韓閣 (已搬遷) 新店位置

今日去完ikea買野行返黎路德圍期間見到呢間都幾多人食既餐廳決定試一試食物種類都好多！真係花多眼亂呀前菜兩碟！韓式牛肉雜菜手卷 ： 飯卷size 岩岩好，一口一啖，飯跟配料的比例剛好，灑上芝麻，但略嫌不夠麻油香韓式餃子 ： 一碟有5大件，內餡好豐富，有蔬菜同粉絲，外皮炸得好脆，十分香口，一咬開熱辣辣，係冒煙架。韓式燉牛骨湯麵 ： 湯頭好清，有三大件牛骨，蘿蔔清甜，煮得好林同入味小店黎講都算唔錯

荃灣路德圍，雲集各式各樣的餐廳，其中韓閣的小店吸引了大量的人排隊，有學生哥兒們，一家大細，三五知己，還有我同男朋友。我們大約等二十分鐘，已經有位，因為餐廳流轉得快。餐牌好吸引，有好多野都想食，但礙於我們得兩個人，點了沙律，炸雞及韓式湯。三重芝士炸雞：份量有半份及全份，兩個人當然叫半份，芝士融在雞件上面，一拿起雞件已經有拉絲的效果，雞胸肉嫩滑有汁，三種芝味融合在一起，最適合芝士控。牛骨羅白湯：秋意濃濃，正好來一碗牛骨湯，湯味帶著牛骨的鮮甜，有四大塊牛仔骨，加了黃芽白及羅白，好好味。柚子蟹肉沙律：賣相吸引，眼看有好多蟹肉，沙律菜新鮮爽脆，蟹肉沒有雪藏味，唯柚子汁過多，較甜，如果用新鮮西柚較佳。食炸雞又怎少得啤酒，餐廳做緊優惠，只需加18元就可以了，男朋友竟然揀了少女味的桃味有氣酒，易入口，無咩酒精，一看原來只有3%酒精濃度，怪不得。二人一共消費280元，好滿足的一餐，雖然坐得比較擠迫，但食物好味，怪不得吸引那麼多人排隊。

雖然周不時都出黎荃灣行街但係一直都好少黎到呢邊原來呢到有間隱世韓式餐廳餐廳位於力生廣場附近雖然位置唔係好當眼但係都吸引唔少人黎食係食緊期間都有幾位係自己一位黎食黎到韓式餐廳炸雞又點少得呢有好多味 亦有半份/一份選擇我地最後決定食蜜糖牛油炸雞!!呢個炸雞真係驚喜之作🤩無諗過小店會做到咁高質素既炸雞雞皮炸得可口之餘肉質亦都非常嫩滑好多肉汁😱一D都冇煮得過火喉推薦大家一定要食炸雞我地叫左半份食完有D唔夠喉另外我地仲同左二十蚊加左個小食流心芝士條3條細細條一D都唔HEAVY🤫岩哂我呢D想過下口癮既人!🤭外表炸得金黃內裡芝士亦份量也剛好唔太多所以就算食左2條都唔會覺得好濟飲品方面就點左榛子巧克力比起平時飲開既巧克力重味唔會好似水咁🤗加分

今日去荃灣探個舊同事，跟手緊係食埋個lunch 啦😜同事帶我帶去路德圍食韓國菜，佢話午餐好鬼抵食，一於贊成啦👏🏻午市套餐全部都係幾十蚊，真係好抵食加小小錢仲可以有多款小食添荔枝梳打/橙汁菠蘿梳打，清甜解渴食韓國菜唔少得餐前小吃午餐-韓式炒炒絲$44，抵食夾大碟，炒粉絲夠獲氣又爽口海鮮豆腐湯配白飯$44，湯底係泡菜味但唔算太辣，送飯啱啱好👍🏻我地再加一個人蔘雞湯$128，超香人蔘味，雞肉又好滑👍🏻抵食

