養心殿台式養生鍋 (已結業)

2018年11月23日。晴。尖沙咀。約咗朋友打邊爐，天氣轉涼剛剛好！一兩年前食過一次，無乜人，今次再食就全場滿座，好墟冚有facebook推廣活動，like facebook即送飲品唔好蝕底，即刻一人like一下先然後就揀湯底選擇唔算特別多，侍應提我哋可以雙拼，價錢就會收貴啲嗰款本住唔好蝕俾佢心態，緊係揀一樣價錢㗎啦～揀咗最實惠嘅麻辣鍋同酸菜白肉鍋然後就再嗌配料，選擇好多，有分類，都幾易搵到想食嘅嘢其他區有啲特別嘅配料，老油條、鴨血呢啲都係香港少見啲嘅推介老油條，可以就咁食，本來就有調味，鹹鹹哋，好香口如果要淥嘅，建議擺落淡味啲嘅湯底度，先食到佢本身嘅味好多拼盤都好值得試下，食咗丸拼盤、餃子拼盤、蔬菜籃、雜菇，全部都唔錯，唔會話有邊一款特別唔好味最值得讚賞嘅係個湯底兩邊都好正！麻辣湯底雖然浮住好多辣椒，我哋嗌咗小辣，接受到，鹹味比辣味更重湯底本身就有幾塊鴨血，同埋千層凍豆腐，凍豆腐吸咗辣湯之後，辣得好過癮～所以encore咗份鴨血唔會有腥味，煙韌好味！酸菜白肉湯底有大量酸菜，仲有豬肉同蕃茄相對麻辣湯底比較清淡啲，不過好開胃～～酸菜同豬肉極速清晒之後不斷飲個湯底～經過多番研究發現兩個湯撈

在附近收工.....近近地....呢間養心殿其實好多分店.....邊度都方便....行到差吾多街尾就找到了.......每一款湯底都好吸引丫！想試2款吾緊要....因為可以鴛鴦的....！👍🏻👍🏻👍🏻👍🏻最後選了養心鍋和麻辣鍋...叫中辣的..！估吾到甘足料丫....！有雞又有魚....而且麻辣鍋還可以追加鴨血👍🏻👍🏻 有分大和細..這是大的....手切牛...好嫩口丫！雙拼丸...黑松露和鵝肝...有特色👍🏻還有點了一堆配菜...午餐肉是先炸好的....好飽好滿足喔！

是日朋友一日。一行8人黎到口袋名單養心殿😋😋😋佐敦店晚上7點前埋單有半價（酒水，時價海鮮，及茶芥加一除外）8個人俾左間房仔我地。坐得好舒服。夠闊落。但人手嚴重不足。成日要走出去搵人落單。湯底可以雙拼。推介美人鍋同養生鍋😋😋鹽酥蚵仔。外面酥脆，炸得幾好。蚵仔無咩味🤣🤣炸午餐肉/炸芋頭炸芋頭即炸。上到枱仲熱辣辣！但唔可以即食，個芯未夠熟。同午餐肉一樣要煮一陣入哂味先好食😋😋鵝肝墨魚丸/黑松露蝦丸/墨魚丸墨魚丸可以叫普通果款，鵝肝無特別。黑松露蝦丸一咬開爆汁。小心小心。味道可以。極品水餃/鮮蝦雲吞/韭菜餃水準可以，大路野。可叫可唔叫。不得不提下手切牛肉。可以唔點就唔使點系列🤣手切牛肉$338。份量多到呢😂無咩牛味。唔係好特別，唔太值呢個價。如果半價一試無妨。正價就免了。極上雪花肥牛一樣評價😜8個人半價左之後$1810。平均每人$230。以質數。食物黎講。呢個價錢可接受可回頭。但係如果正價$4xx未必會再黎食🤣🤣🤣最後講一下服務係完全無服務🤣🤣🤣搵個人落單係超級困難。都明白一個人睇全場會係差啲。所以我地都原諒佢粗聲粗氣＋無禮貌😜😜😜

地點不太難搵。7點左右已經差不多滿座。一行4人食。點了麻辣加寧神養心鍋。👍🏻👍🏻👍🏻麻辣鍋叫中辣。我覺得辣味比較似小辣。麻辣入面已配上鴨血同冷豆腐。鴨血滑中帶爽。麻辣令鴨血更惹味。寧神鍋已有魚頭同烏雞。本身材料都好足。好甜湯底👍🏻👍🏻👍🏻手切牛。叫了大碟。色澤光鮮脂肪分佈地平均。入口肉味濃👍🏻👍🏻👍🏻👍🏻蟹棒，用麻辣鍋滾大約15秒，已經吸收到辣的效果。正嚮零。2邊滾都好味。原因2個湯底都好識合。大家湯底味都好正。即炸。新鮮。翠口。萵筍。又係打邊爐好配合材料。萵筍爽口。與滾得耐與入味。諗起都想再食。所有食材都係新鮮野。一定會再試

