韓舍 (已結業)

朋友生日話最好都係食平平哋嘅放題，地點係交通最方便嘅旺角之前有朋友食過呢到所以推介，卡位闊落，坐得舒服。一入門口已經見到酒店水準嘅甜品 buffet基本上所有野都係可以自助形式，咁我都唔客氣啦！食杯好似 cocktails 嘅藍莓杯杯。同埋近期火紅嘅甜品紫薯懶惰的我首先食啲唔使焼嘅，咁最好梗係食日式刺身先啦！質素是可以接受的，朋友讚三文魚厚切，佢最鍾意口感佳有刺身當然就有壽司，我想揀咗鰻魚，自助形式不斷有 refill 又唔使排長龍, 味道又唔差真係值得讚嘅食到三成飽就去攞燒肉啦，基本上豬牛羊雞齊晒，仲有好多丸丸腸腸咁，選擇夠晒多！攞完埋位慢慢BBQ 就真係開始邊食邊傾計啦！燒到咁上下又睇吓出邊有啲乜嘢食，我攞咗啲芝士煙肉焗蠔，趁熱食都好 creamy。仲有青口同埋蝦的海鮮冷盤。最後食啲沙律當飯後果，yummy & full. 最後仲有小朋友喜歡嘅節目，DIY 棉花糖。但我真係好佩服啲家長，俾兩個小朋友自己整，其實都有一定危險性的。我自問係怪獸家長一定會幫佢哋整埋

今日收早約左朋友去食韓國燒肉，選擇了這間韓舍因為上網見到有很多食野的款式。餐廳坐的十分舒服，坐位很闊落。真是好多款選擇，有甜品、壽司、刺身、熟食、燒肉都有十幾款，仲可以自己整章魚小丸子、炒雪糕同棉花糖。熟食我要推介蟹粥同豬腳姜蟹粥好棉，用左好多蟹去煲，粥十分鮮甜熱辣辣好好味。豬腳煮的剛剛好，腍得來又有咬口，唔會太酸。五花腩是韓國燒肉必食，腩肉唔會太肥，燒到少少濃配上韓國辣醬包上生菜，真是好好味。秋刀魚十分新鮮一的都唔腥。雞腎很爽口。牛仔骨的味道濃郁，肉質鮮嫩。燒菠蘿多汁又帶有少少酸，食完肉之後食就最好。甜椒燒完后唔左草青味的甜味完全帶左出來。這間的甜品真是好多款椰奶燉蛋白，椰子味很濃，又香又甜。藍莓芝士蛋糕，芝士味濃郁，蛋糕又香又滑。自己炒雪糕是第一次，平日見人的炒好似好輕鬆，其實一的都唔簡單，要好大力先得。有可能是自己整所以的雪糕特別滑。棉花糖都可以自己整，加一匙羹糖慢慢變成棉花糖真是好得意。這間放題有有得食又有得玩，是個唔錯的選擇。

百多元任飲任食係旺角區多的是，但要有質素的嚟間都可以考慮。今晚等亞囡放工齊齊食好嘢。飲料，剌身，沙律，炸物，熱食，甜品，還有多種肉類供自己燒烤。主要食燒烤，隨便取幾款慢慢燒，自己可控制火喉。醃製的味道濃郁帶甜。肉類食得多可燒一下蔬菜，如茄子，洋蔥，辣椒，清清地。隨了焼烤還有其他，刺身品質鮮。熟食的人蔘燉雞夠豪華，燴豚肉，紅酒牛都不錯。還有中式的豬腳薑。即叫即炸天婦羅只有三款蔬菜，南瓜，茄子和冬菇，夠新鮮。亞囡見到甜品眼睛發亮，有朱古力蛋糕，泡芙，夾餅，雪糕，爆谷.......不甜不膩，減肥都要放一邊食咗先講。整體另人滿意，只不過抽煙要有待改善，食後成身燒烤味帶回家。

