枱, 烚下烚下又點可以無牛肉呢?!  點了呢客手切牛肉($228/細), 肉色相當靚仔, 脂肪分佈幾平均, 厚薄度都適中只需烚十零秒就食得, 肉味幾濃, 有咬口之餘又唔會韌, 質

難得約到好耐無見的老友，她想近些放工方便過來，又想打邊爐，我第一時間便想起上次和家人在旺角食過的養生火鍋，誰知在銅鑼灣也開了一間分店，實在非常驚喜，地點非常方便！鋪內裝潢和旺角店是一致的，配合台式古典傢私和燈籠，造就念閑的環境氣氛。朋友愛麻辣，本人愛養生，做點了一個鴛鴦火鍋來滿足大家所好，一邊是麻辣火鍋，另一邊是養生火鍋，兩邊都用上最優質的材料藥材，絕不草草了事！火鍋和每件餐桌用具都很有特式，感覺很舒緩。麻辣程度剛剛好，野味得來又不會麻到神智不清，讓食品煮出最香的味道！自助調味區整齊乾淨，說明清楚，格外安心！最欣賞各式的手打丸，新鮮，彈牙，真材實料，香口非常！餃子皮薄餡靚，但不能煮太耐，否則會變成餃子蓉！特上肥牛好味到一個點，要再加碼才能滿足牛魔王的欲念！：）火鍋湯底真材實料！蔬菜非常新鮮！今晚亮點是淮山麵，淮山香味濃，每口都感到非常正氣，夠養生！炸響鈴也很出色，放進湯底一會便夠充分吸收養生材料的精華，一流！最後不得不提這個自家制的黑糖山渣烏梅水，甜酸道剛好，開胃醒神！下次會帶兩老和家人養下生，食好西！

台式火鍋近年在香港大行其道，之前同友人曾到訪過旺角一間以養生食材作主打的台式火鍋店，最近從飲食平台得知，餐廳喺銅鑼灣開咗新分店，而且午市更有套餐供應。兩口子一向愛吃台灣菜，所以趁周末去 Sogo 血拼前，就先來這裡吃頓午飯。餐廳位於軒尼詩道 418 號至 430 號友光大廈三樓，地方偌大，佔據全層。由於來到時，時間尚早，店內食客不多，可以先四處看看，拍下照，也不怕打擾到其他人。店內環境不俗，用上不少木系建材，裝潢既古雅又別緻，加上以竹子柵欄作間隔，有私穩又唔會侷促。安坐後，先拿出午市菜牌細看，選項共有 13 款，以台式套餐為主，定價親民，由 $58 - $78 不等，包是日原盅台式燉湯、配菜及冷/熱飲料一杯，而且仲要免收加一。就一於簡簡單單，一人一個套餐，經濟實惠。先嚟兩杯跟餐飲品，有杞子菊花露和烏梅汁，前者菊花露，入面有杞子和圓肉，用料豐富，清熱明目；而後者烏梅汁就用上沖繩黑糖炮製，味道甜甜地，帶梅子的酸香，既開胃又消脂。套餐選了照燒牛柳粒 ($78)  和藥燉排骨各一。兩款套餐都附有配菜、原盅燉湯和白飯壹碗。配菜以一隻分成三格的長碟盛上，有泡菜、竹筍、海帶和黑木耳等。原盅台式燉湯非

今晚好想食火鍋，約左朋友去銅鑼灣養心殿，我地叫左麻辣鍋和寧神養心鍋，兩邊都非常足料。麻辣鍋內有鴨血和凍豆腐、寧神養心鍋內有大魚頭和足絲雞，非常滋補。養心殿的調味料區很細心，有圖講解醬料類別。另外選擇了蒜蓉汁代替蒜蓉，蒜蓉汁更香。手切牛肉(細)$228，肉質冧滑紋理均勻，牛肉味很重，另外煮耐了也不覺老。手工墨魚丸拼蝦丸($80)，兩者都非常彈牙，蝦和墨魚味亦很濃。食火鍋，當然要叫杯啤酒解下熱，這杯是有果味的啤酒。

下午二時嚟到，過咗午飯時間，較為清靜，唔多人。呢度嘅裝潢很有特色，以透花屏風間隔開用餐桌子，每枱食客有私人空間得嚟又唔會覺得焗束。這裏清幽的環境令人進店已覺得心情輕鬆平靜。價格相宜，$58-$78不等。中午12點至下午4點都有台式午市套餐供應。我們點了兩個套餐，汁煮安格斯肥牛套餐配白飯及藥燉排骨配白飯。汁煮安格斯肥牛套餐配白飯的餐湯應該係藥燉排骨湯，燉湯有紅棗杞子、淮山，好夠火侯。安格斯肥牛粒份量很多，好抵食，醬汁甜甜地，好惹味。藥燉排骨套餐配白飯的餐湯應該係竹絲雞湯，有杞子蔘鬚，真材實料，飲完喉嚨好舒服。套餐的藥燉排骨湯好大碗，淨係飲湯都好飽。每個套餐亦有三款前菜，包括金針腐皮、酸薑和泡菜。鹹甜酸辣都齊晒，好醒胃。套餐的白飯係有質素嘅珍珠米。餐飲係杞子菊花露，夠清心。喺度用餐真係養生又養心！