又來養生殿，基本上一年要來食幾次先開心！分店越開越多，而今晚揀左佐敦呢間分店，貪佢冇旺角甘多人等位！meau 上有幾款湯底揀，有美人鍋，麻辣鍋，秘製鴨鍋等，不同口味配不同口味的人！如果揀鴛鴦鍋價錢就選價錢為高者！我地揀左美人鍋（材料有半隻鳥雞，紅棗，桃膠等）&秘製薑母鴨湯（材料有半隻鴨，腐竹，馬碲等）見到甘豐富湯底，我每邊飲左兩碗湯底先！烏雞對女人來講，補身又養顏，另外我見桃膠都好足料最愛薑母鴨湯底，味道濃郁，鴨肉又彈牙，加上腐竹索曬湯精華，真係令我難忘！一口牛，份量多，而且牛肉口感香濃！黑松露蝦丸我每次也叫，好滑同香黑松露食左甘多肉，叫下蔬菜真是不錯，份量多！准山麵暫時我未食到什麼特別！炸午餐肉炸到外脆內軟，攞到尾也脆，好正總結：8點前埋單有75折，兩個人食甘多也是$475，抵！水準冇變，又會再來

天氣有點涼又係打邊爐時間其實4季邊爐已經4季吃，天氣冷只係俾自己同朋友再食一餐既藉口朋友想encore 呢款寧神養心鍋，大大個魚頭，食極都仲有首先飲左碗湯先，之後再加食物開始打邊爐聖子巨型，新鮮甜美蝦丸餃子出色，真材實料萵筍是近期至愛，佢唔係近荀，係油麥菜既頭，吸埋濃湯味會好甜好甜黑毛豬薄薄的，過幾下就熟，肉味👍🏼兼唔油食極都唔夠台式貢丸，係出色既餐廳送既雪糕，我揀左豆腐雪糕，好香豆腐味，香港製造，幾飽就可以食埋佢落肚呀

同女朋友睇完戲，見天氣凍凍地想打個邊爐，就搵左依間試下佢9點半後入座有7折，可惜當時8點幾就等唔到個優惠了入返正題，即日book位職員安排左間二人房比我地，關埋門私隱度一流睇睇餐牌先，叫左個美人鍋同麻辣鍋雙拼，叫麻辣鍋送鴨血美人鍋有半隻烏雞係入面，淨飲湯底都覺得好入味好足料，正!叫左半份麻辣牛肉餃子，依個值得推介，入面全部都係牛肉，咬落好特別又好味女朋友話依個菜叫水蓮，係台灣食過，我就係香港第一次食，賣相好靚，要自已剪落去食，長短自已決定，味道唔錯兩個人埋單891蚊，老實講，野食唔算係平，但湯底係推介，啲野好入味，基本上淥熟完都唔使點豉油

之前有朋友介紹過養心殿很好食，對火鍋沒有特別喜好的我，後來知道7點前埋單有半價，一於成班同事放工去食，個湯底好正，食物尚可，因本人唔食牛，同事食牛的讚個牛好食，我們下午4點幾到，沒有人靜靜地幾舒服，食到6點幾埋單每人不用2百，係幾抵食的！

近排同朋友都想養生啲 見到哩間養生鍋就想試下試之前諗住養生嘅湯底可能好重藥材味 會苦澀但試完發覺原來養生湯底都可以好好味 入口香甜 仲好足料如果冬天嚟食一坐底飲碗熱辣辣嘅湯應該好正喺裝潢方面 成間舖好中式古典連張櫈都係板櫈 好有特色臨走時經過見到 連二人房都有我同朋友都諗 如果下次再嚟要試下坐二人房 湯底方面我哋揀咗養生鍋同麻辣鍋養生鍋湯底濃郁 有淡淡人蔘味麻辣鍋有唔同辣度自選兩個鍋底都有鴨血鴨血吸收咗滿滿嘅湯汁咬落煙韌我哋都特登追加多一份食物方面嘢食都好新鮮我哋點咗個手工丸類拼盤一共六款除咗墨魚丸外 其他都係較為少食嘅其中鵝肝墨魚丸同黑松露蝦丸更加係值得一試 香味濃郁 爽口彈牙餃子拼盤又係六款當中最鍾意嘅係自家製水蓮餃本人好少食水蓮哩款水蓮餃口味清新爽口食過會想再食涮鍋小羔羊肉片食落無羶味 切片亦夠薄落鍋一陣就食得喺調味料方面哩度都有唔同醬料供客人依個人口味自行調製哩間養心鍋有好多值得讚嘅地方服務好細心見我哋清咗隻碟會好快收走加湯即叫即加重點係加嘅係濃湯一啲都冇減淡湯底嘅濃度最特別嘅係 洗手間門口仲提供埋漱口水天氣開始轉涼下次再約朋友養生下

