飯舍 (已結業)

聽好多上水朋友都介紹呢間飯舍，小朱決定今次來實測一下！一入到去都見到有好多餸揀，當中方形嘅鹹蛋蒸肉餅係幾吸精。而佢有個poster係大大隻字寫住主打招牌係豬腳飯。🌟重點推介：秘製豬腳飯🌟既然係招牌菜，當然不得不試。一大碗飯上面拼上都有十舊左右嘅豬腳，旁邊仲有酸菜。豬腳咬落口充滿膠原質感，容易咬唔會好黐實的骨。味道方面滷得唔錯，剛剛好嘅咸度而且好惹味。酸菜都算鮮味，微酸充滿醒胃感覺。豬腳同酸菜撈飯食非常唔錯。👍🌟值得一試：干扁四季豆 茶樹菇紅燒肉 鹹蛋蒸肉餅🌟四季豆連埋肉粒，甘甘咸咸，送飯可口。茶樹菇爽中帶韌，有獨特乳香，吸收埋紅燒肉肉汁，剛剛好。紅燒肉肥瘦適中，實肉中又有脂香。鹹蛋肉餅外觀加分，肉餅呈方形，上面有一片鹹蛋黃。一口咬落，不會過咸，肉餅又夠實。☺️推介程度：8/10

之前落街買餸，撞到陳師奶，傾計傾開熟食中心開咗檔三餸飯幾好食，於是今日唔想煮餸就同阿女去咗食。咁我見呢度都幾多餸揀嘅，我就試個茶樹菇紅燒肉、西蘭花炒蝦仁。茶樹菇就清甘芳香，都保持到姑嘅韌度，爽口煙韌。紅燒肉味道佳，炆得幾入味，醃料做得唔錯。西蘭花保持翠綠，爽口，又不會索太多鹽。蝦仁脆爽，都算新鮮。💐阿女就試京都豬扒、干扁四季豆、花菜炒牛肉。京都豬扒平時喺屋企就難整啲，所以都值得一試嘅。呢度酸甜度都幾適中，肉都夠淋係自然嗰隻，唔似係鬆肉粉嘅效果。四季豆都唔會話冇味，鹽度剛剛好。💯最後個湯勝在冇味精，都係值得一試。今餐唔洗自己煮，味道ok🙋‍♀️

飯舍位於上水呢個平民區，食物既品質卻唔平民，兩餸飯有多款選擇之餘仲要超級有質素，好食到停唔到口！今次係三餸飯：鹹蛋蒸肉餅，干扁四季豆同埋豉汁蒸排骨 🍚咸味適中既咸蛋窩佐入肉餅，肉餅有埋蔥花調味，好香，又腍腍地，送飯最岩👍🏻四季豆炒到好香蒜香味， 有少少肉粒去炒，口感好好，四季豆又唔會太淋🧡排骨好香豆汁味，好惹味，肉質又幾嫩，好好食呀！然後就有另一馳名既飯，秘製豬腳飯🐖豬腳切開左一舊舊，每舊都睇到好濃味，好掛汁，豬肉肉質腍身好食，入味既豬腳加埋秘製既咸酸菜，味道更佳👍🏻

今日落街都唔知食乜好，所以就認住求其去街市食個兩餸飯算。咁見到呢間係新開，個餐牌都有幾多選擇，就去試下啦。想醒胃就試下京都豬扒。酸甜度配合得幾好，糖、醋、茄汁嘅份量應調配得唔錯。肉質淋冇渣，淡淡肉好yummy。加埋波羅更增滋味，一啖一粒都幾過癮。😜再試咗個撈飯一流嘅冬瓜豆卜炆火腩。冬瓜唔會話炆到林曬爛曬，仲維持到完整夾得起。腩肉有啲偏多肉，有啲偏多膏，數量都算平均嘅。不過主要入口味道唔過咸我幾中意。🤗個餐包埋湯不過的都加左支雪碧。個湯都真係值得試下，因為真係冇味精而且落足料，又清清甜甜。😊總括嚟講一人都食得幾開心，簡單又一餐。

