響 - Hibiki 日本燒肉 (已結業)

男朋友生日，要陪下食肉獸食下燒肉😈。見到呢間燒肉放題有得任食和牛，一於豪啲食呢間。冇諗過平日5:30入座已經咁多人，所以對質素都好有期望🤭。.入座冇幾耐店員就送上燒肉拼盤、刺身拼盤，同埋每兩位有一隻嘅龍蝦🦞。.燒肉拼盤有齊晒餐牌上嘅靚牛。當中以「澳洲和牛肉眼」同埋「澳洲和牛西冷」最吸引。油脂分佈好平均，兩面略略燒一燒已經有少少入口即溶嘅感覺🤤。.刺身質素亦比一般日式放題為好。海膽份量算多，鮮甜唔腥，可惜冇得encore海膽😿。.龍蝦有好多膏，而且肉質爽口彈牙，味道又好鮮甜。雖然好多肉，但好快就食晒😹。.任食部份我哋主要encore咗「澳洲和牛肉眼」同埋「澳洲和牛西冷」。另一驚喜係素食類燒烤好吸引——菠蘿、冬菇、本菇……我哋叫咗四、五輪，長期霸佔咗燒爐😯。清甜嘅菠蘿好解膩，一個人起碼食咗八片。而冬菇燒完之後將佢獨特嘅香氣昇華咗，我哋講笑話佢比早排食嘅松茸更好味😆。.呢度另外一個特色係可以任食movenpick雪糕同埋Dreyer’s甜筒。亦都值得一讚嘅係飲品種類多，有好多好靚嘅茶包，仲有唔同嘅酒精飲品😌。.🥢響- Hibiki 日本燒肉佐敦白加士街101號珀軒1樓

平時好少食放題，因為感覺食物質素唔會好得去邊，但呢間響完全推翻我呢個印象晚市唔算貴，$408/位，限時90分鐘正煩惱緊點咩食時，餐廳已事先安排每人1隻波士頓龍蝦、一大盤刺身拼盤、各式燒肉拼盤、一條喜之次(滿4位送)俾我地本身對呢D贈送嘅食物質素唔抱太大期望，估唔到非常有驚喜！龍蝦比手掌更大，一隻碟都裝唔曬，肉質彈牙，味道鮮味，重點係爆曬膏😍刺身有8款，除左三文魚、八爪魚、甜蝦、帆立貝呢D基本款，仲有池魚、鯛魚同埋海膽！雖然海膽冇得refill，但口感豐腴，味道鮮甜，大滿足～燒肉拼盤有齊豬牛雞俾你，鍾意佢每款份量唔算太多，等你可以試啱味先追加～其中和牛西冷最得我心，肉質腍滑得黎牛味又濃😋食左太多肉試下其他野平衡下；好開心有燒菠蘿揀，消滯一流；另外炸榴槤波又一驚喜：炸得香脆、榴槤餡程流心狀態，糯米皮亦唔會過厚，煙煙韌韌咁好正～雖然有唔少野想追加，但留肚食雪糕係必需的，因為佢有DREYERS甜筒同埋MOVENPICK呀～後者嘅口味仲要係市面少見嘅，超鍾意佢個咖啡同焦糖味❤值得一提嘅係呢到嘅任飲唔單只包括常見嘅盒裝/罐裝飲品，仲要有唔同嘅酒(紅/白/柚子酒/梅酒)同茶包俾你自己斟/沖～

想食一餐放題都有好多選擇，要食得豐富就一定要去D高質素嘅食店咁先滿足到食慾，就算俾貴少少都係值得嘅，是日晚去咗呢間人氣日式燒肉店品嚐一餐豐富美食，咁當然唔至食肉咁簡單，仲有一系列食物俾大家享用，而且人越多就越着數可以食更多美食，當然服務質素都好緊要，一坐低店員陸續將各款食材送上枱前，方便大家即時享用，一間日式燒肉店又點會少咗刺身同時令海鮮先有海鮮喜知次同龍蝦每人半隻，接住有份量十足刺身拼盤，仲有我至愛嘅肉可以一次過滿足晒，首先放龍蝦係爐燒住先，再食刺身拼盤當中有甜蝦、帶子、三文魚、油甘魚、八爪魚同海膽，入口鮮味十足，鮮甜龍蝦啱啱燒好肉質飽滿又多膏，食落爽滑彈口啖啖肉汁接住放燒肉拼盤有澳洲和牛西冷、胸腹、肉眼同牛肋骨，燒一燒已聞到肉嘅油香味散出嗱嗱聲食番幾件肉先，肉質香嫩肥美多汁口感一流，真係啱晒我口味，再飲杯梅酒邊燒邊吃最正享受咁當然仲有其他嘢要食，天婦羅同炸物一定要食炸得香口鬆脆，又繼續燒不同肉品嚐一口牛同大隻海老，最緊要大家食得盡興食完一輪美食係時候食埋甜品先至完美，有多款名牌雪糕食番幾點杯先得一餐豐富日式放題又品嚐完。

