顏府御膳 (已結業)

今日想食好d, 坐得舒服d，搵到呢間中菜廳飲茶，朋友大讚無介紹錯，高質數👍🏻午餐時段嘅菜式，有齊餐前小食．前菜．主菜．甜品，每款賣相好精緻，仲好好味👍🏻「胡麻茄子」配芝麻醬，好爽口，唔會煮到太淋。「麻辣脆皮燒賣」燒賣食得多，外脆內軟，配有麻辣味，唔鍾意食辣都覺得正。「顏府秘制一字骨」同醬汁融入，唔會靭...口感一流。「鮮沙薑陳皮生煎雞焗飯」用竹籠配荷葉墊底，有特式。雞肉鮮嫩「南北杏雪耳燉萬壽果」啱啱轉冷嘅天氣，夠哂滋潤。無論食物質數，餐廳環境，服務，各樣都好滿意...下次一定要埋家人嚟試下晚市菜式，真心推介👍🏻👍🏻

一入大門已經有靚嘅屏風，對入面用緊餐嘅客人嚟講，唔洗俾其他人望依個食相，感覺都自在啲！入座之後，都巧炒咁用咗屏風隔開咗兩枱人，感覺舒服好多～雖然餐廳地方唔算有好多枱，但仍安排咗我哋2個人坐4人枱，亦唔洗同人撘枱，疫情底下都係有返啲距離好~餐前小食嚟咗個合桃，相信係用糖炒過，甜甜哋好好味！另外都開咗壺菊花茶，希望食完可以清下油膩感覺。經理推界嘅是日靚湯，唔單止俾足料，飲得出絕對唔係味精湯！而且係啱啱燉起，上枱嘅時候仲熱辣辣！比較少認識龍脷葉，上網一查原來係潤肺佳品！牛柳粒係好好嘅開場：牛柳油脂分配平均，食落口就有一層油香。夾埋炒過嘅蒜片一齊食，個口感即刻變得豐富咗。對煮嘢食有少少認識就會知道，煮頭腩係好考功夫！今次呢個頭腩好有驚喜，魚應該係先用大火炒過，所以肉質煙韌有口感，連魚皮都係好有咬口，成件事唔會鬆散！重頭戲到了，首先誤會大了：呢碟菜係冇骨架！而且肉係燜得好淋，食落絕對唔會唔方便！食得出個腩肉真係本身肉質好，所以淋得嚟唔會肉質鬆散，加上個肉汁調得好適中仲帶少少甜味，屋企人大讚呢碟菜👍🏻Last but not least 菜係超級有鍋氣，因為上枱之前仲炒多幾下！而且專揀生菜膽所以特

琥珀合桃~小吃的已經是琥珀合桃,脆脆的糖漿包裹著合桃肉，脆卜卜，甜絲絲，很好吃~紅椒汁露筍蝦餃~有一點點的辣味，反而相對變得惹味脆皮麻辣燒賣~很特別，外皮脆而內裡麻辣的燒賣長腳蟹牛油果春捲~ 矜貴得來平民化，用長腳蟹做餡料，啖啖肉鳳梨咕嚕肉伴炸雲吞~醬汁甜酸味剛好，豬肉肥瘦適中，這個真的要快食，否則醬汁會凝固法國邊豆炒帶子~ 帶子肉很彈牙，邊豆也爽脆南北杏雪耳燉萬壽菓~甜度剛好，有木瓜及雪耳，很清潤馬拉糕~很迷你的一個，很QQ，還沒看過這麼小的籠仔馬拉糕，很可愛二鍋頭蛋散~很香濃的酒香，蜜糖很甜美，蛋散很鬆化

