顏府御膳 (已結業)

早前朋友到過銅鑼灣開平道 Cubus 吃中菜，大讚環境食物質素高，上星期我也跟朋友到店光顧！果然有驚喜！顏府御膳於Cubus 5樓全層，一入店已經感覺舒適！餐廳中式裝橫，天花掛著紅色水晶燈很堂皇！近窗放滿茅台酒瓶，藝術感提昇！餐牌分類有小食、湯羹、肉類、家禽、時蔬、海鮮、飯等等。服務員先送小食上琥珀合桃及瑤柱辣醬，兩款也好味！我們點了青瓜海蜇頭、姫松茸螺頭燉豬展、野菌燒汁牛柳粒、蟹肉桂花炒瑤柱及川辣擔擔麵。青瓜海蜇頭開胃好味，海蜇頭爽脆，調味味道剛好。燉湯熱辣辣，散發螺頭及姬松茸味道，飲完暖胃十分舒服。蟹肉桂花炒瑤柱十分足料，啖啖蟹肉瑤柱，而另外炸過的瑤柱絲香脆美味，圍住整碟餸，令整道菜口感層次再提升！野菌燒汁牛柳粒惹味十足，牛柳粒有口感，燒汁味道剛剛好，配上我至愛的野菌。川辣擔擔麵用上沒肥膏的豬肉碎更健康，湯底散發淡淡川辣味，口味特別，一試難忘！

同屋企人食中菜唔可以求其，畢竟煮開飯嘅人對食材同烹調技巧會有要求，最後揾左呢間銅鑼灣新開嘅精緻中菜，裝修別緻，餐具講究，而且服務周到，一入去印象已經唔錯。餐前小食係香脆嘅琥珀合桃，另上一碟多瑤柱少辣嘅XO醬。🍽蒜片牛柳粒見menu推薦就叫左呢款前菜，牛柳粒肉味濃，大部分無渣，加埋炸香口嘅蒜片一齊食唔錯。🍽是日例湯當日係海底玉米龍脷葉煲豬腱，睇個湯嘅顔色就知足料，加左玉米、蘿蔔同海底椰非常清甜，娘親話龍脷葉有止咳潤肺嘅功效，轉天氣飲啱曬。🍽砂鍋涼瓜豉蒜炆頭腩一開蓋就聞到好香嘅蒜頭豆豉味，魚肉無腥味又嫩滑，無骨方便食用，砂鍋令外皮焦脆，微苦嘅涼瓜索曬汁，好食。🍽顏府秘制一字骨賣相好似西式ribs咁，咬落好淋，入口即溶，似東坡肉嘅質感，店員介紹個汁係師傅秘制嘅燒肉汁，再濃少少會更好，但肉質真係好正！🍽砂鍋大澳蝦醬啫啫唐生菜膽我地眼闊肚窄叫左太多肉，最後黎返個菜，一開蓋真係有嗞嗞聲，蝦醬味濃但唔會太鹹，仲有大大隻蝦乾，唐生菜膽爽脆，菜頭唔會過硬，油左少少但味道好出色。雖然價錢唔平，但同食物質素成正比，而且每碟分量都頗大，屋企人話可以encore。

高質素嘅中菜真係好值得品嚐，呢間位於銅鑼灣Cubus嘅5樓高質素中菜顏府御膳新開冇幾耐，有好多款式嘅中菜菜式，有啲仲比較特別，如果唔想諗仲有幾百蚊一位嘅Tasting Menu感覺已經配搭得非常豐富。不過我朋友就鍾意自己選擇菜式，所以我哋就決定單點。糯米釀雞翼$68好得意，大大隻雞翼，表面都幾金黃，而且裏面有好多糯米，外皮香脆裏面質感軟稔，鹹香適中感覺都幾夾 ！花膠瑤柱羹$148每位味道比想像中清新，裏面都好足料而且一絲絲，有充足嘅口感，香味適中。野菌燒汁和牛粒$198裏面都幾多配料，除咗高質素黃牛粒，食落去有鑊氣之外，冬菇，扇菇，雞髀菇，蘑菇，豆角全部有齊，但係又唔會有傳統中菜的死鹹，唔會食厭。陳皮沙薑生煎斑球$268呢個上到嚟好正，仲係熱辣辣，佢成個鐵板咁樣上，本身應該都係仲係有少少生嘅，等一陣再食就啱啱好熟，口感最滑，冇骨，而且陳皮沙薑呢個組合非常匹配，鮮味十足，表面本身有火槍「辣」過，賣相都一流！水牛蝦醬唐生菜$138呢個菜式賣相又係好正，嚟到熱騰騰可以自己撈下佢，又係做到啱啱好熟，水牛蝦醬有輕微辣香，唔會悶，唐生菜亦都有充足水份及甜味，作為中菜嘅菜品都好爽口易食，大人細路都啱

