響 - Hibiki 日本燒肉 (已結業)

重點要講既係超級離譜既紙片澳洲和牛肉，開頭都算正常，但都唔係好。如果佢最後冇出紙片牛肉，我唔會上黎打呢篇食評。食過咁多間燒肉，都係二百幾蚊左右。呢間響夜晚時段四百幾？宵夜時段都要二百幾，心諗應該都唔錯啦，仲要講到和牛喎。點知紙片牛肉，講真你厚成咁，口感唔洗講，連咩牛都食唔出啦，定係要食師傅既刀工呀？不如切到透明丫～ 佢牛呢就得兩款，另外果款有骨既，睇圖，果半舊肥膏真係俾番你食喇。咁唔係淨係食牛，咪試下豬頸肉囉～ 寫兩份，俾左成座山黎係想點？寫牛八份又真係得八塊喎，究竟豬頸肉係點計既呢？大家叫果陣可能要寫0.5份，兩份都食到嘔嫁。（雞都係）日式燒肉既汁得一隻燒肉汁，然後送你一舊冇汁既青檸，都係果句，去咁多間日式燒肉都係俾黃色既檸檬（有汁既）。完全唔明佢俾青檸（冇汁既）係黎做乜。二百幾蚊偽日式燒肉放題完全唔值，不過如果貪佢開得夜既就去啦，唔介意係食紙片牛肉、肥膏牛骨既話～最後俾d咁既質素既食物黎，仲要人追單先俾，驚蝕就唔好做放題啦。

這個月，人人都去日本，傳來那些引人犯罪的燒肉照，羨慕得人咬牙切齒。為了一解憂鬱，也只好自己去食餐好！和媽子、老弟來到了同事朋友開的響，大擦一餐。因為這家新開的燒肉店好受歡迎，所以我地訂枱都要訂第二輪，由8點開始食到10點的時段！ 我們早了一點去以為可以早點入，但事實係唔得的，所以8點正先可入座。平常放題店一入到去就立刻寫紙落單，但呢度唔使！！！店員温馨提示我地等左食物上枱先再決定點些什麼。 原來呢度係當你入座，就會自動按人頭送上時令刺身、燒肉拼盤及海鮮拼盤！！對於手殘者來說著實好方便！望著那3大盤足料的燒肉拼盤、海鮮及刺身，我們慶幸有聽店員的話。 刺身新鮮肥美，有三文魚、甜蝦、帶子鮮，赤身、油甘魚、八爪魚，及那大半板的海膽，過足口癮！ 燒海鮮有大大條大眼雞，蠔、翡翠螺、鮑魚及大蝦。我們首輪就是將海鮮都通通解決掉！食佢地都用左大半個鐘！！ 然後主角的燒肉，一望便知是有質素的貨色。因為件件肉都有一定厚度，而且鮮紅色夾著雪白的脂肪紋，好靚。還有那雞肉腸、豬頸肉、雞翼呢？基本上，我們未點單，已經半飽！ 但一場來到，怎可讓肚子咁快飽？所以燒完首輪，立刻

一班食肉獸又再次出動！今次黎到「響」食2.5小時日式和牛燒肉放題，可以盡情食和牛，好期待啊！ 今次呢個2.5小時任食放題，星期日至星期四$458！黎到先知原來呢度都有做宵夜放題，只需要$248，真係好平，不過要10點鐘開始任食包括有小食沙拉、刺身、天婦羅、炸物、燒肉、海鮮、蔬菜、和食！未開始自己order前，餐廳會先安排三款併盤 ： 燒肉併盤、海鮮併盤、刺身併盤！刺身併盤打頭陣一定係刺身併盤啦！內有三文魚、甜蝦、油金魚、帶子、赤身、八爪魚！除左海膽，全部都可以無限添加刺身好新鮮，甜蝦、帶子味道鮮甜，八爪魚口感爽口！海膽都唔錯，味道鮮甜，配上青瓜同紫菜，又係另一番風味！燒肉併盤餐廳好貼心，會注明各燒肉既名，等我地唔會食完都唔知係咩肉每款肉都好新鮮，肉色呈紅色，色澤紅潤，顏色好靚而且紋路清晰可見！各種肉既口感同肉味都唔一樣，可以話係各具特色！當中和牛胸腹、和牛肉眼、和牛西冷最得我歡心！肉眼肉質鮮嫩、牛胸腹肉味最濃郁、西冷油脂味香，各款都咁好食，講真四百幾蚊食到咁高質素真係抵返晒！海鮮併盤內有海蝦、生蠔、鮑魚、海螺等等，最吸晴既一定係喜之次啦！海蝦味道鮮甜、生蠔雖然唔算好厚肉，但勝在新鮮、鮑

