養心殿台式養生鍋 (已搬遷) 新店位置

最近聽朋友推介養心殿養生台式火鍋既美人鍋好出色，適逢朋友生日結果去左一試，環境舒服，好有台式風味，喺銅鑼灣地點也很方便，美人鍋一試回味美人鍋加養生鍋，美人鍋有原隻烏雞同桃膠好滋補，而養生鍋有人參好清香鮮炸響鈴，好鬆脆手切肥牛，好有牛味同口感，夠雪花，色澤均勻厚脂黑毛豬梅花肉，肉質鮮嫩老油條好鬆脆餃子拼盤，雲吞好味👍🏻我最愛既午餐肉😊😊炸芋頭，好出色，好有芋頭味道，必試醬汁調味配料地方好舒適，好整潔

又到聚會食飯嘅時候今次就選擇左銅鑼灣養心殿地方都好容易搵過左鵝頸橋直行就到職員安排左我哋坐4人卡位整個環境裝修都好好feel 同埋坐都好舒服.......坐低第一時間叫左湯底先 我地選擇咗養生鍋$188 (鴛鴦鍋 )一半要麻辣火鍋（大辣）一半要左 美人鍋 入面有原隻烏雞 桃膠.桂圓.杞子.南棗.金華火腿重有😍桃膠 超滋補養顏 湯底入面有好多桃膠 令人忍唔住一直飲湯😆麻辣鍋都好好味👍🏻👍🏻但因為大家都食得辣......原先叫嘅大辣滿足唔到我地所以再加辣🌶🌶🌶另外有免費鴨血一份個鴨血加埋落麻辣鍋真係好好味 好軟滑再叫左豬天梯（$88）豬天梯其實係豬上顎嘅軟骨。唔係好多地方都有得食烚廿零秒就起得 爽爽脆脆咁好特別鮮炸響鈴（$58）響鈴真係每次打邊爐必叫 烚一烚吸左少少湯即入👍🏻👍🏻👍🏻👍🏻鮮蝦滑$（88）粒粒蝦肉竹笙（$88）爽口嘅竹笙吸滿麻辣嘅濃湯不得了🙈香菇貢丸 （$48）大大粒咬落夠香極上雪花肥牛（$188）油脂嘅分布尚算均勻 牛肉味濃 烚耐左都唔鞋口薄薄地一片 烚完都夠軟滑萵筍 （$48）爽甜解膩一流✌🏻

秋意漸濃 天氣一下子涼左好多 即刻想整返個邊爐拿拿臨約朋友食佢介紹嘅養生火鍋 成件事即刻無咁熱氣 仲可以養顏 啱曬我地呢d貪靚又中意打邊爐嘅女仔我地點左麻辣鍋拼美人鍋 鴛鴦鍋以較高價錢湯底收費 仲可以免費追加鴨血一份鴨血滑嘟嘟 推介！麻辣鍋以多種香料同藥材調製而成 加入左鴨血同凍豆腐 我地叫左大辣 夠辣之餘味道夠地道而不油膩 d鴨血同凍豆腐索晒湯汁 非常入味 好正美人鍋以杞子,南棗,金華火腿老火肴制而成 仲加入左桃膠同原隻烏雞 係養顏至寶啊大大嚿桃膠！茶芥配料每位$20 有好多配料可以揀！霜降肉眼肥牛 ($178)雪花分布得好平均 入口即溶 不錯香菇貢丸 ($48)大大甩 每一粒都真材實料 咬落好實淨 好香豬肉味 仲有好多粒冬菇粒添餃子拼盤 ($98)朋友話呢度嘅餃子好好食 推介我食 餃子拼盤一共有10粒 每款2粒 有魚皮餃 鮮蝦雲吞 韭菜餃 同 極品水餃 每粒都好飽滿 餃子皮薄餡多 每隻味都好鮮唔單止醫肚 仲好味養顏 睇來呢個冬天會係呢度嘅常客了

