顏府御膳 (已結業)

今日做下孝順女，陪媽咪去銅鑼灣揾食先。媽咪鍾意食啲特色中菜，啱啱醒起呢間新開嘅餐廳合曬河車。呢度感覺似酒店入邊嘅高檔中菜館，環境非常光鮮企理，餐廳天花同部份牆身用左鏡面，空間感好闊落。天花燈同輕怏背景音樂令餐廳多咗份潮味。食物方面件選擇種類好多，由山珍海味、魚翅、湯羹、肉類、家禽、精緻小菜、甜品等等一應俱全，亦有午餐同晚餐可供選擇。前菜：楓糖合桃，外層掛滿焦糖、香脆可口醬料：未食都聞到好惹味，好大注瑤柱，有提鮮作用七味海苔軟殼蟹：入口好酥脆、外層超薄，軟殼蟹鮮甜，配埋沙律菜、龍珠果口感平衡竹笙花菇燉菜膽：入口清甜冇味精，飲一盅熱辣辣嘅燉滑，感覺暖胃暖和脆皮黃油鹽香鷄：皮好薄脆、冇乜肥油、雞肉嫩滑泡椒田雞：麻辣酸味交集, 由幾款唔同辣椒炮製而成，配合大量蔬菜、蔥、芹菜、青瓜、薑、蒜等等，田鷄肉嫩滑，菜式好清新開胃魚肚浸大芥菜：另一足料之選，魚肚厚身大大塊又爽口，芥菜膽啱季節，個湯養生又暖胃媽媽同我都食到捧住個肚走，溫馨滿足嘅一晚，亦係我地美好嘅回憶🥰

係一間新開既高級中菜廳係銅鑼灣既高級大廈入面餐廳環境好靚 ，好靜，十分精緻。叫set menu 同埋單點都得見到餐牌上既山珍海味同海鮮都好吸引😋一黎佢地比左小食 核桃同埋XO醬個XO醬好高質！瑤柱係好靚既貨、份量好多唔會慳皮油好香、唔會太多油同埋油既色都好靚帶點火腿既咸香、小小辣👍好想帶返屋企珍珠鳳翼：其實即係糯米釀雞翼，個名都好精緻，好飽滿，外層雞肉好香好滑我地再加左小小岩岩既XO醬吊味，超正紅棗瑪卡燉竹絲雞（每位$188）：個湯超級清甜，同埋都好大盅，帶小小紅棗甜味唔會太搶，又有瑪卡，男人同女人好岩飲黎補下🤣飲完唔會渴，證明個湯無味精，所有清甜既味都係由瘦肉，竹絲雞燉出黎👍砂窩涼瓜炆頭腩（$248）：果然係頭腩，即係全條魚運動量最高既部位，肉質煙韌有口感，魚肉唔會鬆散，好香豆豉既味，調味岩岩好唔會太咸。陳皮沙薑生煎雞（$228 半隻）上菜又係熱辣辣，好有鑊氣侍應幫我地再炒多兩下好香陳皮同沙薑味唔會太搶雞肉幾實，咁先係靚雞😎川辣擔擔麵（$68碗）一人一碗份量岩岩好。麻醬既香味好香濃，上面灑上小小白芝麻，更香。辣度適中。麵條幼身，好掛湯。幾惹味😋侍應反應快，貼心既服務，高級既享受。評分

見到有一間新開嘅中菜餐廳，最鍾意試新餐廳嘅我今日就去咗挑戰食呢一間。一入到去覺得個環境好優美，而且佢用好多茅台酒裝飾好特別。餐廳嘅環境整體嘅感覺比我覺得好乾淨同舒服😌首先我哋叫咗啲點心🥧1️⃣蝦餃、帶子餃佢嘅蒸籠好得意，菂菂式式。呢兩款餃我覺得都幾好食，皮薄餡靚☺️2️⃣麻辣脆皮燒賣呢款燒賣係我食過最特別嘅燒賣，因為係麻辣口味，食得好過癮👍其實我都唔係話好食得辣，但都可以食到。3️⃣小籠包、叉燒包中意小籠包嘅上湯，勁快就比我飲晒😘叉燒包好香，like it!4️⃣酸菜魚湯鮮竹卷呢款點心又係出邊冇嘅，比到種好新鮮嘅感覺我。鮮竹卷有好多料喺入面，再配埋啲酸菜魚湯，令到味道變得幾好食。5️⃣咕嚕肉，酸酸甜甜，肉質嫩滑，菠蘿好新鮮，炸雲吞有四舊，香脆可口。6️⃣炒帶子，帶子好有鮮味好爽口，底下嘅法國邊豆炒得好入味👍7️⃣南北杏雪耳燉萬壽果好足料好好飲，養生呀哈哈😄8️⃣二煱頭蛋散好濃酒味，我醉了（講笑），好特別！9️⃣食埋呢一個古法馬拉糕，就真係非常之飽啦！

