韓舍 (已結業)

超多選擇@韓舍收工後約了二個大胃王朋友食飯，這個組合必要食放題類餐廳，否則食到窮都唔飽 朋友帶路下上了旺角創興廣場9樓的韓舍，未到7點已經坐滿等位的年輕人 收費頗便宜，連埋加一每人大約$200左右 對飲食有要求者也可以另點升級食物 韓舍使用的爐非常有趣，店員會為客人加入芝士和泡菜蛋在左右兩邊,而上下兩邊則加入上湯用來涮東西食,而中間位置則用來燒烤 這個爐的優點是抽風系統非常好,食完身上沒有一陣味 基本飲料是免費, 要飲啤酒就要另買,不過價錢很超值的 清酒也是免費的 自助式的形式!一望無盡,我們都無言,只管各自努力取自己喜歡食的食物~ 沙律吧...放滿新鮮菜蔬 冷盤類有藍青口同蝦等海鮮 熱盤每一款小菜也做得精緻~ 這個咖喱牛肉超好味,很想用上一碗白飯去伴飯食 大量壽司,看起來頗新鮮的 \ 豬腳薑好入味呀 人參雞湯很香濃 即炸的天婦羅 刺身包括有三文魚,赤貝, 馬力貝等,不萛肥美但頗新鮮不過不失, 生料區令人目不暇給 未開始韓燒其實已經飽了一半五花腩是必食,食起來很甘香嫩滑,肉不是很厚的那種 甜品區也是很有趣,有自製的格仔餅 也可

唔知大家有壓力會如何處理壓力，我就會揾間好餐廳去宣洩一下，那今晚我就去韓舍，就因為貪他選擇多，而甜品更加出色。到來的時候，跟以往一樣，很多人在等候入座，好在我一早就訂了位，很快更入座了。先取了熟食來醫肚，有壽司，魚生，凍蝦，炸物等等而烤肉也更加多選擇，而且除了肉類，蔬菜類也有，只是以前一直沒留意，現在就想吃得健康點了。最後當然怎少得甜點呢，木糠布甸是我的推介，而其他的也很好，所以記得記得一定要留肚食甜

以往已曾經光顧過此韓舍分店，覺得食物質素嘗可接受，而且種類選擇亦多，所以這次跟6位同行朋友訂了晚市任食韓燒。價錢比起一年前加價了，埋單每位連加一平均也超過二百元。我們其實也有私心，看到韓舍7月份生日優惠，7月生日的能免費進食。入座時出示優惠券及身份證明文件便可，埋單亦不用提醒店員，收據上已自動計算了一位免收費。店員的服務態度好好有耐性我們keep起了蛋糕，不用另收切餅費。店員幫忙拿蛋糕出來時，還會主動提供乾淨的碟及叉給我們。亦會幫我們收起檯上的雜物至於食物方面，肉的質素提高了，更容易入口。特別是牛肉和雞，主要都是肉，脂肪和肥膏部份佔較少。韓舍還多了新的韓燒服務，爐邊設有泡菜爐邊蛋和忌廉芝士。店員介紹忌廉芝士是用來點綴燒肉，值得一試飲品方面，選擇較少，汽水佔大多數。

放工同朋友去MK食好西, 係創興搵到間任食韓燒, 價錢唔算貴, 我地剛好8:45後入座, 連埋加一每人都只係$196, 一於去試下先, 地方夠哂寬敞, 坐位夠哂舒服, 枱面已預備一盤生菜, 所有食物都係自助的, 嘩嘩嘩….我覺得我自己好似去左食BUFFET咁呀, 勁多種類既食物呀, 韓燒既食物必然有啦, 另外仲有熱食, 湯, 糖水, 沙律吧, 即炸天婦羅, 飲品, 刺身, 壽司, 甜品, 生果, 雪糕, 炒雪糕等等………有禮的店員首先會幫我地開爐, 之後倒入蛋漿 & 芝士忌廉漿係爐既兩旁, 一陣燒完D肉可以點黎食.我地首先拎左幾款前菜食下先, 有八爪魚, 辣味螺肉, 枝豆…..之後又拎左幾款刺身, 有赤貝, 冰山貝, 馬力貝等等….仲有其他架, 不過真係太多野食, 所以每樣拎少少, 哈哈…冷淡盤仲有藍青口同蝦…..另外我地仲飲左人參雞湯, 堅成隻雞係到, 人参味重, 仲有蟹粥, 呢個正, 入面仲有好多蟹係到, 勁足料.呢款係韓醬飯焗蠔, 好得意, 味道少少辣既蠔仔飯, 好開胃.而呢款係燕麥農夫包咖哩牛肉, 賣相非常吸引.嘩….食左咁多野而家先開始食韓燒, 哈哈, 我地拎左牛柳粒, 牛仔

