韓閣 (已搬遷) 新店位置

今日是父親節，打算親自下廚整餐父親節飯孝敬老爸。一早便去到荃灣街巿，睇下可否「食平啲、食好啲」，哈！估不到揀下㨂下，竟然買了幾個鐘，都怪自己平時少去街巿，係咁架啦！累透就是時候醫肚，吃返個豐富的午餐補一補先。門面眼細細的阿豬媽圖像好得意，再加埋《韓閣》這個餐名，一睇就知是食韓國菜，岩我！內裏裝滿都挺有心思，四處都有小擺設，如玻璃瓶、古典喇叭仔、古式小風扇、油燈，懷舊的吊扇等等，最特別是不同款式的吊燈，有啤酒樽燈、尼龍繩吊燈、水標掛燈、射燈等等。餐店設有三張四人枱、中間有兩張六人枱，再入一點有兩張二人枱，還有面向大鏡子有一行單人座，地方不算大，大家要坐得親密一點。看看兩份餐牌，均附有菜式相片，設計清晰精美，分別有韓閣廚師精選、湯品類、鐵板/料理、飯類、麵類、小食、野菜小品、特式手卷、飲品和特飲，都幾多選擇。******************************先被大人氣季節蟹品系列吸引，揀了一客松葉蟹肉金柚沙律 ($58)，相信必定是炎炎夏日的好選擇。嘩！滿滿一大盆，色彩豐富，陣陣柚子 的酸香，未食已令人胃口大開。沙律面舖滿鮮嫩的松葉蟹肉；粒粒圓潤飽滿兼酸甜多汁的金柚肉；還有兩大塊

今晚同男朋友睇戲，睇完戲就行下，行行下就見到韓閣， 見幾多人食就試下！ 我地等左大概15分鐘就有位！我地坐低睇左睇個餐牌，發覺喱到啲野都幾抵食。一坐底仲有啲韓式小食食！ 我同男朋友都唔係好肚餓，所以淨係點左珍寶香辣海鮮湯，豬肉粉絲餃拼豬肉粉絲卷同埋半隻蜜糖牛油炸雞。本身想食韓式飯卷，但已經賣哂嚕😭😭，大家如果想食，咁要早少少去食，因為我地食果陣大概係晚上8點半。野飲方面，男朋友叫左杯凍嘅榛子朱古力，而我就點左杯養生系列嘅清潤雪梨茶。我覺得杯朱古力好好飲啊，好濃榛子味，推薦大家飲。但係雪梨茶就普通，可以更有雪梨味！ 首先上左個海鮮湯，一上就覺得勁吸引，因為有勁多海鮮，有蟹，蝦，青口，魷魚同，仲有好多蔬菜！ 個湯底唔錯，唔會太重口同太辣，但係蟹就普通。我地加左$10加粉絲，都唔錯。下次我會想試下牛骨湯，見到隔離有點，好似好吸引。個蜜糖炸雞就幾好味，甜絲絲咁仲有牛油香味，我地叫左半隻兩個人食都有啲多，食到我地勁飽。至於粉絲餃同粉絲卷都唔錯，個人就鐘意食粉絲卷多啲。我地加左$15加左芝士，超好味啊！ 強烈推薦大家要加cheese ! 我覺得喱到都幾抵食，我地食到勁飽，每人平均消費都係$135

1。芝士熔岩炒飯，睇圖以為係一大圈芝士，其實芝士超級少，其餘黃色嘅係蛋。因為炒飯唔夠味，芝士又唔夠多，可以將小菜嘅泡菜撈落去。飯嘅分量唔夠，兩個人食比較少。2。鐵板牛肉，味道幾好。單人份會問你要唔要加飯，如果要增量裝的話，佢會多左年糕之類嘅主食係入面。3。紫菜粉絲卷，略嫌炸過頭，太硬，但入面粉絲幾好食嘅。4。位置唔多，建議錯開繁忙時間黎。5。見到隔離檯叫炸雞，雞塊好大，睇落賣相唔錯，計劃下次去試。

🍽海鮮煎餅 好味海鮮彈牙 處理得好好煎餅好香 微脆可再試🍽脆爆雞膇翼一共有六件雞面好咸入面冇味蜜糖芥末醬好怪冇任何蜜糖味 芥末味有一陣酸酸地味唔係好夾食完碟雞個口好咸，狂飲水可一不可再🍽蟹醬石鍋伴飯好味，但冇咩特別份量偏少蟹味不重，但惹味可試可不試環境有特色，都靚同有格調服務冇特別，唔會特別招呼或介紹可能係空間不足經常見到有大量外賣但會放在有客人的枱面包裝全部現做，小店經營會等一段時間先有得食我個口到依家都好咸🐣🐣🐣