朋友仔生日, 見呢間台式火鍋幾特別, 剛巧麻辣癮又發作, 所以約嚟試吓先...女人當然要懂得補一補啦...所以湯底除咗揀台灣必食嘅麻辣鍋外, 見到美人鍋寫住女仕養顏至寶喎, 咁無走雞就揀佢啦!! 麻辣鍋揀咗小辣, 唔太食辣嘅朋友絕對能接受, 如愛辣者要中辣以上, 湯底同台灣嘅一樣有各種藥材香料同鴨血, 凍豆腐, 雖然唔似台灣有無限refill, 但都可以免費追加一份鴨血, 我哋兩個人食, 其實唔追加份量都足夠. 鴨血非常之軟滑清甜, 凍豆腐吸收晒湯底精華, 好惹味!至於美人鍋都好足料, 湯頭非常甜, 湯料有桃膠、紅棗、杞子、桂圓、淮山、黨參、烏雞, 真係好足料, 杞子同桂圓非常之甜, 烏雞肉質紮實. 火鍋料我哋揀咗御選梅花豬$108, 豬天梯$88, 炸響鈴$58, 鵝肝墨魚丸拼黑松露蝦丸$48/$48, 萵荀$48.御選梅花豬肉質娕滑, 一D都唔肥, 值得推介.豬天梯都幾爽口, 不過略為切得大件咗D.炸響鈴原來係即叫即炸嘅, 非常新鮮好味, 只需要閃浸2秒就食得.至於鵝肝墨魚丸同黑松露蝦丸, 我個人比較喜愛鵝肝墨魚丸啦, 真係估佢唔到會咁彈牙, 下次去都係必叫項目.   黑松露蝦丸咬

香港人很重視養生，跟養生有關連的食物，總讓人趨之若鶩。隨着年齡的增長，我也自然對養生開始產生興趣。這家火鍋店打正旗號以養生鍋為主打，吸引了不少捧場客，平日晚上都坐無虛席。火鍋店的裝潢別具中式古典風格，木質的屏風特別典雅。鍋底有麻辣鍋、酸菜白肉鍋、寧神養生鍋、薑母鴨鍋、美人鍋和養生鍋共六款選擇，每款各有特色，令人難以取捨。火鍋配料不乏高檔的海鮮和肉類，例如日本池魚王、活九孔、蟶子皇、黑毛豬梅花肉等，連豬天梯、牛胸爽等比較「了能」的配料亦有供應。寧神養生鍋寧神養生鍋的材料包括川芎、白芷、天麻、豬肉、當歸、杞子、淮山、烏雞、魚頭。魚頭預先經煎過，去除腥味，不愛魚的人不必擔心湯鍋有魚腥味。湯鍋包含多種藥材，再加上烏雞、豬肉和魚頭熬製，味道很鮮甜。先不用著急放火鍋配料進湯鍋，先喝完湯，後再加水吃火鍋也不遲。霜降肉眼肥牛肥牛雪白的脂肪紋理分佈平均，緋紅色的牛肉很豔麗。牛肉肉質很嫩，牛肉味道香濃，令人不自覺的吃下一片又一片。清湯牛腩件這不是火鍋配料，而是熱食。切成整齊的方形的牛腩件，格肥格瘦。肉質比一般的牛腩腍軟，脂肪和筋位的肉味很香。炸響鈴每次吃火鍋，必點炸響鈴，是名乎其實的響鈴控。吃過不少炸響鈴

火鍋都可以養生？無錯！佢係咁講出於好奇心之下，就睇下佢個湯底係咩來頭係出面火鍋店好少有得食既 粉條個質感有啲似綠豆粉好Q,因為佢會吸左啲湯汁入去所以特別好味鮮炸響鈴，不得不提佢係新鮮現炸，出到黎重熱辣辣脆卜卜，重好香豆味，必點！鴨血-兩個人既份量會唔會多左啲比豬血更爽脆，唔會一夾就散羊片，唔會太騷味，咁先係羊應該有既野十秒都唔洗就食得尤其個豬肉丸爽口程度好似牛筋丸咁，口感非常好，必點而個麻辣牛肉水餃，啲湯汁係哂隻餃子入面好惹味陣容頂盛！ 食鴨血都食飽一杯冰涼嘅飲料係唔少得呢個係得台灣先出產既菜店員介紹，食落有啲似久菜，但係比佢更甜，又無乜草青味，食落去有種好新鮮既感覺未食過台灣火鍋真係要試下包你有驚喜