好一陣子沒有吃韓燒，普聽到韓舍的名字，頗有點不以為然，想著大概和之前吃的都大同小異，卻被狠狠地驚豔了一把。請不要把韓舍定義作一般的韓燒放題，它的食物多樣性足以媲美酒店自助餐。由燒烤到熟食到壽司刺身、海鮮沙律、甜品水果，應有盡有。烤肉的種類很多，辣與不辣口味各有供應，而且分類清晰，單魚類已有多款，由龍利到秋刀，肉類雞、牛、豬、羊種類齊全，而且口味不會千篇一律，特別稱讚黑椒牛柳粒，肉質鮮嫩，黑椒口味不太濃，恰度好處。此外還提供韓燒中較少見的扇貝，易燒快熟，鮮甜味美。尤其韓舍的烤爐不用鐵盤而取牛油紙，換了就扔，感覺更乾淨，還不易烤焦，不會黏底，爐的兩旁放有參湯、芝士粟米和泡菜雞蛋，店員建議把金菇菜放湯，確是另有一番滋味，是很貼心的設計。熟食大多是說得出名字的地道特色小菜，如韓國有名的人參雞湯、白咖哩牛肉包、另有啤酒魚、咕嚕肉、紫菜包飯等，出品精緻，心思可見一班。除了韓式食品，即揉合了日式放題，除了即叫即切的刺身，壽司，還提供自選配搭的冷麵和自製章魚燒，壽司的品種還會輪換，口味多種多樣。甜品款式亦是嘆為觀止，而且還會不斷換上新款，由泡芙、大福到各式蛋糕，軟心朱古力，當中有數款的味道很不錯，普遍

韓舍這放題餐廳，我都是朋友吃過覺得正才叫我必定要來。平常吃放題多數是吃飽肚子沒甚麼驚喜，但是這家竟然令我刮目相看。門口其實跟其他放題沒兩樣，但是內裡...格局完全是高級西餐廳的樣子，空間大，裝修優雅，座位闊落，完全不是那些枱又小又困窘的感覺！進來是眼尾看到刺身類的地方好精緻。最貴的時段，每人都只是208加一，實在是抵食啊！店員安排我們坐較後的位置，有窗台可放個人物品。最優勝之處，是我們的位就在肉類旁邊！座位旁就是這些五花八門的肉類，也是我們今趟的重點，牛豬雞羊樣樣俱全，每款吃一件就會飽了嗎？所以我們選了最想吃的，因為還要留肚吃其他食物。牛肋肉，牛扒，豬梅頭這些又香又juicy，味道濃質感軟，好正餐廳還提供了醬汁和配料，我們就自己弄了個蒜片炒牛柳粒，這配搭絕對是非常夾清爽的牛柳粒牛肉味重，加上蒜味層次豐富，我們吃了兩轉除了肉類也有蔬菜和海鮮等選擇。燒多春魚講究功夫，但成品清甜爽脆味美，謝謝男友花時間燒啦蔬菜類我們最喜歡大大片雞脾茹，翠玉瓜，和重點推介菠蘿。這些燒完都好juicy，尤其菠蘿又多汁又甜，我倆起碼每人吃了四五串，沒有誇張，因為水果不會佔胃部空間嘛~燒烤類的旁邊就是炸物和熟食區，

