韓舍

Korean House
435
59
68
港鐵旺角站 E1 出口, 港鐵旺角東站 B 出口, 港鐵油麻地站 A1 出口 繼續閱讀
所有分店 (2)
電話號碼
21111663
開飯介紹
以酒店自助餐形式經營火鍋店,提供多款熱食、刺身、肉類及甜品。 繼續閱讀
營業時間
今日營業
17:00 - 03:00
星期一至日
17:00 - 03:00
付款方式
Visa Master 現金 支付寶 微信支付 AlipayHK
其他資料
網上訂座
Wi-Fi
深夜營業
酒精飲品
VIP房
電話訂座
加一服務費
當面支付
前往餐廳網站
http://ypsilver.yp.com.hk/ypdiy/IndexTopic.aspx?cid=7330&pid=7330_U924797&lang=ch&published=N
有關餐廳
酒店級自助餐火鍋 韓舍旺角分店
為追求顧客對食物種類要求韓舍又有新攪作,旺角店轉營為一間集合多款形式火鍋自助餐專門店。

喜好食海鮮顧客可選擇時令海鮮鍋,七款時令海鮮配上店家打造四款特式湯底令喜愛海鮮顧客一試難忘。

季節性養生鍋,店家會因應季節不同而推出多款養生鍋,例如雞燉翅鍋、藥膳鹿筋鍋等等,為喜養生食品顧客有一個好選擇,除以上兩款主打火鍋之外另設有惹味雞煲及特色湯底火鍋自助餐。塲內除火鍋配料任食之外仲提供即整甜品、刺身、壽司及DIY甜品區例如有綿花糖機、小丸子機、窩夫機等等,還有啤酒、清酒、汽水任飲,甘多選擇火鍋自助餐專門店值得一試。