限聚令下少了多人聚會，更沒機會一圍圍食餐好，更別說一餐的好中菜。最近留意到銅鑼灣的顏府御膳疫市開業，終於找到個藉口會一會中菜。雖然沒有中菜廳的大地方，但枱與枱之間位置充足，加上典雅的裝修，令食客能在一個好環境下享受中菜。餐前先來一碟小食，如果你易飽，記得要忍口，因為小食已經好好食。海蜇青瓜 $98不是一般酒樓貨色，感覺不到粗製濫造，醃味剛好，不過火，海蜇青瓜等食材都爽口，吃得開胃。椰皇花膠燉海螺 $576原個椰皇配以花膠海螺等靚食材燉湯，鮮甜無比，非常滋潤。飲湯同時不妨食埋椰肉，同樣清甜。炸雲呑拼咕嚕肉 $198酥脆咕嚕肉完全無骨，甜甜酸酸的醬汁非常惹味。配炸雲呑組合有新鮮感，而且同甜酸醬汁一樣配合，一醬兩食，最後可以食埋新鮮菠蘿refresh一下。砂窩金不換白楜椒海中蝦 $298砂窩熱力十足，將蓋打開”啪啪”聲此起彼落。澎湃的白楜椒粒充滿砂窩中，大大隻海中蝦爽口又彈牙，配合香濃的白楜椒，吃得津津有味。生炒臘味糯米飯 $188迎接冬天最好的食物，糯米飯粒粒分明，又炒得乾身。而且臘味毫不吝嗇，令糯米飯口感更豐富。要食餐好中菜，如果人少少，這裡是一個好選擇。

疫情期間，難得出黎食飯，當然搵間環境好d, 嘢食精緻嘅餐廳享受一下。見呢個餐廳嘅評價唔錯，食物同環境都好精緻高級，所以就出黎鬆一鬆.餐廳位於銅鑼灣，地點方便。裝修好靚，好高級，枱與枱之間距離寬敞，環境好寧靜，可以靜靜地食飯同傾計，而且仲有包廂可以私人聚會。餐廳架上有各種年份的茅台，吸引愛酒之人同食客打卡。一坐低，侍應就送上自家制的黑糖核桃同XO瑤柱醬，十分惹味！前菜係一個芝士焗蟹蓋。蟹蓋入面釀滿鮮甜嘅蟹肉，配埋香濃芝士，非常好味湯係蟹肉羹，入面有蟹肉，魚肚，好足料。加上XO瑤柱醬調味，更是好味。顏府秘制一字骨，賣相好靚，肥瘦比例適中，肉質好冧好滑，而且好入味，酸酸甜甜好開胃，一d都唔油膩。主菜係酸菜魚，估唔到份量咁足。原條桂花魚切片，份量好多。魚肉好滑，帶麻帶辣，刺激味蕾。蝦乾啫啫芥蘭煲，好鮮嫩，只係食菜莖嘅部分，特別爽甜。蝦乾好大隻好香，好惹味。