見到呢間餐廳有生日免一優惠, 一於訂枱嚟試試. 環境不錯, 擺設嘅格局有啲似酒店, 我哋一行6人, 安坐於6人卡位枱, 服務員馬上為我哋開爐同埋整爐邊泡菜蛋 & 芝士醬. 略為不足係, 燒烤爐只有一個, 面積亦唔算大, 所以大家要爭下位燒烤啦. 不過, 無位燒唔緊要, 餐廳亦有好多唔駛燒嘅嘢食, 我唔一一講解啦, 請睇相. 各式甜品，小巧，蛋糕分切做一口份量，樣樣都想試嘅食家都唔駛驚食唔晒, 不過就我個人而言, 杯裝的甜品, 味道有空間改善.多款刺身，新鮮.連清酒都有，不過我無試.燒烤類, 味道不過不失.自助沖泡玫瑰薰衣草花茶，好味雞蛋布丁.其實仲有啲自己DIY嘅食物我都無整, 例如炒年糕, 章魚小丸子, 炒雪糕等, 一來, 有其他顧客使用中, 二來, 啲嘢食都多到食唔切. 不過都比大家知道下有呢啲玩意作為參考.

諗下食韓燒，上網SEARCH下有咩韓燒好介紹，有咩咩X大門，漢x好似成日都食冇乜特別，突然發現叫韓舍既地方有自助韓燒同酒店式既buffet crossover既餐廳都算多選擇，又係旺角近近地一於試下食先！早前訂座食dinner，到左一陣大概十分鐘就有位，算係幾快喎又！早入去有卡位坐。座位方面都幾寬敞，抽煙系統幾強抽晒d煙無乜烤肉味，好好呀! 有刺身前菜小食冷熱盤甜品食，都似酒店buffet 既模式，又有烤肉，肉類方面該有既牛豬雞肉海鮮菇瓜腸類都有齊，唔錯喎都。飲料方面除左一般汽水，仲有乳酪汁，酸梅汁，檸檬清酒等，算係多選擇嘅。當然鍾意飲酒嘅朋友仔可以加錢飲sake。值得講既係玩方面，有綿花糖機，雪糕機，雪條機，窩芙機，燒八爪魚丸機等等供食客DIY，都算幾得意好玩。職員方面有禮貌，而且收碟幾快，要求換烤肉紙算快手。整體黎講唔錯，值得再試！

前排公司太忙所以沒有太多時間跟老公晚餐，終於忙完手頭上所有工作，點都要跟老公好好大吃大喝一番。記得之前有朋友介紹過旺角有一間不錯的韓燒自助餐，一於決定去大吃一餐滿足下。餐廳門口已經有好大個價錢牌說明時段，收費。店內裝修簡㓗乾淨，枱與枱之間位置空間唔太迫，枱上有足夠位置放食物。店內同酒店buffet一樣分開多個食物區域，有甜品區，刺身區，熟食區，韓燒生肉區。每個韓燒爐上都放上煮食紙，可以減少用油量，感覺健康。而且每張枱上都放有一盤生菜供食客可以用生菜包住燒肉一齊食，減少油膩感。急不及待邊燒烤肉類，邊食熟食，小食，肉類款式多，當然有我最愛嘅牛肉粒，牛仔骨，仲有單骨雞翼。熟食有日式豬軟骨-肉質鮮嫩，入口即溶啤酒煮魚-魚肉嫩滑鮮甜白咖喱雞肉-白咖喱香濃，雞肉非常入味邊食邊燒好快就過咗2個小時，下次一定要試下自己燒章魚小丸子，而且甜品區仲有好多DIY 甜品可以慢慢玩，有自製Waffle , 自己炒雪榚，軟雪糕機，仲有綿花糖機，我已經決定下次一定要帶埋姪仔一齊食多次，佢見到咁多甜品又可以自己親手玩一定好開心。

今天好友很想吃韓燒，但又怕太heavy，經朋推介來到這兒吃午市燒烤放題。店內裝修有點像酒店的格局，有很多舒適的卡座，地方較寬敞。而服務員都是有笑容和很勤快的。有師傅即場為客人手握壽司，味道和質素也不錯。自助區有很多熟食。風沙三文魚骨腩，香脆多肉。鹹蝦肉碎扒茄子，茄子新鮮厚切。忌廉甜粟米，很香甜，不會有渣。蒜香粉絲蒸排骨，排骨嫩滑很入味。鮮茄雞絲煙肉蘑菇燴通粉荷葉飯紫菜上湯肉碎浸娃娃菜鮮甜的蟹粥花生糊藥膳雞腳，賣相雖然不大吸引，卻原用了新鮮的雞腳來烹調，藥材調味洽當。至於燒烤的肉類，有分辣與不辣的醃製口味。除了牛肉、雞肉和豬肉的不同部位。還有腸仔、秋刀魚、多春魚、三文魚、魷魚、粟米、翠玉瓜、南瓜、洋蔥和青瓜等。實在無法每款也嚐試，但整體的賣相、肉質和味道也不錯。個人最喜歡雞中翼、金沙骨和多春魚。每枱也有獨立抽風，烤爐上放了牛油紙，不會彈油之餘，食物又不會容易燒焦，感覺吃得比較放心。自助甜品區有軟雪糕和維記雪糕，其紅豆雪糕有原粒紅豆，是我的最愛。還有棉花糖機和窩夫機等供客人 D. I. Y.，很有趣呢!自助飲品區有 : 汽水、乳酪汁、咖啡和奶茶。一百元左右的午市燒烤放題，感覺好味!超值!

