養心殿台式養生鍋 (已結業)

之前去過旺角個間，呢排凍再去佐敦食，好滿足。我同朋友2個人，唔可以叫好多，叫左個寧神養心鍋，首先個鍋有半隻烏雞，同埋藥材味，當歸味最重，雖然要$168，但係有半隻烏雞已經抵返晒。打邊爐無理由無肥牛架，我叫左極上雪花肥牛，油脂均勻，拖一拖水，又滑又好味。朋友要試麻辣牛肉餃，個味其實都幾特別，係估到嘅麻辣味加牛肉餡。鍾意試新野嘅朋友可以一試。另外仲叫埋雜錦蔬菜拼盤同即炸脆響鈴，響鈴超脆，一秒上水，正! 本來我仲想叫淮山麵，上次食過好好味，不過今次太飽無得食。走個陣見到佢寫住8點前離座同9點半後入座有7折好抵。不過旺角個間好似有d唔同。

好笑喎, 平時我都幾中意黎呢間打邊邊.但通常都係兩個FD 咁食. 今次一行4人去. 叫多左好多唔同野之外, 重發現呢間分店同我平時去開既好唔同...呢間多好多野送...食食下有冰沙送, 再食食下又有大大粒雪糕送..咩料! 我先前去個D係咪唔同老闆定新加？！哈～ANYWAY!今次同D 台迷黎食, 叫既菜又好似我以前冇黎過咁~今次叫左.薑母鴨X 麻辣. 因為佢地想食鴨血同飲湯~叫薑母鴨會送多份鴨血.~水蓮. 我都係第一次食. 又幾青新唔臭唔苦~ 哈哈~我食菜中意食莖唔食葉, 所以我好中意呢個~豆皮. 又係第一次食.BUT 我麻麻.老油條, 牛肚.一堆丸~當然唔少得牛啦~同埋LIKE FB 又飲品送... 然後朋友想要酸梅湯, LIKE 都可以換呢個...都幾好~食飽左就送呢粒雪糕, 勁大粒, 真係第一次食咋,有益力多同榴槤.我好似異類咁... 佢地個個食榴槤咯~ ><問題朋友佢地先前去過旺角同呢間都有野送..旦我去開CWB 同TST 都冇既..><

今晚冬至，特地選一間鄰近我媽上班地點的餐廳，方便她下班後來。先前我已試過養心殿旺角分店，覺得味道不錯，但旺角分店長期爆滿難以預約，所以帶我媽來另一間分店打邊爐過冬。食物：4.5/5食物質素一向好，唯今晚佐敦店很多食材，如黑柏葉、蟶子、蝦等都沒有。「美人鍋併麻辣鍋」美人鍋有烏雞、桃膠、南棗等，我媽說烏雞非常鮮味。而麻辣鍋配有鴨血及涷豆腐，湯底較旺角分店辣。「手切牛肉（細）」必點之選，牛味香濃、肉質嫩，一碟有十二片左右。「厚脂黑毛豬梅花肉」必點之選，豬肉薄身，沒有膻味「鴨血」及「凍豆腐」如有你點了麻辣鍋，鍋內已有這兩樣，吸了湯底非常入味「水蓮餃」水蓮是台灣的蔬菜，餃子麻油味較重，水蓮爽脆，菜多肉少，我頗喜歡這水蓮餃，而且其他餐廳少見「杞子菊花茶」讚好養心殿佐敦facebook 專頁便有免費無酒精飲品一杯，叫了少甜少冰，味道剛好「雜錦蔬菜盤」有生菜 菇類 粟米 秋葵「芋圓糖水」最後贈送的甜品，上次在旺角吃是熱的，這裡是涷的服務：3/5一開始幫忙下單及最後結賬的侍應比較心急、感覺不耐煩。性價比：4/5人均四百多，但食物質素是滿意的，亦吃到很飽。

台式火鍋一向深受港人愛戴，又補身的火鍋料，加上新鮮的牛肉及手打丸作招徠。環境一貫台式型格風格，私人空間充足為服務不達水準侍應態度欠佳。晚市9:30後入席會有八折，適合大夥兒行街睇戲後來打邊爐

