飯舍 (已結業)

同媽咪買完餸返屋企見到熟食中心有間兩餸飯好多選揀，我突然又想食，媽咪就話索性唔煮係到食埋😝兩餸飯$38 (花菜炒牛肉&黑醋骨)椰花菜同牛肉份量都好多，椰花菜爽甜，牛肉口感煙韌。黑醋骨酸甜味好突出，超入味，啖啖肉都食到黑醋味！好正😆三餸飯$44(豉汁蒸排骨&冬瓜豆卜炆火腩 &娃娃菜)豉汁蒸排骨嘅豉汁好香，排骨肉入口鬆軟。冬瓜豆卜炆火腩嘅冬瓜豆卜都好索汁，火腩油質分佈平均，又有大大舊肉食。跟住叫多個清甜娃娃菜，有肉有菜又有飯🤤咁又一餐。估唔到仲有奉送例湯，係自己煲嘅，特別滋潤✨仲有得外賣，最後再加多個飯比爹哋收工返屋企食😆

今日一個人食飯，諗住食hea啲，見到有兩餸飯，結果發現啲嘢食一啲都唔hea 🤣👍🏻 一個人食飯都可以好正嫁MA>.<~~~叫咗 西蘭花炒蝦仁，茶樹菇紅燒肉~~~西蘭花食落幾新鮮，炒到莖唔會好韌，蝦仁好有蝦味🤣又大粒，整體爽脆茶樹菇紅燒肉個味道掌握嘅唔錯，唔會好鹹，有茶樹菇味同肉香味，啲肉唔肥唔瘦啱啱好🤣仲有例湯送，碗飯都好滿，一個人食得好飽😝，會再來食😁唔只自己會再黎食，一定會介紹埋朋友阿家人阿果D黎食嫁MA>.<

今日放學同同學食呢間，簡直好適合我哋呢啲學生，間嘢平民又高質秘制豬腳飯個豬腳飯先48蚊，就已經有好多份量豬腳食，啲豬腳係冇毛嘅🤣 又多汁，仲有滷蛋同酸菜配，呢D配料送飯一定係絕配啦👍🏻👍🏻👍🏻呢度鹹蛋蒸肉餅，乾扁四季豆，豉汁蒸排骨都好高質。鹹蛋好香，肉餅唔會好dry，多汁嫩滑，四季豆炒得唔會好老，味道幾鮮，蒸排骨個味都好鮮甜，塊塊排骨都有肉質，唔鞋簡直係放lunch 食飯嘅好地方👍🏻

今日同阿爸阿媽晏晝落街市食嘢，我哋三個人叫咗三餸飯同兩餸飯，一起share食，份量都多，好抵食。街市黎講環境算好乾淨三餸飯，我哋叫咗鹹蛋蒸肉餅，乾扁四季豆，豉汁蒸排骨個鹹蛋肉餅好送飯，鹹蛋好香，肉餅肉質厚食多汁炒嘅四季豆又清脆，好有青菜味蒸嘅排骨好滑，一啲都唔鞋，肥瘦適中然後兩餸飯食，西蘭花炒蝦仁，茶樹菇紅燒肉。蝦仁個個都好大粒，有肉底，啲西蘭花炒到又唔乾個茶樹菇紅燒肉好有肉汁，有茶樹菇味又有肉香

呢排天氣熱，胃口不佳，諗住同男朋友落街是但食啲嘢，結果發現呢間兩餸飯真係唔錯，經濟又實惠。同埋最最最重要一點可以話係佢地呢間兩餸飯係真係做到住家菜咁，竟然連蒸魚都有得食，實在係太正啦！我哋叫咗蒸魚🐟，娃娃菜兩餸飯條魚食落肉質嫩滑，清蒸嘅魚好鮮美，一啲都唔腥。娃娃菜食落都好新鮮，好甜。另外都叫咗花菜炒牛肉，黑醋骨。花菜好新鮮，炒嘅牛肉唔會好韌，好有肉味。個黑醋骨，好開胃，排骨炸得好香，黑醋香味四溢。

