韓閣 (已搬遷) 新店位置

親民韓閣菜@荃灣咁啱遇到有週年小食優惠，全部都係 $20-25，好抵食！不過正價 menu 啲嘢都幾平～食韓國嘢必食韓式紫菜包飯，呢個泡菜豬肉芝士手卷睇落好多料，抵食夾大件。飯粒平均地沾滿泡菜同肉汁，好惹味 仲灑咗好多芝麻～韓式小食入面我最鍾意泡菜，少少辣同爽脆，好味。紫菜粉絲卷嘅炸衣好薄，一啲都唔油膩，但係勁脆！我覺得啲紫菜炸咗之後有加分，入面嘅餡就係粉絲嚟嘅。炸雞可以全份半份咁點，點知半份蜂蜜牛油味炸雞都好多雞 啲蜜糖令到炸雞好令～ 底下仲有好多蜜糖可以再點。炸雞好香脆夠哂味，雞肉好嫩 睇 menu 寫好似可以免費轉哂雞鎚翼，不過因為朋友食胸肉我就無問到。另外點嘅，有大大塊魚糕，最重要係飲埋個湯！朋友杯碟豆花芒果奶，顏色好夢幻。佢話芒果味都好出 我呢杯就大杯到飲極都有，哈哈。keep 住都好冰凍，非常解暑止渴！

入到荃灣見客後, 再約朋友相聚, 朋友推介食韓國炸雞韓閣坐落於路德圍, 店鋪以家庭式經營,是一間細細的店裝修簡單帶點韓式風格差不多每一檯都有一份炸雞, 打開餐牌, 除炸雞外, 也有不少選擇炸雞有5款味道選擇, 我是芝士控,於是點了 : 三重芝士…嘩@@ 上菜時, 分量比我想像大, 滿滿的一盤, 有6大塊 因為睇價錢$88, 份量估計是一般, 濃濃的拉絲芝士, 覆蓋炸雞, 好邪惡 @@炸雞的質素與味道, 我敢說超越大型連鎖炸雞店. 而且完全是新鮮炸起, 粉漿厚度適中,熱辣辣, 肉質JUICY, 肉嫩滑, 超好味無骨豬手, 估唔到是這麼爽滑不肥膩, 肥瘦適中,而且很重骨膠原, 用生菜夾上醬料/泡菜/蒜頭,不得了, 配料帶出豬手的爽滑層次很喜歡韓國的魚膏湯, 這裏可以做出韓國街頭的車仔檔味道, 在韓閣用餐,令我回想起韓國瘋狂喪玩的旅行時光,不知不覺,飲飽食醉, 埋單只是2百多, 很超值, 為了其餘4款炸雞味道, 我決定再黎支持韓閣, 因為炸雞實在太出色

呢間係路德圍嘅韓國餐廳，開張無耐，門口已經成日有一大堆人係到等位，所以我就特登約個朋友嚟試吓，睇吓係咪咁正❗️我地8點半嚟到都仲要等位，可想而知呢到真係好爆場餐廳以紅磚作為主調，配埋啲特免擺設，Warm 得嚟又幾有氣氛唔好睇佢餐廳細細，佢地嘅食物種類都幾多，由炸雞到牛骨湯都有，唔怕無嘢食一坐低就送上三款小食，有魚乾、泡菜同菠菜，每款味道都唔錯，幾開胃平時一碟炸雞，閒閒地都百零二佰蚊，點知呢到只係賣$88😲而且份量都唔少，基本上兩個人食完碟雞，就已經飽咗一大半🙈所以勸大家如果細食嘅，記得就住嗌啦😌由於同行朋友唔食得辣，所以我叫咗呢款蜂蜜牛油味炸雞🍗，味道相對清新☺️如果鍾意重口味嘅朋友，其實佢仲有一款甜辣味可以揀，辣度仲可以㨂大中小辣添，由於我無試，所以比唔到意見🤣不過當日都見幾多人嗌㗎🙈另外我仲加$15要多咗個田園沙律，份量多之餘，沙律菜都幾新鮮，夠晒健康呢個蟹醬石鍋拌飯真心有驚喜$68蟹醬份量勁多之外，石鍋飯火鍋啱啱好，食落仲有少少飯焦係我鍾意嘅口感！千奇唔好睇少呢份芝士泡菜煎蛋$62由於芝士同泡菜份量都好多，所以食起嚟超級飽！但係係好味嘅最後不得不提，佢飲品種類都幾多，連玫瑰檸檬蜜都有

