飯舍 (已結業)

上水返工真係都唔知食咩好，出面連鎖集團食飯又貴，同事講話上水街市上面有間兩餸飯幾抵食。去到見到$38蚊就有兩餸飯，好抵喎，而且仲會送埋無味精靚湯。呢排岩岩病完想食清啲，叫左蒸魚拼娃娃菜。蒸魚都算大條，魚肉幾滑，唔腥。娃娃菜唔會話淋哂又黃哂，仲係爽口鮮甜嘅。同事就叫左冬瓜豆卜炆火腩拼京都豬扒。冬瓜清甜，夠消暑，炆火腩都幾入味，外皮仲脆卜卜。而京都豬扒就更加正！豬扒肉質鬆軟，仲有啲酸酸甜甜，送飯一流。