顏府御膳 (已結業)

疫情反覆，預計聖誕節會大爆！這夜，我們趕在風雨飄零前，出銅鑼灣一聚。K說，好久沒嚐中菜了。就這樣，我們去了顏府御膳，品嚐精緻的中菜。餐廳名為「御膳」，還以為裝潢會是古香古色的中國風。去到一看，出乎意料，以淺木為基調，裝潢集古雅與新派於一身。環顧四周，從環境、格調、擺設，甚至乎餐具，都頗為精緻高雅。侍應送上我們點的鐵觀音，餐前小吃 - 香脆甜蜜的琥珀合桃 $20，以及自家製瑤柱XO醬。此外，還有一本厚如天書般的菜譜。菜譜大致上分為巧手小食、湯羹、山珍海味、魚翅、海鮮類、肉類、家禽、時蔬、飯麵、甜點等，教人看得然眼花撩亂。怕麻煩的，那可以㨂選六道菜套餐$638 / 位。是夜的老火湯，乃足料且味濃鮮美的粉葛眉豆紅蘿蔔豬骨湯。飲罷一盅老火湯，已故小妹半飽了！金沙脆豆腐$78，外層炸至酥脆可口，內裏包裹著嫩滑富豆香的豆腐。一口一粒，雙重滋味在口中！顏府雙式蝦球$298，大廚選取碩大的大蝦，一味兩煮。第一味乃以滾油油泡去殼大蝦，配以菇菌與紅黃椒同炒，異常香口且鮮爽；第二味乃把大蝦沾滿鹹香的鹹蛋黃同炸，外層盡是鹹香無比且帶脆口的黃金脆皮，配以內裏鮮爽彈牙的蝦肉，惹味鹹香非常！蒜香牛油珍菌$98，簡簡

開心新發現，知道 Cubus 有中菜開業，即約朋友來個午餐，點心一向是心頭好，高檔有特式又好味的更是可遇不可求。顏府御膳環境舒適高檔，全套同系列餐俱，見微知著，給人很認真的好印象👍💕💕點了兩個 ~顏府嚐味午餐菜譜~ 每位$150，有點心、主食及甜品。脆皮焗叉燒包便是其中一款點心，叉燒包做到脆口的效果，有別一般的好味道。脆皮麻辣燒賣，味道口感都完全反轉了傳統的蒸燒賣！就是一粒燒賣，亦有精美的擺盤，值得一讚。紅椒汁露荀蝦蛟，平日是用的香荀換成了露荀，再加上點點的紅椒辣汁，的確另有一番風味。藥膳小籠包，入口即湧進濃濃的藥材湯，的確有新意。創新不是難，但要味道難融和得宜，就真的不容易。是日精選老火湯，赤小豆粉葛鯪魚湯，傳統老火湯，味道香濃，甜味充足，高質例湯。三蔥燒班球，斑塊厚身，外層煎至微香，入口魚肉一梳梳的，屬高質食材，多兩件則更完美。荷香鮮沙薑陳皮生煎雞焗飯，荷葉墊底，飯底是蛋白炒飯，雞扒份量充足，一啖炒飯一啖雞，好不過癮。👍💕套餐跟有甜品，是南北杏雪耳燉萬壽果拼馬拉糕，雪耳軟滑，甜湯甜度適中，暖暖的，蠻滋補啊！美女恩物！另一份是南北杏雪耳燉萬壽果拼二煱頭蛋散，蛋散鬆化，桂花糖醬清香甜美