話說今日係週年紀念日，疫情又突然間急升咁有去d比較寛落，環境好d既餐廳見cubus 多左間中菜，裝修好高貴，我見開左吾耐，應該吾算多人，所以book 左2位食晚餐同我預料一樣，全晚只有2-3枱客，而且隔得好開，所以好安全吊燈同燈光都好有情調窗口位置有間房仔，私隱度高茶壹同茶杯好有品味每枱都有一碟XO 醬同合桃先點一碟麻醬茄子好開胃海皇酸辣湯好多海鮮，蝦肉好爽彈都有少少辣，同酸味配合得宜涼瓜炆頭腩頭腩又滑嫩又彈牙蟲草花雲耳蒸雞，大部分都去左骨，有陣陣荷葉香安格斯牛鬆炒飯，牛肉味好濃又多，份量超大碟

顏府御膳新開張，主打比較新式既中菜，比較精緻，所以就做孝順女，帶媽咪一齊去食。佢既裝修都好多detail位，有唔少屏風，同埋好靚既燈飾，加埋柔和既爵士音樂，感覺好高級。前菜首先有琥珀合桃，一咬就好鬆化，再包裏蜜糖，食落甜而不膩。海哲頭青瓜，青瓜同埋海哲咬落好爽口，打開味蕾，好清新既感覺。而芹菜素雞，醬汁用日式芝麻醬，食落好開胃，而且值得一讚係賣相好靚，增加食慾。酸菜魚湯鮮竹卷，食落好特別，從來無諗過呢個配搭，咬落好足料，有彈牙鮮蝦，而且有淡淡酸菜魚加泡椒湯汁，好刺激。主菜方面，三蔥燒斑球，夠鑊氣而魚肉都好鮮味，再加上無骨，我唔係好識食魚既都完全無問題。京蔥索曬d味，食落一層層，更惹味。鳳梨咕嚕併炸雲吞，咕嚕肉炸既粉漿唔算多，所以唔會咬落一口粉，再加埋炸雲吞，個汁酸酸甜甜，非常夾。甜品方面，我地點左一個滋潤既南北杏雪耳萬壽果，其實係木瓜雪耳糖水，飲落好清甜，木瓜都好甜無澀味。另外，見到二鍋頭蛋散好特別，忍唔住試試。呢個我個人好鐘意，食到有酒味再加蜜糖既甜味，好新穎，媽咪都覺得係一個好特別既一餐。

今日好友帶小妹嚟到一間近日新開嘅粵菜館 - 顏府御膳。一睇餐廳名字「顏府御膳」就知一定係氣派不凡，餐廳裝潢以木製中國風為主，份外優雅，座位之間以中式屏風相隔，增加私癮度。叫得「御膳」就知道哩到除咗色香味之外都好重視食物嘅賣相，所以你會發現佢地對於食物嘅搬盤都好講究好精緻。我地坐低之後，店員就隨即送上小食，琥珀合桃同埋秘製XO醬，至於茶方面，我哋就揀咗一般茶樓比較少見嘅菊花茶。清香嘅菊花香氣，淡淡幽香，而且仲有清熱解毒功能😆我地都叫咗唔少特色菜式，小妹以下就重點講下其中幾款。胡麻茄子🍆 - 作為前菜小食好開胃，雖然茄子只不過係以水淖熟，正因為咁樣你反而食得出茄子嘅原味。如果份量再多番少少記仲好啦。口水雞🐔 - 唔好俾佢紅通通嘅賣相驚親，其實唔係好辣，辣度同麻度都啱啱好，而且皮嫩肉滑，仲已經起哂骨，食落去啖啖肉。脆皮麻辣燒賣 - 其中一款自創美食，外皮炸到卜卜脆，入面嘅豬肉餡料帶少少麻辣味，一粒真係唔夠喉。顏府秘制一字骨 - 必食之選，老少咸宜，因為佢煮得好稔好稔，一切落去就已經骨肉分離，加上秘制汁醬，有少少山楂味咁酸酸甜甜好開胃😋😋

