韓閣 (已搬遷) 新店位置

荃灣路德圍都有好多美食選擇，今次路過一間韓國小店，見佢D週年小食優惠好似幾抵食，即管入去試下佢。估唔到小小既餐廳，菜單係咁豐富，咁多選擇。胃既空間係有限，人既食慾係無限，好難選擇呀! 叫了一份大韓無骨豬手，一份增量鐵板香辣魷魚筒，五花腩泡菜炒飯拼太陽蛋和一杯好靚藍海傳說。叫完菜侍應就上了3個前菜，泡菜，芽菜同魚乾。大韓無骨豬手例牌都好大份，豬手好爽脆，唔會好多肥膏，唔似德國豬手咁咸，味道適中，唔加任何配料同醬料都已經好好味。跟豬手有生菜，蒜片，泡菜，酸蘿蔔，特製豆板醬，可以包住豬手一齊食。包住生菜，豆板醬又係另一個層次既味道，包住生菜黎食口感變得無咁油膩，豆板醬同蒜片配豬手味道好夾，連生菜食又唔會變得好咸。鐵板香辣魷魚筒係原隻上碟，餐廳會提供一把剪刀俾你去隨著自己的喜好去剪魷魚的大細，增量版除了魷魚更多，仲會配炒年糕同粉絲。魷魚好新鮮好彈牙，韓式辣醬好惹味，要食得下辣先好嗌呢個呀。粉絲，年糕，泡菜呢個組合真係無敵，加上剪好的魷魚圈，非常好味。五花腩泡菜炒飯拼太陽蛋，薄切五花腩好脆，炒飯好乾爽，加上紫菜絲，非常好味。藍海傳說就係一支蘋果酒加青檸汁，甜甜地易人口，一D都唔似酒精飲品，大大杯

慘慘又抽到返夜既地獄更😵可幸既係晏開工仲有時間嘆下Lunch Hea一陣🙇🏻‍♂️趁未被打落地獄前一枝公去吃個最後的午餐先🙈位於荃灣路德圍既韓閣雖然距離荃灣站位置比較遠但有「天空之城」之稱既荃灣可謂四通八達！😆由A1出口直行沿住南行天橋過黎都算方便😆呢度環境裝修簡約配合擺設裝飾亦幾有特式風格☺️另外以抵食Lunch Set韓食既賣點😆再造出高質抵食既韓風料理😋吸引到唔少上班族或情侶午市黎幫襯😆🤪而且賣相一流顯得用心製作☺️👨🏻‍🍳餐前小食主菜上枱前會先附上芽菜同埋泡菜😆讓食客開開胃🤪芝士岩漿炒飯🧀以濃厚既芝士混合蛋漿而成既邪惡芝士岩漿🧀🤪配以炒到入味濃郁既五花腩泡菜炒飯🐷🤤擁有多重口感之餘而且造出拉絲效果🤩睇得又食得果然係人氣之選😆🙇🏻‍♂️蜂蜜牛油炸雞🍗半份都有六件炸雞顯得份量足料抵食🍗😆炸香既雞塊配合蜂蜜牛油醬汁亦十分邪惡濃郁🤤而灑上炸蒜增添唔少既口感之餘😋肉質嫩滑的炸雞形造到外脆內軟既口感🤪甜甜香香亦愈食愈開胃😝碟豆花芒果奶🥛以藍天白雲既一流賣相足以俘虜少女的心🤣濃郁奶香配合清甜芒果😋不論味道或賣相已經100分🤩🥛另上芒果醬讓食客自行控制甜度亦顯體貼☺️

晚上十點多，又到左荃灣。又吾想食米線，車仔麵，就揾下有咩野食。比我見到有間韓國野仲未收，就走入去試下。叫左個小食，吾記得叫咩名，見佢話開業不知什麼優惠$20所以叫黎試下。冇咩味，還好枱面上有韓式辣醬可自己加。之後叫左個銀絲芝士煎餅。好油，吾夠熱，冇芝士味， 整體嚟講係冇味。 還好檯面上有韓式辣醬可自己加。諗住唔夠飽叫多碗魚胶湯$20。。。。吾想寫， 建議大家叫飲品好過！最後蜜糖炸雞半份。份量可以，但不是想像中的那樣脆，好像只是在表面上撲上生粉去炸。冇一件系雞髀位。 以為有半隻。 至於味道方便都係個句 。還好檯面上有韓式辣醬可自己加。整體可以試一次/ 夜媽媽想食韓式嘢嘅話可以試， 價錢可以接受的。