周末放鬆一下，獎勵自己最好的方式，就是帶上朋友來吃一餐大的。享受生活，又放鬆心情。聽說銅鑼灣開了高檔中餐廳，特意過來探店。方方面面都沒讓我失望。.焗釀蟹蓋很特別的頭盤開胃菜，將蟹肉拆下之後，混合蘑菇等等調味。濃濃的芝士味，新鮮熱辣辣出爐，秋天吃，特別溫暖。.金銀菜羅漢果煲豬肺老火湯，絕對是中餐里必不可少的一部分。潤膚滋補。身體補充一點能量。.水煮桂花魚🐟我的最愛。魚肉很鮮，用料上等。只有最新鮮的食材才能打造出最可口的食物。辣椒和花椒的調味下，川味十足。.脆皮乳鴿雖然很不忍心吃可愛的鴿子，但是，確實很好味。外皮酥脆，口感獨到。廚師技術簡直一流。.XO醬肉碎芥蘭端上桌的時候，還茲茲做響，熱辣辣的口感更加讓心里感到溫暖。蔬菜很新鮮，美味，健康有營養。餐廳裝修不僅大氣上檔次，還有一間宴會包房，可以朋友聚會用。下次來銅鑼灣，千萬不要錯過哦╮(╯▽╰)╭..顏府御膳銅鑼灣開平道1號Cubus 5樓

久不久都想吃一頓有質素的料理, 來慰勞一下自己, 工作辛苦又壓力大, 需要善待一下自己。有朋友喜歡去酒店吃buffet, 我卻鍾情有自己性格的非酒店非連鎖的餐廳, 在銅鑼灣cubus這座大樓, 隱藏著不少美食呢, 而且環境都很華麗有氣派, 能夠和朋友好好享受聊天。送上兩小碟, 有像xo醬但很辣的醬料, 另外有補腦的核桃做前菜。選了菊花茶, 細心的附上美美的標示牌子蟹肉蛋白魚肚羹$128先來一個湯羹, 能吃蟹肉而不用拆殼, 魚肚有豐富營養又美顏, 充滿海洋風的湯羹。釀焗鮮蟹蓋$148朋友說想起雞批的味道, 濃郁的芝士忌廉香味, 內裡有啖啖的蟹肉絲加上蔬菜, 感覺清新不膩。鳳梨咕嚕肉伴炸雲吞$198很久沒吃炸雲吞了, 想不到可跟咕嚕肉一起吃, 脆卜卜附酸甜醬, 幾過癮, 咕嚕肉醬汁濃香, 每件大細肥瘦適中, 非常惹味!砂窩和味粉絲海中蝦$298十分有驚喜的菜式, 可能我喜歡海鮮吧, 每隻蝦大大隻啖啖肉, 煮到剛好不會太熟, 充滿鮮味, 蔥香也絕對加分, 大大滿足。底下的粉絲也十分美妙, 吸收了蝦汁, 令人吃不停口。砂窩xo醬蝦乾肉碎芥蘭$138像是啫啫菜的做法, 味濃香口, 芥蘭只取莖的部

原來顏府御膳是新餐廳，也引起我的注意，上到餐廳見到裝潢真係嘩嘩聲，大廳設計走現代古風，同時亦注重客人的私隱，都有別室用黑布間隔，我們坐在房內覺得很舒服。侍應奉上普洱，喜歡清香的黑茶，仲有琥珀合桃，爽脆又香口，糖衣是薄脆，很開胃。菜式基本上很精緻，在傳統上有創新的精神，中菜很精美。糯米釀雞翼上碟時已見到比翼雙飛，廚師很細心用錫紙包好翼尖方便我進食。雞翼炸至金黃，皮脆肉嫩，糯米塞到飽滿，很軟糯，進食時要小心，非常燙口又脆口。瑤柱花膠羹非常吸引又有貴氣，花膠美顏又養血，每一口都係瑤柱絲及花膠，湯料還有幼細的肉絲，湯羹很滑口，杰度足夠，始終海鮮湯羹很咸香，不洗落調味料都無問題。野菌燒汁和牛粒和牛粒份量多，野菌類別都很多，冬菇等等令和牛粒的肉味提鮮，和牛粒油脂分佈平均，每口都重牛味，肉質鮮嫩滑口。陳皮沙薑生煎龍躉球上鐵板已經滋滋聲，每人大概四塊魚片，都夠食，龍躉片煎至金黃，肉質結實，厚身，沙薑陳皮在鐵板上散發甘香，非常惹味。大澳蝦醬唐生菜成個砂煲上勁誇張，但一開蓋勁香咸鮮味，蝦醬濃味，仲有蝦乾條很咸鮮，唐生菜很青翠，吸收了蝦的鮮味，菜很新鮮，吃起來很棒。

