養心殿台式養生鍋 (已搬遷) 新店位置

朋友講過話好食，所以明知貴都試下，試落同台灣比真係爭得遠！叫左養生鍋和麻辣湯底，完全唔夠足料，麻辣味道就好點點！食物好一般，樣樣價錢都勁貴，份量較少，一般火煱都做到！唔洗黎呢間，咁貴！見佢打正旗號話台灣養生鍋先過黎試試，點知做唔到台灣質素同態度！下次會選擇一般火鍋店多過呢間！服務員態度其差，催交枱，我只係差少少未食完，過黎熄我地火！😡😡😡😡只係遲左10分鐘，未熟又點食呢？搞到d 老人家好嬲！嬲著離開！唔會再幫趁！寧願過台灣食！

朋友話打邊爐有間養生鍋好好味我即刻話好，因我之去食過好好味，個湯底真是超正。like養生鍋的Facebook 每人有一杯飲品送👍美人鍋：有紀子，桂圓肉，紅棗，桃膠，烏雞等，烏雞肉質嫩滑，又有好多骨膠源，真是用料十足，湯底又好清甜可口。養生鍋：有人蔘，桂圓肉，紅棗，豬肉等，湯底好濃郁人蔘味，真是放左好多人蔘，未打邊爐兩種湯底已飲左3碗非常回味。打邊爐必須要有牛肉，手切牛肉油脂均匀，片片切到好均勻，肉質嫩滑，牛味濃厚。炸響鈴熱辣辣，浸一浸湯底索晒精華超級美味。黑松露蝦丸真是啖啖黑松露香味，爽口彈牙超級美味。萵筍清脆爽口清甜。切片年糕煙煙韌韌。紫淮山麵，幾特別的一種麵都是第一次食，麵質嫩滑。

冬天當然要瘋狂打邊爐，呢間養心殿台式養生鍋係我近期最愛，成間餐廳都好有台灣味道，裝修間隔別緻，每台客都可以有個私人空間作為火鍋店飲品menu選擇眾多，連苦瓜汁都有供應我就點左酸菜白肉鍋併養生鍋鴛鴦鍋 $ 188養生鍋湯底採用了多款藥材，人參，老雞及豬肉精心肴製而成。湯料充足又夠味道！特別一讚係湯入面的鴨血，完全吸收晒湯頭的精華，非常惹味！蔬菜，豆腐同年糕係打邊爐必備，唔洗焯好耐已經吸晒湯底精華肥牛粒油脂分佈平均，一放落鍋已經散發出好濃郁牛味食完之後並無一般火鍋後的口渴，證明真材實料，加上火鍋料本身已非常高質，無需要點任何調味醬油

呢度最正嘅嘢就係可以中午食火鍋突然瘾起唔使等到夜晚就可以即刻撲去食最正就係唔使同人逼包場咁款成間餐廳最多有兩儀喺度一齊打邊爐 因為冇咩人 坐喺度吹水都唔驚唔好意思但係淨係得一個樓面服務係爭少少㗎啦 不過睇開啲啦你上嚟都係飲湯啫佢雖然唔係餵埋入口嗰種服務 好嘅 火鍋地方但係 靚女都係服務一流有親切笑容個湯底因為實在太好味我唔想再重複喇因為蔬菜特別掛湯 差唔多所有叫嘅嘢係菜咁濟主角係個湯呀嘛今次發現咗原來竹笙簡直係美麗動人係新鮮嘅白色非常吸湯原來qq粉都好好食勁彈牙又掛湯不過煮個時間要耐少少反而個鴨肉 煮嘅時間真係好難控制好熱 煮得太耐而硬曬不過你中午打邊爐就會發覺好多嘢都已經賣曬因為佢嚟唔切送貨不過真係坐得幾舒服

The soup base were good with good decor for that price range. It took a bit long to get the staff response to fill up the hot pot and order new things. The price is reasonable and hsbc have a 15% off during certain time of seating.I will go back again.

