養心殿台式養生鍋 (已結業)

見天氣開始入秋，又系時候要出動吃火鍋啦！約左朋友甘耐，終於我地系呢間養生殿相遇了我地貪呢間餐廳夠曬養生，希望食完可以補下，美下顏甘入到來，見到成個風格佈置得古式古香甘，有好多紅色的燈籠。每個位置用木隔住，營造一個獨立既間隔感覺，私隱做得極好，不怕隔離臺看到我地D食相，哈哈！餐牌有分肉類、小食、海鮮、豆品類、丸類、餃類、滑類、蔬菜等等。整體感覺真係好古色古香啊！打邊爐，緊系至緊要個湯底，我地叫左個鴛鴦鍋: 美人鍋，有桃膠同原烏雞，仲配有杞子等藥材肴制既湯底，岩曬女性！秘制薑母鴨鍋，有老薑同台灣特產既紅面番鴨，配以當歸，見到都補呀😁如果呢2款唔岩，仲有其他湯底，例如麻辣鍋，酸菜白肉鍋等。來左湯底要先飲左湯先，飲落非常甜，相信今晚都會吃得好開心沙巴龍躉斑，整條上，吃落不腥，魚肉很滑！湯底只烏雞，是整只分2邊上的，可以同朋友一人一半，十分足料！凈系食烏雞都飽！我地叫左雜錦蔬菜盤，入面有玉米、蘑菇、金菇同埋生菜等等。每樣菜上菜既樣貌擺到十分吸引，二人份量岩岩好。響玲外表炸得香脆，但並不油膩，同其他餐廳既響玲吾同，食落齒頰留香。沾起小小湯底，一半淋，一半脆，奇妙既口感，我起碼食左四舊小羔羊肉片，不

晚飯時段訂了7位，給了4人枱，每邊坐3人，然後一個主席位。眼看4週的食客，坐同一張枱，分別是3人或4人坐。這樣的安排超差，如果滿坐，可以如實告知，可讓客人另有安排。硬把7人迫在4人枱，不知應怎樣坐。最後我們被迫選擇離開，連道歉都沒有半句，即使食物有再高的食評，這樣的管理，趕客之道👎🏻👎🏻👎🏻

［養生殿台式養生鍋］呢間店越開越多，而我都同朋友食左幾次，今次老婆話未食過，於是我就陪佢再食一次，反正我食極都唔會厭我今次揀左佐敦分店，一入去間鋪裝潢好古色典雅，私穩度不錯！一坐底我推薦老婆要鴛鴦鍋分別有（美人鍋和秘製薑母鴨鍋）美人鍋材料有桃膠，烏雞，金華火腿等藥材肴成老火湯，岩哂女人滋補養生！另一款薑母鴨用台灣特產紅面番鴨，當歸，冬筍等，味道比美人鍋濃，我比較喜歡！我仲每款鍋底飲左兩碗湯，湯渣也食到七七八八！另外點的食物也進場，有黑松露蝦丸，爽口彈牙👍一口和牛，不需要碌甘耐，一啖食上去好香牛肉味！食到中途，侍應為我地每人送杯迷你柑桔冰，酸甜好味！牛柏葉咬落去也好爽，吸曬湯的味道，好正！最後叫左個雜菜清清一個胃，今晚食到超飽

養心殿近兩年於香港多區一口氣開設多家分店，主打台式「養心火鍋」，成功闖出名堂。位於佐敦的分店鄰近地鐵站，位於吳松街榮國中心二樓全層，地方寬敞，坐得也蠻舒適，其傳統中式裝潢風格也是一大特色。美人鍋 拼 寧神養心鍋 ($188): 可自由選拼鴛鴦湯底而無額外收費 (以較高價錢湯底收費) ，美人鍋以原隻烏雞、金華火腿、桃膠、南棗及杞子製，滋陰養顏之選；而寧神養心鍋以鮮魚、鮮雞、豬肉、川芎、白芷、天麻及當歸等料煮成，據說有舒緩頭風痛症的功效。那當然，兩款湯底也蠻好喝，前者藥膳味較重，後者魚湯味鮮。清湯牛腩件 ($118): 腩件炆至軟腍，能輕易咬開，腩味亦夠，可能是餓著肚而吃的第一道菜，所以特別好吃。手切牛肉 ($238/細): 擺盤達標準等級，牛肉色澤紅潤，脂肪分佈亦均勻，賣相討好。牛肉只需水滾後輕灼數秒便能享用，牛味香濃，份量亦不少，屬必點之選。自家製鮮蝦雲吞 ($80/份): 雲吞可謂皮薄餡靚，雲吞皮非常滑，而鮮蝦肉大大粒很爽口彈牙，相當「高汁」及高質。寬粉條 ($38): 無論是質感或者味道，均與薯粉相似，質感極為爽彈滑身，吸湯能力整高！奉送自家製台式芋圓糖水一碗，芋圓的煙韌咬勁很易令

