52
3
2
所有分店 (2)
電話號碼
39568101
開飯介紹
專營韓國湯品,炸雞,料理。每樣食品即叫即整,用料地道,心機小店。 繼續閱讀
營業時間
今日營業
11:30 - 23:00
星期一至日
11:30 - 23:00
付款方式
現金 八達通
招牌菜
亞之媽炸雞 牛骨蘿蔔湯 三重芝士岩漿炒飯
食評 (61)
等級4 2020-07-28
1039 瀏覽
🐻疫情告急,正苦頒布晚巿堂食禁制令,熊妹就捉緊呢個禁制令嘅尾巴,滿足一下樹熊一直以來嚷著想食韓國菜嘅慾望啦。📌位於荃灣嘅《韓閣》係一間食韓國菜嘅平民小店,熊妹就預先去攞位等樹熊放工過嚟有得食。📌疫情關係限制餐廳食客嘅數量,所以要齊人先入得。店舖都唔算太細,有好多張四人枱。📌餐牌包羅萬有,各款韓國美食都應有盡有。📌有鍋物,芝士炸雞。📌無骨豬手,湯品類。📌湯麵、冷麵、經典炸醬麵,韓國小食泡菜煎餅、芝士年糕、炒粉絲、炸雞球等等。📌仲有韓國飲料,街頭小食,價錢由$12至$25,非常抵食。部隊鍋,$88📌樹熊一心就係想試部隊鍋。《韓閣》嘅部隊鍋比較迷你,唔係一般一個大嘅大邊爐鍋呈上,而係類似石頭鍋飯嘅熱石大碗呈上。材料款式都多嘅,有牛肉、五花腩片、雞肉腸、午餐肉、年糕同辛辣麵。味道就係一個「辣」字,因為一般都用上泡菜湯底。話明迷你,份量就唔算太多啦,每款兩三件。樹熊熊妹三扒兩啖就搞掂咗成個鍋,樹熊仲嫌熊妹食晒佢啲嘢添。脆炸雜菜春卷,$15韓式餃子,$15小食咁平,點都要揀兩款試下。每款有四件,就係街外貨,然後翻炸。炸得幾脆口,有茄汁同沙律醬點。紫菜明太子蛋卷,$48蛋卷煎得好香蛋味,面頭鋪滿一堆熊妹最愛嘅明太子、沙律醬同紫菜,切成六小件,一啖放入口各種食材嘅滋味混合一齊,味道非常夾。📌非常簡單嘅一餐就成為樹熊熊妹最後的晚餐。📌延伸:幾時去得首爾啊? 繼續閱讀
(以上食評乃用戶個人意見 , 並不代表OpenRice之觀點。)
等級4 2020-07-27
519 瀏覽
餐廳裝修簡潔、明亮, 牆上一幅搶眼「阿朱媽」畫像,十分吸睛 ,進入餐廳前友善的店員 oppa 幫客人量度體溫及提供搓手液,十分貼心。大韓無骨豬手(例牌)$92(配特製豆瓣醬、生菜、醃蘿蔔、泡菜)無骨豬手外皮, 油光亮麗, 好吸引 ,先吃一口原味豬手, 好軟淋和鹵得十分入味,肉味香濃富彈性, 充滿骨膠原, 再用新鮮生菜包上特製豆瓣醬、生蒜和豬手一齊享用, 口感豐富, 完全沒有肥膩的感覺, 愈食愈滋味, 醃蘿蔔和泡菜, 十分爽脆 ,不太辣, 充滿韓式風味。香葉鹹蛋黃炸雞翼五隻$68雞翼外表炸至金黃色, 非常酥脆,令人垂涎,咬下去發出“吱嚓 ”聲, 雞肉內裏多汁嫰滑,表面仲舖滿邪惡的鹹蛋黃醬汁,更加誘人,吃完滋味得,舔舔手指上的鹹蛋黃醬!紫菜肉鬆蛋捲$52蛋卷一層層捲裹著, 上面鋪滿甜甜的肉鬆及紫菜絲, 雞蛋卷入口嫩滑濕潤 ,蛋香誘人, 簡單而滋味!雞絲冷麵配胡麻醬$58炎炎夏日, 吃冷麵最適合不過 , 滑溜的冷麵, 配上雞絲、 甘筍絲、 蟹柳絲及蛋絲 , 配料相當豐富, 將所有材料和胡麻醬一起拌勻吃,味道清爽怡人, 食完整個人帶來清涼的感覺, 好爽啊。荔枝梳打 、百香果桂花烏龍 (跟餐+$15)荔枝梳打, 冰爽怡人, 仲有啖啖荔枝果肉, 口感十足。烏龍茶底混合百香果, 增添酸甜感, 生津解渴 ,令人驚喜的組合! 繼續閱讀
(以上食評乃用戶個人意見 , 並不代表OpenRice之觀點。)