閨蜜下午打黎話不如出去食晚飯，但兩條女眼闊肚窄，叫野食又叫唔到幾多碟，諗下諗下不如話食自助餐。咁岩佢昨晚係facebook見到有同事食左韓舍，話好似好正咁，又有甜品又有刺身，聽到即刻裝身出門口兩條女去食好西雖然落住大雨，但幸好餐廳位置好方便，係正創興廣場，巴士一落就到，完全無淋到雨，超lucky!!!一上到去已經見到人頭湧湧，好彩我地兩個人，侍應好快就搵到位比我地，仲要係卡位，坐得好舒服，出去睇下有咩食先一睇到出面果牌場真係震驚五十億人，完全唔覺得呢度係韓燒放題，根本就係酒店自助餐首先見到有剌身吧連清酒都係任飲，旁邊仲有汽水機同冰任君選擇有輕食區熱食區以為咁多野食韓燒配料就大縮水？非也，呢間野超豪氣，正宗唔怕佢無錢，最驚你無肚那有女人不愛甜，最開心既係有大量甜品！甜品唔夠喉唔緊要，仲可以自己DIY,有軟雪糕機，爆谷機，炒雪糕機，格仔餅機，八爪魚機，仲有鵰魚燒機。另外仲有4-5種雪糕可以自己畢，閨蜜不斷話下次一定要帶個女黎，小朋友一定玩得好開心。三文魚十分肥美，一點都唔腥。馬刀貝超級爽口。象扙蚌超彈牙，而蟹足棒則鮮甜多汁。完全係日本放題既質素好鐘意呢度韓燒會加塊牛油紙上去，一黎感覺乾淨衛

諗諗下發覺好耐冇食韓燒，上網SEARCH下旺角有咩韓燒好介紹。咩東x門，漢x好似都冇乜特別，之後發現一間叫韓舍既地方有自助韓燒+酒店式既buffet crossover既餐廳都算多選擇，一於試一試佢。早左2日訂座19:00，到左一陣約5至10分鐘就有位，算幾快。訂座果陣唔記得講要卡位，不過都安排到坐，真係好好呀。座位方面都幾寬敞，而且抽煙系統幾強無乜烤肉煙味，good 呀! 有刺身6~8款，前菜小食冷熱盤甜品都似酒店buffet 既模式，而烤肉方面該有既牛豬雞肉海鮮菇瓜腸類都有齊晒，唔錯唔錯。飲料方面除左一般汽水，仲有其他乳酪汁酸梅汁檸檬清酒等都算多左d選擇，當然鍾意飲油人士可以加錢飲sake。值得講既係有綿花糖機，雪糕機，雪條機，窩芙機，燒八爪魚丸機等等可以供食客DIY都算幾得意。職員方面都幾有禮貌，收碟快，要求換烤肉紙都算快手，整體黎講幾好，值得再黎。