養心殿的秘製薑母鴨鍋和美人鍋，先喝湯後打邊爐，為繁忙的都市人補補身！最喜歡雙拼每次都可以喝到兩款湯，用料十分足，睇得出誠意。霜降肉眼肥牛，新鮮，雪花分佈平均，涮一涮即食，正！平時都是吃手打丸，今次朋友想吃蟹子墨魚滑，點了一份，發覺比起手打丸更好吃又彈牙！即炸脆響鈴也是次次叫，因為這裏的火鍋湯很好味，所以叫一些吸湯的配料可以吸湯汁。這次沒有叫菜，只叫了有機秋葵，廚房很細心把秋葵頭切了，食起來不硬又吸湯！完美的一餐～

星期三去養心殿試了養生火鍋，店內裝修走中國風，有屏風間開，有私人空間。呢度鴛鴦湯底不用加錢，我哋選了美人鍋和養生鍋。右邊美人鍋材料見到有半隻烏雞、桃膠、椎山、杞子、黨參、龍眼肉同埋紅棗。雖然雞係連皮煲，但湯底不會油膩。湯底清潤，滋陰養顏，飲落仲有金華火腿香味。烏雞肉質唔嚡，我哋食哂全部肉。桃膠分量足，我哋好似食極都仲有，桃膠初時係爽滑，跟住越煲越軟滑，可以食到兩種口感。左邊養生鍋材料亦都好豐富，落足人參，除左有好多小人參，仲有一支長過手掌嘅大人參。其他材料包括鴨血、千層凍豆腐、一d藥材和紅棗等。個湯底一拎埋黎，我哋就聞到有好大陣人參味，飲落去亦有濃濃的人參味，好補。千層凍豆腐吸收哂湯汁，好好味。鴨血好滑，唔腥。我哋點了海鮮拼盤，有兩隻海蝦、兩隻帶子同埋一隻鮑魚。另外，我哋點了兩隻蟶子皇加一隻鮑魚。全部都很新鮮，蟶子帶子都好大隻好鮮甜，鮑魚鮮嫩不韌，蝦肉爽口鮮味。手工丸拼盤- 有6款味，每款兩粒。墨魚丸有兩款，原味同埋鵝肝，好彈牙，仲有粒粒墨魚肉。蝦丸有兩款，原味同埋黑松露，好爽口，黑松露味好香濃。芝士牛丸牛味濃彈牙，流心芝士同牛丸好夾好正。梅菜豬肉丸，梅菜甘甜，豬肉爽。我地仲叫左水蓮餃

人生大事後，同埋隻佬約埋兩個八婆一齊坐底吹下水 !! 邊爐係必須的 ~~ 今晚黎到 養心殿 !! 大家都愛台式火鍋 ~~ 呵呵呵 !!原來其一朋友未黎過，另一個朋友就成日去 !! 但唔係佐敦店 ~~ 之後發生既事勁好笑 !! 等陣再講 ~~黎到梗係要叫 麻辣鍋啦 !! 仲有一邊我每次黎都選擇困難咁 ... 咁入冬喇 !! 今次梗係要叫 薑母鴨啦 ~~ 每次既湯都一定要即刻飲 !! 太好味喇 ~~~ 今次都唔例外 !! 薑母鴨都真係超正 ~~ 入面勁足料 !! 越滾越好味 ~~ 個鴨又夠淋 !! 唔錯 ~~ 麻辣果邊鍋本來已經有鴨血，另外仲送一煲 !! 雖然唔會好似台灣任俾你加 ~~ 但已經好好喇 !!!呢碟係 手切牛（大），牛味好濃，份量都唔細！食食下覺得唔夠，但都冇再叫！諗住叫其他野食 🤣🤣水蓮同A菜，今次唔開心呀！冇左 絲瓜呀！我好期待架嘛 😤 不過有水蓮都好正！朋友未試過水蓮，都食得好開心！呢個菜既口感係就算滾耐左都係爽口 👍🏻👍🏻 菜味好甜！老油條冇理由唔叫既 👍🏻👍🏻蝦滑，蝦味好濃！真材實料！鵝肝墨魚丸/芝士牛丸/韮菜餃/魚皮餃豆皮，呢排係好愛點既一個，豆皮又係吸哂湯！食落就

