響 - Hibiki 日本燒肉 (已結業)

早排朋友見到佐敦有間燒肉放題幾正咁，就約了幾個朋友一齊品嚐這名字很熟悉，是日本威士忌牌子的名。我地去17:30半果場，剛剛黎到無咩人，之後都慢慢多人刺身拼盤首先當然食左刺身先啦，包括有三文魚、甜蝦、油甘魚、帶子、吞拿魚等等，刺身超新鮮仲有一排海膽，有紫菜夾著一齊食海鮮拼盤拼盤有日本🇯🇵出名的魚喜知次、鮮鮑魚、蠔、螺和大蝦🍤清酒一齊燒可提升味道，十分新鮮燒肉拼盤美國牛肋骨、澳洲和牛西冷、牛胸腹、肉眼和米澤三元豚西冷，肉質都很鮮美多汁，再加上青檸汁後，口感更嫩滑更滑新鮮另外，還有手羽(雞翼)、骨付雞肉腸和七味豚拖羅(豬頸肉)款式多多飲品方面都很多選擇，除左果汁🍹仲有酒任飲有白酒、紅酒🍷，清酒、梅酒等等而且仲有熱茶飲，好健康最後甜品有除咗有Movenpick杯裝雪糕任食外，榴槤雪糕榴槤味重，同出面果d唔同還有雪條和蛋糕🍰都很多款式！

近排上網都見到呢一間放題燒肉店打得火熱，經常滿座嘅佢地，幾經辛苦終於book到一個晚上去食！店舖係以櫻花做主題🌸感覺上佢哋嘅環境都幾乾淨～當我地一坐低，店員就將已經預備好晒嘅燒肉盤、刺身拼盤同埋海鮮盤逐一上枱～非常有效率😬我哋首先係擺咗啲海鮮上個爐到燒。店員話一路燒，一路落清酒，味道會更好食。係等緊啲海鮮熟嘅同時，我哋就食咗啲刺身。味道都算幾新鮮，特別推介帶子同埋墨魚😝生蠔聞落都幾鮮味；鮑魚食落口仲非常彈牙🤩至於田螺，其實味道不錯，不過唔知係咪因為我哋燒得太耐嘅關係，口感有啲韌。然後就到我哋嘅重頭戲，燒肉！每款肉都會貼上label，等你可以清楚知道食緊邊一個部位。其中我覺得和牛胸腹同埋米澤三元豚西冷都幾好食～和牛胸腹油脂分佈平均，食落重肉味之餘亦帶點油份😳而米澤個款，雖然望落好多肥膏，但係燒出嚟非常香，令人忍不住成塊擺入口😮除咗呢幾碟拼盤，我哋另外仲嗌咗一個泡菜豆腐鍋同埋天婦羅。泡菜豆腐鍋夠辣，裏面仲有啲粉絲，同時我地亦加左個烏冬落去一齊食，味道好夾呢～有點好似去左韓國食嘅平民小店一樣🤣 天婦羅炸得香脆，除咗大蝦之外，仲有南瓜、茄子等等。但又唔會食到成口油👍🏼喺出邊嘅雪櫃仲可以任攞飲品

約埋一班食肉獸去食燒肉放題，選擇左「響」因可以就大家一放工即到，又近佐敦地鐵站，我地食第一個時段，去到未見太多人，餐廳地方不算大，但裝潢幾有日本餐廳感覺，雖然是燒肉店，但一d油煙都無，座位寬敞。一坐低侍應會介紹一下飲品、甜品的位置，隨即送上四碟主菜。1）刺身-有不同的刺身，鮮甜美味，仲有一板海膽2）海鮮拼盤-有生蠔、蝦、飽魚、喜知次...好新鮮，我個人就覺得個蝦同飽魚好正。3）主角嚟啦！一大盤牛-以澳洲牛為主，其中以澳洲和牛西冷最好味，入口即溶，牛味充足。所以我encore左兩次。4）最後上的是一盤什肉，雞翼唔錯，其他普通啦！食完呢四盤嘢都已經飽左8成，我地再叫左一d食物就向甜品出發，甜品有多款雪糕雪條，我地一於食齊佢，食完甜品個肚已經賬到一個波咁。差點忘記介紹飲品，除左一般果汁外，仲有紅、白酒，梅酒，柚子酒同清酒任飲。兩小時半放題，話咁快就完，食物水準高，有點意猶未盡，一於要約朋友再光顧多幾次先得囉！

