韓舍 (已結業)

一行三人到旺角睇戲加覓食，我建議到 創興廣場的"韓舍"抵食韓燒放题，方便食完步行去看電影，上次食過留下唔錯印象，……再來好有熟悉感！地方 闊落舒適~欣賞餐廳的 整齊，企理！多锺蔬菜供選舉~多種肉類供選擇……甜品、寿司，沙律，各種冷熱飲品…………等等。午餐每位只是 $ 108 (另加一) 很超值！沙律菜很新鲜，入口發出"索索"聲，也有熟食，药膳鷄脚和冬蟲草蒸鷄等。蟹粥味道很鲜甜，粥底绵滑！今次烤炉多了一層牛油纸 墊底防焦， 顯得更衛生 ！這個午餐大家都吃得很滿足，超值！

食過咁多間燒烤，依間環境相對比較好，冇咁大煙，多卡位，因為今次7個人去，有小小逼住坐，食物款式都算ok，但熟食好似多d，稍微鹹左小小，員工係nice既，想換爐紙好快幫手換。

禮拜日去食lunch buffet，好明顯有位，但都要等40分鐘？？！！食物種類好少，唔好味，無驚喜，肉類唔新鮮，服務=0不會再來多次！！！燒烤肉類包括：黑椒牛肉粒 咖喱雞肉 雞翅 魷魚 牛扒 燒烤蔬菜類包括：蘑菇 茄子 翠玉瓜 洋蔥小食：咖喱角 薯條 通心粉 中華沙律 燒賣 壽司 甜品：爆谷 自己整の叮叮朱古力蛋糕 綠茶waffle餅 雪糕 看到之前有人評價話接近酒店buffet水準，r u kidding me?完全feel唔到邊度似酒店水準。完全唔推薦！！！P.S. weekend lunch buffet=118/人+10%，消費唔夠300要比現金！唔中意現金消費的朋友要小心了 只有兩個人來的話 記得帶現金！

一入到黎，就見到好多熟食。係夾熟食之前，我飲咗人蔘雞湯打底先，真係原隻雞係個煲到，味道一點都不輸韓國人蔘雞！每一啖都有人蔘嘅甘香味。炸物一定要食！尤其是韓國雞😍 辣辣地好開胃！呢度有隔油紙，隨時可以叫職員換，非常衛生唔會黐到啲黑炭😂，而且令食物煮起嚟油膩感唔會重。同埋我將啲金菇浸左喺泡菜湯底嗰度煮！正！雞翼必試，幾乎樣樣嘅肉類都「葉」得好好味，啱啱好！我自己最鍾意嘅就係韓舍2款雞扒！又有口感又好味～

琴日生日，同朋友一齊食韓燒。但正係得兩個鐘頭既時間，燒烤爐又細(之前果個好啲)，放唔到幾多食物上去。差唔多到7點就叫我地走，當時我啲朋友買左個蛋糕，諗住唱生日歌，切蛋糕。但啲職員係側邊企住等我地，最後切都未切就俾佢地趕走。搞到勁掃興。

朋友先前因老闆請客到韓舍食晚飯,今晚再帶我重臨此地回味韓風正盛,到處都係韓燒餐廳,不過韓舍特別於食物種類多,疏果,肉類,熟食,炸物,刺身,壽司,沙律,甜品應有盡有訂晚上七點,人客唔算多,食既過程逐漸滿座,可能香港人普遍夜放工xd韓燒部分有大板/小板選擇,圖中為小板,四邊分別有粟米芝士,泡菜蛋,兩種湯可以煮疏菜,當中粟米芝士無論用作肉/疏菜配料相當搭配,而燒既過程服務員會一直主動加添配料,而大板主要燒肉,無旁邊既配料食物種類多,豬牛羊雞魚,不同調味方法,疏果都有唔同選擇,更可以燒大樹菠蘿!,而且食物會不斷補充近門口位置有刺身,壽司,自助沙律吧,刺身即叫即切,有七款種類!而且冰鎮,夏天都唔怕變壞熟食方面都有好多選擇,有多國小菜,另外有一款蟹粥,雖然放題食粥好似有少少蝕,不過個粥好重蟹味,足料,煲入面有蟹!小食方面都有好多選擇,當中有個芝士火腿多士,香口得黎入面重大大塊芝士,芝味無窮另設有甜品區,有不同既甜品/水果提供而且重有綿花糖,燒八爪魚丸機可以DIY, 非常受小朋友歡迎總括韓舍食物款式比一般放題多,一次過可以試不同既菜式食品質素唔會差過其他放題,服務員夠主動,為你換煮食紙,食物不斷補充