今日喺路德圍突然想食韓國嘢，諗起姊妹介紹嘅韓閣， 話又好味又抵食，就即刻走入去試下。【亞之媽炸雞】$88半份， 千祈唔好以為半份嘅份量好少， 皆因都有成半隻雞， 兩三個人食絕對夠分。今次揀左傳統甜辣味，辣度揀咗正常。上枱嘅時候見到炸雞紅卜卜，都以為好辣，由於有少少甜味打底，我覺得個辣度還可以，就算平時食開十小辣嘅朋友都應該接受到，下次可以試下個大辣。。炸雞炸得脆身得嚟雞肉亦都不失嫩滑，而且雞肉多汁juicy。經典嘅韓國式甜辣味最能夠刺激味蕾，果然係餐廳嘅人氣料理。人氣之選，極度邪惡嘅 【芝士岩漿炒飯】$68，呢度個芝士味特別香濃，配合埋半生熟蛋撈埋一齊，口感更加滑溜，拉絲呢一啲視覺效果當然唔少得，炒飯紅紅地，有少少泡菜同酸味，本身已經夠哂醒胃，再撈撈少少滑蛋芝士，絕對畫龍點睛。【安東奶奶雞】$58， 雞件嘅份量唔算好多， 但係食過安東奶奶雞嘅朋友都應該知道， 重點在於配料同埋粉絲。配料有薯仔，紅蘿蔔，洋蔥，冬菇仲有粉絲墊底，粉絲索盡湯汁，沒有不好吃的理由，另外不得不讚薯仔同埋紅蘿蔔都炆得超腍，炆得夠腍自然夠哂入味啦。【青檸柚子蜜】$22，青檸同柚子呢一個組合，並唔係好多餐廳會將佢哋放埋

韓國菜的美味相信很多人都會喜歡這亦是我最喜愛的菜式之一，惹味獨到，上一次在這家「韓閣」吃過這風味後，其風味一直在我腦海中猶存這次來到這附近，又想嚐一嚐所以決定再次回味一下。路德圍一帶真的非常多餐廳...但每次去到都要排隊等候應該是有很多各式韓國料理之餘又價錢合理呢其實入面位置真的不太多空間感不大但好溫馨有韓式家庭的影子...成餐飯都聽著kpop心情不錯增加身在韓國的感覺！提一提凳係收納箱可以放隨身物品入去呢⋯咁樣會坐得舒服點餐牌琳瑯滿目，心大又心細精挑細選左輪都決定到⋯⋯落單後隨即送上小小的泡菜、芽菜和菠菜先到的是牛肉雜菜壽司$381份大概10件左右，而且每件大細相若，壽司內包滿醃製過既青瓜絲、黃同紅蘿蔔絲，與牛肉一同卷上非常扎實，調味不會太濃烈，清清不無完全蓋過肉味，個人認為配合辣泡菜食，一濃一淡，幾過癮得黎又清新的。隨即蜜糖牛油炸雞(半份) $88都到嚕聽服務員意見叫了半份份量，老實說兩個人的話，半份已經超級好足夠，因為半份既份量等於平時外面的一份了！當然遇着炸雞愛好者就另當別論吧熱辣辣金黃色既炸皮， 充滿牛油既香味，脆口就不用説吧，淋係上面既蜜糖牛油醬汁，甜而不死甜，渗哂入去雞肉

地道韓式小館路過荃灣路德圍，想食韓國菜，看到這間韓式小店，就即刻入去。入到去見到地方唔算好大，位與位之間較迫，裝修平實，心諗都唔好抱太高期望。打開餐牌，價錢好合理，選擇亦都好多，午餐$40幾已有一份，好抵👍🏻👍🏻👍🏻午餐包湯及飲品韓式牛肉炒粉絲 $44 粉絲用鐵板上，爽口彈牙，牛肉醃得好入味，唔會油膩，份量很大，抵食。傳統豬肉泡菜湯飯 $44全個午餐既亮點，泡菜味濃，辣度對我們來說剛剛好，豬肉很滑很入味，豆腐配上泡菜湯真係超夾，用來送飯真係無敵。小食：真露煮海蜆 $58真露味唔太出，蜆肉鮮甜，但如果蜆可以大隻一點同份量多一點會更好。海鮮煎餅$68呢個海鮮餅餐牌標記左係「人氣料理」，果然唔錯，海鮮餅外脆內軟、非常足料，餅面鋪滿海鮮，食落好香香蔥味，好有韓國地道風味。其實這間小店餐牌內有好幾款炸雞，但因為怕太飽這次未有點，已約朋友下次會再來一次食炸雞和飲啤酒😋😋