今日陪大佬食燒肉放題，找到一家一點都不便宜，但睇到相都覺得係高質。因為我同大佬其實食量都不大，所以基本上吃了一開始的拼盤已經飽了！大家可以先試拼盤後再點燒肉，因為最好的肉都先送上，試了才追加都不遲，反正有兩個半小時。另外還有冷龍蝦前菜。對於放題提供的海鮮都沒有太大期望；這個冷龍蝦味道只是普通。肉類拼盤燒肉主要來自澳洲，但是是澳洲的和牛品質，看到都覺得賣相肉質不錯。-美國牛肋骨牛肋骨比較香口，油脂味重。-手羽（雞翼）雞翼質素正常，不過不失；稍為覺得醃得不太夠。-澳洲和牛西冷西冷和肉眼我較愛西冷；脂肪少一點，分佈亦平均一點。-澳洲和牛肉眼肉眼的肉質無疑是最軟淋淋得，牛脂味重-澳洲和牛胸腹個人獨愛較瘦的部位，除了不會太肥，肉味亦會比較濃-骨付雞肉腸加工的雞肉腸，加上一條骨頭，第一次見；味精就是普通的雞肉腸。-米澤三元豚西冷豚肉西冷頗爽口，不會太肥。刺身拼盤刺身拼盤我會推薦大家encorn油甘魚和甘蝦，這兩種個人認為較鮮味；串燒串燒沒有太大驚喜，如果你的胃容量不是很多，建議還是主攻燒肉。蔬菜類個人對菇類的較有興趣；有金菇和本菇，都是有機的；調味如果嫌不夠的話，可以自行加海鹽。

今天姊妺淘，約了Connie 去響-Hibiki 日夲燒肉去慶生，我們同事們也很喜歡去這間放題吃過痛快，今天我訂了8時正!環境不俗，而且很日式，最欣賞是滿載櫻花，好像去了東京的居酒屋!飲品也包羅萬有，有梅酒，柚子酒及清酒，真的值回票價!頭盤有刺身，有我最愛的海膽，份量很多，一点也不欺場，也有新鮮的甜蝦，三文魚，八爪魚及帶子，全部都很鮮味!龍蝦分半份上，不但多膏而且很彈牙!另外燒肉也有多種類,最欣賞的是美國牛肋骨，澳州和牛西冷及澳州和牛肉眼，口感一流而且入口即融，吃出滋味，我們燒得超開心!凍蕃茄沙律雖少，也有四塊酸酸甜甜的蕃茄，感覺很凊新!另外我們再重叫了甜蝦，帶子及三文魚，吃到停不了口!不得不提Movenpick 種類繁多，真的性價比高而且服務態度很好，聖誕我會帶男友吃過痛快!

這家燒肉店小編2年前也吃過朋友生日掛念這家店所以又再一次來了星期日至四5:30pm-8:00pm每人只需HKD$408👻一開始店員就會遞上燒肉拼盤、刺身拼盤、一隻龍蝦😈🐮烤肉推薦澳洲和牛西冷，肉質好淋滑，脂肪分布平均，又有牛香🐷七味豚拖羅即是豬頸肉，經過醃製甜甜辣辣👍🏻另外仲可以叫雞皮、雞軟骨、牛舌、海蝦來燒，是一般烤肉店比較少有的。🐔雞皮、雞軟骨沒有醃過，可以使用提供的海鹽黑椒調味。🐮牛舌雖然尺寸比較細，但是厚切，而且爽口彈牙🤤🦐海蝦超大隻。🐠刺身拼盤竟然有海膽，但沒有仼食！帶子大隻又鮮甜😜油甘魚甘香油多😍🦞2人入座會送一隻凍食龍蝦，肉厚又多膏，貼心的是桌面上一早已提供蟹鉗夾🍜小食方面有天婦羅、烏冬、泡菜鍋。特別介紹天婦羅🍤即叫即炸🥇奉上蘿蔔蓉天婦羅汁，減低油膩感🥤飲品有酒 : 梅酒、柚子酒、啤酒 ; 十多種罐裝飲品包括甘蔗汁、忌廉溝鮮奶、烏龍茶🍦冰淇淋選擇多Häagen-Dazs、Movenpick、Dreyer’s