我得承認。。。。我輸了。。。。小妹大大話話都寫食評都寫左一段時間，從未見識過一間旺角區既平民自助餐或放題無論係食品種類定質素都可以媲美酒店級位於旺角創興廣場9樓的韓舍，主打烤肉，日韓食品和甜品自助餐，而最主要吸引到我和老公大人上去試的原因是因為韓舍既可以滿足食肉獸老公對肉肉肉肉肉的貪念之餘，又可以照顧我這種對肉不大欲望但卻對甜品有無窮興趣的女生。一次過滿足2人的願望！烤肉盆的設計很貼心，有獨立的抽風口，不怕吃完會滿身烤肉味韓烤的種類非常非常多，但至於韓烤的食評就留待老公於自己的食評詳細評論，我主要為了大家介紹冷盤還有最重要的甜品老實說，種類之多的程度到達把所有食品的名稱寫一次都必定會過OpenRice食評最基本的200字要求比起食品的選擇，飲品的種類不算多，但除了有汽水機內的有氣飲料外，還有一部咖啡機，可以提供各式咖啡和奶茶及朱古力。另外還有乳酪汁和柑桔檸檬汁。乳酪汁不錯，酸酸甜甜的，不會是怪怪的葯水味。但留意返！居然有<清酒自隊區>可惜我不渴酒的，只能眼爸爸的看著老公飲完一杯又一杯至於冷盤。嘩~~！不得了！淨係睇都覺得食唔曬愛好菜類的我第一時間當然食沙律啦！雖然不是甚

韓燒放題我都係第一次，自己控制自己燒，幾好呀！地方坐位寛敞，不過抽煙系統就麻麻地。食物擺放整齊，衞生程度達到我要求。種類算多，可跟酒店buffet比拼。飲品有汽水，清酒，茶類....還有玫瑰花茶。沙律區有清新可怡的蔬菜，醒胃。熱盤有人蔘燉雞，韓醬豚燴，紅酒燴牛....主要韓式風格多。味道中規中矩。炸物有即炸蔬菜天婦羅和韓式辣炸雞塊。即點即炸頗新鮮。主要是食韓燒，各式各樣的肉類和蔬菜，有醃製過的，有原味的，梗有合自己口味的。牛肉質感比較軟臆，羊扒就剛好。我比較喜歡辣味雞翼，惹味。菜蔬有十幾款選擇， 粟米， 南瓜好鮮甜，不過要花費時間和心機。燒菠蘿又快又多汁，ok 㗎！甜品多不在話下，還有得玩。自製棉花糖，炒雪糕，waffles, 朱古力捧棒，各式各樣，我見到各人都好開心。糕點方面味道不會過甜過膩，每件小小可試多幾款。整體食物水準平均，服務快手，價錢抵食。

最近日日都落雨，搞到個人都悶悶地，都系要出街食下野，搵朋友聚下，book左旺角呢間韓舍，7點上到去，全層都是，地方都好大，的位好闊落，這裏的四人位其實等於出邊的六人位，坐得又舒服又鬆動，睇下都好多野食，有熟食：紅酒燴豬軟骨，日式豚肉炒烏冬，水煮魚，韓川辣雞，泰式青咖喱牛肉，人參雞，豬腳薑 ……..有凍食的蝦和青口，還有唔同的刺身，沙律，壽司，不過我們的主要戰場在燒烤：選擇相當多，雞翼，雞腎，雞柳，牛肉粒，牛肉片，牛仔骨，羊扒，多春魚，秋刀魚，三文魚骨腩，魷魚，豬扒，豬梅肉，還有好多款式，當然蔬菜都唔少。五花肉薄切，相當快熟，有嚼口，一點肥膩的口感都沒有，香味濃郁，用來夾生菜，或就這麼食一樣好味道。雞翼已一分為二，食起上來相當方便，原味的嫰滑香口，辣味的嫩滑惹味。牛仔骨都幾惹味，有口感。牛肉粒啖啖肉，幾嫰口。南瓜比較幹身有嚼口，菠蘿雖然比較酸，不過相當多汁，好有中和左的燒烤的熱氣的感覺，三色椒新鮮清口。蟹粥：粥煲得綿滑厚身，入口有質感，唔會水汪汪，蟹粥味道濃郁，鮮甜，毫無腥味，好味道。日式素翅：相當有嚼口卻又爽口，稍稍的麻油香味恰到好處，鮮香味都幾濃郁。天婦羅：款式唔多，沒有我至愛的蝦天

本人其實都唔多鐘意食韓燒，因為感覺好似全部都係食扒同食垃圾咁，基本上食少少就會好飽個感覺。但原來呢間韓舍完全同我想像中唔同扒類一啲都唔油，所以食多幾塊都唔有好濟個感覺，特別推薦係雞腎，超超超爽口，然後係豬頸肉，唔肥膩。食物總類好多，生同熟總類都有唔少，基本上同去食自助餐差不多，雖然多，但食物質素亦要俾個like。新鮮已經係好好了熟食夠熱，全部好似剛剛出爐咁，已往去放題，啲熟食係凍晒。甜品款式都好多，生果都好多款。