好友相聚有時就係想簡簡單單，食餐普通嘅便飯都會覺得好開心，而呢間開心得嚟又覺得真係好好味。黎到熟食中心見到“飯舍”呢個名特別有親切感, 同埋見佢都多餸揀幾新鮮咁，所以就同朋友一齊去試下啦。💖我就食得比較清淡所以揀咗🐟蒸魚同🥬娃娃菜。本身都諗住都係出面餐廳嗰啲咁嘅味啦。但係又出奇地，個魚幾鮮嫩。味道方面亦都入味，上面加咗塊檸檬去蒸，仲有少少蔥喺上面，所以絕對無腥味。加埋佢嘅豉油一齊食就啱啱好。娃娃菜方面就係正常質素，食落有啲清甜嘅。如果想特別啲可以試下⚫🥓黑醋骨，因為喺屋企都比較難整到呢味餸，所以都幾值得一試嘅。我朋友試咗都覺得幾正，酸酸甜甜幾開胃，同埋應該要用醋同冰糖去製作嘅，食落去都有淡淡嘅醋香。另外❇️🥩仲有花菜炒牛肉同樣係炒得好味，而且唔多油。主要牛肉幾好食，生熟度剛剛好唔會有渣

今次係上水搵到既呢間飯舍主打兩餸飯，豬腳飯，今次我地就兩樣都試晒😝兩餸飯：冬瓜豆卜炆火腩拼京都豬扒一個重口味同一個清淡既配搭，火腩炆到好入味，冬瓜豆卜都炆到好腍，芡汁又唔會太稠太咸，火腩既味口感岩岩好😌而另外豬扒本身煎香佐先，但肉質唔會鞋口，同甜甜地既菠蘿一齊食口感好好，酸酸甜甜既汁好開胃😙秘製豬腳飯豬腳好貼心咁切開一舊舊，鹵得入味既豬腳唔止夠晒味，豬腳肉質都好嫩，而且仲要有咸酸菜伴碟，味道層次好豐富，好正呀！食完飯飲埋靚湯道岩岩好，完滿既一餐呀！

今日朋友咁啱入嚟上水順便搵我，咁就諗住同佢食個便飯簡簡單單，就揀咗呢間“飯舍”。佢呢度招牌菜係豬腳飯🐖🦶，所以我一定會嗌黎試。講到係秘製嘅果然係唔同啲，真係滷得好入味，味道真係鹹鹹之中有啲鮮味，唔知有咩乾坤呢。另外質感方面亦都相當唔錯，食落口嘅時候骨肉已經可以自動分離出來，皮肉充滿住骨膠原，彈性之中滑捋捋。三餸飯都唔差。就好似四季豆，唔會話濕立立黐埋一堆，味道剛剛好，有鑊氣得嚟又唔會太鹹。鹹蛋蒸肉餅個賣相幾靚係方形一嚿上面有一小片鹹蛋黃。肉餅嘅鹹香加上鹹蛋黃嘅甘鹹，配搭簡直係非常之正。豉汁蒸排骨算係清清地有自家菜嘅感覺，想食清淡啲嘅人可以揀。總括黎講，提到上水區簡單嘅便飯，呢間係選擇之一。

琴日同同事本身諗住匆匆忙食個飯，點知有幾好味喎，所以都忍唔住今日補返個食評。👍佢呢度講到自己招牌係“秘製豬腳飯”，所以就毫不猶豫點咗啦。先講外觀，分量又幾多嘅，同埋仲有酸菜㖭。豬腳方面果然係招牌，骨肉一咬就分離，有少少豬肉，豬皮充滿骨膠原質感好Q彈。味道方面係鹹鹹地滷得幾香。🐖🌿至於我同事就嗌咗個兩餸飯，選左“花菜炒牛肉”同“黑醋骨”。啲花菜唔會散曬一舊舊，仲保持到完整嘅狀態；牛肉亦唔會過老；食得出係少油少鹽嘅味道。❇️🐂黑醋骨都幾特別，酸酸甜甜幾開胃，而且仲帶有少少醋醇香。肉質方面亦都幾幾有咬口，唔會話太多骨。🦴🥩兩個飯一百蚊有找，絕對抵食。

