韓舍 (已結業)

家庭聚會，想搵間韓燒，見呢間除咗韓國燒肉以外仲有好多其他種類食物，所以試吓。首先講佢啲熟食、有八至十様左右，當中不乏有韓式燒雞、蝦、青口、豬軟骨、水煮魚、人蔘雞湯、蟹粥等等。熟食食品普普通通，沒什麼可以特別推介。生食有魚生、鯛魚、象拔蚌、蟹捧、北寄貝等等。燒肉種類繁多：咖喱雞、辣同唔辣雞翼、牛肉、牛仔骨、牛扒、豬扒、叉燒、豬頸肉、五花腩、多春魚、秋刀魚、鴨腎、魷魚、其他腸仔、粟米、蔬菜等等，燒烤種類都算多，肉類的醃料不太濃味道，好怕醃料太多完全食唔到肉味。還有其他特別小食、自製小丸子、夾餅、製成品爆谷、雪糕、少量甜品及兩款生果。其實平均每位＄200左右、用金錢來衡量咁多種類食物，係抵食嘅，但未至於好味，兩個鐘頭一定食到你飽肚，對食物有要求嘅人就唔係太啱。我哋後加一隻龍蝦$58、安格斯牛小排＄48，提供另外一個細爐燒，龍蝦大家可以考慮加因為都 OK size, 但安格斯就好一般，沒什麼特別。要彈嘅就係太大油煙、燒烤爐太細抽氣位抽不到油煙，我哋算好好彩坐大廳，油煙都好犀利，如果坐到再入面，簡直煙霧瀰漫，食完個身一定臭，由頭到腳到個袋內充滿油煙味，食完第一時間返屋企沖涼。但個袋冇得沖涼👉🏿👈

最近看到韓劇中韓式燒肉，非常吸引，今餐仲唔係韓燒時候😅！ 約幾位好友🐷🐶 ，一約即合，今次選了 "韓舍"， 旺角地區，大家都方便！愛吃自助韓燒和 gathering，經濟又實惠，更可挑戰我們的食量😂😂！餐廳設有自助的冷熱飲品及果汁水吧，還有檸檬味青酒 🍶當然即食方面也不少，壽司、春卷、咖哩角、薑醋都有 蔬菜配料：各種蔬菜、大冬菇、雞脾菇、南瓜、粟米等多款選擇👍🏻 (基本動作唔少得)。肉類方面：豬、牛、雞、魚和各款肉丸，更有一些是不同醬汁醃製的口味！咖喱雞柳、金沙骨、叉燒豬扒、黑椒牛肉粒、韓式辣雞..。我最愛的咖喱雞柳，醬汁非常入味，肉質鮮美，用料還算新鮮，沒有雪藏味道。黑椒牛肉粒- 濃郁牛肉味配上惹味黑椒汁，效果相當 Match. 餐廳食品琳琅滿目，每款吃一點，其實已經吃得非常滿足！但看到精美甜品，即是啟動了第二個胃，DIY 章魚燒、棉花糖機、小糕點任君選擇，當然唔少重中之重的雪糕😻😻停不了的雪糕！ 正

旺角韓舍韓燒放題真係好底食，餐廳環境很大，座位很寬闊，具足夠空間感，員工服務主動，態度理想，主動收集多餘碟或餐具，令客人食很很舒服。餐廳提供不同款式的食物，包括各種肉類，蔬菜類，壽司，刺身，甜品，DIY小食。食品擺放得方便又衛生，餐飲也是自助形式，種類不同，能夠用這不太昂貴價錢吃到那麼多東西，真係好好的享受，是日晚餐真係非常飽足。食物保持新鮮狀態，職員會定時添加份量，確保客人享用到每一款食物。燒烤爐火力剛剛好，容易控制。

為咗提早慶祝父親節，特登揀咗韓舍慶祝。因為食物款式多，肉類豐富，甜品吸引。內類方面，有牛仔骨，羊扒，豬扒，雞翼，豬柳等等。其中最吸引我嘅喺牛肉粒。調味合宜又快熟，唔洗煎太耐就有得食，正呀！蔬菜方面:有粟粒，青瓜，菜，茄子，菠蘿，仲有秋刀魚等。其中最受歡迎嘅係燒菠蘿，味道鮮甜多汁，好快就掃清光，識食嘅一定要試一試，超正！小食方面，欣賞餐廳有好多款式俾食客選擇，除咗有得玩，仲有得食。例如韓國炒年糕，即炒即食，全自制，調味料可自由選擇。仲有棉花糖機，好食又好玩，製作簡單，又有使用說明，按步驟製作好快就有得食，大人细路都鍾意，欣賞餐廳食物供應多元化。甜品方面，今次新推出咗「雞蛋布丁」用咗新鮮雞蛋製作，外型十分吸引，食完再食，味道唔算太甜，真係甜品最佳選擇。

