飯舍 (已結業)

呢排天氣熱，胃口不佳，諗住同男朋友落街是但食啲嘢，結果發現呢間兩餸飯真係唔錯，經濟又實惠。同埋最最最重要一點可以話係佢地呢間兩餸飯係真係做到住家菜咁，竟然連蒸魚都有得食，實在係太正啦！我哋叫咗蒸魚🐟，娃娃菜兩餸飯條魚食落肉質嫩滑，清蒸嘅魚好鮮美，一啲都唔腥。娃娃菜食落都好新鮮，好甜。另外都叫咗花菜炒牛肉，黑醋骨。花菜好新鮮，炒嘅牛肉唔會好韌，好有肉味。個黑醋骨，好開胃，排骨炸得好香，黑醋香味四溢。