吃韓國菜不一定要吃連鎖店！去連鎖店吃動不動就要花三四百塊錢一個人，還有可能吃不飽，但是荃灣原來有一家價錢很親民的餐廳，2個人吃飽飽也不到三百塊！餐廳地理位置就在荃灣美食集中區路德圍不要以為小店選擇就不多，炸雞、鍋類、鐵板、冷麵等等都有，重點是價格真的比較便宜先來前菜芝士岩漿炒飯 $78份量以$78來說很划算，配的炒飯是泡菜炒飯，有很多泡菜炒飯會弄得太濕，但這個不會，豬五花肉肥瘦佔半，除了芝士以外，鐵板還有放生蛋進去，每一下都超級拉絲，不過鐵板不夠熱，有些蛋白熟不了蜂蜜牛油味炸雞 $98(半份)很貼心的還附膠手套，沒想到小店也會提供。有6件左右，有脾位也有翼位，不像外面有一些店只比雞件，蜂蜜味好岀，炸粉亦薄，雞肉尚算嫩以及挺入味的水梨牛𦟌冷麵 $58和另一半吃韓國菜他必定要點冷麵，這一次當然也不例外，小店有挫冰粒於冷麵內，保持冰冷，麵的份量很多，口感煙韌，配上水梨更加清新香芒金柚沙冰 $38(跟餐) $48(單點)非常推介！因為好好好大杯，而且能喝岀有用果肉打成的沙冰而不是芒果漿，不過我就覺得不用加cream會更好紅豆抹茶牛奶 $14(跟餐)  $22(正價)喝下去不會喝到沒拌均的抹茶粉

平時間唔中都會係荃灣附近搵野食 岩咁個日見到有間韓國野入面好似好多人咁 所以就入左去食下啦一行兩個人 個日7點左右到食晚飯入到去都已經有8～9成滿啦～坐低左打開餐牌都幾多野食首先我地叫左個半份傳統甜辣味炸雞少辣($98)黎到個陣我同個frd 都聞到好香～熱辣辣好正咁哩到半份 每人有3件 第一啖咬落 估佢唔到啲皮幾脆口而且絕對唔係厚粉佢個甜辣醬整得幾好食, 忍唔住接住接住咁食哂食到個盤啲醬一滴不留咁制 我地諗住下次試下食其他口味食緊個陣黎左個芝士岩漿炒飯好多芝士同蛋，我地撈埋一齊之後 個飯每次食個陣都拉到芝士絲 好有視覺效果 食落口唔乾 而且好芝士同埋飯入面好多肉 所以好正 好飽肚之後到海鮮薄餅哩個係我食過咁多間韓國野 最多料同足料又大份既海鮮薄餅 好多魷魚同蝦 我地兩個女仔見到第一樣野諗都係估唔到佢咁大份 其次係每一啖都食到有海鮮好正 唔似出面係食薄餅醬多 總括黎講 哩間韓國野 野食大份 價錢唔貴～ 而且炸雞無諗過個味道咁突出 咁吸引 唔怪得佢地keep 住都咁多人係到食緊野

最近發現左一間CP值極高的韓國餐廳—韓閣。餐廳不大，但卻令人有置身東大門小餐館的興奮！背景音樂系洗腦韓國流行樂,好有氣氛，不由自主咁想跳k-pop.坐低冇耐，店員就附上甜辣醬同泡菜等餐前開胃小菜。來呢度的重點，當然系邪惡的韓式溶岩泡菜芝士鐵鍋飯。勁多芝士，在鐵鍋里與飯溶在一起，啖啖飯都被芝士包裏住，十分邪惡！口感好香好滑。大大鐵鍋用木板隔住，店家好貼心。韓式甜辣年糕粉丝系我去親韓國餐廳必點的食物，好喜歡這里的粉絲，系用薯粉，十分Q,微辣的醬汁，晤食得辣既人都可以接受。海鲜煎餅，份量不簡單，口感也不俗，，香蔥海鮮的配搭十分完美。我們點左紫菜芝士卷做為小食，外脆內軟的感覺很惹味，芝士仲好有驚喜，會慢慢在口中溶化，好滑。野飲部分，同樣吸睛。尤其系特飲，碟豆花梳打，藍海傳奇，絕對系好好的選擇，淨系賣相已經好掂，相機食先。口感好爽，好襯芝士系韓食，正！