想同朋友食餐好理由唔洗多，真係想去就去，首選必定即興打邊爐大家烚下烚下，暢飲啤酒夠哂正，雖然港式火鍋一樣吸引，但到處都有得食，但台式火鍋係香港選擇唔算多，今次我地特意黎左依間專食台式火鍋店，當醫治下我地係台灣食火鍋既口癮湯底叫左麻辣拼酸菜白肉鍋，本身我地都好鍾意食辣，但有個朋友唔食得辣，所以叫左鴛鴦鍋食哂兩種味唔洗爭，麻辣鍋內有大量辣椒同藥材配料之外，仲有鴨血，口感Q彈爽滑，味道好濃好入味，好好味，而湯底少少辣味又唔會太嗆喉。酸菜白肉鍋內除左兩款本身原有食材之外，原來仲有寬粉，軟滑入味，個湯飲落酸度適中又唔會太過分，唔錯!食火鍋點少得叫牛肉，我地人多叫左份大既手切牛肉一齊食，每塊牛肉雪花紋都好靚，切片厚薄適中，灼兩灼就食得，入口啖啖肉，牛肉味好香好濃，好正啊各叫左半份丸同雲呑，梅菜豬肉丸食落個梅菜味好香又唔會有酸味，食落似肉餅，口感厚實啖啖肉。鵝肝墨魚丸都係鮮墨魚肉包住粒鵝肝，食落鮮味爽口，墨魚味好出，同鵝肝粒味道好夾，食落有驚喜。自家製鮮蝦雲呑皮夠薄，蝦味鮮甜，唔錯整體味道都似台灣食到既火鍋，濃郁又唔會太鹹，坐得寬闊食得舒服，下次再同朋友黎過

潮流興養生,就連吃火鍋也跟養生扯上關係。模仿舊式客棧的格局,懷舊氣氛一百分。獨立廂座位,環境更舒適。這裏供應的調味料比較簡單。這也許和湯底比較濃郁有關。開吃前,先來一客滷水牛展。牛展炆得非常入味鬆軟。這裏使用的是傳統的銅鍋,感覺既新鮮又懷舊舊。今天不選美人,改吃酸菜白肉鍋。湯底雪白,配上新鮮的蕃茄件和青蔥段,顏色鮮艷,非常吸睛。因為湯底本身已經有大量食材,所以我們只點了份量不多的火鍋食材。原來湯底內除了不少的腩肉片和大量酸菜,還有QQ寬粉條。湯底因為酸菜的緣故,味道酸酸的,卻非常醒胃。QQ寬粉條吸收了湯底的鮮甜味,非常彈牙爽口。吃其他配料之前,最好先把它吃掉,以免過分發脹。雖然豬腩片比較肥,但是吃的時候只要把肥膏除去,其實味道也非常不錯。各款配料當中,大力推薦自家製極品水餃,皆因它鮮甜爽脆,揾有原隻鮮蝦,在外面很難找到這樣有水準的水餃。黑松露蝦丸也是不錯的選擇,蝦肉爽脆也吃到黑松露的味道,絕對真材實料。此外,有機玉米也非常甜,可以多吃。想不到餐後還送來了各人一杯青檸沙冰,好讓客人清清熱氣,也幫助清理味蕾,減低口腔濃烈的味道。餐廳細心的安排,的確抵讚。