秋天到，天氣漸漸轉涼，出去食飯，火鍋喺一個不錯選擇㨂左位於佐敦台式火鍋-養心殿自助醬料吧提供多款醬料，以供選擇寧神養心鍋養心鍋材料豐富，有魚頭、烏雞、黨蔘、圓肉等多種藥材，即喺飲湯，補一補大魚頭超新鮮，甜美，滑溜烏雞雞肉唔靭，仍然幼嫰，有雞味香菇貢丸貢丸入口好爽而且彈牙，菇味香濃自家製水餃水餃皮溥，晶瑩透徹，賣相吸引蝦丸爽口彈牙萵荀新鮮幼嫩，千層凍豆腐，本身沒有味道，放湯後吸哂湯精華，相當惹味翠絲水蓮水蓮由台灣進口，顏色青綠，賣相吸引水蓮入口爽脆，菜味濃郁，好清新蟶子皇大隻，厚肉，只需灼到離穀便可，蟶子鮮甜美味，口感唔錯

秋風起，又踏入打邊爐既季節。聽過不下五個朋友推薦呢間養生殿，今日就捉埋朋友黎食。每個湯底都相當有特色，仲可以雙拼添。自家製混醬。不過湯底本身味道已經相當濃郁，食材入味，其實呢個醬汁都冇乜出場既機會🤔酸菜白肉鍋，味道濃郁偏酸，超級開胃，入面仲有極多豬肉，用黎恰牛肉就最夾。美人鍋湯底同樣香濃，有大大隻烏雞，雞肉嫩滑。羊肉不過不失，味道不算香濃，亦無羶味。丸類係手打丸，口感彈牙。蝦滑爽口彈牙。牛肉軟稔，不錯。牛味不夠濃，個人比較鐘意一片片既肥牛。蔬菜籃，價錢合理。-湯底出色，而且好足料，但配料有很大進步空間。

喺香港, 台式火鍋越來越多, 養心殿係其中一間我一直都覺得喺食物質素, 環境同服務呢幾方面都做得唔錯嘅一間, 尤其係湯底, 火鍋嘅靈魂, 更加係做得好出色👍🏻👍🏻美人鍋🥘🥘呢個鍋底喺打邊爐前一定要先飲左先, 真係好甜, 透著藥材嘅香味, 鍋𥚃有桃膠, 烏雞, 含豐富膠原蛋白, 真係好適合女士極上雪花肥牛🥩🥩牛肉脂肪分佈均勻, 肉汁豐富, 係優質嘅肥牛手工丸類拼盤🍡🍡呢個拼盤有6款丸, 每款2粒, 各有特色, 當中最大驚喜係梅菜豬肉丸, 梅菜分量適中, 唔會過咸, 咬落彈牙,, 滲出淡淡的梅菜味道, 非常惹味炸午餐肉呢個午餐肉炸過先上枱, 比較特別, 可以即刻食, 又或者浸一浸湯食, 兩種食法都咁好食😋😋