常常懷念韓國炸雞，今日去荃灣食「韓閣」的韓國菜點份午餐先-韓式燉牛骨湯配白飯 $58，牛骨湯清甜，內有蘿蔔、大白菜及牛骨，牛骨入口軟淋韓國餐館當然唔少得有前菜，分別有韓式泡菜、通菜，泡菜帶有微辣，少少爽口還有碗熱湯，附上兩片冬菇餐飲牛旁茶，外間少有得飲，對身體有益，如：排毒、健脾、潤腸......功效浸左一陣牛旁已浸岀味了我們還點左半份亞之媽炸雞-傳統甜辣少辣少少辣，幾嫩滑、還有少少肉汁午午上菜速度幾快，啱哂我地得1小時食飯的時限韓閣可以一解我對炸雞的思念幾十蚊一個午餐幾經濟

同朋友去荃灣行街兼搵食，唔想去商場果啲一式一樣嘅連鎖店，就梗係開openrice睇吓附近有咩好食喇~見到呢間「韓閣」近近地又咁多好評，就選擇佢喇！去到見到裡面full哂！雖然要等一陣，但證明咗我無選擇錯！等咗5分鐘度就可以入座喇！裡面每張枱都放好哂餐具、醬汁、牙籤‥‥等用品，有咩需要都可以自己攞，最方便！薯王銀絲煎餅(HKD58)~一般韓式煎餅都係麵粉糊加材料煎到香口微脆就完成，但呢個煎餅係煙煙韌韌架！唔知佢用咩粉呢?而佢用嘅薯仔都好有薯味，見佢將啲材料切到粗一點，就更有口感喇！亞之媽炸雞-傳統甜辣味半份(HKD98)~啲人成日都話MENU嘅圖片係只供參考，以為呢度都唔例外，估計半份係4-5件雞，點知係半隻雞！數數吓有成10件，而且顏色都好靚，非常吸睛！佢仲要好體貼咁安排咗個小銀桶比我地放骨，仲要準備埋手套，包唔會食到污污糟糟！炸雞一向比人個感覺係炸到好脆相對地裡面會好乾！但呢度嘅炸雞絕對無呢個問題！JUICY到呢‥‥醬汁方面，我地叫咗小辣，一路辣住咁食，一路叫好食！十分過癮！雞絲冷麵配胡麻醬(HKD52)~其他食肆可能會同時間上菜，如果冷麵放得耐而無咗應有嘅溫度，呢度最細心抵讚嘅係佢

慶祝朋友嘅生日飯局，因為朋友想食韓國菜，經一輪揀選之下難得嚟到少有嘅荃灣。 見到OpenRice有咁多好評，相信應該都唔差，不過食落其實強差人意...唔好睇我影相好似好靚，食落係另外一回事。兩個韓式冷麵，相比起韓國水準真係差好多，麵質方面其實唔差，不過牛肉韓式冷麵食落有陣濃濃既牛騷味。連冷麵都充斥着各種味道。而且冷麵嘅靈魂就係最重要嘅酸味味，醋落左好多但都唔係咁酸，連靈魂都喪失了...真係有點失望相當厚粉既韓式薄餅，又唔咸又唔香，毫無味道，感覺就好似食緊粉一樣韓式炸雞🍗大家會諗起嘅味係點樣？不過可以話俾你知完全買嗰種味道，雖然口感脆脆的，不過辣醬嘅味道唔係韓式辣醬，朋友話好似港式燒春雞不過加咗豆瓣醬煮咁😂😂😂 講講下又真係幾似。但到底點解都仲係有咁多人食同咁多人排隊呢？🤔