唔知點解前排一直好想食韓國嘢去開荃灣見到有間韓國菜啱啱新開即刻要去試吓一直都唔太鍾意去啲連鎖式嘅韓國餐廳因為啲質素好似都冇啲小店咁好呢間餐廳座位唔算多我哋嗰日星期六中午去到其實都好滿在等咗大概5分鐘入到去個餐牌其實真係好多野揀睇到眼花撩亂咩都想食最後就決定叫炸雞同埋拌飯再加錢叫咗個細沙律本來諗住試佢個豬手同埋kimbap好彩冇叫到因為淨係食兩樣野已經超級飽落左單咩就會送兩小店前菜我哋嗰日就有菠菜同芽菜雖然份量真係有啲少但係都好食嘅個沙律就普普通通都係平時出邊買到嗰啲沙律菜咁等左一陣個蜂蜜牛油味炸雞就到咗啦真係新鮮滾熱辣炸出黎帶住手套都拎唔起超級熱出晒煙雖然真係好熱但係忍唔住即刻咬咗一啖驚為天人地嫩滑所以真係唔明點解大家都係炸雞 K字頭同埋其他連鎖嘅韓式餐廳啲炸雞會鞋而呢一間小餐廳就滑到一個瘋狂嘅地步點埋個醬汁簡直係好食到痴線雖然真係超級超級熱但係真係太好食完全停唔到口一路話好熱好熱一路都繼續係咁食其實食到一半個拌飯到左食咗個拌飯食返啲炸雞凍咗都冇話鞋仲係好嫩滑非常之正88蚊有半隻雞咁嘅價錢仲想點呀真係抵到爛個拌飯我哋就叫咗蟹膏蟹肉拌飯蟹膏蟹肉嘅份量都足夠撈埋啲飯令到啲飯有啲鮮味其實我就

路德圍一向出名多野食，呢間韓國店既位置，已經轉過好多手，上一手果間我食過，完全唔掂，所以之後再轉左另一間，其實我都無留意到。今次係因為同事提議，所以就黎呢度食。當晚七點半，估唔到已經坐滿人，要等位首先叫左一隻炸雞係蜜糖味，呢度只係半份，估唔到係咁多炸雞稍為唔夠入味，但都算炸得幾香脆一人部隊鍋，芝士好勁，一人份量都幾大份，真心覺得好抵食，而且有齊部隊鍋要有既料韓國野，唔少得既真露，呢度燒酒比其他食韓國野既餐廳平，平時果d 真唔係抵飲，呢度可以飲多幾枝呢個豬手，正，大份同入味，包菜食都唔會話太少菜，唔夠包五個人都係食左四百幾蚊，真心抵，我地重叫左個炒粉絲，同每人都叫左杯野飲。如果要講唔好既地方，就係無水飲同埋無紙巾不過算，勝在抵食同好食

今日午飯嚟咗呢度食韓國嘢，見到佢嘅午市都幾抵食，有埋飲品，先唔錯。環境有少少似快餐，食物不過不失，始終價錢唔貴，要求唔可以太高。個湯都幾清甜，不過有幾隻蜆係有沙嘅，有待改進

朋友想食韓國野，今次我帶咗去路德圍嘅韓閣。朋友話好抵食，上菜非常快。我地點咗必點芝士岩醬炒飯、海鮮煎餅、黃金海鮮籃，好豐富。芝士岩醬炒飯很香芝士同蛋味，要將飯同芝士蛋醬一齊食，非常惹味，而且很容易就做到拉絲效果。兩個人share食，份量啱啱好。海鮮煎餅蝦肉份量多，還有很香的香蔥味，外脆內軟。黃金海鮮籃有炸蝦、炸帶子、炸蠔、釀蟹蓋，一次過可以試很多款式。飲品點咗夢幻蝶豆花同橙汁菠蘿梳打，大大杯好解渴。