聽阿媽講啦附近街市熟食中心開咗間新兩送飯，嗰日買咗返嚟食又幾好味，所以我決定再去食下。同阿妹落到去睇，環境都幾闊落，餐牌都有幾多嘅選擇。我哋各人嗌咗一個兩餸飯，一個兩餸飯38蚊不過不失。佢嘅🦴黑醋骨都整得幾好，酸酸甜甜咁樣又唔會太膩，仲有種獨特嘅清香，而且個肉又唔會話抆到鞋曬。🥦花菜炒牛肉都好有鑊氣，花菜唔會話好乾身同埋散修修嗰種，牛肉都唔會好嚡，整體嚟講都唔會話炒得好油。另外🦐西蘭花炒蝦仁，西蘭花係ok嘅，因為好驚出面嗰啲冇洗乾淨又唔熟，而呢度西蘭花都已經炒熟曬又唔會過老。蝦仁方面都夠大隻唔會話淡茂茂嗰種，應該都係落足料醃製同埋炒嘅。🍄茶樹菇紅燒肉，茶樹菇保持清甘，有種獨特乳香。而紅燒肉亦都香甜美味，肥瘦相間，又唔會好韌。

住上水嘅人有口福，因為熟食中心呢間兩餸飯真係幾好。如果想簡簡單單，呢間真係好推薦。價錢方面不過不失啦兩餸飯$38，三餸飯$44，包埋湯。❤️冬瓜豆卜炆火腩本身都好驚冬瓜同埋豆卜會好鹹，但呢度個咸道係啱啱好嘅。冬瓜同豆卜通常好易索曬汁，但佢哋吸曬汁之後都唔會話好鹹，反而有一種清甜嘅感覺。火腩亦都入味得嚟唔會太鹹，軟淋度都啱啱好，少少肥肉very good。❤️京都豬扒同樣唔覺得過酸過租。微微嘅酸酸甜甜好醒胃，豬扒亦都啖啖肉好淋身，加埋一舊舊嘅菠蘿增添層次。🧡花菜炒牛肉 花菜唔會太乾又唔會過老。比較想讚下牛肉，生熟度係啱啱好，味道方面亦都入味。可以再返尋味。🧡黑醋骨色澤係ok唔會黑蚊蚊好似燶咗咁。分量同埋肉都算多，唔會話大部分都係得啲骨。味道方面當然值得一讚，因為唔似出面嗰啲得種死鹹，而係香口之中有清醇嘅感覺。最後我嗌咗湯我阿媽就嗌咗罐嘢飲。我覺得個湯係好值得一試，因為佢係冇味精同好鮮甜架。

飯舍既位置會令人覺得食物一定好普通，係街市既熟食中心，但原來食完先知係非一般既正！🥰秘製豬腳飯豬腳鹵得真係超級入味，燒汁超香，配埋咸酸菜就可以中和番豬腳既油膩，而豬腳飯仲要有例湯🫕中湯清甜好飲，一飲就知係無味精，真材實料去煲，好滋潤呀！👀三餸飯：鹹蛋蒸肉餅，干扁四季豆同埋豉汁蒸排骨 肉餅蒸完仲好有肉汁，口感唔會死實，啲肉仲好有咬口，軟腍適中，咸蛋好香，蒸完有啲漏油，啲油滲番落肉餅就好好食，四季豆惹味得黎唔會過咸，連埋啲肉碎一齊食好好味😚半肥瘦既排骨蒸完好香，豉汁味又重，超級好食！