今日我嚟到呢一間位於荃灣嘅韓式餐館，叫韓閣！之前聽人講佢價錢親民，份量又多，睇下係咪先！😊松葉蟹金柚沙律🥗一坐低，我就叫咗個沙律，佢個沙律有啲檸檬喺面好開胃，而且佢啲番茄都好鮮甜，尤其係佢啲金柚只令到成個沙律都好新鮮，好fresh，同埋佢個卡路里就比較低，因為佢嗰啲汁主要都係有啲水果同埋蔬菜類組成嘅，而且佢個價錢＄58 ,但係個沙律好大盆，絕對實惠！無骨猪手 68圓之後我哋仲叫咗一個無骨嘅豬手，佢豬手有啲煙熏味，佢呢個豬手肥豬肉唔太多，同埋佢會提供一啲蔬菜俾你包住食務求令到個豬手唔會咁肥膩，而且佢都會配送一啲泡菜令到我哋比較開胃。五花腩炸醬麵 42圓之後我哋仲叫咗一個五花籃嘅炸醬麵，食韓國嘢點可以冇炸醬麵啦，但係我就嫌佢個炸醬麵同之前喺韓國食嘅就比較甜一啲，而且佢啲麵條係好有口感，而且啲肉同埋配菜都係非常之多，對於兩個人食呢都比多！絕對超值啊！韓式便當 🍱42圓之後我仲叫咗一個韓式便當，我之前都去過其他鋪頭食過韓式便當都覺得好好食，今次佢呢個變到呢就係主要係有啲菠菜，芽菜，配呢個豬腩肉片，但係佢個飯嘅份量係非常多，而且佢個豬腩肉片完全肥膩，加上配菜都係好多嘅關係啦，所以係食到好飽。而且

行完山，又要返荃灣聚會，最好嚟路德圍呢邊搵食，因為選擇十分之多，而且，唔少食店賣嘅嘢有特色，定價亦好大眾化。「韓閣」就喺其中一家，賣韓國菜，菜式種類多，價錢貼地，吸引到唔少年輕人幫襯。我哋嚟得早，都未夠6:30pm，店內一樣坐滿人。裡面地方其實唔大，座椅都排得頗逼，逼逼哋大概坐到30、40人。不過，透過幾面玻璃，營造出空間感，紅磚牆、銅水管、昏黃吊燈，帶點工業風。記住嚟呢度唔喺食服務、環境，所以，要有少少心理調節。打開餐牌翻一轉，所賣韓國菜嘅種類可以講得幾齊全，炸雞、湯鍋、鐵板、飯品、麵類、小食、野菜小品、特色手卷、一人鍋、韓式特飲……等等，款式多到可以媲美港式茶記。果然定價相宜，而且，點任何食物，都可以加配白飯、炒野菜拉麵、年糕……等等。順帶一提，好似茶記咁，餐具早已放晌枱下嘅櫃桶中。泡菜、大豆芽和菠菜落好單，先送上韓式前菜，爽脆酸辣韓式泡菜、充滿麻油香嘅大豆芽及嫩滑無渣嘅菠菜，正所謂各有特色。真露煮海蜆 $48如日式嘅清酒煮蜆，法式嘅白酒煮青口，加入韓國燒酒「真露」去煮，最特別嘅地方喺以銅盤呈上，甚具韓風。酒味唔太重，蜆肉鮮甜，湯內仲有滑豆腐、洋蔥，所以，食完啲料千祈唔好嘥個湯唔飲