今日好肚餓，同男朋友落街市食飯，呢間兩三餸飯好好味。我哋叫咗三餸飯，鹹蛋蒸肉餅，乾扁四季豆，豉汁蒸排骨，呢啲餸簡直有家的味道，感覺到係原汁原味。個肉餅好送飯，肉質幾滑，鹹蛋好香，乾扁四季豆炒肉末可以食得出四季豆好鮮甜，蒸嘅排骨有肉汁，啲肉肥瘦適中。呢啲餸，令我食咗兩大碗飯🤣兩餸飯就叫咗，西蘭花炒蝦仁，茶樹菇紅燒肉。蝦仁🍤個個都好飽滿大粒，炒出來嘅西蘭花🥦又唔會好幹同老，口感好清新；茶樹菇紅燒肉呢道餸多汁，有茶樹菇味同肉香味，啲肉肥瘦均勻，好好味。😋

今日同男朋友落街市搵嘢食，上網見到呢間賣兩餸飯好hit，食過的確唔錯。鹹蛋蒸肉餅🫓🥚個肉餅入口有咬口得來又唔會鞋，同埋食落幾滑，鹹蛋好香，男朋友就憑呢個餸就已經食咗半碗飯(⁎⁍̴̛ᴗ⁍̴̛⁎)乾扁四季豆四季豆炒肉末，炒到四季豆好清脆，食落都覺得四季豆好新鮮，有草青味豉汁蒸排骨個排骨有肉汁兼又滑，肥瘦適中有咬口，好配飯食，個豉汁都好鮮美。西蘭花炒蝦仁🍤🥦西蘭花菜莖食落唔會好硬身，蝦仁好有肉質，成到菜口感爽脆，仲有蒜香 茶樹菇紅燒肉🍄我好鍾意食菇類嘅菜品，呢道餸真心唔錯，有肉嘅香氣仲有茶樹菇嚼勁嘅口感，特別紅燒肉肥滑而不膩，入口全是肉香

今日放假同家姐落樓下食嘢，我哋叫咗秘制豬腳飯$48蚊嘅豬腳飯真心覺得抵，豬腳係切好一塊塊咁，仲有酸菜配，個酸菜食落可以中和返食咁多豬腳肉🤣呢到既豬腳唔知係咪因為樓下就係街市既關係，特別新鮮嫁！咬落去個口感超級彃牙，肉質又細嫩，真心值得再黎食多次！仲叫咗兩餸飯，花菜炒牛肉，黑醋骨。花菜本身食材係新鮮，加上炒既火喉同時間岩岩好，唔會太淋，仲保持到爽脆既口感，炒嘅牛肉都唔會好韌，好嫩嫁！黑醋骨炸得好脆，加埋黑醋味，酸酸甜甜好開胃。

想同大家介紹下呢間上水熟食中心新開嘅飯舍，我食過兩次都覺得幾好味，今次就帶埋朋友一齊嚟食飯。3️⃣餸🍚娃娃菜、豉汁蒸排骨、冬瓜豆卜炆火腩  娃娃菜煮到好淋，入口好清甜。豉汁蒸排骨超入味，排骨入口口感肉嫩又腍。冬瓜豆卜炆火腩唔洗加入太多額外調味料，冬瓜已經夠清甜，令到火腩味道香而不膩，兩者配搭好好👍🏻3️⃣餸🍚茶樹菇紅燒肉、鹹蛋蒸肉餅、干扁四季豆茶樹菇紅燒肉嘅茶樹菇有獨特嘅茶樹菇香味，紅燒肉有肥又有瘦，口感豐富。鹹蛋蒸肉餅嘅鹹蛋味令到蒸肉餅更加惹味，肉餅啖啖肉好滿足。干扁四季豆入口清脆的口感炒完更加惹味十足！三個餸都係$44，超大份勁飽送埋湯，係抵食嘅❤️

唔知有冇人同我一樣好鐘意食兩餸飯？因為可以一次食多幾個餸冇咁單調😝今次兩餸飯叫左西蘭花炒蝦仁同茶樹菇紅燒肉。西蘭花炒蝦仁嘅西蘭花🥦翠綠又爽脆，蝦仁🍤大大粒又鮮甜彈牙，夠哂新鮮。茶樹菇紅燒肉嘅茶樹菇🍄口感細嫩，清香美味。紅燒肉🥓肉質細膩，加入茶樹菇可以消膩。仲叫左秘製豬腳飯都好吸引🐷，豬腳上碟已經預先切好一塊塊，好方便唔洗成隻拎住黎食，豬腳外皮煙煙韌韌，而且仲好入味，果然係秘製配方，唔怪得知咁好味。自家製靚湯仲定期有唔同款，飲落清甜，店主話我知係一啲味精都冇嫁☺真材實料👍🏻