一早聽朋友講過呢間韓舍好抵食，聽聞有酒店buffet級既感覺，但只係比普通放題既價錢，咁吸引梗係要去試下餐廳確實唔係放題，係自助餐wor，一早book左位，準時去到即刻有得入去喇，餐廳地方都幾大，而且全部係卡位，做得好舒服熟食區都幾多選擇有即炸天婦羅同炸雞燒烤類，有好多選擇呀，而且d肉望落都醃得好惹味咁甜品區非常多選擇，仲有d位未影晒tim呀最特別係場內好多DIY機，炒雪糕機，爆谷機，棉花糖機，小丸子機，炒年糕機，好多野玩食物既味道大部份都唔錯，真係覺得好抵食呀

午市時間有唔少人，但這裡地方好大，唔洗等，走廊位很寬敞，桌椅地板也很乾淨。我們二人的枱也很大，很舒適。這兒供應的食物種類十分多樣化，包羅萬有，可滿足唔同人嘅口味。包括有日式壽司及前菜、沙律連各式醬料、10款熱食、韓式泡菜、港式湯粉麵、3款小食 、2款中式點心，當然唔少得供燒烤的食物，肉類有豬牛雞魚和海鮮共17款，蔬菜也有10款。仲有甜品蛋糕同雪糕供應。飲品方面有汽水機、咖啡機、同兩款特色飲品。汽水機有六款飲品，包括四種汽水和兩種道地茶飲。咖啡機供應熱水、紅茶和四款咖啡。特色飲品有乳酪汁和荔枝汁。每個座位有一隻杯，要拎座位嘅杯出去斟嘢飲。食物種類繁多，但係胃部空間有限，所以要選擇最想食嘅嘢食。食韓燒嘅主角當然係要燒菜同燒肉啦，蔬菜方面試咗粟米、南瓜、冬菇、茄子、洋蔥和番茄仔，肉類方面試咗牛仔骨、黑椒牛肉粒、原味雞翼、香辣雞翼、金沙骨、秋刀魚、多春魚和三文魚骨腩。燒蔬菜嘅效果不錯、好香又健康。尤其是燒茄子，燒完茄紅素急升可抗衰老，又多汁，新鮮醒胃。牛仔骨用咗黑椒醃，好入味；牛柳粒鮮甜嫩滑；雞翼好嫩滑，辣味同原味各有特色，辣味刺激、原味香，雞翼切開咗一半，變咗單骨，方便燒同食用；金沙骨調味夠

幾個女仔到旺角覓食，有提議到韓舍食韓燒放題， 大家都一致贊成， 上到去眼前一亮，地方很寬敞，裝修大方， 光線充足……座位很闊落舒服， 再去看看 食物區……所有生的肉類整 齊盛載着，清潔衛生！種 類繁多供選擇…… 包括肥美的青魚，有我喜愛吃的牛仔骨，雞扒，有咖哩豬扒，紅腸和魷魚，鷄翼 ……等等。每樣都 醃得很好味 ！不會太咸，吃完也不覺口喝！熟食也不少，其中蟲草花炆雞味道真的不錯！雞肉很滑味道好，也有药膳鷄脚……等。沙律菜和 燒烤的蔬菜都很新鮮！火力均勻 肉類燒得 香氣撲鼻！多欵甜品中最爱玩玩棉花糖和自己動手焗 焗小杯蛋糕！甜品種類 多，糖水， 雪糕 也吃不下了！大家都吃得很開心！好味又抵食！

韓燒放題食得多，今次黎到旺角試新野，點知竟然比我地發現新大陸，一入到鋪頭地方好闊落，而且全部都係卡位，坐得好舒服首先野食真係好多選擇，簡直好似酒店buffet咁，刺身，熟食，沙律，甜品，真係花多眼亂韓燒肉類同樣多選擇，而且擺放整齊同乾淨，時不時都會見到店員抹返整污糟既地方甜品區，好多選擇，甜品控表示冇得彈見到呢d擺設真係好似去左食buffet咁DIY炒雪糕，真係第一次玩，好有趣DIY章魚小丸子，雖然得一部機，但都唔使等太耐棉花糖機，第一次自己整一支棉花糖出黎，好好玩燒肉類都尚算有水準，肉類醃得好好味，而且d肉都唔會韌同「鞋」，肉質相當鬆軟，唔使點汁都已經好正甜品控梗係要全部甜品試一試，全部味道都合格，甚至比起有d酒店仲好味最後埋單每人先$207，竟然已經可以好似酒店buffet咁多野食，而且仲要好多新奇有趣既野玩，真係估唔到原來而家食放題都可以咁玩法比放題既價錢有酒店buffet既感覺，呢餐真係又好味又抵食呀