今晚第一次去了養生殿台式養生鍋，有多款不同火鍋底供選擇，最後選了鴛鴦鍋，湯底材料非常豐富，其中一邊是麻辣鍋具香濃味道之外，內𥚃含多種香料之餘，亦配有凍豆腐及鴨血，份量十足。而另一邊酸菜白肉同樣十足份量，白肉、QQ粉連同湯底一起吃味道亦很特別，爽囗彈牙。我們亦選了免費追加鴨血。由於只有2人，所點的火鍋配料雖有限但非常滿意，例如普通一碟鮮蝦雲吞，絕對不馬虎，皮薄餡靚，原隻新鮮蝦做餡料，不錯。雪花一口肥牛粒，入口十分嫩滑，一吃再吃，很新鮮，牛味十足，牛肉粒算多。另外，剛熟的牛粒故然好味，但意外發現如果讓牛粒多涮一會，味道原來更佳，同行朋友亦同意。每人一隻活九孔，入囗彈囗，新鮮而且大小亦適中，海鮮愛好者不可錯過。手工丸類拼盤，每種丸類各有2粒，我跟朋友剛剛每種類別各一粒，這個丸類拼盤除了蝦丸、墨丸一般類別外，還有鵝肝墨丸、黑松露蝦丸及芝士牛丸都十分特別，所有丸都同樣爽囗彈牙。這𥚃很想跟大家分享我跟朋友準備了的火鍋的鼓油，由於湯底味道十足，配料涮鍋後已經很入味，可以無需沾醬料直接食。另外我們like 他們的page，送了每人一杯非酒精類的特飲。

平時打邊爐都會感覺好熱氣，但今日朋友拉我黎食養生鍋，聽落好似好補咁叫咗個美人鍋，係成隻烏雞上👀，烏雞肉質比起普通雞嫩滑。鍋裏有大量桃膠，雖然本身啲膠無味，但口感好爽滑，知佢高纖維，食咗好多，湯底仲有南棗，杞子，淮山☺️喝一口個湯底，都覺得啖啖精華見到周邊好多人叫即炸脆響鈴，我都唔執輸。叫咗份羊肉片同芝士牛肉丸，芝士丸就食得多，牛丸裏面流啲芝士出黎就第一次食，味道都幾甲😃鹵水鴨啖啖都係肉，個汁調配得唔錯，甜甜地，不會太鹹，幾惹味，覺得好岩配個白飯😂喱間係我出街打邊爐黎講，最好味同最健康。如果好似我咁兩個人黎食，叫個鍋同兩份菜其實已經好飽了🙃

近期不斷加開分店既養心殿台式養生鍋，好可能你都已經食過了，本間分店既食物同環境質素都唔錯既，價錢屬中上，呢間位於佐敦既分店都唔例外 餐廳環境以中國風為主，用餐既用具都幾齊全，座位都唔算細，坐得幾舒服，整體黎講都幾有FEEL架呢張 ORDER 紙就有曬湯底，食物及飲品等既選擇及價錢，選擇種類都幾多架醬油區就細細的，提供既選擇亦唔多，加埋豉油都只有6款 ; 不過其實食過就知，根本都唔洗點特別用呢D醬油既，因為佢度既湯底都好真材實料，湯底其本身就已經好好入夠曬味道，所以食落果陣都唔洗特別去加D咩醬油調味今晚我就揀左好香口既 - 麻辣鍋，只係睇見個鍋都夠刺激你味蕾啦掛 ! 真係好足料架 ~食物方面就叫左幾款食物，包括好滑既山水滑豆腐，即脆炸響鈴及好新鮮既唐生菜 ; 上面3款當中我就特別推介即脆炸響鈴比大家，因為真係好好食，絕對係即脆熱辣辣上枱，而且全部都大大條，夠新鮮好味 !食麻辣鍋又點少得肥牛先，佢係極上雪花肥牛，可見佢D脂肪分佈都幾平均，有唔少雪花之餘，份量都算多，如果想食肥牛既話，呢款都OK架就算滾完塊肥牛，佢都唔會縮得過份，滾兩滾，就食得 !作為 "蠔痴" 既我，呢度有日本牡蠣 (6隻