裝橫優雅的精緻中菜🐼😋有留意開本熊貓的朋友，都發覺本熊比較少去酒樓食飯。雖然本熊貓好鍾意中菜，但係覺得喺酒樓食飯環境唔係咁舒服。而本熊終於喺銅鑼灣，發掘到一間裝橫優雅的精緻中菜😋😋食物質素高不特止，而且環境坐得好舒服，係一種與別不同嘅中菜享受。熊貓嚟嘅時候時候尚早，所以唔算係太多人。不過當號碼坐定左之後，就開始坐滿了。有幾款菜式特別推薦，第一味餸係椒鹽軟殼蟹，平時通常喺日式餐廳先食，今次係中菜食係另一番滋味。香脆外表，但係食落去一啲都唔乾，而且原味保留軟殼蟹嘅鮮味，可以見到廚師嘅功夫👍🏽聖子蝗櫻花蝦蒜香糯米飯🤩原隻聖子加上糯米飯一齊去蒸，糯米飯吸收了聖子嘅鮮味👍🏽鐵板沙薑陳皮生煎雞，口感嫩滑的雞肉，放喺鐵板上邊，職員會即場喺面前炒多幾下。沙薑味道香之餘，亦不會掩蓋陳皮嘅味道。佢粉絲大蝦煲，大大隻嘅鮮蝦，加上粉絲炒得好入味，亦都係必點之一。花膠瑤柱羹，亦都係唔能夠錯過，非常足料👍🏽👍🏽

去左新開既中菜餐廳食飯🥰裝修好典雅，食物都好有質素👍🏻食得辣嘅朋友可以要求整辣啲🔥————————————————————1️⃣秘制合桃 (5/5)餐前小食黎講真係好特別😋甜，香口，無渣，一個字，好正👍🏻好想再encore💯-2️⃣糯米釀雞翼 (4/5)雞翼新鮮炸起，皮脆肉嫩，唯獨是係頭部份嘅肉徧鞋少少。糯米飯餡料適中，雞油滲晒落啲飯入面，味道更香👍🏻-3️⃣花膠瑤柱羹 (4.5/5)生粉水嘅份量啱啱好，所以個羹唔會太杰亦唔會太稀。花膠同瑤柱都好足料。如果可以配少少醋黎食更好🙆🏻‍♀️-4️⃣胡椒蝦煲 (5/5)上菜嘅時侯已經聞到好香嘅胡椒味🔥🔥胡椒亦佈滿喺蝦殼上面，非常惹味。總共有五隻蝦，size好巨型又容易脫殼，肉質彈牙，味道鮮甜得來又食到胡椒嘅味道。最緊要係蝦腸已經挑好哂，唔洗食屎！🤘🏻👍🏻-5️⃣辣子雞丁 (4/5)大量辣椒炒成嘅雞丁，辣味👦🏻👩🏼都接受到，不過好辣之人應該就未必夠喉😂要送飯黎食！雞丁一口size, 炸粉薄，香脆可口好惹味👍🏻-6️⃣XO醬法邊豆 $ (4.5/5)豆嘅質地比較爽脆，煮稔啲好啲🙈另外配上餐廳嘅秘制XO醬，微辣。好似食緊零食咁，個人認為配酒一流👍🏻整體來講坐得好舒服 待應嘅

來到銅鑼灣顏府御膳, 都是一般家庭顧客, 唔會嘈吵, 可以靜靜地嘆一口茶～香片味濃, 帶甘, 不苦, 好飲！叫左一些前菜和小菜 ,口水雞都是大路野, 但辣味好惹味帶麻香, 肉質好吃無骨～胡麻茄子細心去埋皮, 口感更幼滑 ,加埋麻醬好fresh! 點心款式幾有特式 ,試左個麻辣脆皮燒賣 ,真係好夠麻 ,吃到爽口蝦肉, 真係推介！一字骨和炒班球都算高質之作, 一字骨嫩滑到一個點最後試埋一口古法馬拉糕同糖水,非常滿意和享受既一餐！