同事成日交流 哪一區的燒肉放題吃得過。 我哋今晚就去試下喺佐敦一間燒肉享負盛名嘅日式燒肉店。 睇番網上評價真係唔錯， 而且仲有無限量酒水提供， 呢一part好緊要對於食燒肉嚟講!餐廳就在佐敦地鐵站，好方便。半放題 形式都係剔紙仔有各款刺身，燒肉，海鮮日式料理炸物 料理等等。先來是一盤特盛刺身( 每位一份)。 立刻用紫一菜包住海膽， 紫菜好仲好脆身海膽好甘甜。 完美配搭之後繼續食 章紅魚 三文魚， 兩者都鮮甜。 甜蝦好新鮮， 帶子爽滑鮮甜。 估唔到刺身呢一round 都好高質素。按人頭計每位也奉上一盤海鮮。竟然有一夜干喜之次， 螺，紅蝦，鮑魚，生蠔。 貝殼類可倒入清酒同燒， 以免蒸發水份太乾。喜之次先從魚皮嗰邊開始燒， 魚肉鮮甜結實， 燒 完仍然保留魚油， 肉質好肥美。 飲品有好多選擇， 酒類方面 除咗一般罐裝啤酒， 仲有兩款白酒和紅酒， 試咗呢款白酒。睇返規格唔會陌生且質素唔錯。 亦可加錢升級生啤任飲。 另一邊則擺放清酒， 來一小杯一路 品嚐燒肉刺身一路飲真係好享受。花茶玄米茶可供選擇。 今晚主角又出場。 燒烤肉類貼心地也提供名牌， 人人都變咗食家睇下邊款最好味最啱自己食。牛西冷好

辛苦工作咗成個星期，幾個兄弟即興吹雞約食飯，一呼百應，其中有人提議食好啲，話要食和牛，就揀咗呢間日式燒肉店去試試，晚市放題時段分三段，我哋一班人揀咗食第一段，即5:30pm至8:00pm，一放工即到餐廳門口等，餐廳位於一樓，眾人懶得行樓梯，一齊搭lift上去，內𥚃座位不多，但感覺寬敞，環境舒適。我哋坐低後，侍應隨即送上一盤魚生刺身，當中有三文魚、油甘魚、吞拿魚、帶子、甜蝦同八爪魚，仲有成板海膽㖭，刺身新鮮，肉質爽口，真係好正！跟住海鮮拼盤送上，嘩！除咗有鮑魚、大蝦、生蠔、螺之外，竟然日本三大名魚喜知次都有，我都係第一次用喜知次嚟燒，以前通常都係食刺身多。嘩完我哋又再嘩！因為兩盤燒肉拼盤駕到，主菜盤當中有美國牛肋骨、澳洲牛西冷、牛胸腹、肉眼同米澤三元豚西冷，而另一盤則有雞翼、骨付雞肉腸同七味豚拖羅(豬頸肉)。我哋將貝殼類海鮮放喺爐邊燒，中間就燒肉類，咁樣就可以一邊燒肉一邊等海鮮熟，慳啲時間食多啲囉。而且啲和牛真係肉嫰多汁，再點啲喜馬拉雅山玫瑰鹽嚟食，更能帶出多幾分牛肉香味，當中最好味就係和牛西冷，我哋追加咗幾碟之餘，再叫多份厚切牛舌片，牛舌口感嫩滑，食前加幾滴青檸汁，一啲肥膩感都冇，食唔