這個冬天忽冷忽熱，寒冷的日子不多又回暖，當然要趁天氣還凍的時候打邊爐，所以早一晚吹雞約朋友到養心殿，話咁快就約齊腳了。能夠咁快齊腳，除了因為天氣凍令人想打邊爐外，也因為之前大家都食過養心殿，對於它的濃味藥膳湯底非常回味，所以今次又再encore。＊＊＊＊＊＊＊＊＊＊＊＊＊＊之前光顧過旺角店，今次我們就試佐敦店，平日晚上的滿座，幸好我們已經一早訂座。養心殿主打台式養生和美顏的藥膳湯底，湯底貴精不貴多，只有六款選擇，但全部湯底都很足料，飲得又食得。火鍋料選擇反而幾豐富，港式的和台式的都有，肉類、海鮮、豆品、丸類、餃類、滑類、蔬菜和小吃除了常見的，也有比較刁鑽的，如豬天梯、牛胸爽、鴨舌......等等。茶芥醬料每位$20，醬料可在自助醬料區自取。食客只要在餐廳的Facebook專頁打卡，即可免費一杯咸檸七或無酒精飲品，當然不可錯過，但記得要在所在正確的分店打卡才有喔！咸檸七夠大杯，一杯都夠飲一餐，右邊是烏梅汁，酸酸甜甜很開胃。火銅湯底可以選單鍋或鴛鴦鍋，後者只以較高價錢的鍋底收費，而不用另加錢，最抵當然選兩個價位相近的鍋底，所以我們就選了美人鍋拼養生鍋($188)。左邊是美人鍋，上次都食過，

今次豬仔同朋友去左佐敦買聖誕禮物俾同事估唔到連佐敦都有養心殿分店所以決定要再同朋友分享又幾咁好食今次朋友想試寧神養心鍋同秘制薑母鴨鍋寧神養心鍋有好多藥材既成份大半隻雞和魚到煲出黎既湯非常滋補養顏而薑母鴨鍋既湯底材料都非常豐富有豆腐，炸腐竹係裏面，好香好開胃手工丸類叫左墨魚丸半份半份有4粒食落去有爽彈墨魚味係真材實料鮮蝦雲吞咬落去，裹面好多蝦而且大大隻非常抵食手切牛肉叫左細份即叫即切但係份量一D都唔小足夠4人份量有成十幾片牛肉嘅油脂分佈好平均而且好淋淋滑滑容易入口紫淮生麵大大碗放入精華既湯裏面好食飽肚又滿足

又到了晚飯時間，朋友介推了一間頗有特式的台式火鍋店，餐廳坐落於車水馬龍的佐敦區，位置正正就在朋友的公司附近，就是這樣順水推舟，提供了一個＂搵食＂的藉口，讓吃貨的我倆，大吃一頓…時間來到差不多七點了，準時在餐廳門囗集合，看見已經有不少食客在吃喝著，幸運的我們，沒有多餘的等候，順利入座。餐廳名字改得不錯，裝潢帶有點點的古典味道，很配合主題，恍如置身宮殿之中。先來揀選火鍋的靈魂（湯底)，我們點選了鴛鴦鍋（美人鍋及寧神養心鍋）毋須額外＂加錢＂，餐廳只是按照較高價錢的湯底收費，性價比高。美人鍋＄188（左），材料有：桃膠丶原隻烏雞丶杞子南棗及金華火腿等，感覺非常滋陰補腎，即使男士吃罷，也會變得更帥氣呢。寧神養心鍋＄168（右），材料有：川芎、白芷、天麻丶當歸丶鮮雞丶豬肉及鮮魚等，營養確實豐富。原來只要分享面書及打卡，即時免費獲贈飲品一杯。各式調味醬料，一應俱全。即炸脆響鈴＄68，響鈴上枱的時候還是熱騰騰的，放入湯中，只消幾秒，充份吸收湯底的精華味道，既香脆又可口，吃得過癮。炸午餐肉＄58，午餐肉是厚切的，炸得很香脆，可以即食，也可以浸湯再食，兩種吃法，同樣滋味。霜降肉眼肥牛＄178，牛肉入口質感

愛食辣既我地一排冇食就心思思，朋友提議食餐麻辣火鍋，之前食過養心殿既其它分店覺得好正，梗係要encore啦佐敦呢間養心殿位置好寬躺，餐廳裝修中國風，感覺好別緻鍋底有多款選擇，我地就揀左麻辣鍋拼酸菜白肉鍋其它食物亦好多選擇鍋底材料好豐富而且仲有得refill鍋底既配料，麻辣好香唔會太辣，鴨血同豆腐索晒麻辣湯好好味，酸菜白肉酸得黎好惹味，淨係食鍋底都已經好滿足羊肉片，賣相吸引，肉質幾嫩手工丸拼盤，每一款丸都好新鮮彈牙，必點之選黑雲耳同鮮豆皮，份量多而且好新鮮農場野菌，有好多種菇，賣相吸引最後甜品都相當有誠意，好好味