韓式放題其實一直都好少食男朋友話旺角有間好好味叫我放工特登過去同佢去食創興廣場之前都有黎過依度食野但依間就未黎過原來係以自助餐嘅方式任拎任燒座位都好寬敞，燒烤爐上有張枱牛油紙燒物時無咁容易痴底食放題，食刺身係必須既刺身款式都好多，有三文魚、希靈魚、鯛魚、象拔蚌⋯即點即切仲冰鎮咁上除此之外仲有好多壽司款式熟食亦一樣，可以媲美酒店的自助餐燒物材料亦都係自助，好似去左市場度任點其中雞翼及雞腎係我同男朋友都很喜愛甜品區的位置十分多款甜品有炒雪糕、各種類型蛋糕、有爆谷機、棉花糖機等花多眼亂，有很多都想吃整體款式很多，地方寬敞，下次一定會帶家人再來吃

上次去元朗探朋友, 她想請我去韓舍吃放題, 可惜冇預先訂檯, 客人多, 我們過門而無可入.  剛知道 韓舍 在旺角開了分店, 立即去電訂座.  到達創興廣場9樓,  摩登塑像極有禮的歡迎我們, 再有接待姐姐帶位,  餐廳內, 燈光及裝修新穎 !    餐廳門外掛著很清晰的價目表, 分不同時段, 包燒烤及免燒烤放題.電梯出口設有等位區, 並可看大電視, 招呼妥善. 餐廳分為免燒烤區,  自成一角, 座位光猛闊落.而燒烤區色以卡座為主, 隔著大玻璃窗可遠朓對面的信和中心, 我們決定點午市燒烤放題, 每位$118- (假日)店員服務態度好, 我們一坐下便為我們開爐, 又簡單介紹飲品, 小食, 熱點, 燒烤食物, 醬料, 甜點位置, 好細心.  獨立抽油煙機也很新式.我們先由飲品區開始, 飲料種類多, 我取了杯冰凍的 7-up.  飲品無限添加.  餐廳中央設有大型壽司, 沙律, 甜品吧, 清潔整齊.沙律有新鮮蔬菜, 辣螺肉.  櫃檯內藏冰.壽司,  太豐富了.我們先取小食, 盛器有多種尺寸款式, 安排得好細緻.食物款式更多, 一望無際.  我們由熟食檯開始: 炸物:   麥樂雞, 炸薯格,

又一個星期喇, 星期一至五要番工都好鬼攰, 終於等到星期六, 日可以RELAX一下, 同fd出來食下嘢吐下冤屈氣, 我地最鍾意食放題, 今次就揀咗間韓燒嘅.呢間11點就開始, 我地差唔多12點先到, 未到高峰時期唔洗等位就入去坐, 呢間可以揀燒烤/免燒烤嘅, 價錢好扺食燒烤成人$118加一, 小童$68加一, 所以現場都有好多一家大細嚟食嘢.  呢間嘅卡位真係好闊落, 我地3個人坐嘅卡位應該可以坐到6個人, 講都唔信喺旺角嘅食店呀.  店員帶我地坐底後好快就俾咗盤生菜俾我地, 咁即係....我地可以開始搵食喇喺正我地旁邊嘅有熟食區, 蟹粥, 芝麻糊, 蟲草花荷葉蒸雞, 櫻花蝦炒飯, 忌廉意粉, 煮茄子.....等等, 再行入d有港色麵檔, 又有炸物(炸薯格, 麥樂雞, 餃子) 質數都唔錯喎, 由於我地今次目標係韓燒, 熟食先食個幾款, 就即刻進入主菜牛肉, 牛柳粒, 雞翼(原味或香辣), 豬扒, 雞柳, 金沙骨, 秋刀魚, 多春魚, 魷魚, 蔬菜都唔少, 我只係咁依攞咗幾款番去慢慢燒, 我個人比較鍾意雞肉, 咖喱味, 香辣, 原味都食過, 唔會有雪味, 全部都好入味, 香辣味唔多辣,