很久沒有跟同事吃中菜，今次來到這間位於開平道新開的餐廳，品嚐一下精緻的點心小菜。餐廳不算很大，天花上掛有感覺華麗的紅色吊燈，令環境感覺高貴。看看餐牌，有多款不同的點心小菜可以食，另外午市也有午餐套餐可以選擇。我和同事每人點了一個午市套餐，吃得很飽呢!胡麻茄子，看上去並不似茄子，像是豆腐，因為已經去了茄子皮，只淨下用的位置。口感爽口，胡麻醬帶有少少酸酸地，有點開胃的感覺!口水雞，口水雞不算是很辣，有少許豆瓣醬已經增加了醬汁的味道，十分美味!脆皮麻椒燒賣，燒賣的口感跟平時吃到的不同，那裡的餡料帶有少許麻辣的味道，外皮有少少脆口，十分特別!顏府秘制一字骨，一字骨炆得好冧，肉一撕開便可以吃，還有爽口軟骨!醬汁味道酸酸甜甜，十分開胃!沙薑陳皮生煎雞焗飯，雞肉有香濃的沙薑雞醬味，飯有少許蛋白，以籠盛裝的焗飯，飯有點荷葉的味道!南北杏雪耳燉萬壽果，這個甜品非常滋潤，木瓜燉雪耳，再有南北杏和蜜棗，糖水不算很甜!古法馬拉糕，有了一個少少的蒸籠裝著，馬拉糕鬆軟，不會太甜!二煱頭蛋散，蛋散都算鬆脆，有少許蜜糖的味道!

久唔久我就會帶下媽咪去搵嘢食，今次就特意搵間有靚環境，一間新開嘅顏府御膳同佢食下新派精緻中菜呢度環境舒服，感覺好高檔,飯前小食係XO醬同埋炸合桃大家享用我哋一共帶咗五大款精緻小菜唔同方面試吓呢間新派中食嘅味道七味海苔軟殼蟹軟殼蟹首先炸左然後配上七味海苔感覺真係好特意原來佢本身咬落去脆身但係又有蟹嘅香味再加埋嘅海棠有三重層次香口惹味竹笙花菇燉菜膽呢個係一個湯睇樣好似比較清淡但係佢用嘅花菇厚身竹笙同埋菜膽本身成個湯煲得夠時間清得黎又濃脆皮黃油鹽香雞外皮好脆食落去真係會聽到脆身一聲好似一個好脆身嘅雞皮紙鹹香雞都仲係滑同埋入味泡椒田雞泡椒煮嘅田雞首先田雞肉好彈牙泡椒嘅味道都入晒落田雞加左泡椒同埋辣椒嘅味道有唔同嘅辣嘅層次鐘意食辣野嘅人一定要嘗試呢個十分惹味魚肚浸大介菜魚肚嘅味加埋大介菜介菜本身真係好大個有個菜味但係唔會有澀味加埋魚肚飲落去好順口飲完好舒服媽媽都話呢啲新派嘅中菜比多一個新嘅感覺保留傳統但又有新元化真係幾值得試吓

※本文以用餐當日的環境、服務和食物質素為準，口味亦因人而異，文章只作參考之用。.平時比較少機會去食中菜，今次就黎到銅鑼灣Cubes內的新餐廳「顏府御膳」品嘗左幾款精緻又美味既中菜；而且職員既服務都很細心和有禮，會為客人細心推薦和介紹菜式，值得一讚。餐廳的裝潢頗骨子，走古典風路線，環境寧靜舒適，仲擺左唔少珍藏茅台酒做裝飾點綴。當日的餐前小食係自家炒製的琥珀合桃 （$20），咬落很鬆脆，咀嚼中帶微微香甜的味道，令人食唔停口。糯米釀雞翼 $68雞翼熱辣辣上檯，雞皮咬落很脆和帶脆的口感，釀入了糯米飯在內，食落煙煙韌韌啖啖滋味，仲豐富左口感。花膠瑤柱羮 （每位）$148裡頭滿滿的切絲花膠、肉絲、瑤柱絲同木耳絲，飲落唔會係芡汁好重個種，很夠味亦用料很足。砂窩金不換白胡椒海中蝦 $298一窩上檯的砂窩白胡椒海蝦，打開蓋炒兩炒後香氣四溢。鍋內加入不少白胡椒一同炒熟，初時還擔心會否很辣，但原來唔會😬 就算剝左蝦殼後，食落都會聞到陣陣胡椒香，蝦肉食落爽口新鮮，很推薦！天府辣子雞丁 $188呢個係食得比較舒服既辣子雞，連怕辣既小妹都食得津津有味😍 雞丁炸到皮脆肉嫩，帶有辣椒的香氣（但唔會好辣），值得一試。X

