養心殿台式養生鍋 (已結業)

天氣又開始涼喇，又係開始打邊爐既日子！身邊既女性朋友成日介紹呢間養心殿，話一定要試佢地既滋補湯底，早兩個星期就book黎試試佢！環境：地方非常之大，亦都非常之暗，裝潢好有古典味道，同我係台灣去過既打邊爐氣氛都幾似。服務：一坐低侍應就好主動遞餐牌同俾茶，落單同上餐時態度都好好，抵讚！衛生：呢度既餐具係上座時一併俾埋既，個人認為咁係衛生d，唔使長期暴露於餐枱上面俾人掂過晒同中口水彈。味道：我地叫左鴛鴦鍋，有美人鍋同養生鍋，兩個鍋本身都有好多料，齋食料同飲湯都ok，而且仲好滋補。生蠔超級新鮮，而且份量夠，煮完都仲幾大隻，推介！睇下d雞肉幾鮮紅色就知新鮮，而且雞肉冇咁肥，唔會整到成鍋湯底油淋淋丫嘛，同樣推介！另外叫左半份墨魚丸同半份雲吞，份量少d但勝在足料好食，同出面任食個d真係冇得比既。雜菜份量都幾多，有5-6款菜類。抵食：價錢黎講算中上，但用料方面夠新鮮，係食quality，下次特別日子食飯會再黎過！

好耐冇食火鍋三人行試吓呢間好評如潮嘅養生鍋Openrice網上訂座冇晒即晚好彩朋友早到咗Walk in拎位幾鍾意呢度古式國風設計甫入店已經非常喜愛叫了鴛鴦湯底：麻辣同鴨血豬肉點食物之前whatsapp問朋友有咩推介逐樣餸打出嚟打晒成張餐牌咁濟可惜水蓮餃賣晒下次有機會再試人數唔多叫得好少款式但係好大碟差啲食唔晒侍應阿姐好快手會主動問要唔要加湯FB share n like會送特飲埋單前問有冇甜品送咗杯青檸沙冰

養心殿系近一兩年冒起得好快既台式火鍋店，其中一個賣點就系唔同款式既「養生」＆「美顏」湯底，再者，就系其典雅中式裝潢。美人鍋拼寧神養心鍋 ($188) - 湯底自由雙拼無須加錢，以較高價錢湯底計算，美人鍋用左烏雞、杞子、南棗、 金華火腿等料，所以有少少藥膳雞鍋既風味；而寧神養心鍋主要系魚頭、鮮雞、豬肉、川芎、百芷、天麻，當歸等等，偏魚湯味道。手切牛肉 ($238/細) - 必食手切牛肉盤，顏色鮮紅，賣相幾靚，脂肪比例唔算多，牛味相對濃郁，灼幾秒就食得，肉質都算幾滑。櫻桃鮮滑鴨片 ($88) - 鴨片共十塊，鴨味好濃郁突出，亦都夠滑身，幾好食。酒香白肉 ($58) - 呢款豚肉相對抵食，只售$58，酒味好香，滲曬入豚肉，而且肉質又幾爽口。手工丸類拼盤 (12粒) ($108) - 每款兩粒，分別系鵝肝墨魚丸、黑松露蝦丸、芝士牛肉丸、墨魚丸、蝦丸、梅菜豬肉丸，無論邊一款都好，質感同樣系非常爽口彈牙，味道各有特色，每款都幾唔錯。

最近愛上了這家養生火鍋 尤其最愛美人鍋 很足料 通常都飲完湯再打邊爐 兩種享受這裏裝修也很特別故色故鄉 一個個雙卡私隱度極高 之前也去過他其他的分店一大隻烏絲雞作湯底 還有黨參桃膠 淮山杞子 這個湯很清甜 refill的也是湯這裏的安格斯肥牛不可不吃 牛肉味濃入口即溶 厚度剛剛好 分量也算足新鮮海中蝦 也是不二之選 非常新鮮還在跳動 而且很大隻 肉質彈牙 係海蝦並非養蝦其他 食物也是 用心之作 就連午餐肉也是炸過的把油份都迫出來 直接食也可放湯也不會油清清地豆腐蔬菜 都係很新鮮全部都係時令蔬菜豆腐很滑很滑老油條打邊爐又是第一次 感覺還可以就連稻庭烏冬也是溫熱的 細心細心魚蛋也是彈牙的 是潮州魚蛋呢這家養生火鍋真是與平時的火鍋很不同 吃完一點罪惡感也沒有 還挺滋潤的