餐廳完全係日式風格，見到花同酒桶，日本feel十足但燒爐感覺一般，日式端爐爐設計，但爐太少網太大，火力只集中中間，邊邊位置應該好難熟，一陣試試先知menu有六大種類，唔算多亦唔算少，主要睇睇食物質素吧飲品比較驚喜，紅白酒，三款日本酒，花茶茶包，一般飲品。其中間日本梅酒味道非常好紅白酒一般餐廳會先按人頭送上海鮮，刺身同肉類，除左海鮮，其他都可以係menu再點海蝦非常大隻，彈牙味甜，不停encore鮑魚同螺夠甜夠新鮮，但蠔略差，太瘦，燒完無肉食。刺身方面中等水平，海膽鮮甜唔腥，中上水準豆腐湯，日式壽喜燒湯底，加入豆腐，娃娃菜，蒟蒻再煮，超正日本大眼雞，比較少見，而且餐廳已經處理好，只須燒熟就食得。魚肉厚實，入口微微帶咸，肉質唔會鬆散，唔錯!肉類最好食係澳洲和牛西冷，香腍次餘肉味濃;澳洲和牛胸腹同肉眼比較一般，而且較韌。天婦羅建議不停encore炸蝦!粉漿薄而且蝦肉香滑彈牙，超好食甜品方面種類選擇多，亦有非常少見既日本果凍我食太多肉了，唔食甜品。朋友食左一份movenpick同木槺布甸都夠了。

有朋自遠方來，一心諗住去網上多好評的日式燒肉放題店，應該唔會有伏。食完之後，我地一行四人，心中簡直有一團火！因為以放題黎講，佢係酒店價錢，唯一吸引有任飲酒加任食日式燒肉，有和牛燒肉、魚生，仲有任飲清酒，紅/白酒添。一上枱先送上一盤魚生、喜之次、仲有海膽，我個朋友話除左只送一次既海膽係入得口，其他刺身大失所望，唔知仲以為食緊超市刺身！到燒肉，係第一盆質素好些，往後加單質數完全唔掂，未夠鐘已經催埋單，夠鐘即刻趕客走。人頭計要成$508一個人，食物質數同2百至3百蚊左右嘅放題店係冇分別，真係短時間內冇下次。四人結賬$2032。

一個月總要帶媽子出街食返餐，扮下孝順嘅。令次就帶佢黎響呢度等佢任食一番，最緊要係有佢最鐘意嘅靚牛肉任燒。本身訂左枱，但提早上到黎都要等一陣先有得入席，可見呢度幾咁旺場。等位時順便睇下有咩甜品食，MOVENPICK任食，雪糕都有幾款仲有少見嘅榴槤雪糕。另一邊有幾個自製芝士餅／布甸及朱古力餅等，一陣可以食返兩件。一坐低伙計即刻送上海鮮併盤，睇落十分豪華。有鮑魚／海螺／大海蝦／蠔以及成日俾人誤會係大眼雞嘅喜之次。雖然唔係得令時節但放題食到喜之次都算係咁了。燒嘅時候加啲清酒去煮，除左令海鮮更快熟之外，酒香亦可以僻去海鮮嘅腥味，一舉兩得。刺身拼盤仲有一板海膽，認真豐富。三文魚同油甘魚都肥美滑嫩，帶子及甜蝦都新鮮可口。可惜係吞拿魚有啲筋失左少少色。和牛拼盤隨即趕到，唔同部位都標示清楚，方便食完第一ROUND之後揀選心水牛肉部位繼續食盡佢。牛肉油花都均勻，肉眼及牛胸腹因為油花間隔得最均勻，燒時唔需要太留意火候。兩邊燒差不多三十多秒就剛好半熟，入口口感最好，肉汁仍然豐富有油香味。兩款西冷／肋骨都偏瘦肉多，燒到七成熟會更好，肉香味濃唔需要沾太多燒肉醬汁就已經好好食了。牛舌厚切所以食起上黎口感十分滿足，加