今次介紹一間極高質中菜餐廳比大家！呢間餐廳（顏府御膳）係新開的，經朋友介紹而得知，昨晚就膽粗粗咁帶咗吳老太去試水溫！成餐飯我用幾句嚟形容就夠，「精緻」「用心」「美味」，真係全部有齊！如果你係對中菜有要求，咁就真係要去試下！一坐低，店員就會遞上前菜同XO醬，呢兩樣看似微不足道嘅嘢，但已經好有水準！前菜係合桃，甜甜地，上面灑咗少少芝麻，夠晒香口！我本身係好鍾意食XO醬，佢呢隻XO醬真係好有驚喜，少少辣，但散得快，唔會係死辣，就算唔食得辣嘅朋友都會食到！仲要好足料，勁多瑤柱！之後我地就叫咗老火湯（蘋果雪梨），因為開始轉季，都真係要潤下！老火湯一飲就知有無加味精！真係完全無！好清甜！連吳老太都讚好！跟住主菜開始陸陸續續咁出到嚟，先嚟嘅係蟹肉桂花炒瑤柱！賣相真係勁吸引，啲雞蛋好似黃金咁，好吸睛！食落口感係爽口，你無睇錯，真係爽口！因為入面其實加咗芽菜，最估唔到係，有部份瑤柱竟然係炸過！真係別有用心！中菜都有慢煮！牛肋排用慢煮手法烹調，肉質真係好軟好腍，仲好入味！連平時麻麻地食肉嘅吳老太都讚不絕口！之後就到雙色蝦球，其實係兩種不同嘅烹調手法！黃金，我相信大家都估到，就係咸蛋黃！油

疫情改變了世界，其一就是令餐廳大執位，Cubus 食廈內曾經去過的一些食肆已經消失，喜見亦有新來者，「顏府御膳」仍在試業中只看名字，就知道做精緻粵菜，今晚正想吃得好。  手工蟹肉石榴翅 $280高湯燴翅是大菜，講求濃稠醇厚的口感，加上矜貴魚翅，向來價錢不菲但確是滋味。 「顏府御膳」的演繹，把魚翅藏在石榴球內，配上豐富的鮮蟹肉，首先造型增分，食味方面，有着蟹鮮之清甜的同時、交織了濃湯的鹹香，這鹹香相信歸功於金華火腿。 第一口的感覺是鮮甜，然後馬上嚐到濃湯中透出的鹹香，回甘悠久滋味，魚翅及蟹肉的份量算是慷慨，適中就成，重翅多反而價值漲高，現在這一道翅價錢親民更好，值得一試。 蟹肉桂花炒瑤柱 $228另一款傳統手工菜炒得的確好，成功收水而保持了食物本身的水份；蟹肉新鮮、芽菜爽脆、蛋絲幼細，處理得恰到好處。最有驚喜是鴛鴦瑤柱，部份炸至香脆，倍添口感。剛喝完濃湯之後，來一道清爽炒蛋，好讓味蕾小休，迎接餘下更精彩的。 慢煮牛肋排 $280選用最靚的牛肋排肉，慢煮至本來質感韌性高的牛肋肉鬆軟，最討好的口感就是有韌性但咬得開。 調味豐富，紅燒汁帶點陳醋酸香，類似上海菜的阿婆燒肉汁，成功平衡肉膩。 星加

今日同個朋友食飯，去左一間新開業既中菜館。位於銅鑼灣，餐廳裝飾簡單又不失中國風味，環境舒適。午餐有lunch set，價錢合宜，份量都算多。有頭盤有點心有主菜有甜品餐具好靚，有花心思小食是楓糖合桃香甜又開胃。老火湯好足料合桃煲雞腳。入口唔油膩，老火湯的味道。紅椒汁露筍蝦餃皮薄，原隻爽口鮮蝦肉，加埋爽脆露筍，口感好豐富！口水雞和青瓜木耳口水雞辣度十足，雞肉非常嫩滑好喜歡吃香甜青瓜法邊豆炒帶子帶子好爽甜，無筋入口嫩滑配白飯南北杏雪耳燉萬壽果好滋潤既甜品