好耐都冇食咗自助餐，酒店又覺得貴， 放題又覺得唔盡興（冇得自己出去攞野食）, 朋友就介紹咗我黎試呢間韓舍一入去就已經見到個甜品櫃好吸引熟食嘅選擇都好多，全部嘢食都可以自己出去攞首先梗係要沖番杯嘢飲畀自己啦，我就選擇咗個比較健康嘅玫瑰花茶。 另外仲可以選擇薰衣草茶。 呢度最特別嘅仲有檸檬清酒可以俾你自己斟嚟飲刺身方面有三文魚，鯛魚，希靈魚，玉子，蟹棒。每一次可以囉8片。 刺身有冰墊底， 唔會因為熱而令到刺身咁快變壞， 當然刺身梗係要即囉即食啦！ 另外前菜仲有螺肉同埋中華沙律，仲有壽司可以選擇。 海鮮方面有大蝦同埋青口， 選擇種類以餐廳嚟講算多食韓國嘢點可以唔使去嘅人參雞湯呢! 呢個湯入面有原隻雞， 糯米，龍眼肉，杞子等等嘅材料去煲，個湯好濃郁，飲左兩大碗分別食咗雞翼，牛肉，牛仔骨... 呢度嘅肉類醃得好入味，而且又唔會過鹹。 如果覺得食肉太肥膩，檯上面有生菜可以包黎食最尾試下炒雪糕， 首先將唔同嘅配料放係凍板上面， 跟住再落雪糕漿。 第一次自己整嘅炒雪糕唔錯， 玩得又食得之後再自製窩夫，睇下個紫色心幾靚，係香芋味既waffle， 淡淡嘅芋頭味又唔會太甜，好味已經食咗好多嘢好飽喇， 飽到

早幾日媽咪話想食韓燒，我就開始係腦海中搜尋下之前食過邊間好食又抵食啦。近年市面都開左好多間韓燒，通常都係叫一set豬/牛咁，都好食的，但梗係多D野食選擇最好啦。突然就諗起已經好耐都冇食韓舍啦，印象中好多野食揀的，價錢都唔貴的，咁就決定呢間啦！我係book左星期一7:00pm，到左現場都唔算好多人。坐位都寬敞，坐2個鐘食野最緊要坐得舒服。坐低冇耐媽咪就衝出去拎野食啦，我留意到檯面既爐同以前黎食既時候有D唔同，原來佢地依加都轉左爐可以燒蛋，仲可以打埋邊爐，呢個進步好值得讚賞。媽咪返黎後，到我出去參觀下啦。無論係熟食，刺身，壽司，甜品，飲品，都同以往一樣都係好多選擇，燒烤既醃製食物就更加唔洗講啦。店員好友善，會定時幫我地換燒烤紙同添蛋。食完飽到上心口啦，食物真係好多選擇，但埋單約每人$200，我覺得絕對抵食。

今日放假同家人經過旺角食午餐發現燒烤午市放題，有生肉，熟食，壽司，甜品!就試一試!生肉同炸物味道真的不錯👍👍種類都很多！接著去拎壽司，但竟然完全沒壽司吃，一件都沒有，其他客人都在等，等了很久，師傅態度惡劣叫我等等先再回來！真讓人生氣!👎👎反而令我驚喜是自制棉花糖和自制叮叮朱古力蛋糕！

有book枱。7點到。一去到可以即刻入去。一家6口去食。環境都尚算舒服。冇其他食評咁地下油立立喎。食物選擇非常之多。3文魚都係厚切。刺身都好新鮮。唯獨韓燒部份。肉類食物款式較小。得幾款揀。菜類比較多。熟食5錯。欣賞荔枝骨。蝦都新鮮熟食可以煮一點瓜菜類。最驚喜竟然有原隻人參雞湯同蟹粥。不錯。另外有得玩棉花糖機。夾餅。炒雪糕。同章魚小丸子。甜品有雞蛋布丁。仲有大大小小甜品供應。好正。服務幾好。有空碟會即刻收。還會更換牛油紙。晚餐200蚊有找算係咁＊。下次還會再來＊