知道台式養生火鍋進軍香港有一段時間，今夜飯聚朋友選了養生殿，終於有機會一試！銅鑼灣養生殿在鵝頸橋叮叮站附近，方便我們各位港島的上班族。裝修採用懷舊風格，用透視屏風分間成一個個小用餐區。朋友衝着美人鍋來，看到不用額多加錢，可以轉鴛鴦鍋，立刻改為''麻辣美人''。煮沸後先來一碗''美人湯''。用烏雞、桃膠和少量中藥材煮成，養顏滋補。藥材味道淡，喝下來只嚐到滿滿的雞湯味道。鴛鴦鍋額外再送一份鴨血。鴨血已經預先與麻辣鍋煮好，只要稍為加熱就可以，吸收了麻辣鍋的精華，麻香惹味。食材可點全份或半份，人少也可以多嚐幾種。我們點了十多種，以下幾款特別受讚賞。細份手切牛肉，雪花分佈均勻，滾完肉質依然鮮嫩，牛肉味香濃。角切蘿蔔。侍應特意細心提醒要早點下鍋。雖然比普遍火鍋店切片蘿蔔需要更多時間煮透。但角切可以吸收更多湯汁，配美人湯或麻辣湯勻非常合適。半份自家製韭菜餃。手工包製，皮薄餡多，菜肉比例適中，調味也不會過鹹，滿滿韭菜香味。雜錦蔬菜藍。有金菇、大大粒鮮冬菇、秀珍菇、粟米、娃娃菜、生菜和少有提供的小棠菜。各種葉類蔬菜吸收了美人烏雞湯精華，既有蔬菜的清甜，也有濃郁的雞湯味。寬條粉。窩心提供''小筲箕''煮粉

朋友食過養心殿火鍋，極力推介我試。養心殿內裡裝橫古色古香。我們叫了鴛鴦鍋，一半是美人鍋，一半是朋友仔喜愛的麻辣鍋。美人鍋有桃膠，含豐富膠原蛋白及原隻烏雞，配上杞子，金華火腿，南棗，十分滋陰養顏。而另一邊的麻辣鍋則有藥材及香料，加入凍豆腐和鴨血，朋友十分喜歡那種辣味。手切牛肉這個紋理分佈均勻，入口油脂豐富，牛味濃郁，這個真心覺得好食自家製極品水餃，雲吞，黑松露蝦丸顆顆都很飽滿，尤其喜歡鮮蝦雲吞，很多蝦肉。雜錦蔬菜盤白玉蘿蔔蘿蔔吸收了湯的精華，很腍甜，必點。新竹米粉當然不少得飲品烏梅汁以解渴。

真心平靚正，埋單每人$300 好食好飽！上個禮拜食完d任食火鍋，所以今次來養心殿好滿足，以後都不去任食！ 湯底超正，飲左半個湯底！ 美人鍋😍😍 今個weekend 再去食！ 830前埋單有30% off！ 非常好👍 叫曬全部牛肉，不錯！ 台灣進口水蓮好特別，仲有個d手打balls 好彈牙！好彩訂了位，門口walk in 排隊，唔訂無得食！我去那天爆場，員工無停手，氣氛挺好，上次去仲見到明星！真係比100個like，很久沒吃過那麼正的火鍋！

今日約左朋友出CWB 食飯, 天寒地凍, 就比個招牌吸引左入去打邊爐....養生聽得多...養心又係咩一回事呢?一睇個MENU, 嘩! 又美人鍋又養生鍋又養心鍋, 朋友想做美人, 要揀個美人鍋喎..既然雙拼唔使另加錢, 我又要個養心鍋先!個鍋黎到...比想像中大好多! 美人鍋又真係幾足料喎...入面好多烏雞!養心鍋仲西利, 有人蔘!!! 食落好甘O既人蔘!! 加埋其他藥材....一定好補個侍應千叮萬囑...要我地試左個湯先, 之後先好放其他食材...呀.....飲都停唔到, D 湯好特別, 又清甜,..淨係顧住飲D湯, 食D 配料, 都唔記得嗌野食由於個湯清清地, 我地都唔係太想嗌濃味O既野, 都係嗌D 菜, 餃子咁朋友口味特別D, 想食鴨血...... 由於本身養心鍋都係鴨血O既關系........今餐真係食左好多血!!!!!一定夠哂補身!養身, 養生, 養心!