今日放假，同朋友去行街街，去左銅鑼灣，朋友話想食水煮魚🙈，我當然即刻上網搵下有咩好選擇啦🤤，見到間好高級中菜finedining好吸引，於是我地一於walkin去試💕。前菜係胡麻茄子🤤，擺碟非常精緻，而且茄子好淋，麻醬好入味，無諗過哩個配搭會咁好食😭😭第一道菜已經好有驚喜，而且店員友善，會同我地介紹菜式💕。椰皇花膠燉海螺🤤一聽個名就feel到好補，原隻椰皇，味道清甜👍🏻 花膠大大塊，一啲都吾孤寒，好想聽多2碗呀😭❤️。我地仲叫左水煮魚🤤，份量超大呀，吾算好辣岩岩好😭👍🏻，魚塊都好大塊，啖啖肉，入面啲配菜更非常吸味💕好正呀，久違啦水煮魚🐟。星加坡黑胡椒蟹🦀熱辣辣，好香咁上枱💗好濃黑椒味，辣辣地非常開胃，蟹肉好多肉，好大隻，調味足夠👍🏻 入面配上粉絲，簡直係精華所在呀💕。羊肚菌浸豆苗❤️菌味重，菜亦非常新鮮，綠綠的，吾會煮得太老岩岩好👍🏻。 最高為（5/5）味道⭐⭐⭐⭐⭐️價錢⭐⭐⭐⭐環境⭐⭐⭐⭐⭐️服務⭐⭐⭐⭐⭐️推薦星數⭐⭐⭐⭐⭐️。

今日來到銅記Cubus的『顏府御膳』，呢度環境優雅寧靜，非一般中式酒樓的氣氛，好適合情侶談談情，拍拍拖，而且一路有浪漫柔情英文歌聽，例如『fly me to the moon 』等歌曲，呢個時候你又會有高級餐廳食西餐的感覺，但其實我哋食嘅係中餐。先來個涼菜『胡麻茄子』，賣相極討好，但唔講真係睇唔出係茄子，軟硬相宜，有小小食日式菜感覺。『海皇酸辣湯』有蝦肉，魚肉，木耳絲…酸辣中有海鮮，我鍾意吖。『砂窩涼瓜豉蒜炆頭腩』上枱時熱辣辣，吱吱響，就知係惹味菜式，切碎咗嘅豆豉更入味，涼瓜軟腍腍，吸收了頭腩精華，零舍好味。『荷香蟲草花銀耳蒸雞』蟲草花極多，舖满成個蒸籠，蒸雞『滑沥沥』，仲有陣陣荷葉之香味，正。『醬油安格斯牛崧炒飯』可以用心去感受安格斯牛的油香，炒飯炒得好均匀，唔錯。

顏府御膳喺銅鑼灣Cubus。 餐廳供應精緻中菜，環境高雅，紅色水晶吊燈散發柔和燈光、古風屏風、餐具精緻。 食材高質、擺碟講究、服務員手腳俐落，唔會好似酒樓咁喧鬧。雖然係精品菜但每次侍應出入厨房開門嗰陣我哋都聽到「㗅㗅」聲，真係鑊氣十足。想喺鬧市中優雅咁品嚐中菜，呢度係好好嘅選擇。【七味海苔軟殼蟹】炸軟殼蟹上面灑咗啲紫菜、黑白芝麻，味道更香，整體味道適中唔會過鹹，趁熱食口感鬆脆，炸完仲保持到鮮蟹肉味。【花膠瑤柱羹】有花膠、瑤柱絲、荀絲等等，花膠同瑤柱絲都幾多，好足料，濃稠度啱啱好，飲落唔會太heavy。【砂鍋和味粉絲海中蝦】五隻海中蝦，隻隻都好大隻，大大啖爽甜蝦肉，食得好滿足。粉絲份量都幾多，爽口惹味。【鐵板鮮沙薑陳皮生煎雞】用鐵板上，上枱嗰陣仲嗞嗞聲，趁熱炒幾吓將啲味道撈勻就食得。鮮沙薑味好突出，食落開始滲出淡淡陳皮香，雞肉已去骨，口感鮮嫩又juicy，所以可以大啖食，好正～【砂鍋大澳蝦醬唐生菜膽】打開個鍋蓋炒起，陣陣蝦醬味撲鼻，不愧係馳名中外嘅大澳蝦醬，真正大澳風味嘅唐生菜。飽餐一頓，慢慢嘆茶笑談風月，一樂也。