第一次寫劣評就俾咗呢間嘢！之前係尖沙咀食過另一間和牛放題 x蔵，食完覺得幾好有驚喜，所以今次係團購見到呢間同x蔵差唔多，但團購價仲要四百蚊有找，就決定買嚟試試！點知中伏！！環境唔算闊落，都逼逼地，而且啲飲品同甜品櫃擺位有啲奇怪，分散晒嚟擺！食物方面，一開始上咗個刺身拼盤、海鮮及各種肉類拼盤。刺身好食，唔差！海鮮都正正常常無驚喜！但佢啲澳洲和牛真係好差！勁失望！全部都好un！第二輪諗着試多塊和牛，俾多次機會佢地，點知第二輪啲和牛仲差！！！特別係個西冷，得2條似肉碎咁嘅肉條，勁hea我地！同第一輪完全唔同樣！點解會好意思咁都照攞俾客人食！係咪因爲我地係團購，所以俾啲差啲嘅我地？！我地一心過來食和牛，點知除左和牛之外，其他嘢都算正常好食！特別係牛舌！有啲驚喜！但都唔會有下次！！

朋友仔話帶我去食燒肉放題，本來對於放題的燒肉冇乜大興趣，但朋友仔大力擔保，認為呢間放題的燒肉質素甚高，亦成功吸引到我去一試。一去到，已經令我馬上改觀，雖然店內係主打放題，但質素甚高，絕對唔比單點的燒肉店遜色。店內好有情調，而且座位寛躺闊落。自助吧已經令人目不暇給，放題的價錢竟然包左酒精飲品任飲！有紅酒、白酒、清酒、梅酒、柚子酒等等。汽水同雪糕都有唔少選擇，雪糕仲有movenpick任食！店員安排我哋入咗之後，先送上幾款頭盤。刺身拼盤份量十足，而且當中亦不乏貴價食材，例如新鮮海膽同牡丹蝦。海鮮拼盤就有五款時令海鮮，每一款都好夠睇頭。作為食肉獸的我地，最期待當然係高級和牛啦！和牛有四款唔同的部位，肥瘦分佈均勻，一次過可以享受晒。雞肉豬肉等等亦有唔少選擇。高溫下，肉類吱吱作響，香氣撲鼻。每一款食物都好高質，肉味濃郁，又夠晒新鮮。滿滿的一台食物，令大家都非常飽足，捧住肚仔走。

每月牛魔王一聚又來了，唔知幾時開始，發現身邊有班牛魔王朋友，有次食飯就定下左不如每個月都約一日出來牛宴聚會既約定~今次揀左佐敦新開既燒肉放題店，如果覺得放題質素一定麻麻，咁呢度絕對有驚喜~牛牛質素真心高~四百幾蚊一位，2.5小時任食呢個質素既牛，食多幾塊已回本~每款都色澤紅潤，紋路清晰，當中肉眼，西冷同胸腹都好好味，牛味鮮，肉質嫩，有油脂香，但唔會得啖油~另外仲有豬同雞，豬頸肉同雞翼都唔錯啊~仲有海鮮盤，但就只有蝦係任食，其他每款每人一件~除左海膽，其他刺身都係任點任食~帶子好鮮甜~有需要可要求店員幫忙換網~蚝同鮑魚燒既時開比較長，燒既時候可以叫d沙律，小食，炸物食住等~和牛沙律好味啊~呢d全部都可任點最後一定要燒菠蘿，酸酸甜甜又香多款啤酒汽水都係任飲~甜品同movenpick雪糕都係任食架友人狂飲日本啤酒

仲有幾個月就考試 嚟緊都要勤力啲溫書啦 為咗鼓勵下自己 請埋屋企人去食餐正嘢啦餐廳有一個很舒適的環境 地板和牆身的顏色好柔和 感覺好似喺日本嘅鄉郊 餐具也十分精緻飲品的選擇真係很多 除咗有平時飲開嘅soft drink 仲有好多款韓式飲品 紅酒白酒也是任飲的 而且仲有花茶 日本清酒 這個非常好 啱曬一家大細我哋坐低一陣 店員已經奉上一盤刺身 最正係海膽 非常鮮甜今次我同屋企人覺得最好嘅係海鮮拼盤 海鮮好新鮮 而我最鍾意食嘅係鮑魚 燒完出嚟好好食 最重要係佢洗得好乾淨我本身其實唔係好食魚 但係我見屋企人猛咁話好食 我都試咗少少 真係幾好食 原來係喜知次 我全家都係牛嘅fans 今次有和牛任食 咁梗係食返夠本喇 雖然和牛係任食 但係每次order嘅質素都好理想 而且餐廳處理得十分好 絕不馬虎 會標明每款不同種類的肉最後整番個甜品 真係食到好飽 好 充滿力量溫書啦

