響 - Hibiki 日本燒肉 (已結業)

朋友生日約食"肉" , 搵了間高質些的燒肉放題店, 訂好位, 8點直入不用等, 同lift有對父子walkin沒有枱生意唔錯wo職員帶完位就告知會先上幾盆食物, 建議我們唔夠食先再寫紙仔~食物未來當然要去拎飲品先, 款式頗多, 有啤酒, 有些好像是韓國的果汁汽水, 旁邊還有幾款花茶包, 啱晒養生人士最先上是刺身, 都很新鮮, 海膽好食! 所有刺身都可以寫紙仔再點, 除了海膽, 同朋友食真係手快有手慢冇><主角燒肉係靚雪花, 都可以食完再點, 而且最好是肉上放了字牌, 食先覺得好食想再叫就方便好多最初擔心容易會燒濃, 不過牛的雪花很多, "牛油"都出來了燒到全熟都依然不會"鞋"其他肉類還有雞翼, 豬頸肉, 還有有骨頭的雞肉腸, 很特別!平時的燒肉店就只有平價海鮮燒, 呢間有蠔,扇貝同鮑魚, 正啦~ 燒海鮮除了去BBQ食到外, 真的很少機會有得食~ 最後不得不提我最愛的甜品雪糕, 自助任拎的, 雪糕很多, 不怕比人拎晒~平時的燒肉店是雀巢雪糕杯, 這間是movenpick, 想食好少少, 和牛質素, 貴價雪糕, 價錢貴多少許我覺得合理!

最近有朋友睇團購見到呢間燒肉店, 有興趣食, 就約了我及另外2位朋友去試一試一出Lift就覺得好日本feel!燒肉是分時段的, 因為要等遲收工朋友們, 所以還是加$40, 8時入座的時段來吃燒肉去到才發現入座後會自動送上3大類型食品, 包括刺身拼盆, 海鮮拼盆及燒肉拚盆刺身比平時的多了海謄!! 很鮮味~ 其他有帶子,甜蝦比較普通, 但勝在夠"鮮", 我最喜歡是中間那些魚片刺身, 有魚味~燒肉的雪花紋很平均主要的分別是肥美VS有咬口, 識食的當然要食和牛胸腹!海鮮有鮑魚, 大蝦, 蠔, 魚蝦是超級大隻!!!燒肉當然例牌會再點再點再點啦~ 另外我加一些炸物, perfect池每次食燒肉/放題我也會狂飲汽水同食雪糕響的雪糕竟然有movenpick!!!!!食多幾塊燒肉同雪糕一定回本

收工同D同事去食，燒肉宵夜放題任食，真係食到好飽好滿足。店員嘅服務態度亦好好，好周到貼心。order同埋送黎嘅食物份量都係冇太大偏差嘅。有前菜，刺身，熟食，炸物，烏冬...一路食一路燒野食，perfect！全部肉類都好夠味，唔係落味粉又唔洗點醬油。蝦真係不得了，無論係甜蝦定係燒蝦🦐，真係新鮮好味，必點必食再飲返小小梅酒，真係不得了，好有feel。甜品方面，唔知係咪太夜去，選擇唔算太多。總體都係好滿意

最近喺網上見到好多人介紹佐敦有間新嘅燒肉放題店，叫「響」，主打高質靚牛～於是同朋友兩個食肉獸就打電話去book枱，價錢4百幾一位，都唔係話好平好平架～入到去個氣氛都好似唔錯，坐位闊落，唔似普通燒肉店成張枱放得少少野就滿～一黎到就有個海鮮拼盤：帶子、鮑魚、魚、海蝦，燒肉拼盤同一大盤刺身（當中仲有一大板海膽）～當中帶子、鮑魚、魚同海膽都無得refill，如果唔夠喉就要再比錢～刺身都幾薄切，點埋醬汁岩岩好，最中意係佢嘅八爪魚，新鮮得黎好爽口！燒肉方面都好多種類，澳洲和牛又有，美國牛肋骨都有架！又新鮮又好食，可以無限encore!!!野飲同甜品都幾多選擇，成個價錢都幾抵食！