今日嚟到荃灣做野，忽然間好想食石頭鍋飯，見呢間韓閣嘅午市套餐唔算貴就試試要左個牛肉石頭鍋飯，$44，送前菜、例湯同熱飲先嚟左3款前菜，有芽菜、菠菜同泡菜，味道OK，唔太濃味啱啱好終於等到石頭鍋，個鍋夠熱，輕易整到飯焦配料非常多，除左蛋同牛肉，仲有菠菜、翠肉瓜、芽菜、蘑菇、醃蘿蔔等等。。。不過個人覺得選料同韓國食到幾唔太同，過於雜亂影響左個味道，好似瓜同蘑菇咁，個味太搶(生味重)同個飯唔係好夾，之於D牛肉都算嫩滑，不過如果用烤/燒嘅方法相信會更香更入味

唔明點解可以咁多好評◡ ヽ(`Д´)ﾉ ┻━┻呃咗我地去試8月尾朋友同我慶祝生日去食我啲朋友仲要山長水遠入到荃灣原本睇到咁多好評 諗住好好食喇一心諗住食水冷麵回味下韓國嘅味道點知中哂伏首先好迫 差啲啲背貼背呢樣算唔緊要 食物唔好食先出事我地6大1小 叫咗海鮮煎餅 - 冇乜味 仲要係點沙律醬甜辣醬炸雞 - 完全食緊中式雞嘅感覺 辣醬好似桂林辣椒醬 牛𦟌水冷麵 - 好大陣牛羶味 同埋又係冇乜味 加咗醋仲難食芝士炒飯 - 成餐最好食嘅牛肉飯卷 - 正常 不過好細卷 （影漏咗）辣醬拌麵 - 又係唔好食 得辣味 咩味都冇魚糕年糕粉絲 - 魚糕同粉絲都好食 夠辣 年榚唔夠淋 好細兜呢間又可以blacklist喇(♯｀∧´)

今晚約左好友撐枱腳，決定黎呢間離荃灣站唔遠既地方。夜晚7點稍過，已經滿座，岩岩好要等位，幾分鐘就有位入座喇。個名叫手卷令我差啲搵佢唔到 好鍾意食韓式飯卷，本身嗌雜錦但冇，呢個牛肉雜菜都好味，配料同飯粒既密度剛剛好，有少少麻油味好香呢個辣年糕粉絲比同類型香港韓式餐廳就辣左少少，不過可以接受但入面啲魚糕就un左啲同上面果個啲材料其實好似 呢個啲豆腐好味不過環境好嘈，可能每一枱食客都食得太興高采烈 要靜靜地傾計既朋友就要考慮下喇!!(外加: 食食下見到小昆蟲喺枱上走過… )

所有食物、飲品，有代改進！！剛點了牛肉鐵板，辣雞鐵板，辣泡菜豬肉芝士手卷，蜜桃冰茶，一 罐可樂！！鐵板牛肉：椰菜有苦味，牛肉無味，還帶有梳打粉味！辣雞鐵板，得個辣，無其他味，手卷：完全無味，都唔知食緊d乜…，得杯可樂最正常

早兩天女盆友約我今個星期六到荃灣韓閣試食，我們都係第一次來這間韓國餐廳。去到門口時，見到入面坐滿曬人，幾驚係炎炎夏日，食lunch都要係門口等位，好彩真係咁啱仲有兩個位姐！我入到去先知原來間鋪頭得幾張枱，係因為牆鏡嘅裝飾看落間鋪好大🤣 這裡的食物價錢算是合理而且食物也是不錯！我女朋友叫了一個牛肉飯而我就叫左「蟹三式」，女朋友給了一塊牛肉給我吃，牛肉是全熟的，但一點都不怕韌還帶點甜甜的味道！而我的「蟹三式」真是有點驚喜，蟹肉是剛剛剝出來的仲有點蟹瞉碎，但蟹肉是鮮甜的。另外有蟹膏醬和蟹子。把它們搞拌一齊再連同飯焦一齊吃，我覺得除了淡淡的蟹香味之餘，還會有嚼口的飯焦！（利申：本人不喜歡重口味的）這第一次給我留下好的印象，會再來😊