朋友介紹嚟呢間食, 唔講唔知原來係廟街都開咗放題專門店, 呢間主打牛牛, 入到去等咗一陣就有我入去, 地方都大, 都好多人最好要訂位, 一嚟就有刺身拼盤同牛牛船, 正呀!!有米澤豚肉同澳洲和牛, 真係好香牛味, 油份剛剛好~仲要有埋唔同部位, 另外刺身有海膽, 刺身蝦, 八爪魚, 赤身, 油甘魚, 種類都好多選擇~燒物就有大蝦, 扇貝, 鮑魚同喜之次, 條魚仲要成條燒添呀~但食落唔係太有魚味~有D失望~出面仲有自助飲品, 清酒都有幾款, 最鍾意就係柚子清油又香又易入口, 仲有雪糕係用MOVENPICK添呀, 另外有果味雪條都好好味~我地其實食完個3隻船都飽啦~但見到佢有榴槤波波, 緊係叫嚟試吓啦~真係即炸熱辣辣, 咬落去見到入面流心架, 仲要唔係假既榴槤味, 超得, 成粒食成口都充滿榴槤香味, 我同朋友都要encoure!

日式燒肉放題開到成行成市，但好多都伏味重，時常失望而回。好高興這夜終於讓我遇上性價比超高、值回票價的優質燒肉放題，無論食物、服務及環境均屬一流水準，非常令人滿意，驚喜度爆燈！！餐廳環境很好，裝潢設計滿有心思，採用不少具日本風味的佈置如燈籠、櫻花、釀酒桶等，更有仿日本街頭的畫作、出自國寶級書法大師手筆的「響」字畫，和風味濃，好有氣氛。也喜歡餐廳座位夠寬敞，完全沒有一般放題店的擠迫感，很舒適。抽風系統也做得佳，不會煙霧瀰漫或有油煙味。我們七點多入座，已經全場爆滿，好熱鬧，吃燒肉就是需要熱哄哄的氛圍。坐在接待處附近的我們還聽見店員不斷收到電話訂座，差不多無停過手，看來此店甚具人氣。食物好快送到，幾乎是即點即有的節奏，欣賞店員們的服務態度佳，友善又好有禮貌，十分殷勤，老闆更是親切，親力親為、招呼周到，如此優質的服務是一般放題店所欠缺的，又多個加分位！刺身非常新鮮美觀，厚肉又大件，完全不會有雪藏味。尤其三文魚非常肥美又富魚油味，帶子鮮甜爽滑，甜蝦好大隻又彈牙，還有赤身吞拿魚。最驚喜莫過於海膽！份量多之餘更是意想不到的極度鮮甜creamy，好高質素！！海鮮同樣好有質素！款款都好新鮮夾大件！特別喜歡

非常值得！🍾白酒，🍨雪榚任食！🤩一流貨色，真正唔錯，地方及服務也好！交通方便！肉類尚成，刺身也新鮮。跟纲上图片一樣，絕不花徦，😘很喜歡，食個飽飽，非常滿足⋯⋯🍣🍤🍺🍖🔥🔥邊飲邊食，一樂也！無得彈！我們非常高興及帶半醉離開。一定要預早訂位，非常多人。食放題比Buffet 有質素。✌🏻裝修很時尚，日本風味濃厚！氣氛好好

今日黎到最近超有人氣新開的日本燒肉放題！😍好彩朋友醒目要一早book位，因為booking去到兩日後。而家香港人對食物既要求真係愈黎愈高。價錢已經唔係最重要，最重要係呢個價錢值唔值呢個質素。只要質素好，香港人都願意去花錢享受。而終於我搵到一間值得我花錢享受的一間日本燒肉。以前既放題都愈黎愈食到無哂驚喜，而且質素都不太好。呢間餐廳令我增加了對燒肉的興趣！😍錢：$408（8點前），$458, $248（宵夜時段）任食和牛燒肉海鮮，刺身，小食炸物，和食湯麵，清酒梅酒啤酒飲品，雪糕甜品。😋睇見都流哂口水！餐廳位於佐敦，地鐵站一出行前就係。容昜搵到而且很大間。環境裝潢很日式，座位闊落舒適。最值得一讚係冷氣超夠凍，排煙系統做得幾好，食完唔會好大陣油煙味！👃一坐底，職員好nice咁介紹野食我地聽，話啲食材都係即日新鮮運到，質素一定keep得到新鮮俾我地食。👍先會為我們來個刺身拼盤！😍哇！！一黎到，賣相好靚！噴哂煙咁，影相一流！會送我們一份海膽刺身，其餘的刺身都可以再點！帶子，油甘魚，三文魚，吞拿魚，八爪魚，甜蝦。🍣質素都好好的！海膽好creamy!濃郁既海水味！好好味！包埋紫菜食仲好味！尤其我最鐘意