約咗人喺銅鑼灣食午餐又唔想食西餐，搵咗間環境坐得幾舒服嘅中菜。上網睇過餐牌價錢又唔貴叫咗兩個午餐 ($150/1位) 每人可以揀兩個點心做頭盤，咁我哋就叫咗藥膳小籠包同埋每人一粒蝦餃同燒賣☺️藥膳小籠包入邊好多湯汁，充滿着藥材嘅味道但係都帶少少肉質嘅鮮甜。而且蝦餃同燒賣入邊嘅蝦都做得好爽口，超級正！之後加咗個XO醬炒腸粉 ($46) 好夠鍋氣！係我食過最好食嘅XO醬炒腸！加埋呢度嘅XO醬真係好好味😋到主菜，我地揀咗顏府秘製一字骨同埋尖椒豉蒜爆和牛，呢度既菜係重質不重量，食得出係好有心思既菜式☺️ 一字骨啲肉食落係入口半溶好正，椒爆和牛都好夠鍋氣好惹味！最後食埋呢度嘅甜品就已經好滿足☺️有南北杏雪耳燉萬壽果，同埋蛋散，馬拉糕，食到好飽

見有新餐廳開張，一於黎試下先，呢間餐廳主打精緻中菜路線，內裡環境裝修得都幾高級，而且夠寬敞，坐得舒適，餐具都幾有質感👍🏻今次食佢個顏府嚐味午餐菜譜($150/1位)*2，裡面包括頭盤、顏府精選老火湯、主菜、甜品，另外收茶芥($20/1位)*2前菜：今日係乾煸四季豆，少少辣，夠開胃頭盤：六款選一款，揀左海蜇青瓜、蔥油鮮蟲草花雲耳海蜇青瓜：海蜇同青瓜食落爽口，而且夠入味😄蔥油鮮蟲草花雲耳：食落鮮甜，幾有口感😉自選點心拼盤兩件：揀左藥膳小籠包、脆皮焗叉燒包藥膳小籠包：皮薄得黎唔會一夾就穿，咬開就有D湯汁爆出黎，香濃藥膳味，感覺幾養生😍內裡豬肉餡料都吸收左湯味幾鮮脆皮焗叉燒包：外層好酥脆，而內裡好足料，叉燒惹味得黎唔會過鹹😋主菜：六款選一款，揀左荷香鮮沙薑陳皮生煎雞焗飯、三蔥燒班球三蔥燒班球：即係以薑、蔥、蒜黎作調味，所以味道層次都幾豐富，班球燒得好香，火喉適中，肉質嫩滑而且食落冇骨😋荷香鮮沙薑陳皮生煎雞焗飯：呢個用荷葉做底黎焗嘅飯，上菜時已經聞到好香，食落去D飯都充滿荷香味，正😋而D雞都煎得好香，食落多種味道交疊，都幾特別😉先黎張大合照🤩甜品南北杏雪耳燉萬壽菓：木瓜煮得夠淋，甜甜地，夠滋潤😋