天氣一轉涼，人人都想打邊爐，妹妹一直想去養心去但未曾吃過，於是預先book了枱，一起下班過去就省卻了不少等侯時間喇！茶位20x2養生鍋188湯頭一熱起岀煙，陣陣參香超撲鼻。一熟湯底有豬肉人參火腿等藥膳材料，煲得入味有火喉，啖啖新鮮，少湯水的我們，真是未開始烚，必先喝夠三碗才能使人罷休唷。雞旦8御選梅花豬118切得厚薄均勻，入口肥瘦參半，食落鬆化又帶點咬口，豬肉味岀眾。雲吞半份42大大粒的鮮蝦，肥肉不太多又不缺，感覺幾爽口。水蓮餃半份42從前吃過，今日翻兜，如常爽脆，口感清新，餃皮薄滑。紫淮山面38味道偏淡，顏色好看，天然食材，感覺健康。面食索盡靚湯，味道立刻提升。沖繩黑糖烏梅汁68一大瓶，足夠二人喝過痛快的份量，酸甜開胃兼消濟之餘，烏梅味濃郁，推薦。食後感：一直也是捧場客，從來無要我失望過。

天氣轉凍，最適合食暖笠笠既火鍋。前排朋友不停推介我去養心殿，表示湯底一流，今日有機會一嚐滋味。我們點了鴛鴦湯底，養心鍋同酸菜白肉鍋。前者有豐富藥材，烏雞，鮮魚等，感覺很養生。後者味道酸度適中，不會嗆喉，除了酸菜白肉，更有寬粉條，吸收了湯底，十分惹味。手切肥牛超美味，肉質嫩滑，牛味濃郁。而手工丸類拼盤有6款口味，當中梅菜豬肉丸及鵝肝墨魚丸較為特別，在外間少有的口味。水餃餡料豐富，有豬肉及鮮蝦，半份有四隻。大魚大肉後，也要來一點健康蔬菜。有選擇困難症的我們，點了雜錦蔬菜盤，有各式菇菌，秋葵，生菜，粟米等。粟米很甜，配以養心鍋湯地一流~

我同朋友真係好鍾意打邊爐，一凍少少就會有藉口去。台式麻辣鍋係我地至愛之一(至愛我地好多)，久唔久就會想去食養心殿比起一般港式邊爐精緻一點，對於我地呢種步入中年冇乜quota嘅死港女黎講，係好選擇，寧願食得精，貴少少都唔好食垃圾，我已經過左後生仔但求填飽肚嘅時期好耐，加上呢度有美人鍋，美人喎，食左靚喎，仲唔仆黎美人鍋有隻烏雞，已經夠補，裏面仲有桃膠，食完我仲唔靚哂最緊要係味道都好濃郁另一邊麻辣鍋就有台式風味，加埋鴨血，一流。黑松露蝦丸同墨魚丸都好正，同埋份量都多，夠食叫埋其他蔬菜同豆包，正！牛頸脊也十分靚，肥廋均勻，很軟滑其實當日仲叫左好多野，但忘了映相，整體來說，所有食物都很企理，質素也是中等以上，絕對對得起價錢，份量也不會吝嗇。環境也有點格調，不會很擠迫，一班朋友聚會很好。

今日同男朋友去了佐敦這間養心殿吃火窩，素聞養心殿最賣點的就是養心窩和美人窩等有藥材及足料炮製的湯底，那我們當然要嚐嚐 ! 美人窩最滋養的就是有烏雞(足足約大半隻!) ﹑還有桃膠﹑龍眼等，特別合適女士們。而男友選的養心窩更是有不同的藥材和魚頭，我們都當湯水先飲飲，極為暖身。我們點了雪花肥牛，價錢合宜，吃下時更覺超值，因為很有牛味，而且肉質軟滑，不會鞋口，令人回味非常。另外，千層豆腐也是我的必選，因為豆腐吸入湯汁後，更入味，再配上醬汁，實在美味 ! 另外，我們還點了餃子盤，其中魚皮餃令我有驚喜，因為不是普通街市貨，而是充滿肉汁的魚皮餃，令人一試難忘，實在是一分錢一分貨，是值得的。而響鈴也是薄而脆，和一盤街外吃的實在是不同，也是必點。值得再來