朋友一直都想試下養心殿，今日我就趁住佢生日請佢食了左佢既心願！佐敦養心殿既裝修係懷舊中國風，整體運用木製品，例如枱櫈、屏風，橫樑掛上紅色燈籠。湯底我地揀左美人鍋&酸菜白肉鍋。美人鍋材料超多: 桃膠、圓肉、藥材。但最驚喜係鍋內有半隻細烏雞其實食完隻雞仔都飽左3成😂酸菜白肉鍋係幾抵叫既，因為本身鍋內已經一份酸菜白肉，餐廳仲會送多一份，即係免費有多碟豬肉啊～手切牛肉(細份): 細份都最少20片，牛肉味超濃，紋理分明，厚薄適中，超級新鮮，淥10-15秒就食得，滑嫩多汁，有少少似滑牛既口感。下次應該會叫大份雪花一口肥牛粒: 未食時後悔叫左，因為驚掌握唔到時間，淥耐左會韌。食完之後就好興幸自己有叫呢碟，因為每粒牛肉都滿佈雪花，我同朋友就唔食太生，所以淥4分鐘以上，8成熟就最好。我地發現即使淥10分鐘以上，牛粒都唔會韌同埋“鞋”，可以慢慢烚。手工丸類拼盤: 總共有12粒，我個人就最鐘意黑松露蝦丸，因為黑松露味好突出～d手打丸又好彈牙。梅菜豬肉丸係第一次見，好似阿媽自家製既梅菜肉餅味。招牌鹵味拼盤: 拼盤有豬大腸，牛展，牛柏葉，全部鹵得好入味，豬大腸又夠腍，冇臭味即炸脆響玲: 即炸係唔同d，金黃色又完

我地一行六人黎打邊爐，之前其實已食過旺角分店，今次book吾到，所以黎左佐敦，我地book左七點半，但七點已經到左，于是問下可否早啲入去，點知又有枱比我地，落左單之後我地先知原來8點半離坐會有七5折，咁我地緊係拿拿聲食啦我地叫左美人鍋同麻辣鍋，未打之前我地飲左小小美人湯，好好飲喎，有半隻烏雞。生蠔好新鮮本地手切肥牛，都夠淋，但就吾多牛味雜錦丸，好新鮮，有幾款入面係有涵仲有漏左影炸午餐肉，可以就咁即食，同打邊爐，好出色呀，讚好fb仲送一杯飲品，埋左單仲送芋圓糖水，真係無得輸

今晚又約左朋友去佐敦養心殿打邊爐！都係book左台去既~一入到去都有7成滿，侍應超級nice，一坐低就幫我放好點單紙同筆添！我食過番尋味，揀左美人鍋，朋友揀左麻辣鍋，送左成碗鴨血，好抵！未淥野食之前，我又忍唔住飲左碗湯同吃左d桃膠！手切牛肉我地叫左細既~但都好大碟下，而且全部都好厚身，一啖食入口好滿足，牛肉既脂肪分佈好平均，食落都有牛味，一d都唔韌幾腍！關廟麵呢個麵無得輸！同個美人鍋好夾，可以同d湯一齊食！我就叫左生雞蛋，沾蛋汁，d麵既熱力令個蛋半熟，好match！朋友叫左手工丸類拼盤，一共有12粒，每款2粒！咁我就可以試哂全部味啦！我覺得呢兩款好出色梅菜豬肉丸: 梅菜味好出、豬肉好鮮黑松露蝦丸: 黑松露味比我想象中重！蟹籽墨魚滑朋友很喜歡，很鮮味彈牙！食到中間，待應送左兩小杯檸檬沙冰比我地！甜的~下次黎可以叫一杯試試，幾唔錯！自家製鮮蝦雲吞足料，入面真係有一隻蝦！