其實次次經過都想食，但見到多人排隊所以放棄左。今次終於的起決心排隊食🤓🤓排左大約五個字入得去食，門口會有d好特別既凳俾排隊既人坐。入到去打開餐牌價錢都好化算。由於新開張嘅關係，店內會有幾款小食做緊優惠。我地揀咗紫菜粉絲卷，只係＄20就有五件，一咬落去紫菜表面好脆口，而且入邊充滿粉絲，呢個配搭第一次食，估唔到個味道會咁夾，而且＄20就食到真係好驚喜。同埋餐廳會送埋三樣前菜，會有芽菜，泡菜同一碟魚仔，魚仔炸過，食落口感唔錯細細條，泡菜都好好食，辣度適中。😋😋而我最欣賞嘅當然係鐵板泡菜五花腩，有一人份量同埋增量版，我地叫左個增量版，增量版份量勁多。泡菜炒五花腩非常惹味，而且五花腩好夠肥，大大塊連埋泡菜一齊食落去好正，五花腩炒得夠鑊氣，而且鐵板上識落更加滋味，鐵板keep住個溫度。傳統豆腐海鮮湯，可以自選辣度，我地揀左小辣，店員有提我地可能會淡d，但我地都照揀。但飲落其實都好濃好夠味，呢個辣到對地來講真係啱啱好，有時食韓國菜都好嘅餐廳整得太辣食唔到。豆腐海鮮湯個份量好夠兩個人飲，入面有蝦，硯，同豆腐，豆腐食落好滑，蝦都好爽口新鮮，我地成煲飲哂。蜜桃紅茶飲落好清新，入面仲有三四片新鮮蜜桃可以食，

去荃灣揾食！？ 識食一定係去路德圍個頭揾食每個朋友同我去到荃灣 我都一定會拉佢去路德圍食飯點解？ 應該都唔洗我點解釋 就係三個字 便靚正今晚朋友話想食韓國野 係唔德圍走左個圈 見到間幾旺場既韓國野 就二話不說決定食呢間 睇下我地叫左咩喇！蜜糖牛油炸雞炸雞其實個度真係有幾多選擇 而我地緊係選擇我地既最愛 牛油蜜糖喇 雖然係半份 但係實質都非常大份 三個人都夠食 雖然係牛油蜜糖 但係都依然脆口入味 有韓國風味呀無骨豬手(例牌)肉質控制得岩岩好 味道唔係話太太太咸 適中啖啖肉 正 包埋d菜食真係不得了 份量雖然係例牌但係都好足芝士泡菜煎餅泡菜煎餅食得多 但係加埋芝士 又真係好少食非正式統計 應該有半塊都係我食 韓式炒粉絲 (雜菜)其他另外仲有牛肉豬肉可以簡但係朋友話已經有好幾樣肉 所以想個炒粉絲配菜唔錯嫁大家可以一試人蔘雞湯熱騰騰咁送上黎雞肉非常嫩滑 非常足料重點係人蔘味非常濃郁 配合埋少少 糯米 真係唔錯飲品我地都每人叫一杯 最特別係藍海傳說睇得又影得熱玫瑰檸蜜荔枝梳打藍海傳說埋單三個人 人頭唔需要150蚊 你話抵唔抵想食便野同好野 大家真係可以考

太耐冇去韓國旅行，太掛住韓國啲嘢食，所以呢日去咗荃灣嘅韓閣食番啲韓國嘢。夜晚去有啲多人，大概等左15分鐘到就有位，一打開menu，全部嘢食嘅價錢都好平民！搞到選擇恐懼症都出埋嚟，哈哈。我哋點咗半份亞之媽炸雞 (蜂蜜牛油味)($88) 同朋友Share嚟食，一上枱，第一個反應係「嘩，好大份」睇返自己張單有無叫錯，真係冇，但真係放滿了整個盤，總共有六件雞，份量十足，絕無欺場！雞炸到好香脆，外脆內軟，一啖咬落去啲肉汁必曬出嚟，加埋蜂蜜牛油， 香香甜甜好惹味。我哋都跟住個menu佢個必食推介叫咗個大韓無骨豬手($68) ，個豬手配上泡菜同埋韓式辣醬，跟住用生菜包住，呢個食法好新穎，食法有啲似韓式燒肉，但今次就轉咗豬手。豬手好香好軟肥瘦適中，但就咁食就有啲咸，所以配埋生菜一齊包住食就啱啱好。本身驚唔夠飽就嗌埋個海鮮煎餅($68) ，都係menu嘅人氣料理，佢其實有啲似平時食開嘅蔥油餅，材料亦都好多，不過佢呢個就落咗啲海鮮：有魷魚、蝦仁、章魚，配料有誠意。味道就偏淡，但有沙律醬調味，都唔錯嘅。我哋另外叫咗兩杯嘢飲，朋友唔飲得凍嘢所以叫咗杯玫瑰檸檬蜜($18) ，我就叫咗杯蜜桃冰茶($22) 。 蜜