飯舍係街市既熟食中心入面，環境算係好企理，坐都坐得舒服😆首先係秘製豬腳飯，豬腳既皮入口即化，豬腳肉軟腍易入口，燒汁好香，提升豬腳味道，咸酸菜唔會太咸太酸，味道岩岩好，份量又好足，好好食呀！🐷❤️之後就係三餸飯，有干扁四季豆，黑醋骨同埋花菜炒牛肉🍚四季豆炒得好重蒜香味，肉碎粒令到四季豆更惹味，好香好好食，黑醋骨既豬肉本身已經炸香佐，配埋酸酸地既黑醋好開胃，好好食，花菜又好爽口，牛肉又有咬口，全部用黎配飯都好正！食飽飽再飲埋清甜無味精既例湯，非常滿足啦！

今日同男朋友黎到上水既街市入面既飯舍，呢度衛生好好，又唔會坐到好逼好唔舒服。我地都貪心啲，叫佐3餸飯😆先有鹹蛋蒸肉餅，干扁四季豆同埋茶樹菇紅燒肉，呢三個餸都比較重口味，但送飯真係岩晒，咸蛋肉餅完全係家的味精，微微醃過既肉餅配上漏黃咸蛋，好香好正😋四季豆好惹味，蒜香加上炒過既肉粒，爽口好食，🧡紅燒肉軟腍肥美，油香足，茶樹菇一齊煮完都好香，重口味但好好味😆而男朋友就叫佐娃娃菜，冬瓜豆卜炆火腩同埋豉汁蒸排骨，相對上呢三個餸係清啲既，娃娃菜用上湯浸，好清新清香好好味🥬火腩唔會太肥，轉硬適中，冬瓜豆卜都好香，吸晒啲味，火腩炆到好入味，超正😚排骨蒸到好香，豉汁入晒落排骨，好食到不得了呀！最後飲埋呢度既例湯，好清甜好好飲，超爽！

飯舍除2鎹飯出名，豬腳飯都好出名。日日都令我牽腸掛肚。豬腳飯真係好好食。首推當然係豬腳飯，豬腳燜得軟糯，皮油脂同腳筋入口軟糯。配埋熱飯。更是一絕，忍唔住一口接一口咁往嘴入面塞。而且豬腳肥瘦比例佳。加上鹵汁香。鎹飯一流。總有總有四季豆，蒜頭薑蔥爆香加上老闆秘製醬料，令到四季豆非常香口。而且四季豆爽口。有汁。花菜炒牛肉，牛肉非常嫩滑，而且好有牛味道，牛肉火候。控制得非常好，唔會太老，啖啖肉之餘總有肉汁。西蘭花好好食，爽口，又甜。好味。最後飯舍總會送埋時節靚湯，今次係老黃瓜湯水。非常消暑。啱曬夏天消暑，飲完真係成個人舒服曬。唔會㷫烚烚。

今期真係好興食2鎹飯。因為選擇多，花多眼亂。完全唔知食咩好。而且總主打無味精的住家飯-飯舍。今日我又來食3鎹飯。首先我選擇左豉汁蒸排骨，豉香濃郁，帶有鹹味，與蒜蓉混合剁碎後，炒香後，香味更出。配合埋排骨，啖啖肉排骨鎹飯真係一流。鹹蛋蒸肉餅，個肉餅非常好味，肉質煙韌，彈牙，非常有肉味。配埋半個鹹蛋黃，而且鹹蛋黃好夠味。四季豆，蒜頭薑蔥爆香加上老闆秘製醬料，而且四季豆油炸過後再炒，令到四季豆非常爽口。最後豬腳飯。豬腳燜得非常軟滑。入口即溶。完全唔肥膩。鹵汁滲曬入豬腳，加上肥肉瘦肉卤到透彻，非常惹味。配埋酸菜。好味。 總之飯舍選擇多又好味。真係好抵食。