韓珍 (寶勒巷)

營業中

休息中

之前光顧過韓珍數遍，對這間食店實在念念不忘。韓燒店在現今也蠻流行的，只是很多都是放題店，放題店的質素大多都要碰運氣，一些也真的挺不錯，但畢竟大多數的韓式燒肉放題都是二百多元，即使質素不好也是意料之內的事。雖然來過數遍，但之前也好像沒見過那麼多黃致列的相片，門口甚至有一張黃致列的海報，原來他最近在九展舉辦了演唱會，相信不是歌手的人也很難會發現。場內的環境十分偌大，有那麼多的抽氣扇，抽風系統應該不錯的。其中最特別的想必一定是這款八色珍味拼盤，八種顏色的五花肉，還要是不同的味道，其中包括人蔘、黑椒、日式醬汁、大醬等味道，還可選擇五花肉+豬肉或牛肉。肉的種類也十分多，當然價錢都不便宜，一份熟食牛肉拼盤，300g已經要500多元，賣到這個價錢若不好吃大概會被人罵死了🤭餐廳亦有飯麵類，都是傳統的款式。首先蛋餅是餐廳送的，蛋味非常濃郁，熱辣辣的，只是對於不喜歡蔥的我來說感覺不太好，蔥的數量有點多。牛肉石鍋拌飯是很多韓國餐廳都有的菜式，這裡的牛肉石鍋拌飯也十分好吃呀，牛肉不會太鹹，味道十分新鮮。裡面的醬汁也不會太鹹，和蔬菜、蛋黃等材料攪拌完畢後，口感非常豐富。八色五花肉雖然是這裡有名的菜式，就這樣吃五

好耐冇食過韓國燒烤，有朋友推介我呢間韓燒似係韓國人開，因為佢話聽到裏面嘅員工係講韓文去溝通😅😅😅而且佢呢間有得食韓國燒肉之外，仲有得食韓國菜料理，而且佢哋更加有牛肉俾你選擇，唔使一定食五花腩等等，朋友就推介我試佢個八色珍味燒肉，因為食得飽之餘，仲有好多款唔同奄料味道嘅五花腩，我叫咗呢個之餘，仲叫咗一塊牛肉眼，之後無啦啦有個店員放低左一碟煎蛋，話係送嘅，食落嘅味道同喺出邊食韓燒圍住燒烤盤旁邊嘅蛋味道一樣，可能食燒肉嘅話，佢就會送一疊蛋俾你食，另外同出邊啲韓國燒烤一樣有6碟配菜，但佢有少少唔同，佢除左泡菜，酸白羅白之外，酸海帶，酸青椒，白烚娃娃菜，一碗青蔥，仲有一碟調味料同一盆生菜俾你包肉食，首先鍾意食牛嘅我，緊係食牛先，一食落口即溶，真係好好味呀，好軟熟，乜調味料都唔使落都已經好好味，十級推薦👍🏻👍🏻👍🏻👍🏻之後就試返果d五花腩，奄料既味道有人蔘，黑椒，日式燒汁，大醬，辣椒醬，香草，咖喱，蒜蓉，Total就有呢八種味道，所以就叫做八色珍味，當中嘅香草同咖喱，呢兩隻味道個人比較不喜歡，咖哩就感覺怪怪的🤨，其他味道就好好味，不過我真係比較偏向鍾意嗰塊牛多啲😋😋😋超正。

今日約咗個好朋友食飯，佢嘈左要食燒肉好耐，所以今次就揀咗韓珍去滿足佢食燒肉嘅願望餐廳位置都好容易搵，一想到去就已經見到勁大個黃致列嘅人形紙牌公仔，入到餐廳裏面仲有打卡位添！除咗打卡位之外，仲有小禮物放喺前台，都幾得意，我冇貪心拎3個架，我攞咗黎影相咋影完相就坐低睇吓有咩食，食品嘅款式好齊全，但係我哋梗係專注左係燒肉嗰幾頁，見到個八色拼盤幾吸引，有三款可以選擇，而我哋就揀咗一半牛肉一半豬五花肉嘅拼盤$698係拼盤上菜之前，會上前菜同埋蛋餅，錢財總共有六款，全部都酸酸甜甜好開胃蛋餅都好好味呢一款拼盤包括左四款唔同味道嘅五花肉，分別係辣椒醬，咖喱，香草，蒜蓉，最適合鍾意試唔同口味嘅朋友，四款入面我比較鍾意嘅就係辣醬味，因為可能自己比較鍾意食韓式嘅辣醬咖喱味都幾特別，完全冇諗過咖哩都可以融入係燒肉入面香草味同蒜蓉味都一樣出色，全部醃得好入味至於牛肉方面就會有四款唔同嘅部位，分別係牛舌，雪花牛肉，調味烤排骨同埋調味烤里脊牛舌同埋雪花牛肉冇調味，原汁原味，餐廳早都準備咗醬汁俾我地，有洋蔥汁，辣醬，海鹽麻油，而我個人就最鍾意個洋蔥汁，因為甜甜地而經過調味嘅牛肉都好好味，個調味做得好好，用咗蒜蓉去醃，