前兩日我同屋企人去左響食野啦，咁佢啲嘢食其實都唔錯架首先上左個刺身拼盤啦，佢啲三文魚吖八爪魚吖甜蝦吖呢啲都有齊晒嘅，而且師傅刀工都唔錯，都幾好食架。而佢個海膽先係成個拼盤嘅精髓，食到我地都津津有味，不過可惜海膽冇得再任叫啦，要再加單嘅話就要加錢我地仲有食燒肉喇，我特別鍾意㗎呢就係佢個雞肉腸同埋和牛肉眼，雞肉腸平時我都好少會食到嘅，咁我覺得口感都好特別！而佢個和牛肉眼啲肉質鮮嫩，口感好好架都。再講埋啲雞翼啦，佢啲雞翼都好新鮮，而且都係好好食架海鮮拼盤方面，佢啲海老真係好大隻，而且再點埋啲醬汁真係一流呀！佢啲生蠔同帶子都係唔錯㗎，不過提提大家生蠔一定要燒下先，因為係同啲生野擺係同一碟架佢啲甜品都唔錯嘅，有提供到movenpick呀mega雪條等等嘅，大家不妨可以去試下

老友在群組出post，約食飯，在山林道happy hour 完，就行咗去裕華嗰頭搵食。尋尋覓覓來到白加士街，猶疑咗一陣，選擇了食放題。由7點9等到8點2才有位，證明呢間放題好多人幫襯。真係好鬼肚餓，即刻食個刺身拼盤先。這個4人份刺身拼盤有一大板新鮮海膽、8隻甜蝦、8大件肥美三文魚、8片八爪魚、8塊吞拿魚、8片油甘魚和帶子，真係陣容鼎盛。相比之下，我選油甘魚做number 1，其次係帶子，因為油甘魚味道好甘香，而帶子就非常鮮甜。之後，再食和牛田園沙律及付味螺肉。和牛係細細片，撈咗日式芝麻醬汁和沙律菜，食落都幾惹味。至於螺肉就辣辣地，爽爽地。除此之外，仲食咗天婦羅蝦，感覺上啲炸漿厚咗，好彩裡面的蝦肉尚算新鮮彈牙。燒烤肉類方面，主要都係澳洲和牛、美國牛肋骨和日本豚西冷，同埋雞翼、雞肉腸和豬肉條。件件都好厚身，肉味濃。因為啲和牛肉眼、和牛胸腹和和牛西冷實在好好食，所以忍唔住來多一個round，順便再試埋牛舌。牛舌係無膻味的，好食。啊! 忘記咗提番，呢度有好多酒任飲，除了啤酒、紅酒、白酒之外，仲有一款柚子青酒。柚子青酒甜甜地，非常易入口，所以要千萬小心，因為好易不知不覺飲咗好多都唔知。燒烤當然唔

同Team 同事升咗職，我哋當然會把握機會屈佢食番豪啦。收工揸車兜咗入佐敦，見到呢日式間燒肉店合晒眼緣又啱budget，就殺上去。可惜我哋係walk-in無預先book位，唯有跟隊等位。都等咗我哋半粒鐘㗎，唯有邊打機邊等位。好彩，最後有張窗口檯，望番出外，係白加士街夜照，遊人不多，但燈光依然璀璨。呢度除咗平時可以飲到的果汁、汽水、啤酒、茶等飲品之外，竟然仲有紅酒、白酒任飲。我緊係唔執輸啦，整番杯白酒來歎海鮮。同事就鍾愛啤酒。啲嘢食好多好豐富。呢盤海鮮拼盤無得輸，有帶子、鮑魚、生蠔、大蝦，仲有原條金目鯛。急不及待將啲海鮮放在爐內燒，見到啲汁液沿住啲鮑魚殼、蠔殼、帶子殼慢慢咁蒸發，真係有啲忍唔住。好彩，燒海鮮係好快熟，我哋唔使等好耐就有得食。樣樣海鮮都好新鮮，好好味。最吸引我當然就係大大隻鮮鮑魚啦，口感一流，鮮味不同凡響。另外，原來金目鯛都好好食，因為佢係預先醃鹹咗，感覺就好似食蒸鹹鮮一樣，鹹香味已滲透入魚肉內，所以每一啖都有魚的鮮味和鹹香味，真好食。仲有就係刺身拼盤，都係好新鮮。海膽成板上，好鮮味。三文魚就好肥美。再睇下order紙，剔埋七味豚拖羅、手羽和骨付雞肉腸。再叫多啲靚澳洲和牛來