每次去旺角創興商場通常都係行生活用品店，唔係朋友講都真係唔知原來9樓有間咁抵食嘅燒烤放題，食物種類包羅萬有，比美酒店嘅自助餐，但價錢平三倍！我地食嘅係晚市燒烤放題，好在一早訂左位，晚市都幾多人食，原來午市價錢都好抵，如果唔食燒烤，只需$58，真係去茶餐廳食個午餐都差不多價錢。門口嘅笑面迎人座燈好趣怪，餐廳入面間格幾大幾寬敞，一入去已經見到好大個甜品櫃，好多甜品蛋糕呀！我地坐嘅係卡位，餐檯座位都好闊，中間係燒烤爐，爐上方仲有個小抽油煙機，坐好後侍應幫我地準備好燒烤配料同醬汁。我地已經急不及待出去攞野食，當然要第一時間攞肉類黎燒啦，呢度有好多肉類選擇，牛肉、雞肉、豬肉、羊肉、海鮮都有，我就主攻牛肉，攞左好多牛肉片、黑椒牛肉粒同牛仔骨，烤肉好香呀！除左肉類，仲有好多蔬菜，食得多肉都要食番d菜。呢度嘅刺生係即叫即切架，三文魚色澤鮮明，油脂分佈均勻，紋理清晰，一睇就知好新鮮！仲有好多其他熟食韓式、日式、泰式、西餐、海鮮等等。清酒自隊區，清酒係任飲架，啱哂一大班朋友歡聚暢飲！不得不提呢度嘅甜品，絕對比得上酒店級，蛋糕、泡芙、果凍、鮮果撻、麻糬、曲奇...超多款式，而且賣相非常精緻！另外，呢度仲有特

歡聚在韓舍台灣朋友來香港老友聚聚話想去食韓燒，剛兩個月前食過這家位置旺角創興廣場九樓酒店式韓燒，由於味道及環境都不錯，我建議去「韓舍」大家一致贊成。老友遠道而來相聚，舉杯暢飲大家都珍惜友誼永在！這晚台灣朋友非常開心，話一般韓國燒烤都係燒肉為主，這裡有韓式、日式、中式同泰式一晚可以食到多國美食認真開心燒菠蘿是我的至愛，新鮮菠蘿經燒烤過更加甜美多汁，這裡的菠蘿更是大大粒厚切爽啊！三文魚肥美甘香，這裡更是豪不吝嗇大大件厚切任食最有趣係可以親自整一碟章魚燒，我朋友一路整一路大叫過癮！燒雞腎、雞翼同牛柳粒，全部都好入味牛柳粒最淋，燒雞翼就更難以抗拒香噴噴誘惑朋友不停燒我地不食，雞腿排、牛仔骨超多選擇食物擺放高級整齊有別傳統嘅韓燒。 甜品款式多不勝數，每款小小都有排減喇！不過這裡的甜品那麼吸晴我又如何能抵受誘惑呢我自己落手整的，真係有得玩有得食坐落旺角鬧市晚飯時段$188.00 任食抵到無話可說啦！酒店式設計嶄新理念!

自助餐總給予人一種高級的感覺，價值不斐，中學時期不時走到韓舍韓燒自助餐，貪其價錢極之親民之餘自助餐款式極多，相隔多年再次來臨，款式依舊目不暇給。首先韓燒燒肉種類雖然比起只以燒肉為主的韓燒餐廳少，但豬肉、牛肉、雞肉，以至海鮮都應有盡有。熱愛壽司的我當然要再三到訪壽司區，款式只有數款，不算新鮮鮮美但幸而沒有腥味。飽嘗甚多肉類刺身後，轉戰熟食小食，炸物以暖燈照著保溫，不過外皮始終難免已經稍為變軟，其他食物亦不過不失。甜品區絕對是女士們最愛，除了有多不勝數的迷你甜品之外，更有DIY自製窩夫及棉花糖等，雖然味道一般，但勝在過程有趣好玩。以如此低廉的價格而言，對食物質素固然不能要求過高，但款式的確極之繁多，「有得食，有得玩」，極之划算。

如果喜歡任吃任飲嘅朋友，可能都有好多地方提供，但這裡嘅選擇真係多到你一次未必可以完全吃得晒！全層，座位多以梳化卡位為主，而座位旁就係取食物嘅地方，有熟食，有燒嘅食物，一路到尾，望見都唔知由哪裡開始！而另一邊就係刺身同甜品，重有diy 煎雪糕、小丸子、韓式煎年糕！食物種類十分之多！行了一轉熟食，每樣一件，有炸雞，咕嚕肉，估唔到重有薑醋食！而個湯係人參燉雞，夠清潤！而重有至愛嘅蟹粥，粥底夠晒味道，重可以係粥眼到蟹腳，真係真材實料！選擇多反而唔知由哪裡開始！熟食，刺身，壽司方便懶人，肚餓立即可以唔使等，即刻有得食！讚！當然燒嘅食物就自己能力，自己選擇，愛吃肉當然唔會放過牛肉片、牛肉粒、咖哩雞柳，調制味道剛好，爐火亦平均，放上鐵板上嘅肉，轉頭已熟，入口嫩滑，夠晒味道！食物選擇多，又新鮮，不停補充，客人絕對唔擔心會取不到自己喜歡嘅食物！一餐真係忙個不停！差點連甜品也吃不下，雪糕，蛋糕，爆谷，當然都有吃，不過因太多選擇嘅關係，只係咁食了少少，甜品精緻，款式多樣，幸好是任吃，按自己可以嘅份量調節！價錢同質素都唔錯，如果要搵食，大家都有個好地方！

