韓閣 (已搬遷) 新店位置

星期六放假，又想揾d好嘢食下~行開荃灣，突然想食韓國嘢~上網search見到呢間‘韓閣’，價錢平平地，就一於嚟試下~位置都算幾方便，港鐵荃灣站行5分鐘左右就到~原本都想食石頭鍋飯，但今日天氣太熱喇！🌞🔥最後叫咗個牛肉拌飯試下~配飲品都唔算貴，熱飲加$5，凍飲+$7~而且除咗平時常見嘅奶茶咖啡之外，呢度都有幾多另類嘅選擇，例如牛蒡茶&人蔘茶~感覺都幾健康&養生~👍🏻落完單，店員就好快送上2款小食前菜：芽菜&魚仔~味道都唔錯，不過不失啦~上菜都算快，等咗5分鐘左右就上主菜喇~👏🏻👏🏻份量都幾大碗~而且有好多唔同嘅配菜，包括有菜苗、翠玉瓜片、青瓜絲、蘿蔔絲等~感覺都健康d~👍🏻👍🏻面頭仲有隻流心煎蛋，上面撒上芝麻~.味道方面，平時總覺得韓國菜係比較重口味~但呢個拌飯反而幾清新，幾好味喎~牛肉都好入味，仲食到一陣甜甜嘅蜜糖&燒汁味，正！😋😋

同荃灣之友有飯局，梗係叫佢搵食咩，就揀左呢間韓國小店試下。 身為餓底嘅我地，都叫左唔少野，不過無做大嘥鬼，做左大size鬼，飽到呢。原本諗住我地兩個都想試蝶豆花芒果奶，臨叫果陣突然預感個奶係咪椰奶，好彩問一問，討厭椰奶嘅我即刻轉香橙芒果疏打。蝶豆花芒果奶上檯時，配堆一小杯芒果汁，有小小心思。主食方面，我地叫左：大韓無骨豬手，配埋泡菜、醃蘿白包生菜食，個韓式醬有啲唔同，有少少南乳味感覺。講真豬手好普通，唔識有幾大韓。海蜆大醬湯，目測湯嘅顏色以為好辣，飲落只係微辣，蜆好大隻，得一隻無開口，豆腐大舊，翠玉瓜偏少。三式手工韓閣水餃，有小牛排、泡菜同炒絲豬肉，每款3隻，共9隻都幾多，都係普通、合格咁啦。海鮮煎餅，原本係鐵板上，但我地坐面壁位，檯太細，野食又多，阿姐好快反應幫我地轉個碟。個煎餅算多料，佢配左蛋黃醬，但我覺到配佢檯上支辣醬仲岩食。總括黎講，啲野食唔伏，但無驚喜，一試無妨嘅。

平時食晏多數食茶餐室，今日公司有新同事上班，一於同佢食餐好少少當洗塵。韓式餐廳，下午有好多午餐set,有湯有野飲都是$45-$55，都十分合理。每人一碗餐湯，仲有小食及泡菜。牛骨蘿蔔湯配拉麵（$58），牛肉啖啖肉，蘿蔔清甜，非常飽肚又不辣。另一碟是五花腩泡菜炒飯（$54），非常大碟， 五花腩入味，太陽蛋香口，再加泡菜十分濃味。我加$3要了杯凍梅汁，不算甜。另外同事加$8 飲特飲，就是搽茶紅豆牛奶，尚算重牛奶不錯。我們仲叫了一碟韓式炸雞大-半半雞，一半是蜜糖牛油醬，另一半是甜辣醬，可以一次過食二款口味。（$168）好鬼抵食，全隻雞份量。我個人較愛甜辣醬，都十分正中，可惜份量太多要打包下午茶再戰。

Lunch時段經過，見到個lunch set幾吸引，又多選擇，咁就試下佢啦！入到去，見到都坐都八九成滿，不過店員都好快就安排左位置同比左餐牌我。睇緊餐牌時，見隔離個位食緊個海鮮泡菜拉麵好香好吸引，不過我唔食得辣，唯有放棄啦😭最後叫左個炸雞鍋飯，野飲同前菜都好快就上左，前菜有唔同款，泡菜，芽菜等等，咁我個款就芽菜，可能食唔慣，我試左一條就冇食。之後終於上左個炸雞石鍋飯！個賣相好吸引🤤🤤🤤又香店員好醒目咁主動拎返醬汁比我落完兩個醬，即刻連埋粒蛋撈混個飯！飯既軟硬度岩岩好，菜既分量又唔會太少👍🏻仲有小小飯焦，本人太愛飯焦啦😍😍重點係，炸雞外脆內軟，而且咬開係有雞汁，唔係勁乾個隻，個皮又唔會脆到咬唔開，勁中意個炸雞。對小胃既我泥講，有少少多，不過要食都食得曬既，但當日絕對唔需要下午餐😂男性朋友泥講，就一定夠曬飽！Lunch set係跟main course 個價錢包野飲，前菜，湯（有d淡）好抵！晚市個價錢唔算貴好多會再返泥食🤤