住荃灣區既我緊要介紹下荃灣嘢啦😏話曬路德圍都係好出名既食街❤️今次到大家都好喜愛既韓國嘢啦‼️.一坐低就有4小碟泡菜 魚仔 芽菜等小吃最中意食魚仔 咸咸地好滋味🐟.因為想試2款炸雞🍗我地甜辣味同芝士味都各要左半份唔好以為半份好少其實都有成6-7件雞睇同食落都滿意雞既部位會略有不同肉質同算太滑 但都夠味雞胸會無雞翼雞脾咁嫩個人推介芝士味🧀多啲‼️🤤#芝士控必食啊(建議先將雞件同芝士伴混).甜辣芝士年糕有得拉絲😏💙年糕唔算太多 呢個我當係小食啦‼️小辣 年糕好彈牙🤭.水冷麵好正宗 店家有芥末醬可以自己加！加落麵 拌好 再用剪刀✂️剪下啲麵方便食用 可以開心sʜᴀʀᴇ💜個麵好清新 夠凍啊！ʜᴋᴅ ⑤⑧ 抵到爛啦😋.另外我地叫左2杯香芒金柚沙冰🍹好大杯🤣而且係由新鮮芒果打成不過上面個ᴄʀᴇᴀᴍ我就覺得唔加會更好💕.總括黎講 平民價 有正宗韓菜食 CP值高 仲想點⁉️

好耐無介紹過韓國菜了‼ 上星期食咗一間平民價錢嘅韓國嘢，喺荃灣區的，離地鐵站只係5分鐘路程咋❤一坐低就有4小碟泡菜，魚仔，芽菜 ..... 等小吃，可以食住先😋因為想試2款炸雞，所以我哋各要左半份，我哋揀左芝士味同傳統甜辣味💙 唔好以為半份好少，其實都有成6件雞，睇同食落都好滿意。 雞嘅部位有不同 - 有雞胸位和有雞翼位，肉質不算太滑，但都夠味。 個人推介芝士味多啲🤤🧀 #芝士控必食。(建議先將雞件同芝士伴混)我哋仲點咗個沙律同牛骨蘿蔔湯🐂 秋風起，飲返個湯暖一暖胃，正！個湯有牛骨嘅鮮，加上菜同蘿蔔都煮到好淋身，唔錯😋沙律🥗有柚子同蟹肉，酸酸甜甜好開胃 🦀蟹肉也不少的；菜好爽脆，不過柚子汁多咗少少有啲甜。另外叫咗2杯特飲🍹 不過不失，因為跟主食，所以只係ʜᴋᴅ ①④ 絕對飲得過‼

路德圍餐廳款式多，各國菜都有得食。尼間主打韓式食物，除左有炸雞，仲有鐵板，屬於平食地道韓國菜，味道亦唔錯。叫左大醬無骨豬手($78)，配白飯(加$4)，韓式醬油燴雞($58)，配牛骨清湯，韓式餃子($20)，跟餐配凍飲(加$7)。前菜有菠菜(?)，芽菜。豬手份量多，除左啖啖肉之外，有幾件會有皮肉相連，骨膠厚豐富。而且醃得夠入味，唔辣，亦可以醮大醬，不過鹹左dd，鍾意可以食埋蒜片，不過就咁食都好夠味。伴碟會有醃蘿蔔，泡菜，蘿蔔爽脆好食。仲會有生菜，可以包住豬手一齊食。燴雞大大碗，雞肉嫩滑，加入粉絲，紅蘿蔔，薯仔一齊燴，味道鮮甜，而且份量一d都唔少。跟餐附送牛骨清湯。有幾片冬菇，冇油清甜，味道ok。週年有優惠，小食有特價。韓式餃子炸到脆卜卜，一共有5隻。隻隻都脹卜卜，內餡有粉絲，菜，肉。即使放耐左先食，外皮仍然脆。鍾意可以醮茄醬/蜜糖芥末醬，更滋味。整體，平食韓國食物，雖然平過連鎖韓國餐廳，但係食物質素亦唔差。不過餐廳細，所以想食就要早d去，唔好expect環境會闊。