早前聽朋友講話食養心鍋好正，一直揾唔到機會食，今日終於約好同友人一齊嚟食。餐廳環境幾特別，用咗古色古香嘅木間開座位，窗邊有d紅燈籠做裝飾。湯底款款都好似好吸引，佢仲有寫明每個鍋有咩主要食材同藥材。我地最後揀咗美人鍋，但miss咗最後嗰句可以揀鴛鴦鍋，如果唔係都會想試寧神養心鍋。依個美人鍋啱哂女生，有原隻烏雞喺入面，滋陰養顏。而且入面仲有好多中藥材，好似係杞子、龍眼肉、紅棗，仲有桃膠。平時桃膠糖水食得多，都係第一次喺湯入面食到。落火鍋料前先飲碗清湯，感覺好舒服。💕極上雪花肥牛($188)份量得好少，但好彩佢脂肪分布均勻，牛味十足，而且賣相好靚。💕手工丸類拼盆有鵝肝墨魚丸、黑松露蝦丸、芝士牛肉丸、墨魚丸、蝦丸同梅菜豬肉丸(每款兩粒)。個拼盆都幾有驚喜，除咗每款丸都好入味外，鵝肝墨魚丸同芝士牛肉丸入面都有餡喺中央。而梅菜豬肉就好似係肉丸版嘅梅菜豬肉餅咁，感覺幾新穎。💕雜錦蔬菜盤最啱有選擇困難症嘅朋友，一個蔬菜盤有兩款菜蔬菜同菌類，可以每樣都食少少。💕千層凍豆腐冰凍豆腐雪完中間嘅網狀結構撐大咗，變得好鬆軟，浸落湯到正好吸哂湯嘅味。自助豉油配料bar

又到一家人出去覓食嘅時候喇😊今日打算拜訪一下聞名已久嘅養心殿係近排興極一時嘅火鍋店呢非常有feel 好似去咗延禧攻略咁啱晒近排煲劇翻睇又翻睇嘅爹哋媽咪😂黑色華麗嘅中國宮殿侍應好有禮貌😊😊😊見到有宣傳，喺Facebook一個like就可以有特飲品一杯，細佬都揀咗鹹檸七，原隻整個鹹檸放入去，要俾啲心機篤🙈叫咗酸菜白肉鍋，因為細佬唔鍾意中藥味，所以就冇叫啲有中藥成分嘅，唯有下次同朋友一齊試啦🙈酸酸地幾醒神開胃裏面仲有QQ粉！隨鍋附送嘅極品豬王花腩同埋酸菜👍🏻招牌滷味拼盤包括牛肚，牛展，大腸👍🏻非常入味，親啲嘢未熟嘅時候可以食住先我的最愛😍😍😍😍😍極上雪花肥牛一個筒筒有兩塊😍超級滑，入口即溶😍😍😍😍另外叫咗個什錦蔬菜盤，中和一下😆最特別係呢個‘粟米仔‘不過佢唔係粟米，佢係竹筍嘅芯好新鮮呢😳😳手工丸類拼盤，我淨係鍾意食手工丸🙈墨魚丸、芝士牛肉丸❤️、梅菜豬肉丸、蝦丸、黑松露蝦丸❤️❤️❤️、 鵝肝墨魚丸❤️最鍾意食黑松露嘅味道仲有餃子拼盤韭菜餃、麻辣牛肉餃、極品水餃、鮮蝦雲吞、水蓮餃最後超級有驚喜呀😭女士至愛嘅芋圓😭😭😭仲有芋頭添👍🏻👍🏻👍🏻

每次去台灣都一樣會食無老鍋,台式火鍋真係於別不同,重點係湯底選擇多,有D仲要好養生!前排朋友話無人陪佢打邊爐,反正我又好耐無食台式火鍋,一於試下呢間睇下佢還原度高唔高先！首先佢個裝潢的確幾精緻，古色古香，佢最好係座位寬闊，兩人座位闊到可以作4個,檯底仲有個籃畀你放袋,都幾貼心酸菜白肉鍋　$128本身我都想叫鴛鴦鍋,但因為病病地,所以唔敢亂食野,見到酸菜白肉鍋裡面仲有寬面條(寬條面?),覺得幾抵就叫左呢個湯底,原來佢仲會免費追加酸菜白肉,淨係個湯底都已經好多野食,不過我想講佢D酸菜真係好厲害,落少少已經有好強烈酸菜味,咁都好嘅,D野食食落無咁油膩嘛極上雪花肥牛 $188打邊爐一定要牛肉~雪花肥牛係我最愛嘅牛肉,所以我地就叫左一碟,佢咁樣卷埋方便大家夾落去淥,後尾我先發現原來每卷係有2塊XDD 咁都幾好wor,唔使食完一塊等咁耐,雪花肥牛牛味好濃郁而且入口好快就溶於口中,脂肪唔算多,點少少醬汁食已經好好味~開頭以為佢好細碟,但食極都仲有,好厲害!千層凍豆腐 $48因為係凍豆腐,所以比較耐淥,放落去由佢浮沉一段時間,等佢索夠汁先撈上黎食,呢個時候舊豆腐依然好有咬口唔會散開!佢豆味都幾突出,不