因颱風關係，迎接山竹來臨前，今早要留在家𥚃做防風措施！老公話要出去食個午餐先，於是選擇屋企附近有間「養心殿台式養生鍋」聽聞有午餐供應，咁近近地試下啦！選擇困難症發作啦🤔，餐牌上有十幾款選擇都是台式料理套餐🥢連燉湯，仲有午市免加一，太驚喜啦！🌟先嚟一碟前菜，雖然份量小小，但可以吃到三種不同口味小吃😋燉湯內食材豐富，飲落鮮味十足不太鹹再嚟大大碟九層塔三杯雞🐔，蛟落九層塔香味和雞件焦香味送飯🍚一流👍最後藥燉排骨，飲到藥材香味濃郁，排骨雖然乾身，但肉質鮮美好吃😋

今日相約友人一起去佐敦打邊爐，一坐低，環境好寬敞，好舒適。湯底選擇新穎，不同一般火鍋店，最後選擇鴛鴦鍋，麻辣加酸菜白肉，仲追加一份酸菜白肉。先講麻辣鍋，我地選左小辣，辣度適中，入面有大大塊鴨血，好滑口；仲有冰豆腐，吸左湯汁，好惹味！至於酸菜白肉鍋，好足料，唔會太酸，加上原粒胡椒，好醒胃！但遺憾湯底一滾因為太餓既關係，大家都立刻烚下烚下，忘記拍下如此出色的湯底。另外，不得不提的是讚好送咸檸七，配打邊爐一絕！而食物方面，選擇都算多，我地心大心細，最後一共點了8碟 ，其中推薦手切牛肉、日本蠔、蟹籽墨魚滑和老油條！先講手切牛肉，好新鮮，色澤光鮮，牛味濃郁，夠冧身，配合麻辣湯底，口感一流！日本蠔，滑身，又大又肥美！蟹籽墨魚滑，份量好足，爽口又彈牙！比較特別是老油條，又香又脆，一點都不硬！食到最後，仲有芋圓糖水送，雖然免費，但一點都不求奇，甜度剛好，有芋圓，有蕃薯，有芋頭，超完美！

一直都係台式火鍋粉絲，其實我一有時間就會搵火鍋店打一打邊爐，今次係第三之食養心殿喇。因為有個外國朋友第一次黎香港，所以想帶他試一試 今次去了佐敦，第一次黎這一家，位置跟之前去的兩家沒有很大差別。很快便叫了一大堆食物了！一打開個銅鍋，朋友嘩左一聲出黎養生鍋拼麻辣鍋 ＄188紅色係麻辣鍋本身是＄128, 男人聲稱係男士最愛，因為他很喜歡吃辣。入面有藥材又有凍豆腐同埋可以追加鴨血，辣度揀左小辣，就咁食 D 豆腐同埋鴨血都已經好野味 ！白色係養生鍋，當然係我們女士首選，入面有人參，火腿同雞，湯味濃郁又滋補！鴛鴦鍋價錢就計價錢貴的那一個。 極上雪花肥牛 ＄188 價錢未係最頂級，但係己經好有肉味，輕輕焯一焯，又香又嫩！餃子拼盤 ＄118 一共12 粒，每款都有兩粒，有水餃，雲吞，韮菜餃，牛肉餃，魚皮餃同埋小蓮餃，岩晒我咩都想試少少 。手工丸拼盤 ＄108都係一共12 粒，最有新鮮感係個梅菜豬肉丸，梅菜蒸豬肉試得多，撈埋變梅菜豬肉丸又真係第一次酸梅湯我們還叫了酸梅湯，可以下一下火，清一清熱氣 朋友話今餐非常滿足 ！

養心殿的環境好有古典味，大紅燈籠，加上像鳥籠的燈飾，仿如置身宮廷，喜歡這裡的環境。我覺得火鍋最重要個湯底，而養心殿的湯底好特別。我今次選了養心鍋和養生鍋合併的鴛鴦湯底（$188）兩款湯底各有特式。寧神養心鍋，我最驚喜是半邊鍋竟然有四份一隻烏雞，連半個大魚頭，好足料，加上天麻，白芷，當歸，川芎。好濃藥材湯味，加上雞肉魚頭很好飲。侍應好細心，他拿了一個小碟和小夾給我們，告訴我們魚頭好食，讓湯滾後把魚頭夾在碟上。另一邊是養身鍋，湯底是牛奶白色，質感像牛奶口感香濃幼滑。湯料我食到有鴨血，蜂巢豆腐，龍眼肉，人參。尢其蜂巢豆腐吸收了湯底，一咬好多汁。我最欣賞是加湯時，侍應會加返鍋底本身的湯，不是加水，所以不會溝淡本身湯底的味道。即炸脆響鈴（$68）上枱熱辣辣，好脆，我喜歡浸一秒熱湯就食，有湯底的味道之餘還脆卜卜水耕菜（$58）水耕菜好新鮮，夠鮮甜。我平時買水耕菜用來做沙律，今次用來火鍋又是另一種食法半份墨魚丸（$40）丸類，餃類可以order半份或一份。墨魚丸像乒乓波這麼大粒，夠彈牙日本牡蠣（$138）一份有六隻蠔，蠔身光澤通透，入口鮮甜白色是青檸沙冰，黃色是柑桔沙冰，送的。兩杯都好清新，不是太甜

