影片
同媽咪買完餸返屋企見到熟食中心有間兩餸飯好多選揀，我突然又想食，媽咪就話索性唔煮係到食埋😝兩餸飯$38 (花菜炒牛肉&黑醋骨)椰花菜同牛肉份量都好多，椰花菜爽甜，牛肉口感煙韌。黑醋骨酸甜味好突出，超入味，啖啖肉都食到黑醋味！好正😆三餸飯$44(豉汁蒸排骨&冬瓜豆卜炆火腩 &娃娃菜)豉汁蒸排骨嘅豉汁好香，排骨肉入口鬆軟。冬瓜豆卜炆火腩嘅冬瓜豆卜都好索汁，火腩油質分佈平均，又有大大舊肉食。跟住叫多個清甜娃娃菜，有肉有菜又有飯🤤咁又一餐。估唔到仲有奉送例湯，係自己煲嘅，特別滋潤✨仲有得外賣，最後再加多個飯比爹哋收工返屋企食😆
繼續閱讀
今日一個人食飯，諗住食hea啲，見到有兩餸飯，結果發現啲嘢食一啲都唔hea 🤣👍🏻 一個人食飯都可以好正嫁MA>.<~~~叫咗 西蘭花炒蝦仁，茶樹菇紅燒肉~~~西蘭花食落幾新鮮，炒到莖唔會好韌，蝦仁好有蝦味🤣又大粒，整體爽脆茶樹菇紅燒肉個味道掌握嘅唔錯，唔會好鹹，有茶樹菇味同肉香味，啲肉唔肥唔瘦啱啱好🤣仲有例湯送，碗飯都好滿，一個人食得好飽😝，會再來食😁唔只自己會再黎食，一定會介紹埋朋友阿家人阿果D黎食嫁MA>.<
繼續閱讀
今日放學同同學食呢間，簡直好適合我哋呢啲學生，間嘢平民又高質秘制豬腳飯個豬腳飯先48蚊，就已經有好多份量豬腳食，啲豬腳係冇毛嘅🤣 又多汁，仲有滷蛋同酸菜配，呢D配料送飯一定係絕配啦👍🏻👍🏻👍🏻呢度鹹蛋蒸肉餅，乾扁四季豆，豉汁蒸排骨都好高質。鹹蛋好香，肉餅唔會好dry，多汁嫩滑，四季豆炒得唔會好老，味道幾鮮，蒸排骨個味都好鮮甜，塊塊排骨都有肉質，唔鞋簡直係放lunch 食飯嘅好地方👍🏻
繼續閱讀
今日同阿爸阿媽晏晝落街市食嘢，我哋三個人叫咗三餸飯同兩餸飯，一起share食，份量都多，好抵食。街市黎講環境算好乾淨三餸飯，我哋叫咗鹹蛋蒸肉餅，乾扁四季豆，豉汁蒸排骨個鹹蛋肉餅好送飯，鹹蛋好香，肉餅肉質厚食多汁炒嘅四季豆又清脆，好有青菜味蒸嘅排骨好滑，一啲都唔鞋，肥瘦適中然後兩餸飯食，西蘭花炒蝦仁，茶樹菇紅燒肉。蝦仁個個都好大粒，有肉底，啲西蘭花炒到又唔乾個茶樹菇紅燒肉好有肉汁，有茶樹菇味又有肉香
繼續閱讀
呢排天氣熱，胃口不佳，諗住同男朋友落街是但食啲嘢，結果發現呢間兩餸飯真係唔錯，經濟又實惠。同埋最最最重要一點可以話係佢地呢間兩餸飯係真係做到住家菜咁，竟然連蒸魚都有得食，實在係太正啦！我哋叫咗蒸魚🐟，娃娃菜兩餸飯條魚食落肉質嫩滑，清蒸嘅魚好鮮美，一啲都唔腥。娃娃菜食落都好新鮮，好甜。另外都叫咗花菜炒牛肉，黑醋骨。花菜好新鮮，炒嘅牛肉唔會好韌，好有肉味。個黑醋骨，好開胃，排骨炸得好香，黑醋香味四溢。
繼續閱讀