今晚過左來路德圍，經過見到呢度門口有堆人等位，行過來先知，原來開左間韓國嘢，我地有時間所以排隊試下估唔到鋪仔細細，但款式都幾多下先來3碟前菜本身叫牛肉雜菜手卷，但已經售罄就改左泡菜豬肉芝士手卷，入面仲加左青瓜絲同黃瓜，芝士味幾突出，d料都幾多下架傳統甜辣味炸雞，有少辣/正常/大辣，三款味你揀一食落去熱辣辣，肉質好嫩口！個甜辣汁味道好正，我地叫左正常味，但唔係太感覺到辣味，俾蜜糖蓋過左，但甜度都剛好，唔會過份呢度既炸雞唔係剩係得雞胸，仲有雞槌，雞翼+尖架部隊鍋入面有特選牛肉，五花腩片，雞肉腸，韓國午餐肉，年糕，泡麵，仲有d泡菜同翠肉瓜片平時係岀面食，要2,3百蚊勁大煲，但食完跟本食唔到其他嘢架，呢個1人份量剛剛好，好鐘意食韓國泡麵如果有埋茄汁豆就好喇泡菜煎餅廚師已經切開分成8小舊，薄薄的，條邊仲係脆卜卜，味道就稍為咸左少少，但都幾好味橙汁菠蘿梳打入面真係有菠蘿肉架，橙汁+菠蘿味道幾夾青檸柚子蜜

去旅行去到盡，周未放假都要去韓國食好野！hey！寫錯，系韓閣，荃灣韓閣食好野，接近齊全的韓式料理，味道更是意想不到的出色！仲要十分抵食！Logo韓妹好得意😎呢度都出名招牌炸雞，好想試下呢！可惜呢排太熱氣，決定下次再試。今次食住海鮮煎餅過下口癮先，賣相好吸引，未食都聞到香蔥味撲鼻而來！餅的厚度適中，但餡多極豐富，蝦仁海鮮很滿足，貨真價實！點上辣醬，味道更好！加20蚊可以配炒野菜拉麵，仲以為細細碗，點知加配都可以咁大碗！抵到冇朋友！仲要系超好食，真的一d都唔hea!店家非常比心機制作美食，每樣食物都高水凖！泡菜腩肉芝士圈，韓風特色不在話下，芝士融化在口中，腩肉變得格外香濃！加20有紫菜粉絲卷，炸至香脆，咬開之後入面糸粉絲，點上蕃茄醬，絕對好昧過西式薯條。加14蚊就可以有特飲，碟豆花梳打，抵飲！好味！

雖然寄居人家冇得煮食，但食野都一定唔可以馬虎架噃。今日lunch唔知食咩好，但因為食完要去新屋unpack😬, 所以要食餐正經啲嘅, 唔係邊有氣力去新屋unpack呢？🤭🤭🤭荃灣街坊叫我嚟試下呢間韓食小館，話佢地啲野平實好味，而且價錢相宜👌。我同媽咪都幾鍾意韓國野， 特別係韓國泡菜，屋企常備一大桶添， 煮即食麵加佢即刻好味好多😁。一嚟就先點個泡菜煎餅，泡菜味道剛好唔會太鹹或者太酸， 兩邊煎到微焦， 好有住家feel。要爽爽口媽咪就睇中呢個牛肋骨蘿蔔湯， 湯底好清好甜， 蘿蔔煮到剛剛好而且冇根👍，係靚野嚟。牛肋骨本身好有肉味，結實得嚟唔會硬崩崩，所以成煲湯我地兩個好快就KO了😅。最近都食左好多炸雞， 所以今日唔敢點，但為左頂下癮， 又order左佢地推介嘅脆爆雞翼，雞翼炸得好香酥， 個脆粉有啲似越式牛油雞翼，好好味呀！飲品我就貪佢靚叫左杯柚子香芒沙冰，見到佢就覺得透心涼啦！不過提提你，佢都幾大杯架，如果怕太飽肚就咪點啦！

喺荃灣上完堂同個同學仔去左路德圍揾食，路德圍咁多食肆真係唔知點揀，同學仔提議邊間多食客就揀邊間，於是就入咗韓閣。餐廳牆身貼上紅磚牆紙，感覺温馨舒服。甫坐低職員先送上四小碟泡菜大韓無骨豬手(例牌$78) - 配有特製豆瓣醬、紫生菜、醃蘿蔔、泡菜，豬手已預先調味，豬皮香口爽滑，豬肉爽口肉質細緻，可依個人喜好用紫生菜包住再加上豆瓣醬、醃蘿蔔、泡菜或蒜片，口感同味道都豐富好食！韓式燉牛骨麵 ($72) - 有2嚿大大嚿嘅牛肉，白蘿蔔及大白菜，燉湯清澈牛味濃郁，帶有蘿蔔及大白菜的清甜味；牛肉牛肉味濃得嚟亦夠腍，水準之作！拼拼麵 - 即係韓式車仔百搭麵，湯底同配料都係自由配搭。我哋揀咗腩肉、煎蛋配香辣泡菜湯底及泡麵 (兩餸$58)。腩肉既香口又爽口，湯底辣得嚟十分惹味，喜歡食辣嘅話絕對值得一試！傳統泡菜煎餅 ($68) - 餅底唔會太厚，煎得香口唔油膩，餅身煙韌餅邊脆身，如果泡菜味再濃D就仲正！荔枝梳打 ($22) - 荔枝味香甜，解渴好飲！橙汁菠蘿梳打 ($22) - 橙汁味及菠蘿味好平均，香甜好味！