這間位於佐敦的燒肉店開張了一段日子，分了三個時段，因身邊女性朋友較多比較少對燒肉有興趣，終於找到腳一起去嚐鮮啦～台面比一般面寬闊些少，這店主打燒烤，所以頭盤一來幾樣非常豐盛了。其中一樣是刺身拼盤，刺身的質素不錯，特別是八爪魚的味很鮮非常好且特出。然後會有一份份量都不少的燒肉拼盤，一款豬其他都是牛，很貼心都有標明是什麼肉～另外會有份海鮮拼盤給大家燒用，蝦、螺、鮑魚、蠔跟魚都有，款式挺齊～之後還有份雞翼，雞肉腸與豬頸肉給大家燒～所以光頭盤都很豐富了，能燒挺久～立即燒肉來吃，牛肉有雪花紋什麼的，肥美適中，不需大師級的控制火喉功力，已可燒得美味。燒上來有肉汁，肉又嫩，肉質又好。不得不說，這間的肉的質素很不錯！另外我們點了天婦羅，蝦用也是彈牙，剛炸上來皮很香脆不會淋而無味。這間的天婦羅也是推薦給大家吃用可再叫。烏冬是急凍款所以沒酸味，挺滑身彈牙。湯也不會太濃味。因肉太讚忍不住再叫～並全部吃光光～吃完飯當然是吃甜品，不過飽嘛所以決定吃雪條～這款想試好久了見到好開心。除了紅白油跟日本酒，這裡也有罐裝啤酒與其他飲料選擇。適合愛酒與愛燒牛肉的人來一戰的舞台。

朋友話食韓燒食到有啲悶，想食下日式網燒，咁啱揾到依間，好似幾有特式，就試試啦。餐廳位於佐敦都放便易揾，上到去見裝修都幾靚，仲有幅好有日本特色嘅graffiti, 聽聞係老闆手筆👍，我地6個被安排在近窗位置，坐位好闊好舒服，坐低就去攞啲嘢飲啦，啤酒、清酒、梅酒、紅白酒都任飲，齋飲都底！之後就上第一輪餐廳預備嘅刺身盤，嘩！好大盤好靚又噴又盛😂😂唔似其他放題咁hea，仲好新鮮👍讚！跟住再嚟兩盤肉，一睇就知今次番本喇，牛肉都係上等貨，少少油花有肉味，餐廳仲有提供岩鹽，靚牛肉只用鹽調味已經好好食。食晒呢盤後肉類都係任點😍，海鮮有每人一隻扇貝，蠔，大蝦，鮑魚，半條喜之次！喜之次係貴價魚，老闆真係好重本！魚燒好後肉質結實，有油香，因為多油都無痴網，燒蠔侍應會教倒清酒一齊燒，又真係無介紹錯，加咗酒有少少甜味👍👍。燒咗幾輪，可以去食甜品喇😂因爲好飽，所以只食咗movenpick雪糕同益力多雪條。今晚食得好飽又底食，值得推介

見到網上有好多人介紹衣家新新地嘅餐廳，就約好友兩條友去食佢嘅宵夜任食燒肉。上到去覺得裝修幾新，地方唔算大，但每個座位都唔細，我地兩個人都比張四人枱我地坐，而抽風系統幾好，無咩煙味。但宵夜同正價時段唔會，刺身同肉都唔會先上一輪，係直接落單。宵夜嘅肉選擇唔算好多，牛都係得兩款。唔理啦，照落單，好係佢份量係真係按你所寫嘅數目而比，易d預算，但第一輪入左四五張單入去，只係出左兩類食物-肉同前菜。其他食物就消失得無影上碟食物都幾新鮮嘅豬好食蝦新鮮豬頸肉入味但牛肋骨太肥，中間的肥膏佔了一半，有肉汁的但只係正常質素。牛舌不錯雞翼也幾入味但食足個幾鐘都係衣d就有點悶了。中間入過兩張刺身同天符羅但完全無左影。坦白講服務很不錯，侍應收單有笑容，行動快捷，但d單真係石沉大海。入到第三張專登再mention無上過刺身，最後終於都出現食左幾件先記得影相，得四款定五款係有點失望，蝦都大大地隻但唔算好新鮮，三文魚有少少薄但不錯，八爪魚正常，還有一個魚係最好食，但我唔記得叫咩名。天符羅又係入左三張單先黎，仲要入左第四輪先出第三張單嘅天符羅，過五分鐘第四輪先到，搞到有點失預算。個榴連炸彈係不錯，好似食緊溶左嘅榴連咁。不