相請不如偶遇，今晚同我好朋友一齊慕名而來過嚟試吓呢一間燒肉店放題，過開來佐敦，試吓叫下喺呢邊住嘅舊同學一齊出來食嘢，咁啱佢哋兩個都得閒，大家一齊食燒肉，真係好開心。先上個大大刺身盤！刺身都幾多款喎，而且切得好靚，令人垂涎三尺，尚算幾新鮮。仲要有海膽添！燒肉唔單止擺得好靚，仲有細心地放上每一個名牌，等你知道自己食緊咩肉，可以就着自己鍾意食嘅肉再叫。其中我特別鍾意澳洲和牛肉眼，無論肉質同埋牛肉味都特別突出，燒出來的香味令人流晒口水。嘢飲方面都係絕不馬虎，超多野飲選擇，成個雪櫃自己拎，仲有紅白酒、清酒梅酒... 我先浸左杯白酒Chardonnay 配刺身不錯。海鮮之中仲有喜知次！好感恩我哋有現場一個暖男為大家不斷咁樣燒嘢食，將呢個鮑魚仔燒到金黃色，食落口好彈牙，特別鮮。超驚喜，呢度竟然有榴槤炸彈食，裏邊嘅榴槤，已經被熱力融化晒，變成忌廉狀，簡直係令人感動嘅，一口咬落去熱熱的、脆脆的外層裏面包着熱情的、濃郁的榴槤，口感同味道都一絕。溫室蕃茄沙律，啲番茄都幾甜幾多汁。米澤三元豚西冷，最厚切的，食落都幾彈牙幾有口感。有機金菇 好香牛油味仲有多款雪糕雪條任揀

早兩個星期已經打黎book今晚黎食放題，好可惜就算咁早book都係得返後場(20:00)。而今晚黎到因為未有枱而要等到20:30先可以入座 😒環境: 值得一讚係個環境，一般放題都係坐得勁差好迫，但呢度係幾闊落，唔會有嗰種趕客feel燒肉放題: 其實我不嬲對放題都無咩好感，因為多數d質素都好一般。而呢度嘅燒肉都真係唔算話好，自少無乜咩肉係我覺得好回味，個調味汁亦無咩特別刺身: 都算係新鮮，雖然款式唔係多，但最基本嘅都有。要讚嘅係個海膽，完全唔腥！海鮮: 個蝦幾好食，其他都叫中規中矩，勝在款式多，有蝦、帶子、鮑魚、生蠔同、魚etc...其他食物: ok la...飲品：都幾多酒飲，基本上係飲酒飲返夠錢已。飲品選擇多，不過千其唔好飲白酒，勁難飲😓😓😓成班朋友

係廟街果頭見到日式燒肉banner，諗起都好耐冇食，就試下！入去已經比呢個壁畫吸引，好型先黎個刺身！海膽好好味，其他刺身都新鮮，都有啲厚度架🤤不停食生蝦同帶子，鮮甜呢然後係肉肉船，好貼心咁提我地燒緊乜野牛胸腹我覺得好好味牛肋骨好淋，不過吾係落左鬆肉粉既感覺，好正，至於雞翼我本身以為冇味，但原來都有醃下的，咬到中間既肉都有味海鮮都算係咁啦！蠔大大隻，仲有鮑魚同兩條魚啊～蝦燒好之後肉質彈牙，魚肉結實，燒得好香不得不提我地食完再添食既榴蓮波！炸得好乾身，而且榴蓮流心既味好真實！吾係化學味呢！

