韓舍 (已結業)

如果喜歡任吃任飲嘅朋友，可能都有好多地方提供，但這裡嘅選擇真係多到你一次未必可以完全吃得晒！全層，座位多以梳化卡位為主，而座位旁就係取食物嘅地方，有熟食，有燒嘅食物，一路到尾，望見都唔知由哪裡開始！而另一邊就係刺身同甜品，重有diy 煎雪糕、小丸子、韓式煎年糕！食物種類十分之多！行了一轉熟食，每樣一件，有炸雞，咕嚕肉，估唔到重有薑醋食！而個湯係人參燉雞，夠清潤！而重有至愛嘅蟹粥，粥底夠晒味道，重可以係粥眼到蟹腳，真係真材實料！選擇多反而唔知由哪裡開始！熟食，刺身，壽司方便懶人，肚餓立即可以唔使等，即刻有得食！讚！當然燒嘅食物就自己能力，自己選擇，愛吃肉當然唔會放過牛肉片、牛肉粒、咖哩雞柳，調制味道剛好，爐火亦平均，放上鐵板上嘅肉，轉頭已熟，入口嫩滑，夠晒味道！食物選擇多，又新鮮，不停補充，客人絕對唔擔心會取不到自己喜歡嘅食物！一餐真係忙個不停！差點連甜品也吃不下，雪糕，蛋糕，爆谷，當然都有吃，不過因太多選擇嘅關係，只係咁食了少少，甜品精緻，款式多樣，幸好是任吃，按自己可以嘅份量調節！價錢同質素都唔錯，如果要搵食，大家都有個好地方！