去到糧尾嘅時間就要食啲平嘢，上水有間新開嘅兩餸飯好似幾經濟實惠，款式選擇都幾多，仲要有得堂食又可以外賣好方便。今次就叫咗兩個兩餸飯，其中一個係豉汁蒸排骨 拼冬瓜豆卜炆火腩。另一個就叫干扁四季豆拼豉汁蒸排骨。豉汁蒸排骨好有住家飯嘅味道，豉汁嘅味道又唔會太鹹，調味方面做得啱啱好，而且排骨到幾多肉，細細嚿咁一啖一口，撈埋啲豉汁食飯就一流。冬瓜豆卜炆火腩，冬瓜煮得都好淋，豆卜吸晒冬瓜汁嘅味道，好清甜，火腩皮脆肉鬆化，清清淡淡都唔錯。干扁四季豆炒得好惹味，又唔會太多油，食兩餸飯都要食下菜。天氣咁熱叫多罐可樂解解渴🤤，見到佢哋個Meau 有豬腳飯，下次再嚟試吓先。

上水返工真係都唔知食咩好，出面連鎖集團食飯又貴，同事講話上水街市上面有間兩餸飯幾抵食。去到見到$38蚊就有兩餸飯，好抵喎，而且仲會送埋無味精靚湯。呢排岩岩病完想食清啲，叫左蒸魚拼娃娃菜。蒸魚都算大條，魚肉幾滑，唔腥。娃娃菜唔會話淋哂又黃哂，仲係爽口鮮甜嘅。同事就叫左冬瓜豆卜炆火腩拼京都豬扒。冬瓜清甜，夠消暑，炆火腩都幾入味，外皮仲脆卜卜。而京都豬扒就更加正！豬扒肉質鬆軟，仲有啲酸酸甜甜，送飯一流。

平時都好鐘意食兩餸飯，終於比我等到上水都有高質兩餸飯啦，以後媽咪唔煮飯都多一個選擇🥳今次叫左兩個飯，一個係京都豬扒拼冬瓜豆卜炆火腩。京都豬扒顏色鮮艷，好吸引。豬扒入口香脆，肉質鬆化，醬汁味道酸甜酸甜，超鐘意食。冬瓜好淋而且好甜，火腩炆煮後更腍更香。另一個係椰花菜炒牛肉拼黑醋骨，椰花菜炒完仲好爽脆鮮甜，唔會碎濕濕，牛肉煙韌牛味濃。黑醋骨仲正，黑醋酸酸甜甜咁，加埋肉質嫩又啖啖肉嘅排骨，越食越開胃。價錢方面，兩餸飯都係$38！超抵食👍🏻

今日黎到呢間上水“飯舍”食豬腳飯同三餸飯真係超正！😌招牌主打嘅“秘製豬腳飯”真係名副其實！分量夠多，色澤靚。滑滑嘅骨膠原，惹味嘅肉肉，不知不覺食下一舊食下一舊。加埋酸菜醒胃，飯夠綿綿，配搭佳。😌三餸嘗試“冬瓜豆卜炆火腩、豉汁蒸排骨、娃娃菜”。火腩皮都略脆，有啲係肥肉，有啲係瘦肉，味道食得出夠火喉，冬瓜豆卜索哂味好正。豉汁蒸排骨，豉汁浸入哂肉入面，排骨唔似出面嗰啲得骨或肥肉，呢度係舊舊有肉。娃娃菜本身諗住普普通通，但呢度都有浸過清甜湯嘅味道。而佢係包埋湯嘅，都幾好飲。以街市黎講，質素係唔錯，推介推介。

隨意去左街市熟食中心，見呢間大大招牌主推🐖👣秘製豬腳飯，所以就試下。一大碗熱辣辣，分量夠多，擺盤亦吸引。豬腳色香味俱全，酸菜亦望落夠醒胃。先食一啖酸菜，味夠鮮，酸得黎剛剛好岩哂撈飯。豬腳就不得了，咬落去嘅骨膠原彈性爽彈之中淋滑，包住瘦肉一齊簡直又提升層次口感。味道當然都正，食得出滷得係夠時間嘅，入味非常。另外個湯都想讚下，好少話唔落味精。而冇味精之餘又唔會淡味，清清甜甜咁。最後加埋可樂一罐，完美。好食嘅豬腳飯好少有，呢間真心推介。