幫朋友慶祝生日飯，朋友食過呢間韓燒，話好多食野仲要系任食又好味，於是就選擇韓舍地理位置又方便，系旺角創興廣場9樓。一上到去韓舍門口就見到呢個圖像so cute好大的甜品櫃種類勁多，木糠布甸非常creamy,藍梅芝士蛋糕好濃郁芝士味軟硬適中。韓燒肉類種類好多，有豬牛雞，豬頸肉好入味燒出來好有口感，雞腎又好好味燒完咬落中爽口彈牙😋又有好多刺身可以選擇，每人每次拿8片，拎完仲可以再排險拎。又有幾款壽司供選擇。呢個燒烤爐冇油煙，我地燒左2小時都冇換爐，燒出來的品質依然好好味，燒d肉又唔會黏爐👍仲有好多熱食選擇，又有涼拌，又有沙律，又有雪糕。

日本放題食得多，因為怕熱氣，韓式燒烤放題就好少食。今日放假約朋友來這裡食午市燒烤放題(每位$108，免燒烤的話只需$58)，慢嘆一個悠閒午餐。餐廳地方寬敞，景色開揚，座位大部分以大卡位為主，坐得舒適又鬆動。燒烤放題其實不只是提供燒烤食物，還包括熱葷，炸物，壽司，點心，沙律， 各式蔬菜菇類及自製甜品等等； 食物種類可算是包羅萬有。壽司先來，有燒三文魚壽司及墨魚壽司，兩款都鮮甜味美，尤以燒三文魚最正，肉軟嫩滑， 媲美大型壽司店！熱葷中以"蟲草花荷葉蒸雞"及"藥膳雞腳"為主，味道各有特色，同樣吸引！輪到燒烤， 各式肉類每款也有三種不同味道 ，迎合不同口味。當中以“ 牛仔骨”最不容錯過， 牛味濃郁，經燒烤後外層略帶焦香， 油香四溢，肉汁豐盈，保持嫩滑口感，真叫人一食再食！ 其他肉類例如雞翼，豬扒亦都同樣有一定水準。 值得一讚的是每件肉類也是小巧精緻， 除了為免浪費食物 ， 也可令客人品嚐多款不同口味呢！最後是甜品時間， 雖然已經很飽，但可DIY綿花糖， 當然不會錯過，第一次親手造的綿花糖特別甜，還令人勾起童年回憶。 其他甜品如雪糕，啫喱，蛋糕已經無力品嚐了。好味，抵食！一次過品嚐多款美食，實在

Came here for lunch today and the overall experience was so bad that I am still here and writing this review. It's cheap but not worth it at all. The meat was really bad and the cakes were stale. I'm never coming back here.

今年母親節決定搞搞新意思，帶媽咪去旺角食韓燒!呢間「韓舍」一早就想試，除左價錢抵之外，佢仲超多野玩！去食任食嘅餐廳，我通常食頭圍，因為一定係最平，下晝12:00去到，仲未係好多人！星期六午市燒烤放題$118加一！價錢ok平！燒烤食物種類都好多！肉類有辣有唔辣，個個都食到！飲品有道地蘋果綠茶，平時燒肉放題通常得汽水！各式各樣的醬汁！仲有我最愛嘅泰式雞醬！我每樣都拎左一至兩舊，唔想浪費嘛！韓舍嘅燒烤爐抽風設備唔錯，唔會好多油煙！抵讚不過爐面的油略小，所以烤肉時容易痴底，一不留神舊烤肉好易燶！烤肉肉質唔韌，醃料醃得尚算入味除左烤肉外，佢仲提供好多小食，但小食溫度唔夠，味道就不過不失，試過就可以！坐到悶悶地，要出去玩下野啦！第一站：叮叮蛋糕！diy蛋糕幾易整，味道似蒸蛋糕，朱古力味就差D！第二站：綿花糖～唔好甜嘅我都係睇下人整算不過有咁大部綿花糖機玩，大人細路都like第三站：炒雪糕！玩落畀想像中難整！係訓練速度加手力嘅時候！整體感覺，呢間韓舍既性價比算高！有得食又有得玩，個個大人都變大細路！