生日飯局朋友一早訂位去到都唔洗等食物來得準都算正常時間到刺身...正常水準👍🏻飲品左連酒都任飲👍🏻（梅酒👍🏻）肉...比較切得細件冇咩咬口（質素ok)海鮮就（個人感覺）出晒水（急凍溶雪）蝦都一樣.我就唔係咁喜歡...👉🏻👈🏻（賣相幾靚）價錢來講...我覺得可以有更好選擇🤔雪糕有M仔任食😍😍😍😍😍😍😍

奶奶生日，次次食酒樓食海鮮有啲悶，今次大家提議食燒肉，最尾揀咗喺佐敦呢間 響 !事關老人家唔食刺身，而呢一間就可以滿足晒我哋嘅願望，燒肉高質刺身任食✌️地方好就腳廟街行入少少就到，入到門口已經好有日本氣氛，樓底很高坐得好舒服，整齊企理，用左全新嘅抽煙設計，難怪沒有半點油煙味！店員會介紹食物，先來三大盤分別係刺身，海鮮，同燒肉，等食客試晒邊啲好食再encore，海鮮方面大蝦可以再叫，刺身方面只有海膽冇得再encore，估唔到燒肉店啲刺身都可以咁新鮮，老公平時唔食海膽，今次到同我爭食都有五六種刺身，好滿足海鮮拼盤更加不得了，生蠔，包魚，大蝦，螺喜之次林林總總，真係高質！燒肉是主角，幾款不同部份，擺上名牌，一定吾會encore 錯，我就最愛牛胸腹，油脂格外平均，不會太肥，牛味好濃熟食質素亦不俗，而且選擇不小，烏冬好好味!驚喜地發現，除左飮品任飲外，紅，白酒都是仼飲最尾食返個美品甜品，係Movenpick 來架大飲大喝熱熱鬧鬧的一晚，果然無㨂錯!

相約朋友，難得佢已諗到想食燒牛肉，可以唔使諗食乜，淨係揀地方，簡單好多係OpenRice search下，見到呢度有不少好評，食物好靚，一於試吓。店舖裝修好靚，門口有大大個響字，幾有氣勢。而坐位空間亦都好寬闊，枱面亦都夠大，足夠放食物。呢碟係燒物，有鮑魚，螺，蝦，喜之次，每樣材料都好新鮮，好好味，海鮮我哋都有再encore第二轉首先值得一讚嘅係佢哋有個牌仔註名食材嘅名稱，呢個係做得好好嘅。牛肉們一上枱，一睇就知係好質素，脂肪分布好均勻。而每款牛肉，個質感亦都唔同，所以每樣都要試下，每種都各有特色，但全部都好好味。我哋結果都encore左幾轉牛肉刺身亦都好好食，尤其是海膽，好鮮甜飲品方便呢度真係超多選擇，呢個corner就係梅酒同抽子酒，都係任飲，唔使加錢。仲有紅酒同白酒，啤酒，花茶，汽水........好多選擇，都係任飲。真係值回票價。不可錯過嘅燒菠蘿天婦羅，做得唔錯，其中最特別嘅-榴槤，鍾意食榴槤嘅朋友，一定要試吓最後唔少得嘅當然係雪糕雪條啦，雪糕有movenpick，芒果雪皅

M佬係食肉獸，就算我A姐要減肥，一個月都總有幾日要放縱自己！但難得要放縱自己都要高質放縱，咁先無咁蝕麻。今日去咗一間近期人氣大熱，喺佐敦嘅日式燒肉放題店：響。價錢雖然唔平，但質素勁高，好易回本！刺身刺身排得好整齊，有三文魚、甜蝦、油甘魚、帆立貝、呑拿魚、八爪魚同海膽，仲有乾冰煙霧效果，真係好吸睛！除咗海膽之外，其他魚生有得Encore㗎！特別鍾意肥美嘅三文魚同清甜嘅帆立貝。海膽入口鮮甜Creamy，再包埋脆口紫菜，正！海鮮嘩，海鮮拼盤非常足料！除咗大蝦之外，生蠔、螺、鮑魚同喜之次都係無得Encore。全部海鮮都好新鮮，大蝦鮮甜結實，鮑魚彈牙味濃，生蠔同螺都係肥美香甜。最驚喜係原條喜之次，肉質嫩滑，入口鮮甜。燒肉呢到嘅肉類一樣係好有質素，放題都竟然有得食澳洲和牛西冷、胸腹同肉眼，油脂分佈平均，牛味濃郁，記住唔好燒太耐呀！仲有米澤三元豚西冷、七味豚拖羅、牛舌、手羽等。除此之外，仲有天婦羅、炸物、和食、小食、沙律同蔬菜，選擇都唔少！飲品平時放題嘅飲品都離唔開汽水同茶，呢到竟然有紅白酒、日本啤酒、泰國啤酒，清酒、梅酒同中柚子酒！柚子酒好香柚子味，好易入口又refreshing！甜品除咗大路嘅m