火鍋在不少港人心中都佔一席位，只是種類款式可算是五花八門，一般都是大伙人一起吃，高興地下單點自己喜歡的食物，放進鍋內灼熟就可吃，亦由於港式火鍋變化不多，所以有不少外來的火鍋進軍香港，讓大家選擇更多，其中台式火鍋也是不少人的至愛，而這家的湯鍋種類跟台灣吃到的相若，本來我也很愛吃台式火鍋，當然也要來嚐一下是否跟台灣的一樣好吃餐廳在港設有幾家分店，今天來到位於銅鑼灣的分店，雖然沒有預早訂座，幸好一到了也有位子可入座，餐廳格局都是古色古香的懷舊裝潢，屏風、椅子和桌子都是木製，具有台灣火鍋店的感覺醬料都是自行到醬料區添加，好幾種醬料任均選擇點食物都是以紙筆下單，清晰方便又不怕點少了，由於想吃兩種口味既湯鍋，所以點了鴛鴦湯鍋，麻辣鍋配酸菜白肉鍋，而麻辣則點了小辣湯鍋上得挺快的，離遠已嗅到麻辣香，鍋內不少得辣椒粒之外，有杞子等藥材和鴨血，朋友們都是鴨血愛好者，剛好雙拼鍋可以再免費追加鴨血一份，他們高興得要命。熟滾了一回，先吃鴨血，入口爽滑帶煙韌，跟台灣吃到的完全一樣，非常好吃雖然我們只是點了小辣湯鍋，個吃起來辣味不會蓋過食材本來的味道，兩者味道並存，麻香味濃，不錯喔另一個是酸菜白肉湯鍋，鍋內有酸菜、

最近健身健心大行其道，所以我地健完身都要黎養個生先。 一入到門口就有大大個招牌同幾個紅燈籠，有台式火鍋店嘅風格。佢入面每一枱都有啲屏風隔住，私隱度非常高，適合一班friend自己圍埋打邊爐吹水。我哋叫咗個鴛鴦鍋，分別係麻辣鍋同養生鍋。麻辣鍋湯底本身有鴨血，佢會再加送一碟鴨血，超值。至於養生鍋湯底入面有烏雞，味道有少少藥材味，但係一啲都唔會難食，非常鮮甜。烏雞亦都非常嫩滑，啖啖肉。打邊爐就唔少得肥牛，我哋仲有叫咗滑雞件同羊肉。值得一提嘅係佢雞件係寫到明嘉美農場嘅雞， 我哋估就應該係一間台灣農場，啲雞熟咗之後非常滑，一啲牙力都唔使就已經可以咬到。亦有叫手打丸拼盤，佢分別有六種佢嘅特色手打院丸，叫拼盤就可以一次過試晒。佢響鈴亦都係非常新鮮，即刻炸出嚟，卜卜脆。佢兩種湯底都非常入味，成晚啲火鍋料都冇乜點過豉油，原汁原味。

今日放工同fd食左佢推介既養心殿台式火鍋，之前都有係台灣食既火鍋好正，就試下呢間啦Book左8點好快就有位，呢到既座位間隔好好，好有privacy, 點左麻辣同養身鍋，2個湯底都好足料，最好食既係肥牛，響聆，新鮮炸好好味，仲有好多丸，粟米好甜，食到好飽好滿足呢！

之前同朋友一路都想係香港搵台式火鍋，麻辣鴨血鍋等火鍋。終於有人介紹左呢一間養心鍋，除左麻辣火鍋之外，仲有好多唔同藥材，中藥組合湯底（美人鍋，養生鍋，養心鍋等等）今次點左鴛鴦湯底（揀左養生鍋同麻辣鍋），收費都係計貴個款湯底價錢，唔洗另外加錢。麻辣鍋仲會送埋鴨血一客👍🏻麻辣鍋底本身已經有凍豆腐，再加埋鴨血就同台灣食個d 一樣，鴨血香滑，吸收麻辣湯味，如果可以無限添加就好😂 加外養生鍋就有烏雞、人參等藥材，一開始就咁飲個湯底都已經好補身，烏雞份量都幾多，湯底沒雞肉亦都好嫩滑，冇諗過褒湯料都可以咁滑身。打邊爐湯底好味已經好食左大半，再加埋用料好，就一定唔會唔好食。餐廳整體食材用料都新鮮，肥牛脂肪比例適中，唔太肥唔太瘦。相比起肥牛，羊肉片略略過肥，不過羊蘇味就係個到散發出黎，好香羊蘇味。另外手打墨魚滑、手工丸都好彈牙。手工丸拼盤都好值得叫，可以試晒佢6款唔同口味丸，好多都係有流心，食每一粒都有驚喜。另外響聆都係必點，佢真係鮮炸，上台時仲係熱，岩岩新鮮出爐，再加上吸晒湯底味道👍🏻最後亦都嗌左蔬菜拼盤，$58分量都好多，每款都有少少，抵食。最後食埋寬粉條，有小小似粉皮/水晶粉，吸晒湯底精華，彈彈地好