好久沒有約朋友出外吃飯，今日難得出外去銅鑼灣順道約朋友吃了午餐，朋友公司附近新開了一個中菜館於是去試一試。我們上到看見餐廳裝潢時尚風格，高雅帶點中國風，天花一盞盞華麗的吊燈，還有很多不同的茅台的裝飾。侍應說這款餐前小食"琥珀合桃"是自家製，合桃沾滿了白芝麻，口感十分香脆。另外還有醬自家製XO醬，香辣而惹味。我們點了兩位顏府嚐味午餐有點心、主食及甜品。脆皮焗叉燒包，脆皮焗至非常鬆化，叉燒味道濃郁。藥膳小籠包，吃一口的時侯已經感受到濃濃的藥膳味道，小籠包裡充滿了湯汁。帶子餃，大大粒帶子而且製作皮薄餡靚。三蔥燒班球，外層煎至微香的燒斑塊兼且厚身，而配料很炒得很香口。鳳梨咕嚕肉伴炸雲吞咕嚕肉沾滿酸酸甜甜的醬汁，咬一口外脆內軟，令人越吃越開胃。南北杏雪耳燉萬壽果，這個糖水滋潤又養顏。馬拉糕及二鍋頭蛋散，也很特別，二鍋頭的酒味濃烈灑在脆身的蛋散上而蜂蜜汁帶點桂花香。

食中菜想享受環境同埋精緻美食，銅鑼灣區就新開左一間。餐廳環境服務真係好好，侍應反應快，非常周到，又有禮貌，係一大賣點；而且餐廳坐得舒服，我哋兩個人叫咗幾款嘢食。先有餐前小食：合桃，香脆可口。之後就開始上菜🍵▶️胡麻茄子 🍆$78胡麻夠香，富有日式風味，茄子就中式風味，去咗皮。做前菜唔錯▶️椰皇花膠燉海螺$288/位呢個一嚟到已經聞到椰皇嘅香味，湯夠甜😍而且仲有滋補花膠及海螺🐚，足料夠味▶️顏府雙色蝦球（油泡/鹹蛋）$298一道菜有兩款蝦球，油泡清清地，然後點蝦子辣醬🌶好夾～鹹蛋蝦球鹹蛋黃味超濃，炸咗夠邪惡😈▶️鳳梨咕嚕肉伴炸雲吞$198呢個配搭幾得意。咕嚕肉肥瘦適中，肉質夠林，酸酸甜甜。另外仲有炸雲吞，鍾意中間仲有菠蘿🍍夠甜又開胃▶️生炒臘味糯米飯$188分量超多，味道偏鹹咗少少🤏食完就飽飽

疫情期間一直不敢帶兩老外出吃飯，兩老一直嚷着要出去食餐好….早前就趁疫情未反彈，馬上相約，但今次只約到老爸，皆因老媽認承了兩個可愛孫仔去海洋公園，真係孫兒大過女兒，哈!老爸最愛中菜，今日就帶他去一間環境雅致的飯店吃頓午餐。飯店選用了紅色的吊燈，擺放一簾雕花的酸枝屏風，裝潢富中國色彩，優雅寧靜。長方形的格局，有舒適的梳化座、有四人圓枱和大圓枱，亦設有大小的廂房。翻閱厚厚的餐簿，分門別類，設計簡單清晰。分別有招版點心、巧手小食、湯羹、山珍海味、魚翅、海鮮類、肉類、家禽、時蔬、飯麵、甜點等，選擇不少。*****************************先開一壺香片，陣陣清香，味道甘香，有助消滯解膩。再來一小碟足料的XO醬，啖啖瑤柱絲，還見到粒粒蝦籽，香辣鮮味，好正! 還有一小碟香脆可口的芝麻合桃作餐前小吃，甜甜地，喜歡!****************先上一客涼拌窩荀絲，每條粗幼相若，入口微涼，口感嫩帶微爽，拌了甘香的芝麻醬和酸咪咪的醋汁，亦嚐到有少少辣，味道剛好，唔會完全失去窩荀的味道。*****************麻辣脆皮燒賣相當有新意，加埋一串花椒做裝飾，更有心思。金黃香脆的