昨天跟一個好朋友說起想去吃韓國菜，於是我們就決定去一間沒有去過的，朋友說這一間人氣都好好，而且有點特別，這間店位於尖沙咀，這裡不論白天或晚上都是人流很多，我們還是等一下才可以有位，由門口開始已有韓國的招牌知烤肉味，真的讓人垂涎欲滴，而且帶我們入座的也是一個韓國美人，還有也會跟我們說這裡的招牌菜八式珍味拼盤，這個拼盤非常特別八式肉，人蔘味唔濃—比較清香清淡，日式燒汁—甜甜地容易入口，香草味就因爲好多香草所以帶有好濃郁嘅香草味又芬芳又優雅，真的好喜歡，而比較亁身咖哩味道又好香又夠味，還有一個我覺得很特水冷麵，湯又清甜，麵又爽，簡直喜出望外，還有2個特式飲料，不太甜又有濃濃的果香。

This off-street level Korean BBQ restaurant is probably one of the best authentic BBQ I've had for a while. Once stepping into the restaurant you are greeted by Korean staff who runs this restaurant. The atmosphere reminds me of typical BBQ joints in Seoul <3Prepping yourself for the meal, the staff will bring a variety of unlimited Korean appetizer. Kimchi, carrot, seaweed etc.🤤We ordered a large variety of meat, all of which was very good quality and satisfying.Dry aged beef is definite YE

好耐冇食過韓燒，今日同媽咪去尖沙咀食，睇下OpenRice就揀呢間，主要係因為想試試佢嘅八色珍味拼盤。我哋揀咗一個$698嘅珍味拼盤，揀呢個因為有豬同牛食。除咗呢個拼盤，當然唔少得韓國嘅配菜啦，有沙律，泡菜，菇等等嘅前菜，仲有餐廳送嘅韓式蒸蛋，定係焗蛋呢，幾好食嘅。主角出場啦，四卷五花腩，有辣椒醬，香草，咖喱，蒜蓉四種味道。我個人就最鍾意食香草，因為佢個味十分濃烈。而其實係一餐飯裏面，侍應幫我地燒晒所有嘅肉，可以唔使自己燒，當然，你都可以request啦。雖然五花腩一條條好長，但係侍應燒完之後會幫你剪埋，變成一塊塊。而另外四款肉裏面，我就覺得牛舌同埋雪花牛肉最好味，影咗相俾大家睇睇。總結：個拼盤幾吸睛嘅，當然食落去都唔差啦，但係怕肥嘅人呢我就唔係好建議啦，因為係五花腩，仲要韓國燒烤，油係無所避免。

韓國燒烤很早以前係香港已經有一席位，呢間韓國燒肉店主打八色燒肉，係門口已經見到一比一韓星人形牌，有種追星小迷妹既感覺～仲有好多韓星擺設，拍照必備既相架～成個門口都係打卡位！餐廳地方大又闊落，坐位非常舒適，另外仲有獨立位置可以聚會。燒肉位都非常大，另外每個爐上都有強勁抽風系統，完全唔怕食完會有燒烤味！坐底無耐侍應就拎左好多一碟碟既前菜比我地，仲有生菜🥬韓燒必備！焗雞蛋餅〔跟餐附送〕熱辣辣上枱，睇住雞蛋由脹卜卜開始縮到變細，非常得意～雞蛋味十足，配上燒肉又係另一番風味！八色珍味拼盤（牛肉）$698調味烤裹脊、調味烤排骨、牛舌、雪花牛肉、五花腩（辣椒醬、香草、咖哩、蒜蓉）擺盤非常精美，視覺效果十足，非常吸引！珍味拼盤一次品嚐不同口味和口感，不錯。擺盤仲有舊肥膏同少量蔬菜～先燒五花腩，蒜蓉五花腩既蒜味比較清淡，沾醬汁夾菜食剛剛好；香草五花腩，非常重手既香草醃料，有清新濃郁既香草味，非常香口；咖哩口味非常獨特，咖哩唔辣且香濃，調味做得非常好，令到五花腩別有一番風味；辣椒醬口味竟帶少少甜味，味道較重且惹味十足，配上泡菜同雞蛋剛剛好～燒完五花腩再燒牛肉，調味烤裹脊、調味烤排骨、雪花牛肉，味道口感非常