中午同媽媽黎食呢間新開嗰中菜，開係高級日料集中地開平道Cubus，上到黎見到好多珍藏版茅台，好特別！呢度嘅餐具都好高檔。原來廚師亦大有來頭，來自一星中菜逸東軒。餐前小食 $20/位，係焦糖核桃，上面仲有芝麻，超好食。中國茶，我地揀左普洱茶。涼拌萵筍絲，酸酸味味，好啱我口味。口水雞，估唔到主打粵菜嘅呢度都有川菜。雞肉係嫩滑嘅。脆皮麻辣燒賣，炸燒賣係港式小食，係呢度加上麻辣風味，有埋花椒，好特別。顏氏秘製一字骨，豬軟骨部分，炆得好軟身，嘅個汁係帶甜味，但又唔過份。南北杏桃膠雪耳燉萬壽果，糖水部分，感覺清甜。古法馬拉糕，飲完糖水食就味道淡左，不過口感鬆軟。二鍋頭蛋散，呢個好特別，二鍋頭嘅酒味濃烈，蛋散又脆身，個汁有有蜂蜜個甜美。

#顏府御膳 老銅新開食店，完全係中菜 fine dining！無論係環境、服務、食物水準都相當五星級，像置身星級酒店的中菜部但又比酒店環境更親切。裝修是走古典型格路線，特別是廂房，很有個性又舒服，最特別是有一間二至三人廂房，細細地也可適合privacy 的食客😎😎食物是絕對高質享受，我細問下，大廚是來自某星級酒店，所以功架十足，而價錢比起星級酒店實在平宜很多😀😀🔹胡麻茄子 $78 先點前菜，其實賣相唔講真係未必估到是茄子，每一條茄子都切的相當整齊，方條型！其實我一向唔食茄子因為質地問題，總是覺得怪怪的但今次完全改變了我，入口不再是偏軟淋，反而似菇菌類質地，帶少少爽口，我估是取茄子的部位而令口感不同一般的，我覺得幾驚喜😉😉😉🔹海皇酸辣湯 $128 高質版酸辣湯，連唔食辣的朋友也要飲晒全碗，原因是太正！不失酸辣湯的味道，又加了海鮮，相當之夾，重點不是那些杰撻撻的酸辣湯，很有水準👍👍👍👍🔹雙色蝦球 $298 就是其中一款皇牌菜，雙色是指用上油泡和黃金咸蛋黃烹調，隻蝦實在超級大隻，份量十足，油泡那款就很滑，爽口彈牙，咸蛋黃是非常惹味，停不了口😋😋😋😋🔹顏氏秘制一字骨 $208 又是驚喜之作，香

新餐廳～新餐廳📢菜式以至環境都加入了令人亮眼的＃香港 元素，同時巧妙地保留了菜系的傳統精髓， 復古而簡單，令人有在家嘅感覺。😘＃糯米釀雞翼雞翼外皮香脆可口，外脆內軟好夾，食到停唔到口＃花膠瑤柱羹＃野菌燒和牛粒和牛肉質鲜嫩爽滑，咸甜適中，口感極佳！💖＃陳皮沙薑生煎魚一飽口福，同時暖胃養生，而且提升魚的鮮味， 李時珍的《本草綱目》中就有講「沙薑辛溫，謂暖中，辟瘴癘惡氣」，岩哂冬天食＃大澳蝦醬炒唐生菜未食已聞到陣陣香味😍＃hkfoodiejo

去銅鑼灣食飯，有好多選擇，但要食色香味俱全嘅中菜，又要服務好，又坐得舒適嘅餐廳，我就推介Cubus嘅顏府御膳。餐廳專食精緻中菜，環境又grand，係同親戚朋友一聚嘅好地方！原來餐廳老闆鐘意收藏茅台，所有好多唔同特色嘅茅台，好精緻特別。青瓜海蜇頭前菜緊係要叫開胃嘅小食，先可以食多啲嘢。餐廳呢個涼拌菜式好值得推介，海蜇頭爽脆可口，青瓜醃得好入味，我地食唔停。😋椰皇花膠燉海螺 秋天乾燥，所以朋友提議飲靚湯滋潤下。燉湯梛皇味清甜，有厚厚嘅花膠，食落念滑又爽口，滋陰得黎又美顏潤膚，正！😍鳳梨咕嚕肉伴炸雲吞 咕嚕肉係平日我去中餐廳必叫嘅菜式，好易睇出廚師水準。呢碟咕嚕肉酸酸甜甜，外脆內軟，啖啖肉，送飯一流。😆而炸雲吞非常香脆，炸得啱啱好，金黃色再配埋甜酸汁做點綴，色香味俱全。砂窩和味粉絲海中蝦 侍應離遠送菜，我地已經聞到香濃嘅胡椒味，重有胡椒同蝦係砂窩炒嘅「沙沙」聲，好吸引。海蝦非常新鮮，彈牙夾口，配埋胡椒，好惹味。👍🏻生炒臘味糯米飯 又係食生炒糯米飯嘅季節，糯米飯有臘腸粒、蔥花、花生，炒得乾身、粒粒分明，口感煙韌有咬口。😋