以前因為工作關係，吃盡香港上流餐廳，Cubus這大廈未算頂級，但都算高級的了。幾年的轉變，以前到過的餐廳都換了畫，但在這的餐廳，水準及環境仍是一貫的好。午餐想到吃中菜，位於 5 樓的顏府御膳還未試過，Let’s give it a try! ➡️ 午餐價位很相宜，才$150一位，主菜選擇多，但份量不多。2時入座的我們，因為很晏才吃早餐，其實當時還未餓，但很擔心 set lunch 會太飽，幸好份量很少，對於女生來說是一大福音➡️ 酸菜魚湯鮮竹卷，那個湯在口腔簡直喚醒味覺，很好味，但不要喝太多，畢竟不是湯水那種，喝多還是會咸的➡️ 咕嚕肉挺脆口，沒有厚漿的感覺➡️三蔥燒班塊也是我會自選的主菜之一，魚味很重➡️ 二窩頭蛋散，很獨特，愛酒味的要先點醬汁才吃，因為酒味很濃帶甜；不愛的便要稍為掃走一點的骰如1/4個手掌的馬拉糕，好味

好久沒見朋友,相約到顏府御膳食晚飯,來相聚一番。店裝潢走中國風,環境又寬闊舒適。***【紅燒乳鴿】乳鴿本入口外脆香口肉嫩,肉質厚特嫩細滑,每一口都有豐富口感與層次,一吃難忘。**【海皇酸辣羹】這海皇酸辣好開胃,酸酸辣辣,有海鮮鮮味,入口嫩滑潤,我們都喜愛飲。**【雙色蝦球】雙色蝦球有兩款口味,滿足不同口感及味道。以咸蛋黃蝦球來炸,口感外脆內軟,十分惹味可口。另一款蝦球新鲜彈牙口感,能食出原蝦清甜味道。**【農家乳香黑豚肉】黑豚肉腍滑得來爽口,醬是南乳咸香味有微微辣,十分惹味,配菜炒得有爽口蓮片,沒滑澀秋葵及紅椒,是送飯不錯菜式。**【肉絲兩面黃】麵煎得金黃,入口酥脆,食時淋上銀芽肉絲芡汁,滲入香脆麵條上,多層口感,美味可口。

今晚同朋友慶祝生日🎂，知佢喜歡中菜，精心挑選位於銅鑼灣一間口啤不俗的餐廳「顏府御膳」。 餐廳位於銅鑼灣Cubus , 這處雲集高尚食府及著名商店，絕對有質素保證。 「御膳」這個名字予人高貴宮殿的感覺,然而餐廳的裝潢亦能凝造典雅觀感。 -餐牌選擇多，有套餐亦可散點。 我們點了鐵觀音茶及數款美食後，餐廳奉上脆口蜜糖琥珀合桃、自家製瑤柱XO醬。-🦀七味海苔軟殼蟹本身很愛吃軟殼蟹🦀，愛其酥脆的外層及香口的味道。 炸粉夠薄夠脆，油澀得夠乾身沒有膩滯感。而軟殼蟹本身沒有調味，炸起後撒上七味海苔大大提升口味。這碟蟹夠大隻有份量，吃得滿足。 -🍄竹笙花菇燉菜膽 品嚐完稍為濃味的軟殼蟹，接著來一客較清的湯品，亦可洗滌味蕾。燉湯無味精很清甜。花菇是菌中之星，外型圓潤又夠厚肉！ -🐔脆皮黃油鹽香雞 這個鹽香雞是一個特色菜，實在很好吃。鹽香雞外表澄黃油亮，雞香清醇。肉質鮮嫩；皮亦夠薄，皮下脂肪不多，口感脆香而不膩。-🐸泡椒田雞腿 以前沒吃過蛙類的，第一次品嚐有驚喜。 肉質細嫩勝似雞肉，用泡椒的方法烹製；湯頭濃郁，麻辣椒香🌶️夠酸爽；田雞肉嫩。-🥬濃湯魚肚蒜子大芥菜 最後來一鍋大芥菜， 芥菜嫩綠爽脆清甜；魚肚厚