有關獎賞計劃
食評 (629)
等級4 2019-02-01
1525 瀏覽
好耐無食過自助式的火鍋放題了。在OR看到韓舍評價不錯,心動不如行動一於約埋朋友放肆地吃一餐。店內位置寬敞,空間感大。我們最後點揀咗麻辣及豬骨鴛鴦鍋,上枱時係用新式嘅火囪式銅製鍋子,十分美觀 。麻辣鍋內有乾辣椒,花椒及豬紅,香味四溢。奶白色的豬骨湯底內有豆腐,香蔥,又香又濃。店內連刺身都係係任點任食,仲好新鮮乾淨!熱盤選擇一D都唔弱,一個胃真係唔夠呀!火鍋配料選擇多,有各種醬料、生肉、丸類、貝殼類、水餃、蔬菜,講得出嘅一定有,諗唔起嘅都有!最貼心嘅是有熱飲櫃,唔飲凍飲嘅都可選擇紙包裝熱飲或沖製奶茶咖啡。肥牛片較肥,但肉味濃。豬肉和羊肉片較瘦,多吃幾片都沒有罪惡感。在吃火鍋的地方竟然有個格子餅機可以自製格子餅,十分有趣。而且雪糕也是任取,可以配合格仔餅同吃,感覺很幸福。服務方面,韓舍店員態度良好,經常主動收取吉盤和骨碟,又主動替客人加火鍋湯。價錢方面,有不同的價目可選,可選普通火鍋、養生鍋、海鮮鍋等,如選普通火鍋晚上九時前入座只需$178及加一服務費,$200有找,十分實惠,性價比高! 繼續閱讀
(以上食評乃用戶個人意見 , 並不代表OpenRice之觀點。)
等級4 2019-01-20
2461 瀏覽
又嚟「韓舍」? 無錯部門老闆請食團年飯,今晚我們就一行四人又去好地方食放題,之前一連食左幾個晚上,事隔至今仍無法抗拒,今晚由我提議去 「韓舍」。好彩一早訂位否則又要有排等了。因為其中一位同事感冒,今晚無我喜愛的雞煲,我們叫了三鮮鍋同蕃茄鍋組成的鴛鴦鍋。首先當然是來一大客日式刺身打打底,有三文魚、象拔蚌片 、希靈魚、鯛魚、吞拿魚同北寄貝,嘩😍件件都係鮮甜爽口,真係食刺身都回本喇!仲有當然唔少得火灸系列,有必食鰻魚芝士卷。再自家動手撈起佢先,最喜愛這兒的麻辣汁😋再接再厲是主攻火鍋,必食肥牛、豬肉片同我唔食的羊肉片,但同事話好味喎!午餐肉我部門老闆至愛,小妹就謝絕喇!😍甜品時間,先來一個自制格仔餅,再加一球有芒果肉的芒果雪糕球,咁就開始我第一碟甜品喇!不知是否親手製造特別好食。另款自已動手的黑糖微波爐叮蛋糕都好有趣又軟熟喎⋯⋯😍啤酒、汽水同清酒一於來個不醉無歸。飲飽食醉🤣係時候結帳喇!多謝老闆抵請喇每位都只不過係 $190 繼續閱讀
(以上食評乃用戶個人意見 , 並不代表OpenRice之觀點。)
等級4 2019-01-18
1787 瀏覽
今日突然凍了好多,未放工已經諗定今晚一定食火鍋!!經同事搜尋一輪後,我們選擇了韓舍,因為餐廳在旺角和油麻地中間,由地鐵站行去只需十分鐘,非常方便!!餐廳位於整棟都係食肆的創興廣場9樓全層,門外有好多椅可以方便食客等位,我們今日準時放工,所以唔洗等位就可以入去,入去之前選擇火鍋湯底先,我們選了三鮮湯和番茄湯底!入座後立即出去拎火鍋配料!!牛肉,豬肉絕對唔少得,最驚喜竟然連羊肉都有,我最鐘意食羊肉,唔係間間餐廳都有,所有肉都好光澤好新鮮,真係要拎多幾碟!肉類隔離擺放了公仔麵,辛辣麵,烏冬,全部都係獨立包裝,拎起來乾淨又方便!!除了雞蛋,估唔到鵪鶉蛋都有!火鍋配料邊止咁少,帶子,蜆肉,蠔,魷魚都係火鍋必食海鮮!又多又新鮮,特別多人拎,其他材料例如丸類,菇菌類,水餃,魚皮餃,粟米,響鈴,腸仔等等都有好多款!!有點花多眼亂!!連豉油,蔥花,辣椒,麻醬等醬料及調味料都有十多種類選擇供食客自製混醬,真的不錯!!飲品除了最基本的汽水,紙包飲品和果汁,食火鍋又點可以無啤酒!!啤酒多到放滿了整個雪櫃,飲完隨時可以再添飲!!不過我最喜歡的飲品唔係凍飲,而係熱飲,餐廳提供熱茶,熱水,還有熱朱古力!!枱上還有薰衣草和玫瑰花可以自製花茶,可以一邊食火鍋一邊飲花茶,真的很特別!!最意想不到有章魚小丸子和格仔餅機!!未試過親自做小丸子和格仔餅,好想試下,希望食完火鍋後,我個胃還可以有空間容納它們啦!飯後甜品和水果一定唔少得!全部都大大件好吸引!!我們的火鍋剛剛來到,三鮮湯好清甜,番茄湯好香濃!!忍唔住立即開動啦!!整體來講,無論餐廳環境或食物都非常好,令人一試難忘!! 繼續閱讀
(以上食評乃用戶個人意見 , 並不代表OpenRice之觀點。)
等級4 2018-12-24
4520 瀏覽
果日約咗朋友食飯,我同朋友都係大胃王梗係選擇任食啦。餐廳位於旺角創興廣場9樓,由地鐵站行過去都唔使五分鐘地點非常方便。地方非常寬敞,裝修簡潔,坐得舒適。餐廳有多款火鍋,仲有刺身同壽司。自助區有多款食物,熱盤和甜品等,亦有火鍋料,肉類有牛、豬、羊、雞、魚,其他還有大量疏菜類、菇類、丸類。另有DIY食物機,可自製章魚燒、窩夫、棉花糖。餐廳提供各款飲品,啤酒、汽水同咖啡。蕃茄湯底番茄味濃郁,豬骨湯底材料十足。各款刺身鮮甜味美,而且切得厚身,壽司飯同配料嘅比例恰到好處。仲有自製涼拌菜,食材款式多,加上野味醬料,可迎合每個人唔同嘅味道。有多款熟食,豬腳薑足料好味,火候十足,其他熟食亦非常美味。食火鍋點少得海鮮同牛肉,牛肉羊肉同豬肉肉嫩多汁,海鮮亦非常新鮮,入口爽口彈牙。各式甜點,啫喱、蛋糕、泡芙、曲奇、奶凍,而且賣精美,甜度適中,加埋雪糕,非常完美嘅一餐。 繼續閱讀
(以上食評乃用戶個人意見 , 並不代表OpenRice之觀點。)
等級1 2019-02-14
71 瀏覽
今日情人節諗住同女朋友食好少少,於是女朋友食韓式放題,諗住去到好彩去到冇咩人,又見啲食評講到好似吾差甘,點知入到去見啲食物質素真係吾太得,同埋種類一般……小朋友都係食壽司,棉花糖;大朋友都係食肉,菜………初頭諗住吾太貴,點知埋單價錢都比平時同種類食店貴,要成$5xx,小弟真係建議呢啲重要日子同另一半吾好泥食,難保食到心情都劣哂……大班人志在傾計就可以諗諗,每人2xx左右,大家就自己諗值吾值P. S好多內地人……… 繼續閱讀
(以上食評乃用戶個人意見 , 並不代表OpenRice之觀點。)