星期六晚上接近九點黎到，都係咁多人，等左大概五分鐘先有位。上次黎冇試到炸雞，記得檯檯都會叫炸雞所以我地點都要試下！今次試半分蜜糖牛油炸雞先，半份遮係半隻雞，原來都好大碟下！炸雞炸得好脆，雞比位好juicy好好食，可惜雞胸位有d乾，有進步既空間。牛油蜂蜜味道偏甜，第一舊覺得好好食，但係食多d會開始膩，下次都係試下甜辣味先。叫炸雞可以用17蚊配酒精飲品一枝，我就揀左柚子味真露，同炸雞一齊食好正吖我地仲叫左個芝士底既鐵板五花腩，呢個真係好唔得，超級無敵鹹，可能配白飯會好少少，但真係鹹到唔知講咩好，我平時已經係重口味既人，都接受唔到，後尾直頭要用水洗完先食另外用20蚊加配既椰菜炒拉麵估唔到都幾多，好多椰菜好好食！呢個真係令我出乎意料窩總括黎講呢間韓國嘢好抵食，雖然好逼坐得唔舒服，而食物有好食既有唔好食既，真係要自己試下

在路德圍一帶有各式各樣的餐廳選擇眾多，我們就選了一間最旺場的韓國餐廳試一試雖是平日的晚上不過已有人在排隊了，我們在門口攞飛邊等待邊看看餐牌，很快有有位置了點了菜店員就送上三款餐前小食飲品選了健康養顏的滋補紅棗蜜，入面還有些紅棗肉哩先來個小食海鮮煎餅，也太豐富了！每一口都嚐到鮮味滿滿的蝦肉魷魚等材料，而且煎餅口感香脆煙韌，太對我的口味～接下來是看到每枱都必點的招牌亞之媽炸雞，我們選了蜂蜜牛油味，熱騰騰香噴噴呢。選了半份不過份量也是很多酥酥脆脆的炸雞澆上惹味的蜂蜜牛油醬料，雞肉外脆內軟又多汁，實在令人食指大動！店家還貼心的附上透明手套讓我們可以盡情拿著來吃～接下來就是這次令人大為驚豔的石鍋牛肉飯 上菜時已經聽到超級燙熱的石鍋在嗞嗞嗞嗞作響如果要吃飯焦就先待一下再加上韓式拌飯辣椒醬，然後慢慢將所有材料拌均，讓每一粒飯都沾上醬料。醬料很夠味又不會過甜過辣是次的精華就是這些脆到無比的飯焦！有時吃到的會帶點黏口痴牙，但這裡的很有焦香而且香脆到像是吃薯片般，口感一流超讚！最後就是安東奶奶雞，是不辣的口味，醬汁是甜甜的配有粉絲雜菜，薯仔燉得軟熟透了，入口即化雞肉嫩滑彈牙，而且燉得很入味，超級下飯！ ！

收工同姊妹們去左韓閣（韓國🇰🇷）一趟做韓妹😂芝士岩漿炒飯整體係幾好食，芝士配半生熟蛋口感特別，泡菜飯酸酸甜甜好開胃，但若然芝士可以再多d更好🤣鐵板泡菜五花腩片雖則是一人份量但份量十足！絕對夠兩個人食，五花腩肥瘦適中加埋泡菜辣辣地，好好味！田園沙律拼炸雞球炸雞球好食，但d醬汁太太太多了令到d菜淋曬甜辣年糕跟粉絲呢個味道不過不失，但好普通，好快結埋一團野，好在店員都比定左d湯解番開🤣紅豆抺茶牛奶呢個奶味同抹茶味偏淡，但都多紅豆！下次叫少冰就岩🙈蜜桃冰茶夏天飲一口冰茶簡直爽爽爽！重蜜桃味，唔會太甜，好飲！