台灣個零鐘就到可惜呢排太忙抽唔到時間同幾個台式發燒友唯有黎呢度止一止痕兼養心又養生 個銅鍋既靚仔又夠大就呢個未開蓋個賣相都己經好吸引 一開不得了 一紅一白紅係麻辣 白係養生呢邊辣得要命 立即另一邊養一養生兩邊都香氣四溢麻辣仲可以免費追加鴨血 容許我逐樣介紹左起 ： 雪花肥牛 ，招牌滷味拼盤，新鮮日本金菇，嘉美雞件，餃子拼盤 （12粒），手工丸拼盤（12粒），稻庭烏冬 見到咁多野食放係台面，點唔能夠食指大動 餃子拼盤同手工丸拼盤又真係岩晒貪心又想試晒咁多款的朋友 真心推介以下招牌滷味拼盤叫得招牌當然有佢過人之處 份量夠大份 種類有牛腸，牛𦟌，牛肚滷味夠入味又野味係火鍋食物未熟之前呢個係一流送酒小食當然仲要啤一啤如果有埋台灣啤酒就完美！

嗰日約咗朋友食飯朋友鍾意打邊爐，但又想食得滋補養生，所以決定去養心殿。餐廳位於佐敦，由佐敦地鐵站行過去大概五分鐘地點方便。七點前離座仲有優惠。設計主要以木材，燈光柔和，有台式小店嘅舒服感。有六款湯底，湯底以滋補養陰藥膳食材為主，仲有不少來自台灣嘅配料。除咗常見嘅醬料之外，仲有幾款特別嘅醬料。選咗鴛鴦湯底，美人鍋 ，烏雞再加入桃膠熬製，既足料又夠晒滋補，另一款湯底養生鍋 ，用多種藥材，如當歸、參鬚等，益氣又滋補，內裏有千層凍豆腐及鴨血，鴨血新鮮爽滑。霜降肉眼肥牛，脂肪分布平均，口感軟滑。翠絲水蓮，捲成一綑像細繩翠綠色，帶有淡淡蓮花香氣，口感青嫩脆爽。芝士牛肉丸，肉嫩多汁，彈牙美味。寬粉條，煙韌彈牙，吸盡火鍋精華非常美味。有冰沙附送，入口非常清新。除咗冰沙仲有甜品，材料十足，甜度適中，芋圓彈牙軟糯。養心殿火鍋夠地道，養生又養顏，小食亦有台灣風味。

姑姐來港探親住佐敦道聖地牙哥酒店，我盡地主之誼請佢去食番餐，就揀咗佢住酒店附近一間好出名嘅養生鍋店，而家晩上七點前離座仲有半價。搭𨋢上到二樓四周都用懷舊屏風間住，有獨立空間感，天花掛咗紅燈籠，佈置好有古色古香feel。姑姐最貪靚，所以叫咗美人鍋同秘製薑母鴨鍋兩種鍋底都只收一個價錢。美人鍋內有好多桃膠、半隻烏雞同多種保健食材，確係滋補養顔。海鮮拼盤有隻鮑魚好淋滑、大蝦生猛同兩隻大帶子。蟶子重三送一，每隻都有筷子咁長，入口好鮮甜。餃子拼盤有六款每款兩隻，餡料十足。毎個食客都有一杯酸酸甜甜沙冰同台灣湯圓糖水送。 感覺今餐好完美。

好耐無打過邊爐,咁岩有朋友約食飯就上openrice搵到呢間試下,book左7pm,可能時間仲早唔洗等可以直接入座湯底叫左酸菜白肉+麻辣,麻辣有得揀大,中,小辣,因為未試過怕太辣就要左小(大概係譚仔既4小)一開蓋,麻辣果邊既味真係好香,酸菜白肉湯底入面有酸菜,白肉同粉,而麻辣湯底有鴨血蜂巢豆腐,2邊都好好食牛栢葉,係今晚唯一覺得麻麻地,好un,可能因為無漂過?牛肉好鮮,豚肉唔un, 蠔都好新鮮放左落去好耐先食都唔會縮晒水手打丸唔記咩名,一款係梅菜豬肉無特別好似食緊梅菜蒸肉餅咁,芝士牛丸同鵝肝xx丸好好食😆比任食火煱貴d但材料好好多,有機會會再黎食