昨日同朋友食生日,已早於一星期訂了桌,當時電話已查問生日是否有優惠,回覆會員本人當月有半價,同全單8折,而會員可以即場做.到了昨日食飯取桌時,我再查問一次這個問題,都是回覆相同的答案,埋單時再通知便可以,但當我們食完飯,埋單時他們才通知會員優惠,是今次申請下次才可以使用此生日優惠,之後有一個男經理問什麼事,我問為何之前2次查問都沒有人通知我有此要求,他只說這是公司規定,現在是不能提供此優惠,最多只可以提供全單8折,之後便離開及更改單據給我們,但一直都沒有回覆我為何沒有同事同我說明此公司規定,這樣同明呃我們錢有何分別,而且啲牛肉好韌唔好食,以佢的價錢一啲都唔值.

今日專誠同朋友嚟咗佐敦食日本燒肉，「響」呢間新開無耐既燒肉店，將日本燒肉夾埋放題一齊食，香港人點會唔鐘意，點會唔紅啊！！去到已經好多人等緊8點鐘入席食啦！環境方面，燈光好開明，環境好寬敞，四個人坐沙發位一啲都唔逼。燒烤既設備設計得好完善，抽氣做得好好，入到鋪頭完全問唔到好大陣燒烤味，呢樣野好重要，因為次次食完燒烤都唔想件衫臭晒！先來「刺身拼盤」，有新鮮、帶甘甜海水味嘅海膽，包住紫菜食，一大享受！仲有爽口彈牙嘅甜蝦，鮮甜肥美嘅三文魚，好滿足！「海鮮拼盤」，有林林總總嘅海鮮俾我哋報銷，包括有大大隻又活潑嘅鮑魚，仲有五六條超大條嘅鮮蝦，仲有幾樣貝殼類嘅海鮮添！全部都好新鮮同埋好鮮甜呀！「和牛拼盤」估唔到淨係牛都已經有咁多選擇！有來自美國同埋澳洲嘅牛，等你慢慢燒，慢慢品嚐到底有啲咩唔同啦！記得唔好燒到太熟啊，如果唔係啲牛就會變到好硬，無咁好食架喇！天婦羅方面，都有好多選擇，包括有海蝦、番薯、冬菇、茄子、南瓜，全部都係即炸架，熱辣辣好滋味！仲有鍾意食榴槤必叫嘅榴槤波波，爆醬好juicy呀！我地仲叫左兩個鍋，分別係「豆腐鍋」同埋「泡菜雜菌鍋」，加埋爽口又彈牙嘅讚岐烏冬落去食，就夠晒飽啦，提提大家個

呢間燒肉放題之前係面書見有傳媒介紹過已經想去食, 難得今晚約到友人食生日飯, 生日飯食得盡情乃是常識吧, 一於 go..go.....go.........!呢間燒肉放題店分兩個時段, 八點前結賬就每位$408, 我地呢D要返工嘅就無緣食咁早, 所以訂左八點後入座, 每位$458!  任飲任食2.5小時, 時間都幾充裕!有紅酒/白酒/梅酒/柚子酒/啤酒供應, 飲酒人士黎到呢度應該好開心唔飲酒嘅就去隔離雪柜拎汽水/烏龍茶/果汁飲訂好位都要等之前果段時間清場先可入座, 好彩唔駛等好耐, 我地二人都可以有得坐卡位, 寬敞舒適, 抽氣系統做得唔錯, 食完都唔太覺一身燒肉味!首一輪先會主動送上刺身拼盤/肉拼盤/海鮮拼盤先黎一身"仙氣"嘅刺身拼盤, 除左海膽外其餘可以任食,大路種類, 甜蝦超大隻, 食起黎有口感之餘又鮮甜海膽用紫菜包住食, 又幾甜口喎!火爐已經夠熱度啦, 開始燒肉時間.................肉拼盤包括牛肉幾個部份, 豚肉, 鷄肉腸, 鷄翼等, 每款肉都有張紙牌寫上名字, 知道自己食緊咩部位, 岩食嘅就可以再加單啦, 細心喎!牛肉食落肉汁四射, 備有幾款醬汁/胡椒/鹽等為肉