今次黎到食日本燒肉。小編揀左3款澳洲和牛、2款豚肉、骨付腸。當中推薦澳洲和牛西冷，脂肪分布平均入口即溶，而且一d都吾油膩，牛味亦都好重😋。豬頸肉醃得甜甜地，食落好有韌勁👍🏻。刺身拼盤除咗三文魚、甜蝦之外，仲有海膽、帶子同油甘魚，而且仲有一隻2人幫襯就送既凍食龍蝦🤩。刺身好新鮮，帶子好鮮甜，油甘魚甘香油多。龍蝦超多膏又厚肉😝。4人仲會送一條喜之次俾你燒添。而且小食有天婦羅。全部即叫即炸，上枱仲熱辣辣👍🏻。而且呢度仲有Häagen-Dazs、Movenpick、Dreyer’s可以食，最尾食返兩杯真係完美☺。

又到了可以大大啖食肉的季節冬天除左打邊爐 都少不了燒肉放題聽朋友仔推介佐敦呢間日式燒肉餐廳我地一早就book好位 呢度除左自己可以燒嘢食之外 仲有日本空運魚生可以食😋令人驚喜既係每人仲送半隻龍蝦🦞開邊嘅龍蝦夠晒新鮮彈牙一坐低店家好快幫我地上左刺身拼盤 拼盤種類繁多有甜蝦、帶子、三文魚、海膽、油甘魚、八爪魚 食材新鮮沒有雪味👍跟住就到主角登場 我地一口氣落左各式肉類😍骨付雞肉腸 美國牛肋骨 和牛肉眼 和牛胸腹 手羽（雞翼 ）七味豚拖羅（豬頸肉）🐂和牛入口即溶 脂肪的比例啱啱好 香濃但不油膩 🐖豬頸肉已經醃製好 肉質比較軟滑且燒完已經非常惹味不需要自己再加調味品🧂🐔通常自己動手燒雞翼就比較困難 要注意掌握火候先唔會燒得太乾 由於朋友係BBQ高手 經佢手出品的雞翼燒得好juicy 肉汁亦得到充分保留飲品方面選擇都很多 有大眾的汽水🥤果汁🍹茶🍵食完一個大餐之後都少不了要追加甜品🍮放題燒肉估唔到雪糕都可以任食雖然食完咁多肉已經好滯 但我地都忍不住一人食左兩個Movenpick🤣八點前埋單離座人均408+1真係好抵食👍

天氣凍凍地 ， 所以決定今晚食燒肉。 但係唔想座位咁迫，所以上網搵到呢一間燒肉店日式燒肉店一出電梯實在令到我好驚訝，估唔到佢哋留底咁高，裝修簡單但帶濃烈日本味道建築！！環境方面我比99分，希望佢哋繼續保持到優美環境呢間日式燒肉店嘅服務好細心，因為入得去燒肉店就一定係會肚餓，期待食物上枱面嘅客一刻。點解話佢哋細心啦呢，係因為佢哋預先已經幫我地安排左主菜，員工仲好誠懇地講試咗覺得好食可以再keep住追加！前菜刺身好肥美 啖啖肉，店鋪十分大方 大大刀切新鮮既魚生，個海膽真係令到我回味至今啊再黎大大隻龍蝦， 即食 ！！鮮甜龍蝦體內既膏 簡直令我不能自拔好好食 啜到我大失儀態~~再黎頭盤肉同一條鮮魚！我想講佢地好細心 因為每款肉類都會有佢地既名牌，除左係味道上既滿足，仲能清楚記下 每款美味既部位名稱條魚要大大大大大大讚架~因為清乾淨 清楚哂所有肉臟 同 魚骨 魚磷所以直接可以落 燒爐 直接燒~~食完佢地安排既前菜，當然我立即 填紙追加，自己喜愛既口味！款式好多 大滿足！！！最後我建議大家，可以相約三五知己一齊嚟到呢一間響日式燒肉，因為環境闊落坐得舒適，食材新鮮多元化，