落咗柯打30分鐘左右先見到個火鍋底 但係打邊爐嘅配料都上得7788羊肉亦都由挺身變成一pat先有得淥朋友講到呢間嘢嘅藥膳 咁搶手咁梗係每邊都要飲兩碗湯先至收手啦老老實實真係好足料好大陣參味烏雞湯嗰邊亦都有落到火腿同各種 中藥類物體美人窩落咗桃膠去增加骨膠原夠曬體貼烏雞亦都係女士補身之物由於我哋落咗嘅肉類因為賣曬等咗好耐又唔話畀我哋聽唯有淥咗啲菜先因為湯底濃厚藥味 個菜非常掛湯選擇夠多亦都食到出面食唔到嘅嘢有唔少嘢係台灣直送因為個湯底夠味根本唔使用豉油呢間嘢食齋就最啱響鈴反而幾油鴨血夠曬挺身 淥完一大輪都唔會散曬丸同餃子類 合乎預期但係下次我都係食返台灣直送 食下出面冇得食嘅嘢飲品叫咗 好耐都冇到超級唔夠人你想加湯呀等半個鐘啦因為招呼唔到勸喻各位第一次落單 落咗個湯底先跟住先至諗清楚自己想食啲乜嘢仲要係一次過落曬唔好加單問清楚究竟有冇貨 如果唔係你肚餓到暈咗 都唔知咩事

養生，養心，看個名就覺得好滋陰了。裝修稍為古色古香，淨在裝修也放了不少心思，樓上鋪打扮成得很像樣。燈光比較暗，光一點較好。 似足古代的客棧。 鴛鴦鍋，一面是烏雞湯，一面是人參湯。 好補呀！有些藥材黨參在湯底，味道真是不錯。人參絲的人參湯也幾好。我們加了像粉絲 他們的湯料不是很淋身，預左你要煲幾個鐘慢慢食，是愈煲愈入味的。 我見其他人叫山水豆腐也試試看。很滑很味。 雞湯正，清甜，食埋雞肉好好味。食完一碗又一碗。 惟一是通風可改善，食完件衫有少少味。 最後來個榴蓮雪糕，滿足。

平時邊爐就打得多,嚟呢間試吓點養心,就咁睇佢地d火煱湯料都唔係普通出面食到嘅,全部都有藥材成分,感覺都好似健康d湯底我就揀咗鴛鴦鍋，養生鍋拼麻辣鍋,因為都係計高價錢嗰個,緊係試兩款啦～個湯嚟到都好香藥材味,但個麻辣鍋就越食越咸,無麻味，但侍應講話因為唔係四川嗰款做法所以有分別喎。而養生鍋就味道清淡,都帶出藥材味，ok嘅。手切肥牛 有牛味唔靱,好少食店有咁嘅質數。雪花牛 都諗帶爽 两款牛都好正連我平時少食貢丸都覺得彈牙要食多粒。云吞就普通啦～麻辣牛肉餃 不太麻辣 普通人都食得上湯牛腩腍 好味 因為可以就咁食,未等湯底嚟我地已經食晒。蝦 仲郁緊 大隻又新鮮 勁彈,激讚聖子新鮮但未到鮮甜,洗唔淨仲有腸有沙有黑邊,扣分。黑松露蝦丸，蝦味唔重但有黑松露味。鵝肝墨魚丸唔錯,可能我太愛鵝肝啦～大部份食物我都好滿意,質數明顯高過出面,9點半後嚟有7折都係等於出面火煱嘅價錢其實都有少少貴,但我會再嚟