近排食得日本泰國菜多，同屋企人都想試下韓國菜，而咁岩屋企附近又有一間幾受歡迎ge韓國店，所以就即刻去試下la!我地一去到鋪頭，就已經見到好多人係裡面食緊，不過好彩都唔係等左好耐就有位入~入到去，見鋪頭雖然面積不大，但係都佈置得幾有韓國特色！而食品選擇方面，menu上面都幾多選擇，簡直係花多眼亂！咁最尾揀野食方面當然就難唔到我地幾個食貨la,我地首先點左一份柚子蟹肉沙律，份量足夠之外，上面ge清新的柚子醬同蟹肉岀奇地配祕搭，係一個開胃的好選擇;之後我地又點左一個呢到推介的牛骨蘿蔔湯，裡面除左有煮到軟嫩的排骨之外，蘿蔔都煮得幾入味，而且湯方面入口陣陣牛香，的確唔錯！而小菜方面，我地叫左傳統醬油年糕粉絲同海鮮煎餅。先講年糕粉絲，鍾意食醬油食品的朋友應該都會鍾意，年糕同粉絲有咬口得黎都幾入味，而海鮮煎餅都算足料同好食，不過如果再熱同脆口d會更好！到主菜la，我地幾個大吃貨分別叫左：亞之媽秘製甜酸醬油炸雞 - 推介之選，新鮮即刻炸好，淋上秘製甜酸醬油，加上嫩滑的雞肉，無理由唔會鍾意食！芝士岩漿炒飯 - 呢個係餐廳的招牌菜式，而一試的確幾有水準，香濃芝士配上泡菜炒飯，十分惹味！部隊鍋 - 而部隊鍋

話説最近我個friend 係韓國返黎 話好掛住韓國嘅野食 (心諗佢係韓國食左咁多都未食夠-.-) 所以我同佢 再約左兩個為食小子去左荃灣路德圍嘅韓國平民餐廳 - 韓閣 睇下佢嘅水準如何 睇下同韓國啲餐廳有冇得揮我地星期五七點去到 等左大概十五至二十分鐘就入得 一入到去我地就叫左佢出名嘅-芝士岩醬炒飯 雖然佢個賣相一般 但佢啲芝士裏面有流心蛋 撈埋一齊味道好夾 唔會好"漏" 而且個炒飯都好足料 有少量泡菜再加五花腩 真心推薦!食韓國野點少得炸雞 我地今次叫左秘製甜酸醬油味 味道同一般出面食嘅差唔多 酸酸甜甜易入口 但值得一讚嘅係佢雞胸雞膇雞翼大隻得黎好入味 而且熱辣辣 啲油bit 哂出黎 食完都飽飽地不過有兩個男仔係到點都要叫個部隊鍋 佢唔算大碗 但勝在多野食 正正常常有泡菜 五餐肉 年糕 腸 五花腩 重點當然放在韓國的泡麵上 （公仔麵是皇道吧😋）我地仲叫左個海鮮煎餅 有蝦 蔥同埋魷魚圈 每一啖都食到啲配料 口感唔錯 我就係鐘意佢唔脆 食落似手抓餅 好味道😋 野飲方面呢 我就叫左蜜桃冰茶 個人認為佢好味過euro gogo 嘅蜜桃茶 佢裏面都有幾塊蜜桃架 不過euro gogo 個啲厚切

今日下午去試一試，叫咗個半份炸雞加炒粉絲（正價），上前菜只得幾條冇味既牙菜同菠菜，炸雞半份只得8隻雞翼夠膽死收$98，d粉絲得人地下午茶既份量貴又唔好食。以後都唔會再去。

聽朋友介紹荃灣路德圍有間不錯的新式韓店「韓閣」，於是便和友人一起去試一試。我們率先點了個「海鮮部隊鍋」暖一暖胃，它和餐牌上的照片一樣豐盛，有蝦、蜆，螃蟹和煙肉腸仔等，泡菜湯底又惹味開胃，是不錯的前菜😜然後來了一個「豬肉粉絲餃拼紫菜粉絲卷」，這個真的很有驚喜，原來粉絲可做成如此香口美味的餃子和卷物，值得推介👍🏻😳再來了個「秘製水梨辛辣冷麵」，秘製湯底酸甜可口，配上清涼有咬口的冷麵，好吃又消暑，令我想起到韓國旅遊的美好回憶，味道令人懷念！然後主角「甜辣醬」和「蜜糖牛油」味的炸雞🍗終於來了！炸雞外面香口，內裡嫩滑，惹味好吃，不愧為鎮店之寶！😋👍🏻最後，我們還點了「珍寶香辣海鮮湯」和「泡菜豬肉芝士壽司」，都很有「韓味」，大滿足！😌🤤