小編揀左係平日17:30至20:00時段食，成人$408一位咋一坐低就會放低3碟頭盤、拼盤燒肉拼盤有3款澳洲和牛、2款豚肉、骨付腸等等當中推薦澳洲和牛西冷值得encore，脂肪分布平均，入口唔會好油，又有牛香。豬頸肉都超正🤩醃製過甜甜地 又好咬口👍🏻刺身拼盤除咗平時放題一定食到既三文魚、甜蝦之外，仲有海膽呀！雖然冇得仼食，但過下口癮都唔錯架！帶子好鮮甜，油甘魚甘香油多。😻仲有一隻2人幫襯就送既凍食龍蝦，超多膏 又厚肉！👍🏻4人仲會送一條喜之次俾你燒添！😎小食有天婦羅🍤全部即叫即炸，上枱仲熱辣辣，另外仲有一個天婦羅汁入邊有啲蘿蔔蓉，點完之後食直頭覺得冇油膩感添呀！飲品都有好多選擇！酒有梅酒、柚子酒、sake、啤酒，鍾意裝幾多番埋位慢慢飲都得。罐裝飲品有甘蔗汁、芒果汁、忌廉溝鮮奶十幾款仼你揀！唔飲得凍野仲有玄米茶包、煎茶包、茉莉花茶包自己沖來飲。野食，Häagen-Dazs、Movenpick、Dreyer’s，食幾杯就回本啦！地址：響 - Hibiki 日本燒肉 (佐敦)佐敦白加士街101號珀軒1樓最高為（5/5）味道⭐⭐⭐⭐⭐價錢⭐⭐⭐⭐環境⭐⭐⭐⭐⭐服務⭐⭐⭐⭐⭐推薦星數⭐⭐⭐⭐⭐

今日朋友仔結婚出嚟派帖！！ 當然要慶一慶佢啦~要食返餐好嘅 燒肉就最岩啦慢慢食慢慢傾吓計 最重要嘅係選擇多嘛！哈哈哈~正呀正呀正呀~一坐低staff 就已經拎咗啲澳洲和牛 ，雞翼等等過黎俾我地燒住黎食先 我哋當然要瘋狂食牛啦 哈哈 澳洲和牛牛味極重~ 肉質粉嫩!!大愛大愛~ 七味豚拖羅其實都好味~如果大塊d就更好了大眼魚 其實真係好易燒~~ 我地事先加咗少少鹽同埋胡椒粉幫佢調味 將條魚燒到脆卜卜~ 超香口大家都搶着嚟食架！！ 食到差唔多staff 拎左d 刺身過黎 估唔到呢度啲刺身都幾新鮮下！！甜蝦 三文魚 帶子 呢啲當然係必食㗎啦 估唔到仲有海膽添啊 hahaha ~ 食到好飽啦，我地嗌番d菠蘿🍍 食下 仲有啲小食天婦羅 🍤 泡菜 ，螺肉黎食下✅ yummy yummy ~臨走前仲可以食埋雪糕雪條 芒果益力多雪條勁得意 而且仲有好多味可以任食架

🔺 響 - Hibiki 日本燒肉天氣開始凍～暖粒粒圍住個爐食燒肉最好不過😆.呢間餐廳主打日式燒肉放題入到餐廳首先每人會有半隻龍蝦🦞之後就按人數俾一定份量嘅刺身同燒肉🤓.龍蝦都幾大隻多肉！蝦膏份量都幾多刺身同燒肉發揮正常🤞🏻可以不停encore個人喜歡燒雞皮、骨付雞肉腸同牛胸腹🤘🏻呢度仲有海鹽同黑椒俾客人自己調味👌🏻.另外仲有沙律、炸物、鍋物、甜品、雪糕任食🙌🏻飲品除左果汁汽水 仲有啤酒清酒梅酒任飲😛