在中國古代文化中，人要延年益壽，必須要涵養心靈，即是保持心理均衡，氣血勻和。古時，故宮裡設有一座「養心殿」，便是供給帝王養心思想的地方，好讓帝王能在這裡反思自己，去除內心不健康的慾望，從而養心也養生。是晚，筆者相約了三位好姊妹，到這間位於銅鑼灣以「養心殿」的台式火鍋相聚。店內裝潢古色古香，大廳以木屏風間出多個空間，另設包廂房。《養心殿》供應六款藥膳火鍋湯底，分別是麻辣鍋、酸菜白肉鍋、寧神養心鍋、秘製薑母鴨鍋、美人鍋和養生鍋。由於筆者和姊妹都是嗜辣的人，麻辣鍋火鍋是必然之選，另外，我們選擇了店員推介的寧神養心鍋。麻辣鍋以多種香料及藥材熬製而成。客人可自行選擇三級的辣度，小辣、中辣和大辣。我們選擇了中辣，麻得夠香、辣得夠勁度。麻辣湯底的大亮點是附送的鴨血和凍豆腐，當吸收了麻辣湯的精華，真是讓人欲罷不能。寧神養心鍋用上川芎、白芷、天麻、當歸等药材，加入鮮雞、豬肉、20斤鮮魚用四小時熬製的。大家都急不及待，搯了一碗，品嚐原味的鮮甜。手切牛肉(細) $228每日限量供應的手切牛肉，油花分佈均勻，肉質軟嫩，富肉香。霜降肉眼肥牛 $178大大片的霜降肉眼肥牛，厚薄適中，吃起來挺香口。餃子拼盤(10粒

平時打邊爐都係去啲任食今次去下呢間講到明養生嘅邊爐啦讀書讀到爆哂肝睇下補唔補救到先呢度嘅環境都幾好暗暗地 座位好多同時人流都好多！好多上班族黎食架都我就冇食到麻辣嘅另一個就有半隻雞同少少中藥材個感覺就係養生！可以食埋隻雞都幾好哈哈牛肉係打邊爐唔少得嘅野黎：）唔好睇佢薄薄地一片咁 其實係卷埋咗喳 都幾長下嘅睇佢嘅顏色都好靚 雪花咁牛肉味都好重 吸收到哂湯嘅精華呢個炸午餐肉真係有點特別平時係就咁擺落去 依家係放落去幾秒再拎上黎食外皮仲會有少少脆 不過略為鹹咗啲響鈴係每次打邊爐必叫！個樣係似自家即整外貌就唔太討好咁 但其實係炸得好脆之餘放落個鍋到吸到湯又唔會“淋”哂我地仲另外叫咗個鹽酥雞份量都唔少架 佢連雞皮都另外炸埋 都幾香口不過就略為多咗少少粉但鹹度就啱啱嘅

堂家姐鍾意食麻辣火鍋.但沒有時間去轉台灣~所以就約埋佢一齊黎食止一止佢既麻辣癮~裡面格局會用屏風間開.有私人空間之餘又不會覺得自成一角~枱與枱之間有足夠空間.絕對係談天好地方~我地點了鴛鴦鍋一邊是麻辣鍋($128)另一邊是酸菜白肉 ($128) (還有寧神養心鍋($168)、秘制薑母鴨鍋($168)、美人鍋 ($188)和養生鍋 ($188)可供選擇)  溫馨提示:如果點鴛鴦鍋的話.是以價錢較高既來計算~鴛盟鍋來了-  本身鍋裡面已有不少材料, 而麻辣鍋裡的鴨血是可以免費添加一次的~而它的酸菜白肉鍋有很多酸菜和白肉.湯愈夠味愈濃~手切牛肉一值是我大愛! (大: $328, 細: $228) 我們二個人就叫了細的~份量都足夠~很新鮮和很有牛肉味!只要放一放落湯很快就熟~有肉汁浸出~炸午餐肉 （$58）堂家姐話食麻辣火鍋一定要點午餐肉！打邊爐就試過.但麻辣火鍋就第一次試！好有驚喜！開頭以為是普通午餐肉！估唔到會將午餐肉預先炸過！完全可以直接食.外脆內熱！而落去麻辣鍋後！外面還是脆口的！吸了麻辣鍋既湯汁寬粉條 （$38）其實酸菜白肉鍋裡都有配備寬粉條！Q彈既口感同吸收了湯汁粉條令到我們決定要