這天在荃灣下班後，跟同事一起去公司附近路德圍的「韓閣」，平時都見很多人排隊，這天可能平日又下雨的關係，終於不用等太久就能入座。😁我們率先點了個「珍寶香辣海鮮湯」暖一暖胃，它真的非常「珍寶」，有蝦、蜆，螃蟹和魷魚等，配上開胃惹味的泡菜湯底👍🏻😋然後想吃很久的炸雞🍗很快就來了！我們點了「甜辣醬」和「蜜糖牛油」味的「半半雞」，一隻雞的價錢可試到兩種口味，🤗😁炸雞外脆內嫩，醬汁惹味可口，值得一讚！🤤👍🏻另外值得推介的是他們的特色飲品，我點的「藍海傳說」是「SOMERSBY」的啤酒特飲，配著炸雞吃，真的滋味無窮！😌😋朋友點的特飲：「玫瑰檸檬蜜」、「紅豆抹茶牛奶」、「夢幻蝶豆花」，全都色香味俱全👍🏻值得一試😉最後，我們還點了「豬肉粉絲餃拼紫菜粉絲卷」、「秘製水梨辛辣冷麵」、「海鮮部隊鍋」和「泡菜豬肉芝士壽司」，全都「韓式韓味」，令人想起在韓國旅遊時的美食回憶，味道令人懷念！😌🤤

今日收工約左住係荃灣嘅老友食飯睇波, 佢提議去前身係Hungry Korean嘅韓閣食, 新店食材係韓國空運到港, 而且老闆親自向韓國媽媽學煮韓國菜, 食物質素一定有保證。👍我地7點半到餐廳, 店外已經排滿食客, 我地攞飛之後等左10分鐘左右就有位, 餐廳唔大間, 店員服務熱情又有效率, 店內氣氛好熱鬧。我地點左牛骨湯, 韓式壽司, 煎餅同埋餐廳招牌嘅豬手, 兩個人share應該好夠食。😁牛骨蘿蔔湯 $88呢個牛骨蘿蔔湯非常有驚喜, 湯式味道香濃, 蘿蔔入味, 牛骨肉好軟腍而且份量都唔少。👍牛肉雜菜壽司 $42$42一份嘅壽司居然有12件咁多, 兩個人share每人可以食到半打! 壽司入面有多款配料, 口感爽脆, 用韓式醬汁調味, 非常惹味。😋無骨豬手 $128餐廳招牌菜質素果然有保證, 肉質彈牙而且非常入味, $128都幾抵食。👍薯仔銀絲煎餅 $58最後食埋呢個好多薯仔絲嘅煎餅, 呢餐非常滿足。😋

去左路德圍食韓國餐，雖然店鋪細細但好多野食。一坐低韓國菜指定動作，店員奉上兩款餐前小食，泡菜同菠菜，先叫個傳統的小食海鮮煎餅($72) ，估唔到都咁大份，材料都多，海鮮有魷魚、蝦仁、章魚，韮菜。味道唔算濃，蘸啲沙律醬更好味。之後叫炸雞，驚叫半隻食唔少，叫了個只有雞翼同雞膇的炸雞，超香牛油味的脆爆雞膇翼$58，熱騰騰香噴噴，勁鬆脆,餐廳還提供膠手套，真細心。不得不讚係加幾蚊就叫到杯特飲，加$5有人蔘蜜，好香人蔘味，去邊搵。再來加$14 有杯柚子青檸特飲，有鮮檸檬同青檸檬，夠晒怡神。

不知何解又突然很想吃濃味香口食物, 於是在附近找到這間"韓閣"這間韓式食店除了炸雞外, 一般說得出的韓國料理也有, 頗為多元化, 而且價錢亦比較相宜。點菜後店員為我們送上三色前菜, 紅黃綠的顏色漂亮。大豆芽和菠菜的醃料較少, 吃到真正菜的原味。而大白菜泡菜則多帶酸和爽口, 很開胃。我當然有點炸雞啦, 在蒜香, 牛油蜜糖等幾款口味中, 我還是選了傳統甜辣味炸雞。即點即做的炸雞"熱氣"十足, 亦傳來又甜又香的氣味。每件炸雞都炸得外脆內軟, 雞件亦不算過肥, 吃起來較少罪惡感。而韓式甜辣醬惹味濃香, 少少辣的帶點刺激, 比普通炸雞多了重味道, 變得豐富。吃濃味炸物當然要配凍飲, 身邊那位點了橙汁芒果梳打了。味道酸酸甜甜的果汁加上梳打十分清涼, 味道亦不會太淡, 普通但好味。我乖乖地喝熱玫瑰檸檬蜜, 比想像中更好飲, 不但材料足夠, 味道濃而不甜, 每口都能嚐到點點玫瑰花香, 而且很養顏呢~我還是不怕爆暗瘡地多點了一份炸豬肉粉絲餃併紫菜粉絲卷。炸得金黃的飽子咬下去還是冒着煙燙咀的, 皮脆餡多, 大大隻吃着很開心。而紫菜粉絲卷亦是好味得有點意外, 炸脆了的紫菜, 包着粉絲和蘿蔔絲等, 帶有多重口