已經第二次幫襯鳥，原因實在太正！日式放題有得食嘅食品，韓舍有，但食品選擇比日式放題更多，齋食佢地嘅甜品都夠，而且甜品都好精彩，所以，番唔到轉頭。今次幫襯有兩點係之前無留意，第一係坐得好舒服，第二係d服務員幾靚女！哈哈....由於上次嘅經驗，知道佢地熱食同其他食品都唔錯，所以今次燒烤食品食少d，返而食其他野。所以，今次食韓舍有種食自助餐感覺。每款甜品唔會太甜，豬軟骨有肉汁，而且軟骨部份都好冧。下次幫襯再試下齋食燒烤食品。

今日黎到衣度，雖然話係放題，但我覺得同食自助餐冇分別，仲有爐可以燒肉可能分別就只在於有限時1.5小時，但我覺得幾好呀，坐得又舒服。枱上仲有生菜供客人包住燒肉食，多種醬汁，韓式食法Book左7:15，黎到已經好多人響門外等位，外面有好多櫈方便客人等位用裡面原來好大好深，唔去廁所都唔知，我地好好彩坐正食物枱附近，方便好多。梳化位都好寬闊，2個人都會比咁大張梳化位我地，勁正食物種類有韓燒的肉類蔬菜類、日本刺身壽司冷麵、海鮮(蝦、青口)、中式熟食等等.....比較新款式d有蟹粥、自助整棉花糖,自制韓式年糕,自制炒雪糕同小丸子，都好多人玩棉花糖同小丸子，炒雪糕同韓式年糕都冇乜人整！飲品有乳酪汁、柑桔檸檬汁、檸檬清酒，各款汽水同蘋果綠茶，果汁一定一定要加大量冰，超級甜。食物質素都算係咁啦！坐得舒服、自助餐咁款，$198加一一位1.5小時，可以啦，絕對夠食到捧住肚走

這天晚上約了朋友到旺角吃晚餐，我們決定吃韓燒。近排常常吃韓式炸雞，反而很少吃韓燒，所以決定這天要盡情大吃！創興廣場9樓有「韓舍」，一出電梯便看到很搞鬼的雕像，還有很多座位，供食客在等候時休息。離遠就看到餐廳內部裝潢精美：門外的店員詢問了簡單資料後，隨即帶我們入座。餐廳內部燈光掌握得恰到好處：店員告訴我們有一個半小時任吃，對於身為吃貨的我們來說尚算足夠。這是甜品那邊：有雪糕、泡芙和各種特色甜品，絕對要試一試！往後走多幾步是飲品供應處，每個食客都需要拿杯去盛飲品，飲品機旁邊不會有杯供應。飲料種類繁多，包括大路的汽水，另外還有荔枝汁、咖啡等。桌上的餐牌：刺身有很多選擇：熟食：包括韓式泡菜雞腿、韓式紫菜飯、辣子炒雞柳、泰式青咖喱牛肉棵麥包、人參燉雞、水煮魚、韓醬雙豚燴、荔枝香酥骨、豬腳薑、紅酒燴豬軟骨等，款式之多，你能說都有。小食：有香芋沙翁、麥樂雞、泰式魚餅、韓醬飯焗蠔、和風大板燒、風沙茄子獅子狗等。肉類：雞牛豬一應俱全，都是預先醃好的。醬料也是多得有如天上繁星，有選擇困難症的人要小心：我們夾了一大把肉類，便頭也不回地返回座位開始烤肉。座位大而寬敞，服務員非常殷勤，我們一坐下便為我們開爐，旁

黎到食韓燒，係正式食肉之前，係揀選前菜嘅時間。日式螺肉、清新嘅芝麻豆腐、日式刺身都係各款，三文魚、鮑片、吞拿魚刺身都有供應，質素相當高。跟住又食左幾款炸物，天婦羅又係即叫即炸，值得一試。接著當然係食燒肉啦。牛肉粒、牛仔骨，雞柳、雞翼、豬扒、雞腎、金沙骨、魚塊... 樣樣數之不盡。魚塊肉質結實，無太多醃料之下仍然食出美味; 牛肉粒肉味濃郁，燒5成熟就啱啱好。甜品時間，選擇又係非常豐富，芝士蛋糕芝士味濃郁、唔同味道嘅啫喱都有。而且又有炒雪糕機，，棉花糖機，仲有爆谷機, 所以係物有所值!