呢間日式燒肉真係不得了‼️同朋友一致認為高質 仲有清酒🍶梅酒任飲添呀岩晒一眾既 #酒鬼 可以不醉無歸啦～.一坐低 就會按人頭俾刺身同龍蝦🦞有我最愛既海膽😍係加拿大海膽黎既有紫菜可以包住黎食 正～龍蝦都幾新鮮 連啲膏都好鮮甜 大隻的 肉質爽脆❤️.呢度既和牛 肉類 全部上枱既時候都有牌仔可以好清晰咁知道果款肉係咩部位 方便ʀᴇᴏʀᴅᴇʀ我就最愛澳洲和牛西冷同和牛胸腹🐂肉質腍身 紋理清晰 雖然未至於入口即溶但牛味好重 食完一塊就停唔到口 脂肪分布好平均呢～🐓手羽好大隻 sᴜɢɢᴇsᴛ先同雞肉腸擺係爐既外圍位置之後先放係中間位置慢慢燒 加上岩鹽後 味道更佳‼️👍🏻.2.5小時任食無間斷～仲有串燒同蔬菜類同樣係自己燒的 好玩之餘又有得食 都幾得意除此之外 仲有小食 麵類 沙律🥗等等最後當然唔少得甜品同雪糕 記得留肚啊～

朋友生日想請佢食餐勁既, 上網搵下燒肉放題, 見響好多人讚, 雖然價錢唔平, 但朋友生日想請佢食d質素好d既, 所以就book定位黎食食佢。餐廳環境不錯, 座位唔會迫狹同隔離有一定空間, 每個爐上有抽氣管, 而抽風都做得唔錯冇話好大油煙味。坐低後店員就上龍蝦, 燒肉拼盤同刺身拼盤, 送既每人有半隻前臂咁長既波士頓龍蝦, 唔洗燒可以就咁食, 龍蝦肉係彈牙架建議燒一燒慶番熱佢, 會更好食!刺身款式都好多, 仲附上埋紫菜, 海膽色水勁靚好鮮甜, 仲有三文魚油甘魚甜蝦等等全部都好新鮮。另外仲有每日唔同時時付刺身, 今日既款式係飛機魚, 唔係好多地方有得食架燒肉拼盤就係乜都有d, 中意佢有埋標註話比你知係邊款肉, 燒肉攻略梗係試過最中意邊隻就主攻個款肉啦, 其實真係每種都有唔同既好味, 但我地最中意就係美國牛肋骨同埋澳洲和牛胸腹! 牛肋骨脂肪少d札實d好有口感好有牛香, 牛胸腹雪花靚油脂均勻, 燒到d牛油滲出泥之後放入口, 油香豐富味蕾又軟腍, 超正之後加單加入左牛舌, 食燒肉點可以唔食我既最愛牛舌! 依度既牛舌切得不厚不薄, 口感爽彈, 加少少鹽吊吊味就已經係極品。另外好推介亦係我地今晚主攻之

什麼？放題要$500一位？原來有高質澳洲和牛，也有任食movenpick, 光這兩點已值回票價環境：每桌都有一個爐，火力適中，驟眼看去座無虛席！食物：先上桌的是一盤龍蝦，兩人光顧有得送，龍蝦膏極豐富且甘甜，幼滑口感一試難忘！另一盤的刺身，雖然件頭不大，但質素比一般放題好，色澤分明無太多雪味，尤其帆立貝值得推介！泡菜作為開胃前菜，辣度適中，酸味較淺，非常提胃。燒肉絕對是這裡的主角！尤其以和牛為甚，和牛西冷厚而肥美，肉香較濃，但較韌。和牛胸腹雪花紛飛、油香重而濃香，和牛肉眼處於兩者之間，入口即溶，天！這還是任吃的！另外七味豚拖羅是豬頸肉，兩邊輕炙就熟，入口油香更重，正！此外豚西冷跟牛肋骨也合格。鹽燒串原以為是有人燒好，原來要自己燒！雞皮的燒烤好易帶起火源，所以把這連其他肉一起燒就最好，本身雞皮燒至爽脆也是像薯片一樣。極好吃！雞肉串的調味也不俗牛舌的甘香令我相信這必定是和牛舌，七分熟軟稔Q彈共存，正！豚五花烤熟超重油香，但非常肥，請小心食用此外，現煮的天婦羅也是不錯，熱辣辣，外皮薄脆，頗有驚喜。重點：榴連炸彈一咬開榴香炸裂，榴連粉必試！壓軸：ＭＯＶＥＮＰＩＣＫ雪糕任食！MAPLE WALNU