🥢荃灣超抵食韓國餐邪惡芝士岩漿飯冰凍水冷麵🥢荃灣路德圍是充滿美食的地方,之前食開一間良心韓國餐小店,而家搬了新舖,坐得舒服又夠光猛,除左有韓式炸雞之外佢地最出名的芝士岩漿炒飯,差不多每檯都有點就知係必食的🥢芝士岩漿炒飯 $82睇個樣都知道超級多芝士,因為鐵板夠熱保溫,可以保持到溫度所以擺左陣都仲可以拉到絲,最正係個炒飯,口感乾身爽口,辣辣的很開胃,而且同芝士出奇地夾,唔覺唔覺好易食曬成碟飯🥢蜂蜜牛油炸雞半隻 $108香口的表面加上甜甜的蜂蜜牛油,呢到最好就係可以點半份,貪佢可以點多幾款唔同既嘢食🥢水梨牛展水冷麵$62韓國餐入面我最鐘意就係食水冷麵,凍冰冰的感覺煙韌彈牙的口感,呢個麵夠曬凍,入面的冰塊係用上湯底冰凍,所以食落一直都保持到個味,水梨很清爽味道跟成個麵配搭得很平衡🥢紫菜粉絲卷 (優惠價)$15一定要點佢的優惠餐牌上的小食,$15 起有交易,今次叫左紫菜粉絲卷,有四條咁多,紫菜炸得脆口,點茄汁又幾好食🥢呢間良心小店仲要唔洗加一,以韓國餐廳來講真係幾抵食,而且份量仲要不小,一定夠曬飽,所以感覺CP 值很高,如果要食的朋友要預早少少時間拿飛等位 繼續閱讀
(以上食評乃用戶個人意見 , 並不代表OpenRice之觀點。)
等級4 2020-07-07
537 瀏覽
呢間位於荃灣路德圍附近嘅韓閣最近擴充營業搬咗新舖,由街中間搬咗去街頭,新店比起舊店面積目測大兩三倍,全新嘅裝修感覺更大更舒適,猶記得喺舊舖試過一次,過後驚嘆如此小店竟然有咁高質嘅出品,佢個招牌芝士岩漿炒飯一直都令我夢縈魂牽,今日,係時候鳥。橙汁菠蘿梳打,呢杯梳打令人喜出望外,橙汁同菠蘿味道平衡,少甜亦係我最鐘意嘅甜度。玫瑰真露雞翼,雞翼嘅賣相吸精,啱哂用嚟打卡,中間冒煙嘅地方係乾冰,有騰雲駕霧嘅感覺;雞翼嘅表面有好多啫喱狀嘅物體,應該係好似肉凍咁做法,將個味道包圍住隻雞翼,真露嘅味道未算好濃, 平時唔飲酒嘅朋友都啱食。亞之媽炸雞 - 傳統甜辣味半份,炸雞外皮酥脆,雞皮蘸滿咗傳統甜辣醬汁,十分惹味,辣度揀咗大辣,因為有個甜味中和嘅關係,個辣度大約等於譚仔嘅十小程度,就算半份個份量都唔少,大大話話都有成七八舊,非常抵食。鐵板牛肉,鐵板喺上菜嘅時侯滋滋作響,香氣四溢,牛肉個特調醬汁係一貫我大愛嘅韓式甜味,椰菜無話炒得過熟,保持爽脆口感,好味。芝士岩漿炒飯加碎紫菜,終於嚟到我最期待嘅芝士岩漿炒飯,今次試吓加紫菜,淨係個香辣泡菜炒飯本身已經夠哂好食,再撈埋鋪滿鐵皮嘅拉絲芝士,芝味無窮,炒飯裏面有為數不少嘅豚肉,追加嘅紫菜增加咗香脆嘅口感,呢8蚊絕對唔慳得。小店用心炮製每樣菜式,即叫即整地道嘅韓式美食,我諗我好快又會再嚟番兜。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-06-11
2001 瀏覽
望一望佢餐牌上面有啲好抵食嘅小食,亦都歡迎食家可以叫外賣,我睇中咗佢份流心芝士條同紫菜粉絲卷,兩款加埋都係$23,點解可以平成咁㗎!非常之唔合邏輯,仲要每款有三至四件,而且佢質素唔差,簡直拍得住一般嘅正宗韓國人料理餐廳,芝士條又唔會整得太焦,外脆內軟,感覺啱啱好。見到呢度有得點無骨豬手,我拿拿臨叫咗個例牌,上枱嘅時候仲有生菜同蒜頭,可以同豬手加埋一齊食,豬手醃上醬汁,山菜夾住多汁,蒜頭強烈嘅味道刺激我嘅味蕾,爽爆!食韓國嘢就梗係唔可以錯過炸雞,爆脆雞膇翼(蜜糖芥茉),啲蜜糖芥茉醬汁好惹味,我食咗隻雞全翼,感覺好滋味,啲汁可以留返嚟送飯都得,哈哈。小窩甜辣年糕跟粉絲,冇諗過可以做到咁出色,年糕夠煙韌,粉絲溝埋韓式醬汁入晒味,仲有魚糕襯底,好豐富呀!雜錦手卷係韓國人嘅早餐,清清地有啲似日本飯卷,內含腸仔、蛋、青瓜同泡菜,唔同口感嘅食材加起上嚟,真係攞滿分。呢度必試嘅係牛骨蘿蔔湯,牛骨好入味,啲湯有鹹香,牛味濃郁,配上蘿蔔同一般配菜,帶有少許辛辣,飲一啖,頓時能暖一暖我的脾胃。飲品可以話係包羅萬有,唔知係一般檸檬茶水咖啡奶茶果汁牛奶,而係有好多唔同品種嘅花茶、植物茶仲有非常特別嘅特飲,玉竹茶、粟米茶同橙汁菠蘿梳打都幾好飲! 繼續閱讀
(以上食評乃用戶個人意見 , 並不代表OpenRice之觀點。)