難得今日收早，就相約媽咪和妹妹一起到佐敦食火鍋 ，貪靚 媽咪最愛去養心殿食呢個美人鍋。店內燈光昏暗，環境氣氛都好舒服。牆上寫著今日精選海鮮。醬料因應個人喜好自由選擇，我個人特別喜歡加入醋油酸酸地好惹味。湯裏面的配料好多，尤其是桃膠，養顏—流亦都係女士最愛。飲左兩大碗。蟶子皇成隻手咁大隻，非常鮮甜，—d都吾un，—句講晒正。半份韮菜餃，半份鮮蝦雲呑，咬落蝦肉超爽囗彈牙。豬肉片入囗嫩滑，肉質鮮美。台彎A菜，煮一煮就食得，超爽囗！寛條粉，吸入濃湯超入味！正！

養心殿已經食過無數次，今次有朋友係澳洲返黎，佢地最鍾意打邊爐，所以今次佢哋試吓。一入到黎大廈，已經有個好大招牌，指定時間有七折優惠，好扺食，好彩定左7:00入坐，有優惠又有位👍👍👍店舖裝修古色古香，甚有風味，空間感大，每張枱都有隔開，傾計一流。當然要選擇佢哋最出名的美人鍋啦😋嘩！真材實料，有成隻烏雞，桃膠主要食材，見到巳經很吸引😋梅花豬，不會太多肥肉，切得好薄，一碌就熟🐷鴨血唔係度度都有得食，食落口感好滑好正，呢個必點👍新鮮墨魚滑-鮮甜彈牙👍即炸脆響玲-捧來的時候熱辣辣，放入濃湯碌幾秒即食，好入味。炸午餐肉-炸到香噴噴，就咁食都好好味👍

去了荃灣及旺角轉戰佐敦！寧神養心鍋 拼秘製薑母鴨鍋佐敦分店湯底濃而不咸，養心鍋以半隻魚頭及四份一隻烏雞熬製，奶白而香滑。薑母鴨肉質結實彈牙，濃香湯必盛上幾碗湯來喝。店家再添的也是對應湯底，不會越加越淡味。手切牛肉(小) HKD238顏色紅潤鮮艷，白紅雙色均衡相間，肉味濃郁，肉質嫩滑彈牙，油潤感豐富。自家制韮菜餃(半份) HKD42韮菜餃皮薄嫩滑，餃內肉汁多餡豐富，每件飽滿圓滾滾。自家製鮮蝦雲吞hkd42雲呑皮比餃子皮更薄，內里有原粒大蝦仁及豬肉，料足。寬粉條hkd38晶瑩剔透的寬粉條，一下湯已馬上吸附湯底，鴨湯鴨油滲透於粉中，粉質彈牙Q軟。店家還贈送檸汁冰及榴蓮雪糕！

已經唔記得第幾次嚟養心殿打邊爐了，每次一話打邊爐都淨係想嚟食，因為我真係好鍾意佢地個鴨血呀！今次揀咗麻辣鍋同酸菜白肉鍋，麻辣鍋本身會附送埋鴨血，而酸菜白肉鍋入面都好足料咁有一塊塊肉我地叫咗份極上雪花肥牛啦，蝦丸，鵝肝墨魚丸，魚皮餃，年糕，仲有鴨片〜特別想推介鵝肝墨魚丸，彈牙既墨魚丸入面包住鵝肝，勁香濃！肥牛份量都幾多〜同埋鴨片都好好食，唔係周圍都有得嗌嚟打邊爐嫁！個人覺得同麻辣鍋好夾食完依餐真係好滿足好開心，下星期可唔可以再嚟過呀？

剛出差回來心思思念掛著養心鍋立即打電話約腳去打火鍋。今晚細妹這想食美人鍋，我們就回叫了個美人鍋底可惜太心急掛住食忘記手機食先沒有影相🤣$188 美人鍋是用桃膠及原隻烏雞肴制，滋補養生！😋霜降肉眼肥牛 $178牛控嘅朋友必食之選，入口熔化牛味香濃🏆梅菜豬肉丸 $38好香梅菜味彈牙爽口🤤日整肥蠔 $138好新鮮肥蠔焯熟都完全沒有縮水。新鮮三色蔬菜 $68淮山麵 $38用來吸湯底精華簡直神級享受。我的至愛鹽酥雞 $57每次來都指定必食，這個小食很奇怪會給我在寶島感覺，因為太酥脆了！睇翻單原來仲有鮮打蝦滑無影🤣太忘型了！好底好底只要 7:30 前結帳食物係半價架！😆😆呢餐速食火鍋真係平、靚、正🎉