一家大細有老有嫩，游完龍舟水，有人提議去尖沙咀食韓國燒烤，呢間正宗韓國燒烤都唔係第一次嚟，但次次gathering都會諗起佢！呢間韓國餐廳夠大，又坐得舒服，一大棚人嚟一齊食韓國燒烤，真係好happy ！由於咁多人食，咁梗係叫一個五人餐啦，啲肉又夠大份，又夠新鮮！另外我哋都叫咗兩個石頭鍋飯，媽媽食得津津有味！阿女就鍾意食韓國濕炒粉絲，因為佢甜甜地，粉絲夠彈牙，我哋食到最尾，都要再encore多一碟! 食完之後，我仲送左幾碟西瓜俾我哋，我清一清熱氣，下次要再嚟過！

曾幾何時，我都是韓燒的fans。早幾年韓國炸雞，啤酒這個組合，在香港hit得火熱🔥,女士們幾乎每星期總有一兩晚去韓國餐廳飲住啤酒食炸雞。但我今次不是來吃炸雞係食正宗的韓國燒烤 一行几人，當晚大約七點到步，人不算太多，地方闊落環境清雅。一嚟就點了過Set C 先啦！一上枱份量也不少🤩有專人幫你燒，牛肋骨燒出來的肉質生熟程度剛好，特別好味。而烤裹脊，油脂分布均勻，厚薄適中味道特別濃冇得輸。另外再加多一個👉醱酵人生雞湯，湯味濃郁，我飲咗幾碗呢😊食完相當飽肚。最後還有西瓜作甜品，消一消熱氣👍

雖然小妹剛剛先去完韓國 但燒肉真係百吃不厭見呢間係新開gei 又走黎呢度食個晚飯坐底覺得個空間都幾大 唔似香港平時咁迫但都幾多人食 坐滿晒人 坐底就有員工拎左啲泡菜 開胃小菜等野食上枱有沙律泡菜醃紫蘇葉同生菜等等我叫左個蜂蜜雪梨汁拌生牛肉雪梨加埋牛肉食落有種爽脆清新gei口感牛肉嫩滑食落牛肉味唔算太濃熟成牛肉拼盤呢個係喺熟成工廠發酵左80 日gei牛肉睇落個顏色比平時深 感覺比較實淨有專人過黎幫我地燒好個牛肉熟成牛肉比普通牛肉食落更軟更滑咬落去唔會有嗰種咬唔斷gei感覺肉味都好濃郁仲有一個烘蛋送 新鮮熱辣 又軟熟 好味

 韓式燒肉尖沙咀名店八色招牌燒腩肉有八種口味香草,咖哩,蒜味,辣味,大醬,日式燒汁,黑椒,人參更會有專人代燒韓國人主理,信心滿分可以一試燒肉以外,仲有招牌韓式冷麵,大醬湯都係唔錯 最好預訂位置,平日也很多人 下單後,服務員會先上菜包括了多款韓式風味前菜漬物全部自家出品,辣甜清爽都有食完胃口食慾都好D其中泡菜做得唔錯,辣中帶香,食到蔬菜既甜仲有幾款唔同前菜,有辣有酸有甜好健康又清新仲有一份生菜,燒肉用 醬料有3種 前菜包括一款韓式沙律甜甜地沙律醬汁,幾好食 數款前菜,多到食唔曬 另外再附送一盤類似煎蛋餅既菜式 我以為係送錯,原來係每位都有純粹蛋味,用鐵板上,好夠熱蛋味濃郁八色燒肉 黑椒,人參,燒汁,大醬,辣醬,香草,咖哩,蒜味 附一份蔬菜,南瓜片,小玉米等一片肥油脂 大醬湯湯中附有半隻蟹,數隻蜆,豆腐,泡菜等食材 顏色鮮紅,但喝起來不辣,仲有幾分鮮味另附一碗小飯,拌飯食一流！ 豆腐吸收湯汁精華，好嫩好味道 招牌韓式冷麵顏色看似平淡，食起來味道夠濃郁，冷麵爽彈半隻雞蛋，幾片梨肉，以為食到好飽會食唔落，佢既清爽同冰涼感去油膩結果最後也清得完 燒肉全程專人代勞２個人食八件真係有點多，４個人去比