秋風氣爽, 是行山的好季節, 日頭行完山, 傍晚便同行山友去食嘢, 朋友帶我們來到銅鑼灣一間樓上舖打邊爐, 這間叫“養心殿”, 搭電梯上到樓上, 一開電梯門已聞到非常香的藥膳的味道, 很濃郁的藥材味及湯的香味, 頓時令我們食指大動, 興致勃勃去看有什麼湯底可以這麼香, 這麼吸引, 原來這間“養心殿”是一間台式養生火鍋店, 湯底都是有滋潤養生功效的,有別與我們平時食的港式或川式湯底. 入到店舖頭裡面, 見到店內裝修古香古色, 枱與枱之間都用雕花屏風隔住, 每張枱好似自成一體, 犹如在包房中一樣, 不怕同隔離左右挨挨踫踫, 而雕花的屏風也增加了空間感, 沒有這麼壓逼, 座得非常舒服. 養生殿的火鍋湯底, 有好幾款, 有養生鍋, 有秘制姜母鴨鍋, 有酸菜白肉鍋, 有寧神養心鍋, 哇, 款款都好吸引, 於是大家一致贊成試下招牌“養生鍋”, 這款火鍋有滋補藥材在裡面, 包括有雞, 人參, 龍眼, 紅枣, 杞子等等, 若了order之後, 我們便自行去調制醬料, 待火鍋上枱。 一陣子功夫, 各人都調教好自己的醬料後, 一個紅銅色的圓型大鍋上枱了, 這個銅制的火鍋仲有2個大圓環在兩邊當把手

一向不特別喜歡吃火鍋, 但卻被養心殿吸引, 因它的養生湯底, 和台式養生火鍋的招來, 令我有興趣一試, 完全打進女生的心, 女生最愛養生了。趁天氣開始涼, 就約朋友吃火鍋吧, 聽說這銅鑼灣分店很爆滿, 要預早幾天訂座。湯底選了酸菜白肉鍋和養生鍋, 前者附送多一份酸菜白肉, 味帶酸幾開胃, 後者以藥材和烏雞等熬製, 味甜, 一甜一酸這組合蠻不錯, 鴛鴦鍋以價錢較高為準$188(美人鍋)。酸菜白肉鍋口味很台式，還有不少滑嘟嘟的半透水晶麵條。美人鍋吃到最後發現有許多平民燕窩桃膠，當然不放過通通吃掉來養顏吧。日本牡蠣6隻$138上枱時雪到冰硬, 但滾兩滾融化了後, 卻吃出鮮味來, 蠔的質素不錯, 蠔味香而不腥, 最重要不要滾太久, 要記著撈起來。手切牛肉 細$228排得整齊, 肉色鮮紅, 脂肪分佈平均, 未食已睇得出是靚牛, 切的厚薄適中, 淥半分鐘不到已可食, 入口牛味香濃而肉鮮嫩多汁, 非常出色!雜錦蔬菜盤$58蔬菜有冬菇、粟米、秀珍菇、小棠菜、油麥菜等, 全都新鮮又洗得乾淨, 最特別是有幾條連皮的粟米芯, 比較少見的東西, 輕輕咬就可以將芯咬出來吃。甜不辣$48看樣子似是即食的東西,

天氣微微轉涼，又到打邊爐嘅季節。最愛麻辣火鍋嘅我初嘗近來大熱的台式養生鍋 — 養心殿台式養心鍋！位於銅鑼灣的分店有點中國風，坐位寬闊不感濟迫。有數款湯底可以選擇，也可要鴛鴦鍋，以價錢較高為準。款款都好吸引哦，結果我們選了麻辣併養生鍋一試！我們二人不能選太多配料，精選了我們一向愛吃的一試。鍋蓋打開後，雙眼著迷呀！估唔到湯底本身料子十足！每個湯底都會追加一份鴨血及豆腐的！再加上湯料十分豐富哦！養生鍋湯底是可以先喝的！火鍋配料還沒有到，我們便按捺不住不斷的把養生鍋的湯底喝過夠！看！多麼的足料！人蔘不是一兩條的，是整鍋也是哦，湯底鮮甜，啖啖的蔘咪滲出來，十分好喝！！我們是把整個湯底喝光光的值得一提他們的會不斷為客人加入《湯》底的！是湯！不是水哦！不是很多火鍋店會這樣做的吧！麻辣湯底因朋友不能吃太辣，我們只要少辣，是香的麻辣味，不是一味的死辣哦！不吃辣的朋友也會愛吃哦！霜降牛肉，肥瘦適中，牛味濃！自家鮮製的鵝肝墨魚丸同鮮蝦雲吞，彈牙鮮甜爽口！我最愛的寬粉放入麻辣湯底吸盡湯底精華！十分好吃哦！他們的寬粉不會放入湯底便溶掉，有點咬口！大愛！冰豆腐又一吸湯底的食物，放入養生鍋湯的，沒有那麼油膩，更能帶