童年時逢開窗呀 ，又會望見會飛大象。 望到呢兩句嘢， 真係青春只能回首，又係時候舊同學聚會。今次食又係食韓國嘢， 好似最近同啲舊同學相見，都係韓國嘢為主食。 不過今次勝在係食放題 ，樣樣都有得食， 最重要係唔使用腦。 見到塊鐵板， 就知道今次係， 鐵板燒 。上面已經有啲泡菜雞蛋， 忌廉芝士粟米， 人參雞湯，泡菜湯。 嗰兩個所謂嘅湯， 我覺得佢都係畀你洗下啲油個下熱氣。都幾貼心。出面生嘢食有好多 ，種類太過多又豐富。 有雞腎，雞扒，雞翼，叉燒，金沙骨，牛柳粒仲有牛扒， 不同嘅醃法 造就出不同嘅味道。 其實佢仲有海鮮，不過因為有朋友 對海鮮敏感， 我哋就唔燒啦 。至於 蔬菜方面，種類眾多， 普通嘢就一定有 最估唔到 連青椒，秀珍菇 都有，真係 鐵板燒必備。舖頭中特設 ，新鮮即炸天婦羅。 可惜人數太多， 我又懶， 唔會排隊囉 。不過我見人哋食得好似好吸引。我都係乖乖地燒野算。食韓國嘢仲有， 刺身，壽司，冷麵，八爪魚仔， 就咁講以為自己去咗轉食日本嘢。 不過佢就唔夠人哋日本放題咁重手， 刺身每次得幾片， 如果想食得多， 都要行多好多轉， 好彩佢仲有其他熟食攤位有雞腿 ，麥樂雞， 咖哩薯仔 ，豬

好久沒一家四口子食晚飯，因為各有各忙的，難得人齊而妹妹醫院不用當值^^提議去吃放題吧~!!來到旺角創興廣場的韓舍，以既市價錢來說，二百多元實屬親民，事前亦有同事同我推薦過.....y這裡除了自助區，還可以單點，我就點了一份牛肩脊，是用專用爐燒烤的媽媽習慣食放題時都先巡場一圈：燒烤區、熟食區、刺身區、甜品區等.....講起食燒肉，每款小小先試口味是常識，sofar肉類都幾新鮮，調味亦剛剛好被我發現有燒菠蘿，剛才烤完牛肩脊的專用爐又可大派用場甜品方面，竟然有炒雪糕機🤔🤔只可惜我同妹妹我的製作是失敗的😅😅還有炒韓式年糕，是食還是玩，我都搞不清啦🤣🤣overall晚市放題，二百多一個人的價錢，這與其素算很好啦，坐位又夠寬敞，一家人無煮飯可以考慮一下唷

呢期日日都加班，終於完成。同事話約埋去食放題鬆一鬆，最怕背對背…同事話食過呢間韓式放題好正，就去試下。果然冇錯，地方寬敞，兩個人都可以畀個卡位你坐。入到去見到好多嘢食 : 冷盤熱葷樣樣有，壽司魚生少不了，最緊要夠新鮮 ; 蛋糕都有四五款， 甜品又有十幾款，雪糕都有3種，有炒雪糕、軟雪糕、 桶裝雪糕。側邊仲放埋爆谷機，好似去咗3星4星級嘅酒店咁食嘢。食韓國烤肉，當然要有新鮮肉啦，好細心是食單骨雞翼，有原味、辣味、咖哩味，好多種味道 ; 豬肉都要分成 : 叉燒、金沙骨、豬扒、豬頸肉…太多啦，講唔曬，仲有好多配菜， 任你揀。好彩個火勁，兩個鐘頭嘅放題，顧住食都冇時間傾偈， 啲嘢又新鮮又多嘢揀， 個肚頂唔順，太飽啦！要嚟食多次先得，未試曬啲嘢食呀。

今晚無預計之下 竟然約到友人出街食想食韓國野 但又想平靚正 決定再戰韓舍旺角分別款式的確特別外 無論熱食定甜品一坐底 緊係要拎啲三文魚同沙律開開胃先啦跟住就準備燒野食啦。款式整齊又多款完全唔知由邊樣開始入手好店員就會不時refill 確保大家都可以拎到又好鐘意佢地個爐用上牛油紙 勁吸油其實好怕平時韓燒勁油嘅感覺無限encore多轉之後就開始轉戰甜品甜品又係爆多款 根本無可能食得晒咁多好彩全部都細細件 一口款 最尾食左幾樣就收手了

這天我約了舊同事在旺角吃晚餐，到了放工的時間，我們來到這間韓燒放題，看到門面標示的價錢尚算合理，店內環境非常寬敞和清潔衛生，店內的顧客很多，我們便決定入去試一試冬菇天婦蘿軟彈煙韌，茄子天婦蘿爽口微彈三文魚刺身爽彈鲜美，玉子刺身清鮮甜美咖哩雞柳香稔軟嫩，原味雞翼嫩滑細密，牛肉片稔香軟彈，黑椒牛肉粒軟彈煙韌，任換燒烤紙,燒食物時,食物的油份會漏在燒烤爐上,這樣做就避免了這個情況,食得更健康整體來說，食物的種類非常多，刺身是由師傅即叫即切，非常新鮮，食物的質素非常高，價錢相對合理，店員有良好的服務態度和勤力地清理空碟，所以我認為這間餐廳值得再去惠顧