約咗人食餐好嘅，見到呢間新開就試吓啦！見到佢又冇列評應該唔錯嘅！由一抹入門口開始呢度嘅服務已經超級好！首先想過前菜海蜇青瓜，海蜇好爽脆，個味有少少麻辣但係又恰到好處！ Verygood跟住就係蟹肉蛋白魚肚羹，都幾大碗同埋幾足蟹肉，但係好似硬係爭D野呢個花膠唔好睇佢好似好細，其實係個碟好大！個汁甜甜地又幾濃郁，花膠雖然唔係好厚個啲，但係都幾大片有足夠厚度花菇正常呢個係我最鍾意嘅一道餸！叫做雞油花雕蒸六頭大虎蝦我本身鍾意食海鮮，而且鍾意整煮嘅方式嘅，再加上我超愛用酒煮嘅餸！所以呢個簡直食淨我個飯話明木頭梗係好大隻啦！因為隻蝦大，所以個火候應該難啲控制，蝦嘅肉質有啲實，不過下面果啖湯超正我哋都幾乎飲晒佢 推薦因為疫情嘅關係，我哋叫咗餐廳幫我哋瞓埋先上枱，衛生啲又安全啲！睇吓個侍應幾細心呢個係泡椒田雞腿！食嘅時候冇估到咁辣㗎！搞到我哋平時有得食下辣嘅人都覺得好似辣咗少少！不過佢嗰種係天然辣椒嘅香味，其實係好好味！個田雞腿亦都好嫩滑！如果大家落order建議同侍應講一講你想要辣嘅程度！魚肚大芥菜湯，味道ok, 個湯好濃郁，但係覺得啲魚肚唔係特別靚，亦都係炸過嗰種版本！我以為係另一種質素而且冇炸過

今日朋友帶我嚟依間餐廳食中菜一入到去已經feel到陣氣派裝修啊環境啊，仲好寧靜，全部都令人覺得好舒服合桃好香口而自家製XO醬都係細心之作有好多瑤柱，夠鮮味同埋只係少少辣，唔會蓋過啲食物原本嘅味蒜片牛柳粒第一道餸已經覺得好味蒜味好香，牛柳粒就充滿肉汁食完一粒又一粒兩個人勁快就清晒成碟😂姫松茸螺頭燉豬脻好補好足料陳皮沙薑生煎斑球都係第一次食依個配搭又唔錯喎幾特別砂窩三蔥金不換炆雞成煲上可以keep住個溫度煮得好入味，而啲肉質又夠嫩滑好食好食大澳蝦醬唐生菜膽好爽脆而個調味帶少少辣成煲菜都好惹味整體嚟講都好正如果想要私隱，仲可以book間房

今日和老公難得過海去到銅鑼灣，喜歡吃中菜的我，今天想找一間質素上乘、精緻的中菜館來吃午餐。在網上看到餐廳的照片時，餐廳的裝修有氣派、點心小菜又精緻，相信不會令我們失望。普洱茶先點了普洱茶，茶香味濃郁。海蜇青瓜海蜇爽脆，配上醃青瓜，醒神開胃。脆皮焗叉燒包是新鮮出爐的！叉燒包皮脆卜卜、熱辣辣，咬下時甜甜的叉燒汁和叉燒，更令這點心加分👍🏼尖椒豉蒜爆和牛有鑊氣，和牛有濃濃牛味、配上尖椒後，更是惹味，是送飯的不二之選。XO醬絕對是驚喜之作，XO醬材料配上蝦子後，原來有畫龍點睛之效。我用XO醬配上米飯，非常豪吃🙈二鍋頭蛋散蛋散配上二鍋頭，配搭新鮮！想不到蛋散帶有淡淡的酒味，味道獨特，又不會搶去蛋散甜甜的風頭。

今日約了美魔女同事進膳，大家因為疫情關係，減少了見面。難得最近疫情稍為緩和，於是便想找個舒適的地方呢！我和她都喜歡中菜，對精緻的中菜尤其難以抗拒，所以今天來顏府御膳呢。顏府嚐味午餐菜譜琥珀合桃果然是精緻的中菜餐廳，連小食也是第一次吃琥珀合桃，甜甜又脆脆，一口接一口，毫無疑問。胡麻茄子胡麻醬配上茄子是新鮮的配搭，開胃又醒神。海蜇青瓜越來越喜歡這裏的餐前小吃，連冷盤也很中我的胃呢，青瓜加上酸醋，好味。顏府精選老火湯今天的老火湯是西施骨，配上紅蘿蔔和鳳爪，既健康又充滿骨膠原，好味。南乳溫公齋南乳味香濃，配上素菜，有香菇、蘑菇和粉絲等等，粉絲配上醬汁後， 入味。送飯一流。古法馬拉糕小小的蒸籠，很精緻。馬拉糕軟熟，是不錯的飯後甜品。