隨著年紀漸長, 比較著重養生, 個人比較饞嘴, 配額有限, 要吃當然是吃高質素的, 這樣才覺得比較值得, 今晚精心挑選了一間風評不錯的《韓舍》, 來滿足一下口腹之慾。店子寬闊，地方不小，可容納逾五十名客人。餐廳裝修時尚而光猛乾淨，坐位多，但店員亦提供貼心的服務, 定時換燒烤紙和添上新鮮蔬菜。個人十分欣賞韓式燒烤店這種體貼的服務。店內抽風系統運作非常良好，就算是日烤肉，離開時也沒有一身油煙味。沙津吧喜歡自由口味選擇不同口味的沙津，食材有雜果，新鮮蔬菜，紅豆，粟米等...有一點冷感, 而不是室溫, 這樣令人感覺更新鮮, 而且蔬菜入口往往較爽脆結實不霉, 使用大量的生菜, 以沙律酸汁作調味, 酸中帶甜, 很是開胃, 吃燒肉加點蔬菜，這就是均衡飲食。原塊黑豚扒賣相非常吸引, 已沾上醬汁, 見到油花豐富而分佈均勻, 已知這幾片肉有一定質素, 果然沒令我失望, 入口脂香豐腴, 有入口即溶之感, 它已調配了醬汁, 燒好就這樣放入口已可以。豬腩肉看得出是豬頸肉部分, 肉質密度高,我們將它們放在爐中央位置燒, 正確的燒烤方法該如此, 同類的食物一次過燒, 比較好掌握時間, 待燒到兩邊焦香後就可以吃, 咬

如果韓燒來說 韓舍性價比真係好高所以今日同朋友去旺角食晚飯都揀左位於創興廣場既韓舍我地星期日晚7點 食下傾下都10點先走都係每位230 仲要環境好 同好多選擇 除左燒肉之外 魚生壽司 韓國熱食 甜品 應有盡有首先 餐廳已預備好醬料生菜 各款餐具之後將爐燒熱燒肉之前 先來一輪刺身 有三文魚 希靈魚 鯛魚 冰山貝 象拔蚌 馬刀貝 蟹棒選擇 三文魚厚切 極具魚油 肥美 而馬刀貝鮮甜爽口有成30幾款 首選惹味牛仔骨雞翼尖 燒左幾轉 而魚類同海鮮都好鮮 用牛油纸 都吸緊部分油 燒焦左可以換 好方便~蔬菜菇類都好多選擇 南瓜粟米都有個菠蘿簡直係超甜 想健康d沙律都好新鮮 而冷盤有凍蝦同藍青口選擇好surprise 飲品 除左汽水機可樂橙汁梳打之外 亦供應熱咖啡 想清清地 玫瑰花茶同薰衣草茶 最好不過好玩既環節出現了 餐廳周圍都有自製食品 包括自製章魚小丸子 香甜爆谷 綿花糖 最正係呢個炒雪糕機 選配料再自己炒 唔錯唔錯 有得食有得玩 岩我~~食飽飽 上甜品 呢個沙翁不得了 一定要趁熱食 好香甜鬆軟甜品都成20款~紫薯糯米糍好軟而且唔太甜 其他cheese cake 同燉蛋都唔錯最後葡撻同好得意既雞

入到餐廳畀我嘅感覺 好似喺酒店入面食緊自助餐咁 因為餐廳區分咗唔同部份嘅自助嘢食區 但係又會多咗個自助韓燒部分 感覺都幾搞笑炸物區 炸麥樂雞 炸香蕉 食物上面有盞燈射住 等啲食物冇咁容易凍 炸物外皮香脆 唔油膩 微暖醬料區及韓燒食物區 大部份肉類都有醃製過 味道適中唔會過鹹 蔬菜亦都好新鮮款式多e.g 粟米 冬菇 翠玉瓜 南瓜…海鮮類e.g 多春魚 魷魚 三文魚腩 秋刀魚…而家好多餐廳都會用牛油紙墊底 令食物咁冇咁容易黐底 呢個方法真係好聰明肉類基本上唔使點醬汁已經好入味 我認為自助熟食區 真係好有食自助餐嘅feel真係要提下呢煲人參燉雞 真材實料 原隻雞 加入人蔘 龍眼肉 杞子 好養生重好補飲落去好舒服 燉湯味道濃郁 後者帶點回甘日式區 有壽司 刺身e.g 三文魚 希靈魚 蟹棒 玉子 鯛魚等 沙律 冷麵… 三文魚腩肥美 好香魚油味 鲷魚肉質比較結實 都幾鮮甜自助飲品區其實甜品都好多選擇賣 相都好吸引 呢個焦糖燉蛋 係重點推介 超香嘅蛋味 味道唔會好甜 外皮有少少脆 裏面超滑唔太鐘意食甜野既我 都食咗三、四杯動完口就動手啦 炒雪糕什麼來的? 真係第一次自己整雪糕 旁邊有指示教你 幾得意