今晚想食中式小菜，所以特登找搵一間特式中菜餐廳食晚飯。這間餐廳主打中式小菜，裝修高尚，服務也很好，店員有禮貌地帶位，介紹菜式，非常窩心。釀焗鮮蟹蓋，賣相相當吸引，蟹蓋上面有滿滿的餡料，表面煮至金黃色，好食又好看。入面有很多蟹肉，加上芝士，每一啖都有濃厚的鮮味及芝士味衝擊我味道，太好味了。蟹肉蛋白魚肚羹，入面有很多蟹肉及蛋白，非常足料。每一啖都可以食到蛋白及蟹肉，鮮味得像海鮮在口中游動一樣。砂鍋和味粉絲海中蝦，佢地煮這一道菜很有心思，所有蝦的頭部，也除去了尖刺，連外殼也切開了，方便客人進食。這個做法亦會令蝦更容易吸收醬汁的味道。粉絲也煮得非好味，沒有燒焦的感覺，每一啖粉絲也充滿醬汁。鳳梨咕嚕肉伴炸雲吞，中間個凰梨超好味，一點也不酸。咕嚕肉啖啖肉，沒有骨，而且醬汁酸甜度調得恰到好處，不太甜，不太酸，完美配合，必食之選。砂鍋XO醬蝦乾肉碎芥蘭，平常食的芥蘭很硬，又有苦澀味，今次這個芥蘭，幼身翠綠，爽甜，加上XO醬的幫忙，令本來平平無奇的芥蘭添上生氣，用來餸飯，一流之選。餐廳環境優雅，氣氛寧靜，飯後仍可以跟朋友詳談一番。這麼好味的中菜，這麼優雅的環境，大家都一齊去試下啦。

餐廳：顏府御膳 (銅鑼灣)地址：銅鑼灣開平道1號Cubus 5樓銅鑼灣嘅Cubus係一幢充滿食府嘅商業大廈，顏府御膳呢間高級fusion中菜廳係啱啱11月頭開業，依家仲係試業階段，既然係新餐廳梗係要幫大家試吓口味啦😎佢哋嘅菜式精緻多變，以賣相同款色作為賣點😍，簡單一樣點心都包你滿有驚喜😜叫咗個午餐set，每位承惠$150，另加$20茶水、$20餐前小食，同加一服務費🤵🏻‍♂️，順帶一提呢度嘅加一又真係值，服務幾好👍🏻，員工夠主動又有禮貌🥰，食都食得開心啲頭盤揀咗個自選點心拼盤兩件，分別有紅椒汁蘆筍蝦餃，同埋脆皮麻辣燒賣。兩樣食落都係有少少辣🌶，蝦餃用咗原隻鮮蝦🦐，仲食到有唔少新鮮爽口嘅蘆筍，加埋晶凝通透、有接近10摺嘅橙色蝦餃皮，可見師傅嘅手工真係有一手😏；燒賣將外層炸至金黃香脆，咬開就食到多汁、輕輕微辣嘅燒賣肉，夠哂特別吸引點心食過返尋味，所以額外叫咗個藥膳小籠包($44/2隻)，第一次食小籠包喺用咗藥膳上湯，估唔到又幾夾👍🏻主菜就揀咗南乳溫公齋同鳳梨咕嚕肉伴炸雲吞，齋煲相比起其他菜式嚟講就平平無其🥸，南乳香突出得嚟唔會好濃烈，裏面有粉絲、西蘭花🥦、木耳、菇菌類等🍄。鳳梨咕嚕肉伴炸雲吞

今日喺銅鑼灣lunch, 黎到li間勁新嘅中菜-顏府御膳, 一嚐顏府御廚嘅手勢. 上到5樓, 地方大, 環境好靚, 係唔老土嘅中式格局, 成個落地玻璃窗都係茅台, 相信顏老爺應該係茅台收藏家🥃.🥢顏府嚐味午餐菜譜 (HKD150@)通常兩個人食中菜總覺得難order, 點心一籠4件都食唔到多款. 我地睇到lunch有一人份量嘅set, 裡面嘅選擇多而有特色, 主菜有跟飯, 仲有糖水, 非常豐富.🥢我地飲菊花茶, 餐前小食-琥珀合桃正呀! 另一碟瑤柱醬辣辣地, 食飯時dip發現原來佈滿蝦子!! Luxurious✨.🥢胡麻茄子🥢口水雞🥢脆皮麻辣燒賣好特別嘅燒賣!! 原粒沾漿炸起脆皮, 見唔到包哂辣椒但咬落係十足麻辣感, 賣相+味道都好驚喜.🥢顏氐袐製一字骨口感腍軟嘅一字骨, 掛滿甜甜嘅袐製醬汁, 脂肪比例唔會好似東玻肉咁多, 一啲唔肥膩, 最鐘意食一咬就離骨嘅肉.🥢荷香鮮沙薑陳皮生煎雞焗飯以一個小蒸籠墊左荷葉散發出陣陣香味嘅焗飯, 飯粒夠濕潤, 加入炒蛋白絲, 煎雞切成一件件bite size都食到佢肉質嫩滑.🥢南北杏雪耳燉萬壽果好香燉木瓜味, 每一羮都有雪耳/木瓜肉, li款糖水都做到