本人和朋友素來很喜歡吃日式燒烤最近愈來愈多新的食肆開立這次來到團購優惠的響事前必須訂座 因為booking十分full! 餐牌的選擇不多, 貴精不貴多其實其他店就算很多選擇 但主要都是叫這些所以我覺得選擇數量不重要每枱一開始有三份拼盤1. 刺身背後有一大片乾冰 起初很多煙可惜朋友拍了很久 到我的時候已經沒有煙😭*海膽不是任食的2. 海鮮除了蠔外, 其他都可以任食的貝殼類要加點清酒去燒 (每枱旁邊有)比較難燒熟蝦有點不新鮮 因非常痴殼3. 燒肉好似日本一樣 每種切片都有小牌提醒客人是什麼部位雞翼非常難燒 建議不好點牛胸腹在牛類來說最好吃雞肉腸也值得encore燒起來的情況大概是這樣爐的火力有點不均都偏了右邊 左邊完全燒不到

前幾日去左食呢間放題，食物質素都很好，魚生是比較其他放題店較新鮮既。海鮮併盤都ok, 但鮑魚及海擔只會提供一次。 條魚燒到好香脆。服務員很有禮貌，當每次出去拎飲品時都會介紹有紅酒、白酒、梅酒等。值得推介！

刺身～和牛～海鮮盤～正仲有啤酒，汽水，紅酒，白酒，清酒，梅酒。。。任飲任食刺身海膽鮮甜～油甘魚，吞拿，三文魚都很鮮美～帶子，甜蝦等海鮮盤～有喜之次，鮑魚，大蝦，扇貝等等，淨係條喜之次已經夠落本 和牛～牛肉味重～性價比高～真係燒肉店主打名菜～食完又可再叫。比個 like佢原本想減肥！但誘惑太大。。。。。。食完主菜～再叫天婦羅～一定要食榴槤炸彈，芝士年糕香滑美味。。。喜歡食榴槤的。一定不要錯過。最後食個 Movenpick 雪糕～～值回票價～已經約好朋友，下星期再去食過非常滿足

一個月前買左呢度既團購，其實買團購都好怕會中伏，不過我都仍然買呢間，原因有兩個，第一係團購價錢比正價平百零蚊，但食物種類同正價一樣，而且可以燒2.5小時😀；原因二係見到呢度既食評唔差，加上新開張，環境一定乾淨。😏我同朋友六點黎到，入座率將近一半；呢度無論座位定走廊都好寬敞，地板唔跣，地方乾淨，重點係抽風做得唔錯，唔會好焗好油煙味!!🤓 裝修都唔錯，四處都掛上燈籠同櫻花，牆上更貼有日本風既牆紙，再播日本音樂，整體令人感覺舒服☺️入座無耐，職員會先送上刺身拼盤、海鮮拼盤同埋和牛拼盤，每盤賣相都好靚🤤。刺身拼盤 (內有海膽、甜蝦、三文魚、八爪魚、鯛魚、帶子、赤身)除左海膽之外，其他刺身都可以任點；海膽鮮甜😍；八爪魚唔錯，唔會似食梗香口膠；三文魚太瘦；帶子唔夠厚身；就連平時唔食既鯛魚呢度都唔錯，唔會腥!! 😮點知第二round既鯛魚就有腥味，唔敢再叫😂海鮮拼盤 (內有生蠔、帶子、鮑魚、喜之次、大蝦) 當中只有大蝦可以任點生蠔大隻又飽滿；帶子加上牛油一齊煮，吸收左牛油香味；鮑魚彈牙；😋我知道喜之次係一款日本高級既深海魚，由於脂肪豐富，肉質都較為肥美，售價仲唔平架，但估唔到呢度入座會送一條，而且都幾

團購優惠連加一3百多元一位，可以話係抵食。雖然魚生比較薄片，但是大蝦超大隻，食雞肉腸有台灣腸的感覺。啤酒，梅酒，白酒都任飮。staff d服務好快，一張單都冇留。我們6個人去食，好好安排了一張有2個燒烤爐的枱比我們。