細細間鋪頭仔但係有得打邊爐好似吉野家甘既feel 不過再細d同2個老板仔 好忙甘走黎走去服特大家d爐細細個 想食乜都可以自己揀唔洗驚朋友有咩食 有咩唔食全部我話事我地嗌左2個火鍋同一客炸雞share炸雞份量好多wo我同老板仔講 如果有半份既選擇就好啦

尋晚約咗兩個朋友見面，就選擇咗去荃灣食Dinner.因為佢哋都鍾意食韓國嘢，所以最後就選擇左韓閣。而且望入去環境幾精緻，地方雖小，但係裝修確實幾吸引。我哋大概八點半左右到達，都要等幾張枱先到我哋。入到去就已經比左三樣小食我地。味道不錯我哋三個人因為食嘢嘅份量唔多，所以就點左以下呢幾樣嘢食。芝士岩漿飯——> 芝士份量唔夠多芝士岩漿飯味道唔錯，但係只是唔夠多。建議可以放多啲芝士，因為叫得呢嗰飯嘅人應該都係比較鍾意食芝士年糕泡菜米絲——>普通，不錯的呢個餸普普通通，冇乜特別，但係都唔差！炒豬頸肉—->一人份量已經好大碟我覺得呢個炒豬頸肉份量夠大，我哋三個人點一人份量都夠食，同埋味道亦都好夠，啱晒鍾意重口味嘅人芝士雞沙律——>大大份個醬汁睇落去有啲奇怪，但係撈落去未到五差架，雞件味道都非常入味！！紅豆茉茶牛奶🤙🏻🤙🏻桃味茶嘢飲大家可以叫泥試吓，價錢公道又唔貴最好嘅就係老闆唔會趕人走，我哋八點半坐到差不多11點先走，成餐飯食得非常輕鬆

知道荃灣路德圍一向都係揾食熱點。小店林立。中、西、意、日、韓、本土，應有盡有。好難選擇。最後揀選咗呢間座無虛席嘅韓國餐。海鮮煎餅 $68熱辣辣鐵板上。煎得香脆。海鮮份量絕無欺場。魷魚、蝦質感Q彈。韓式牛肉炒粉絲  $46牛肉醃得剛好，不會過份軟淋。加入椰菜伴炒，粉絲吸了椰菜嘅味道。甜甜的。好好食。牛骨蘿蔔湯 $78蘿蔔很清甜。牛骨份量夠多。湯沒有太多調味。整鍋湯煲煮時間和食材份量都剛剛好。飲落清清的，但又不會有“唔夠味”嘅感覺。Overall 價錢適中 (無加一)，款式多。值得再幫襯。

有人會覺得開食肆一定要開係啲食店林立嘅地區，人流多嘅時候食客自然會揀到你；都有人話開食肆要開係啲旁邊冇其它食店嘅地方，食客就一定要食到你。呢個問題都幾值得探索下，不過無論如何，今次我想講嘅係呢間位於荃灣路德圍嘅韓式小店「韓閣」，認真藝高人膽大！路德圍可以算係荃灣最多食肆小店林立嘅地方，但係「韓閣」係位於路德圍嘅邊境，人流比較上唔會好密集；更甚者，其實佢個位置都幾唔顯眼，門口對住一個冷落商場-力生廣場嘅入口，如果唔係要穿過力生廣場上地鐵站，真係比較少行到過去。作為荃灣人，老實d講，其實呢間小店我都係最近先發覺，唔係今日喺荃灣行街突然心癮想食韓國菜，我都未必會探索到呢度。從面門睇，鋪頭的確唔係大，裏面大約可以坐20多個人。我哋星期六下晝1:30左右到達，店舖已經座無虛席，好彩只係等左一陣，好快就有位。入到去嘅時候，見到老闆係香港人，店員係50幾歲嘅Auntie，估計其實呢間韓國菜並唔係由正宗韓國人主理；不過呢個唔係大問題，反正連鎖嘅韓國食店都唔會係由正宗韓國人主理，食物味道質素先係最重要！一間小店，餐牌都有成七，八頁！選擇非常之多！石鍋飯、韓國拉麵、紫菜包飯、鐵板炸雞乜都有！而且餐牌圖文並