最近工作壓力大, 好想食麻辣爽皮一下, 就想起上一次食麻辣火鍋的養生殿, 原來已經在銅鑼灣開了分店上次的火鍋湯底配搭為麻辣鍋 + 寧神養心, 今次來個小小變化 ➡️ 麻辣鍋 + 美人鍋 - $188麻辣鍋係我最愛, 而且可以免費追加一份鴨血美人鍋以桃膠、烏雞、杞子、南棗及金華火腿熬製, 所以個湯甜甜地, 用嚟煮菜、響鈴都好夾, 鮮甜得嚟又唔會影響個湯底, 又可以當老火湯咁飲返兩、三碗霜降肉眼肥牛 - $178牛肉顏色好靚, 雖然佢叫名叫肥牛, 但肉 & 油脂比例均勻, 唔會過多, 而且牛味夠濃炸午餐肉 - $58上次食過的午餐肉, 今次要encore, 午餐肉炸至脆卜卜, 再放落鍋內吸收湯的精華, 真係超正! 鵝肝墨魚丸(半份) - $48鵝肝墨魚丸上次都一樣有order, 今次都一樣keep到水準, 夠彈牙得來亦都真係有墨魚肉, 食嘅時候記得要小心鵝肝爆出嚟呀! 鮮炸響鈴 - $38響鈴上枱時仲係熱辣辣, 我偷偷地咬咗一啖先放落湯, 豆味好香, 之後先再放進鍋內吸收精華, 兩種湯底都好好味, 所以一份響鈴唔夠食呀🙈!

今晚同老豆食飯，男人浪漫最鐘意打邊爐，兩父女打個邊爐飲下啤酒又一晚。特登試下餐廳人氣養生鍋，凍豆腐、杞子、豬紅、人參等等多種有益食品，湯底好足料就咁飲已經夠哂味道，用黎控邊爐好滋補。和牛片油脂好靚，厚薄適中入口夠哂嫩滑，牛味又濃又香，卷成筒狀夠精緻。再來另一款肉片，油脂同樣都好吸引，入口油花夠香入口同是爽嫩唔會鞋口。打邊爐最鐘意食蟹柳，蟹絲夠清甜，雖然是大大條蟹棒同樣夠清甜，打邊爐都唔會鬆散。水餃雲吞。打邊爐必食水餃雲吞，皮薄餡多入口吸哂湯底精華，菜肉份量比例好好。最後必叫炸響鈴。輕輕一滾入口仲好脆，湯汁味道濃香夠哂豐富滿足。

今晚同志同道合喜歡吃辣既朋友去食＜養心殿台式養生鍋＞，之前在台灣吃過麻辣火鍋之後一直念念不忘，今晚終於有機會係香港試喇！！ ＜養心殿台式養生鍋＞室內裝潢富有台灣風味，以木系為主。檯與檯之間有一定的空間，舒適舒服。 醬料是以自助形式去選取，在醬料區，指示清晰，乾淨企理。 餐牌前後兩頁，有六種不同湯底任君選擇，每款湯底仲可以免費追加鴨血一份/酸菜白肉一份 (二選一)；其他食物方面，分別有生猛海鮮、精選肉類、豆品類、巧手小食、手工丸類、餃類、滑類、蔬菜及其他。 我地點了『麻辣鍋-中辣 $128』，湯底材料非常豐富，有各種藥材香料、鴨血，凍豆腐，很喜歡台灣這種麻辣，是辣得來並不會嗆喉。 由於我們得兩個人，沒有點了很多食物，包括『御選梅花豬$108』、『鮮炸響鈴$58』、『鵝肝墨魚丸$48』、『黑松露蝦丸$48』、『寬條粉$48』、『雜錦蔬菜盤$58』。 欣賞『鮮炸響鈴$58』 ，係即叫即炸， 浸落湯底裡2秒就食得喇，好新鮮。 『鵝肝墨魚丸$48』同『黑松露蝦丸$48』 兩種丸都好彈牙爽口，鵝肝味重，最體貼係可以叫半份，我們兩個人可以點唔同種類既丸。 『寬條粉$48』真係無敵，吸收晒湯底精華，完