今日同朋友係銅鑼灣行完街，見近排放寬咗限聚令，就同朋友係附近食埋晚餐， 唔打誤撞下就黎左依間好似係新開中菜館黎到有先探熱同有提供酒精搓手液，餐廳環境座位到闊落, 坐得舒服又放心。一坐底就有甜甜的芝麻合桃丶瑤柱醬食。水煮桂花魚辣味唔算重，但是很香，魚片非常鮮嫩，鮮甜美味，魚鍋本身就有紅薯粉，再配埋有好多豆芽蒿菜既配菜，夾埋一齊食好有口感焗釀蟹蓋日金黃芝士蟹蓋，面層芝士焗到甘香，蟹肉極之足料，啖啖到係蟹肉既原汁鮮甜味脆皮乳鴿上枱時已經有好已經聞到肉香，熱辣辣，咬落去滴哂汁，皮脆嫩，乳鴿肉味濃郁， 油脂豐富近排開始轉涼，變得有d乾燥，最岩就係飲反碗滋補嘅湯水，依盅金銀菜羅漢煲豬肺，潤肺止咳就岩哂，最後叫多煲Xo醬肉碎芥蘭，夠哂健康

今次係大食妹第二次去Cubus 覓食上次母親大人生日嘅時候試過間日本野，都幾好食今次在大食妹生日，男朋友帶咗大食妹去5樓嘅一間中菜食生日飯，環境非常之舒適，食物質素就非常之高質海皇酸辣羹$128/位酸辣羹湯底似平時食上海菜嘅酸辣湯底咁冬菇、肉絲、竹筍令到成個湯底更加滋味紅燒乳鴿$128大食妹唔鐘意食太肥的乳鴿呢味乳鴿啖啖肉，肥膏唔算多，燒到脆卜卜幾香口雙色蝦球$298雙色蝦球即清炒蝦球同咸蛋黃蝦球大食妹鐘意清炒蝦球多D，少少咸水味更映襯到蝦球的鮮味農家乳香黑豚肉$148黑豚肉妹爽口，個醬酸酸地，秋葵炒得幾乾身，唔會好似平日咁痴粒粒，連平時唔食秋葵的大食妹都接受到肉絲兩面黃$168兩面黃嘅意思係一面係炒嘅一邊係煎炒嗰邊濕潤D，煎嗰邊更加乾脆，一次過滿足晒兩個願望

最近有同事試左間主打食精緻中菜嘅新餐廳覺得唔錯推介比小妹, 於是今日襯出開銅鑼灣就同朋友去試下, 一入到去餐廳環境清靜, 怖置典雅, 暗黃光線下加埋背景嘅音樂聲, 什有情調! 餐廳所提供嘅食物種類繁多, 有前菜小食, 海鮮類🐟, 肉類🐂🐖🐔, 燉湯🥣, 飯麵🍛🍜等等……好多都好似幾特別咁, 於是小妹同朋友就揀左幾款小菜試下!自家製合桃合桃味道香甜酥脆, 非常可口!自家製XO醬XO醬好足料, 聞落幾香, 食落亦幾惹味, 辣度同咸味都調得岩岩好!糯米釀雞翼🐔雞翼新鮮炸起熱辣辣, 油潤亮澤, 雞皮香脆, 咬落去雞油慢慢溢出, 入面包住適量, 口感煙煙韌韌嘅糯米飯, 吸哂雞翼嘅精華, 味道唔錯而且無膩感!紅棗瑪卡燉竹絲雞🥣湯汁顏色清澈, 味道濃郁, 每啖湯都飲到竹絲雞嘅鮮甜味, 十分滋補😊! 涼瓜炆頭腩🐟經煎炸過嘅頭腩肉質煙韌有口感, 涼瓜切成薄片, 口感爽脆甘甜又惹味! 因為加左少少陳皮絲一齊炆所以完全無腥味, 同埋頭腩一齊食仲增添一份甘香嘅味道!鐵板鮮沙薑陳皮生煎雞🐔上枱時已經香氣四溢, 店員會再為你快炒幾秒以免痴底, 生煎雞肉口感鮮嫩滑溜, 沙薑味道濃而不過咸, 加埋陳皮嘅回甘令整體層次

