顏府御膳 (已結業)

今日好友帶小妹嚟到一間近日新開嘅粵菜館 - 顏府御膳。一睇餐廳名字「顏府御膳」就知一定係氣派不凡，餐廳裝潢以木製中國風為主，份外優雅，座位之間以中式屏風相隔，增加私癮度。叫得「御膳」就知道哩到除咗色香味之外都好重視食物嘅賣相，所以你會發現佢地對於食物嘅搬盤都好講究好精緻。我地坐低之後，店員就隨即送上小食，琥珀合桃同埋秘製XO醬，至於茶方面，我哋就揀咗一般茶樓比較少見嘅菊花茶。清香嘅菊花香氣，淡淡幽香，而且仲有清熱解毒功能😆我地都叫咗唔少特色菜式，小妹以下就重點講下其中幾款。胡麻茄子🍆 - 作為前菜小食好開胃，雖然茄子只不過係以水淖熟，正因為咁樣你反而食得出茄子嘅原味。如果份量再多番少少記仲好啦。口水雞🐔 - 唔好俾佢紅通通嘅賣相驚親，其實唔係好辣，辣度同麻度都啱啱好，而且皮嫩肉滑，仲已經起哂骨，食落去啖啖肉。脆皮麻辣燒賣 - 其中一款自創美食，外皮炸到卜卜脆，入面嘅豬肉餡料帶少少麻辣味，一粒真係唔夠喉。顏府秘制一字骨 - 必食之選，老少咸宜，因為佢煮得好稔好稔，一切落去就已經骨肉分離，加上秘制汁醬，有少少山楂味咁酸酸甜甜好開胃😋😋