朋友介紹去路德圍食韓國菜，都好抵食，雖然店鋪小，但多選擇， 先來前菜，泡菜和菠菜，泡菜唔算好辣，夠爽口，見菜單好多款色，見到最吸引係呢個芝士岩醬炒飯$78，炒飯面有幾塊半肥瘦腩肉，夾埋好香濃的芝士，芝士在鐵板上熱著，可拉絲同炒飯同蛋醬一齊混埋食，非常香，還叫了脆爆雞膇翼$58，醬汁甜甜地，而牛油香味濃郁，帶微微芝麻香，雞翼非常酥脆。店鋪還細心安排膠手套，食時更豪邁。飲品點咗芒果夢幻蝶豆花奶同橙汁菠蘿梳打，芒果蓉另上可隨即加入，好香芒果味，再發現杯中有一大粒黃色冰粒，相信也是芒果肉雪成冰，好好味。另外橙汁菠蘿好清甜，內裡還有菠蘿肉添。特飲只需加$14@，超值。

朋友話我知荃灣有一間平靚正嘅韓國餐館，但為免排長龍等位，我哋唯有提早六點半就食晚飯。餐館面積細細，座位不多，但都貫徹韓國一般小店嘅裝修擺設，有温馨住家feel。剛坐下，侍應就奉上三碟小食，有菠菜、泡菜 和小魚乾，雖然細細碟，但味道唔錯。先叫兩個飲品歎吓，由於唔方便飲凍飲，就叫咗粟米茶同青檸柚子蜜。粟米茶有好濃茶香， 而青檸柚子蜜內有黃檸檬同青檸，加上柚子蜜，好清潤。兩款飲品比較，我都係愛柚子蜜多啲。柚子蟹肉沙律 大大盤，蔬菜好新鮮，有蟹肉 、雞蛋、柚子、檸檬、蕃茄……拌上柚子蜜醬汁，酸酸甜甜，非常清新開胃。蜂蜜牛油味炸雞我哋兩個女仔怕太多，只叫了半份，但上菜時都嚇咗一跳，好大盤，真係驚食唔曬。雞件外皮香脆，有香濃牛油味，加上甜甜蜂蜜，忍唔住食完一件又一件，居然又可以食得曬喎！珍寶香辣海鮮湯我要咗少辣，可能用蟹件熬煮，湯底好鮮甜，鍋內仲有新鮮大虎蝦、魷魚圈、蟹件、青口、大蜆…… 啲泡麵索咗鮮甜嘅湯汁，真係冇得頂呢一餐食得好滿足，又平又好食。溫馨提示 : 如果唔想等位，就要早啲去，因為晚上七時左右，就已經大排長龍。

到朋友屋企附近食飯 見到呢間餐廳食物唔錯 價錢合理 環境寬敞 就選了這間作晚餐蜜糖牛油炸雞-蜜糖配牛油就一定夾 但個sauce 同個雞都整得好食就唔係間間係 呢間係我食過咁多間炸雞最好食既一餐 雞大大件 炸到剛好 鬆脆可口 配埋個sauce 令人食完一件接一件無骨豬手-除左豬手 仲有生菜同配料比你包住食 好好食 豬手夠淋稔入味 正呀芝士泡菜煎餅-口感豐富 好多滋味 煎得好香韓式炒粉絲 (雜菜)-粉絲彈牙 配雜菜唔會太淡口 韓式野一般好濃味 呢個比較清 個人好喜歡人蔘雞湯-湯內有糯米飯 令個湯濃杰 好香人蔘雞 我足足食左2碗 超正熱玫瑰檸蜜-估唔到玫瑰同檸蜜咁夾 食完熱氣野飲呢杯好滋潤荔枝梳打-唔會過甜 邊食炸邊似呢個 幾爽藍海傳說-係apple cider 倒插個種 好抵飲 呢度起碼有平時飲3杯既分量 超正