上次趁郊遊，入到去石門一帶食咗一餐高水準嘅中菜，今回同郊遊無關，但同樣喺一餐高水準嘅中菜。銅鑼灣食廈Cubus，進駐得入去嘅都喺一啲中高檔餐廳，以前就光顧過其中嘅「Chez Moi」。最近，就加入新一員，喺賣精緻粵菜嘅「顏府御膳」，到訪當日都仲喺試期中。餐廳裝修都喺走中國風，但又唔會大紅大紫咁俗氣，反而透過射燈燈效，有種高雅嘅親和感。再者，樓底比一般平常嘅食廈餐廳高，加上中間一排圓枱刻意唔用，增加咗空間感，亦對時下嘅防疫有好處。最入面，仲有一個廂房，因為未有客嚟，店員都唔介意小弟入去影低幾張相。廂房內只容納一張8人圓枱，而裝修都幾骨子。除環境，枱布、餐具、杯碟都好精緻。順帶一提，茗茶每位$20，本來想點鐵觀音，但聽到有菊花，就轉而選佢，茶味真喺好清香。琥珀合桃 $20未用餐前，先來一小碟餐前小食「琥珀合桃」，店員介紹時講明喺自家製，琥珀色嘅合桃沾滿白芝麻，外表悅目，咬落十分香脆及甜蜜。另外，XO醬亦喺自家製，啲瑤柱絲大大絲，香辣而不嗆喉。菜譜真喺有啲厚，影起嚟可能唔喺咁清楚，請見諒。大致上，類別分為巧手小食、湯羹、山珍海味、魚翅、海鮮、肉類、家禽、時蔬、廚師推介、飯麵及甜點。如果唔想煩

約咗朋友喺銅鑼灣食晚飯，佢話要去新餐廳食好嘢，咁就二話不說帶咗我嚟呢度，話呢度嘅粵菜好好味😋餐廳環境舒適坐得幾舒服，又唔會好嘈，係同朋友傾偈嘅好地方，原來佢哋soft opening咗唔係好耐。我哋叫咗幾樣食物share：蒜片牛柳粒：作為appetizer相當香口開胃，牛柳係bite size，一啖一粒好好味，牛柳肉質軟熟，配炒香咗嘅蒜片食好正😋姫松茸螺頭燉豬腱：老火湯熱辣辣超級好味，姬松茸香味滲透喺湯水中，感覺有益健康；原來仲落咗金華火腿，呢個湯有小驚喜😋陳皮沙薑生煎斑球：斑塊肉質新鮮結實，陳皮切幼絲，每一啖魚肉都食到陳皮香味😋砂鍋三蔥金不換炆雞：三蔥係京蔥、蔥頭、洋蔥，加埋蒜頭同金不換去炒，令雞肉非常香口惹味😋砂鍋大澳蝦醬唐生菜膽：濃烈蝦醬味加上蝦乾，用砂鍋高熱炒生菜，非常香濃可口😋呢幾個菜有啲比較難煮有啲較為簡單，但係都顯出師傅嘅功力，讚👍；朋友真係冇介紹錯😋

港島放工既通常好多人去CWB食飯（就算COVID-19) ，放工想搵個舒服既餐廳，間唔中過黎呢幢樓，因為唔洗迫，又多高質choices (特別多日本野)咁岩朋友今日想食下中菜，先發現原來有間新開，食d精緻中菜。入到黎發覺餐廳環境又靚又舒服，食慾大增😛 湯揀左個酸辣湯，酸度同辣度balance得岩岩好。因為同朋友兩人食，只係點左2個餸，有份蝦球同埋一字骨。 兩份餸都十分驚喜，特別係雙色蝦球，除左一款油炸，仲有個黃金鹹蛋皮，聽見都流口水。一字骨好入味，肉質口感好易入口，推介！最後仲點左個糯米飯，糯肉香，飯粒軟度適中