睇開韓劇就會想食佢地啲野呢間都算係數一數二平價韓食店佢既蜜桃冰茶係好足料 有幾舊果肉喺入面 夏天熱辣辣飲都幾爽 只係甜左dd嗌左韓式豬手 怕肥既你 唔洗驚 因為佢啲肉係肥瘦適中 唔會話太多肥豬肉 加上包埋生菜完全係呃到自己😂好健康既感覺本身我都好中意食炸醬麵 呢樣野係好極端 中意食既人就會欣賞佢既甜咸mix 但唔中意就會覺得佢陣味好奇怪 呢度係麵底幾有咬口 汁都有返咁上下水準 啲肉又煮得好林 融入唒炸醬汁既味道重頭戲係蜂蜜牛油炸雞 88蚊嚟講有呢個份量呢個味道都算幾高質 一拎係新鮮到辣手 啲汁係係成個手套都係 肉汁好豐富同埋啲肉都嫩口👍🏻正

之前食過炸雞同水冷麵 非常不錯 今次試埋炸魷魚圈石鍋飯$46同芝士泡菜煎餅$62.本身想點芝士炸雞石鍋飯 但黎錯咗😭 炸魷魚圈份量不少 舖滿半碗 但不是新鮮炸 偏韌亦沒有魷魚味🐙好彩拌菜同半熟蛋搭夠🐣仲有拌飯嘅醬 所以都惹味😚而且整到飯焦 滿足滿足😍😍.夾咗兩塊芝士泡菜煎餅上個飯到😂😂佢單獨食同夾飯都好不錯 外層煎得香脆 夾有不少泡菜👍唯獨芝士分佈不太平均 泡菜亦可再濃味🙈現在口感有了 就是少了味道👀.呢間cp值係爆燈💥💥會再食👍👍真係好推薦炸雞啊😎

韓閣，係我食過性價比最高既韓國餐廳！食物價錢平均都係$50左右，大大份，超級抵食鐵板牛肉(芝士板$64)成隻碟咁大芝士都可以舖滿哂，芝士控 見到肯定心心眼惹味牛肉用秘製醬汁炒完再放上辣手既鐵上面繼續熱住，同溶咗既芝士撈埋食。係食得岀牛味，醬汁既甜味，同芝士味！ 每塊牛肉都可以拉住絲咁食，同埋味道係我最鐘意既微甜醬油味海鮮煎餅 ($68)好香好煙韌既煎餅，同難得地唔係用泡菜做粉漿做，食到煎餅原來既味道因爲岀面食既煎餅多數都係泡菜味，除咗泡菜味就好難食到其他味~ 呢款煎餅入面有葱，蝦同魷魚食落不錯。甜辣年糕泡麵拼餃子($58)入面有3隻大大隻既餃子，係煎得好香既韓國粉絲餃子！！記得係明洞掃街我好鐘意食既餃子就係粉絲餃子。入面仲有魚糕，年糕同韓國泡麵。係完全吸收哂啲辣汁，好過癮！ 不過覺得年糕就有啲偏硬，應該煮既時間不夠~牛肉雜菜壽司 ($38)呢個認真抵食，超過10舊大大舊既壽司，用料都好足，牛肉同菜既分量係十分之多，食得岀係每日新鮮製作，因為飯係一啲都唔乾，有口感之選。韓式雞肉炒粉絲($48)又係重量級，份量超大，粉絲煮得好煙韌彈牙仲好入味。入味得黎佢又唔會煮到好油叫呢個一定要揀雞肉，雖

今次係第二次嚟食，呢間真係抵食夾大件，好彩我哋早到唔係嘅話都無位牛肉手卷，一向都鍾意韓國手卷，呢間份量啱啱好，手卷有淡淡的芝麻油味，好香，本來仲諗住要豬肉泡菜芝士手卷，可惜賣晒，下次要早啲去食先今次第一次試海鮮煎餅，都好足料呀，大大隻蝦，上面仲有韭菜，煎到好香，又唔會太油膩，旁邊仲有沙律醬可以點主角終於黎，甜酸醬炸雞，我哋點咗半份，勁大份，我數過有六隻咁多，有雞髀雞胸，佢哋仲俾埋手套你食添架，但係啱岩食要小心好熱我哋一人點咗一杯野飲，佢呢度都有酒飲架我自己就買咗杯凍嘅有柚子蜜，甜度剛好兩個人食到飽，又唔使加一，唔使＄250買單，算係好抵食