經朋友介紹, 我先知養心殿台式養生鍋除左打邊爐, 原來仲有lunch set 食。呢到環境好大, 座位闊落, 仲有屏風阻隔, 私隱度高。因為我地食飯都已經2 點啦, 無咩人, 所以環境比較靜, 岩晒我地傾計。lunch set都有13 款揀, 包埋燉湯, 前菜同飲品, 重點仲唔洗加一。今日燉湯係人參烏雞燉湯, 一上枱已經聞到陣人參味, 好足料, 雖然係燉雞湯, 但一D 都唔油呀! 前菜細細碟, 有泡菜, 菜莆, 烤夫, 就咁食有D 咸, 我用黎送飯就岩岩好。lunch set 我要9 層塔三杯雞 ($78), 份量夠2 個人食,  燒香雞件配入秀珍菇同三色椒, 再配9 層塔既香, 好岩送飯。朋友就要鹽酥蚵仔肉燥飯($78) , 唔想食飯可以轉撈麵。平時食開鹽酥雞/蚵仔煎, 但鹽酥蚵仔就第1次食。一上枱, 俾佢份量嚇親, 同埋真係即炸的, 因為我太心急食啦, 我一咬就已經熨親個咀。個粉漿唔會好厚, 係鹽酥雞既味道, 不過就變左蚵仔, 蚵仔炸完唔會縮到太細, 又唔會好乾, 讚呀!肉燥飯都好夠味, 鍾意唔會太多汁令D 飯淋晒。食完咁多炸野, 配返杯杞子菊花就潤晒啦。見到隔離枱好吸引, 我下次

今年立秋後第一次打邊爐,選擇左台灣好Hit嘅養生火鍋。選擇湯底是已經令我有選擇困難症,每款湯底都有唔同養生功效,款款湯底都想試。由於朋友仔想食麻辣火鍋,所以鴛鴦湯底其中一款就選擇左台式麻辣湯底,香料非常之足夠而且亦有麻辣香,仲額外送一份鴨血。另一款湯底我選擇左寧神養心鍋,依款湯底非常滋補,用左鮮魚同烏雞加上藥材煮製而成,非常鮮甜,正式開餐前我都飲左兩碗。一個拼盤可以一次過試晒六款手工丸,有鵝肝墨魚丸,黑松露蝦丸,芝士牛肉丸,梅菜豬肉丸,墨魚丸同蝦丸。我最鍾意嘅就係黑松露蝦丸,黑松露香氣突出,食完齒頰留香。酒香白肉係比較少見嘅肉類選擇,經過酒浸嘅豬腩肉,食落滲出淡淡酒香。日本山藥水份高,食落細嫩。用嚟打邊爐都相當唔錯。脂肪同肉嘅比例啱啱好,食落非常嫩滑,而且重肉味。

春夏秋冬都要打邊爐😅，有時真的會燥熱但呢間台式養生火鍋就吾會拉，仲可以飲碗湯滋潤下先再打邊爐添火鍋湯底以養生為主，有大量藥膳，初秋不太凉，而我地就㨂返美人鍋，平和滋潤，一大只烏鳮還有桃膠，紅枣，淮山，黨參⋯⋯湯非常清甜配料選擇吾算太多，但樣樣都以新鮮為主！手切牛肉，看得到的新鮮，我們都是好牛之人，所以點了大碟，份量很足，而且都厚呢，牛肉油脂均勻，食落口更是松軟海蝦上桌後還在跳😂😂真係非常新鮮，很大只，還爆膏添，街市都成二百蚊斤呢碟午餐肉超多，而且厚切，炸過後再擺入煱就少左份油膩，就咁直接吃，脆卜卜，仲正，老公至愛😍其他蔬菜類也很新鮮，豆腐也特別的滑，魚旦弾牙有魚味仲有象啤飲呀，$28支大大支，就算叫一支都跟冰桶，抵贊😎 冬天再來試下滋補湯底先！