👫係荃灣行完街，想食韓國嘢，就嚟咗路德圍附近睇下有咩食😚 見到呢間餐廳晚市時間勁多人，而且唔駛加一，就入咗嚟食啦💕一一一一一一一一一一一一一一#三重芝士炸雞 <$98/半份>半份大約六嚿雞，兩個人食啱啱好🤤勁多芝士鋪係面，好邪惡呀😍雞係即叫即炸，熱辣辣又外皮香脆😝咬開仲見到啲肉好嫩滑，仲有好多肉汁，一啲都唔嚡👍🏻.#鐵板牛小排 <$88/一人份>▫️例湯份量都幾多，完全唔似一人份😚有4舊牛小排、菜同年糕❤️菜同年糕炒得好惹味，跟埋飯食一流😋.#芝士岩漿炒飯 <$78>飯嘅配料有豬腩肉、蛋、泡菜同大量芝士等等❤️飯食落微辣，都幾香泡菜味😋呢個飯嘅芝士拉絲效果好出，啖啖飯都食到芝士香味😝.#藍海傳說 <+$38>勁大杯，酸酸甜甜咁，好解油膩👍🏻仲有somersby apple cider😍.#夢幻碟豆花特飲 <+$14>成杯都係紫色好靚，飲落清清地，唔會太甜💖一一一一一一一一一一一一一一👾驚喜指數：❗️❗️❗️❗️🔙翻撻指數：❗️❗️❗️❗️（5個❗最高）一一一一一一一一一一一一一一💑提提你：▪全日免加一

行行下荃灣 想食韓國野 就黎左叫左半份炸雞 牛小排 芝士炒飯 炸雞肉好嫩 唔會炸到乾哂 好正牛小排一人份都勁多 夠兩個人食 仲送例湯芝士炒飯好高質 啲芝士多到二個人食到勁飽都係300蚊 都幾抵食

地方好迫，預左坐得唔舒服，食物方面叫左個韓式海鮮煎蛋餅，所謂蛋餅，全部都是粉，超唔好食，豬手同個伴飯都合格但未算太好食，兩條友食左200幾，總結唔好食唔好坐，沒有下次了

韓國食品中，本人獨愛人蔘雞湯，濃郁蔘湯與嫩滑雞肉實在令人難以抗拒！近日天氣轉涼，秋風起除了吃蛇羹外，人蔘雞湯也是個好提議吧！來到位於路德圍的韓閣，店子雖小但熱門的韓式美食都一應俱全，有部隊鍋、炸雞、炸醬麵、鐵板料理等。而我已一早下定主意，不作他選先送上兩小碟前菜，是小魚和泡菜，給客人開開胃口。人蔘雞湯 $128 加粉絲$12人蔘味道頗濃郁，即時暖暖胃，雞肉嫩滑，一人份量剛好，十分滿足呢！不過下次還是配白飯最好！

算係荃灣好食既韓國菜但入面好細 位唔算多 唔岩大班人慶祝 同坐好耐不過小人既話等位都唔算好耐 15-20分鐘到1️⃣蜜糖牛油味炸雞HKD$98睇落幾好 食落唔錯但佢唔係新鮮雞 係雪藏所以肉質唔算好滑而且半份唔係半隻雞係亂咁比d部位你炸粉唔厚 炸得幾脆 但蜜糖會有小小太稀 撈得唔均勻不過係炸得幾好食既會愈食愈甜 多d人Share 好d.2️⃣海鮮煎餅HKD$68海鮮足料 有厚度唔係脆既煎餅有配沙律醬 但點唔點都okay 唔會太鹹太油 都算幾香口 魷魚夠煙韌有口感 真心唔錯.3️⃣紫菜粉絲卷HKD$20有5粒 入面都夠熱 但炸得太勁 紫菜唔脆就係唔特別唔洗食.