哩間韓燒位置都好方便,距離尖沙咀地鐵站D出口只行幾分鐘，要注意有2個𨋢大堂上Office果邊🙅‍♀️上唔到的。個場好大,服務亦很好，正宗韓國人主理食到真正韓式口味!配菜跟一般韓燒餐廳有的分別，韓式醃製的葉跟肉一齊用生菜包來食一流， 醃菜葉有的微酸好好食,是韓國靚靚女侍應教我們的食法🙇🏻‍♀️餐枱大大，地方充足八色五花肉(人參、黑椒、大醬即麵豉、香草、蒜蓉、咖哩、日式燒汁、辣椒醬)八種口味中，本人最喜歡辣椒醬味 其實唔係太辣，但係醬料好有韓式風味。哩度服務真係唔錯，我地三個人去，而有二兩位女侍應輪住招呼我地，幫我地煮食物。海鮮鍋用料新鮮,湯底亦是經過制長時間煮調,香味濃郁。各類海鮮都是大份量，見靚女侍應展示的蟹便知道，鍋裏的鮑魚與大蝦亦不例外。湯汁煮入菜餚中， 真係一個好配搭建議海鮮不要煮得太耐先囉起，其他配菜再煮耐的等入哂味連湯一齊食。

韓國嘢相信大家都食唔少，不過呢間韓國🇰🇷餐廳真係超超超正宗，因為幾乎全部都係韓國靚仔靚女做侍應，係我見過最多嘅一間，溝通用簡單英語便可🤗除此之外，地方非常寬躺，客人不少，空間感十足，而且唔覺有油煙味，抽風設備值得一讚，因為最驚食完燒烤成身味😅一坐低第一時間叫番杯啤酒🍻先，500ml價錢$55元屬於好抵，另外Order完之後，大量配菜調味一碟二碟擺滿成張枱，睇見都開心，呢D都係韓國特式，正所謂輸人唔輸陣，視覺效果一流😍牛肉拼盤（二人份量）$320，有三款牛肉，排骨、裏脊、牛肋骨，全部已經調味好，上面鋪滿大量香蒽、蒜粒，好心急啊，快D開始喇🤗呢度你可以自己燒又得，交比韓妹幫你燒又得，首先等個燒烤網燒熱左，用牛脂肪揸係網面，咁就唔會咁易黐住，仲有，呢度原來每位侍應經過都會好細心咁幫你睇睇D肉烤成點，又會幫我地換個網，基本上都唔使點理，又剪好埋大小比我地食，真係好正👍🏻呢塊牛肋骨，調味夠，烤起來好香，一放落去，喳喳聲，香噴噴，入口肉香酥軟，無渣味美，可以點下D特制醬料，非常滋味👍🏻佢會配上一份生菜🥬用來包住D牛肉和配菜等，好爽口又健康，其實可以任由客人發揮創意配搭自己喜好，都幾好玩架😬醬油雞肉

今晚同朋友去食韓燒，餐廳有好多韓星相/海報，特色推介有八色燒肉套餐，除了八款口味的五花肉，還有五花肉配豬肉或牛肉，價錢由$538-698，亦有海鮮、炸雞、韓國菜式，如人參雞、煎餅、水冷麵、石鍋飯、拉麵等等。餐廳環境十分寬闊，坐得舒適，燒肉爐上的抽油煙夠強勁，吸走好多燒肉餘味，食完燒肉都唔會一身味。沙律及前菜泡菜超多款，都是免費附送。沙律清爽脆口，泡菜微辣帶酸，好適合港人口味。仲有醃洋蔥及菇、少有的蔥泡菜、醃生菜、醃香蘿蔔片、辣椒蔥絲……全部都好夾燒肉。八色五花肉 $538，套餐適合2-3人食，有八款醃到入味的五花肉，可一次品嚐八種口味，超滿足。店員好細心，幫我地燒肉，先燒味道偏淡的味道，人參及蒜蓉，燒得好靚，脂肪燒到閃閃發光同埋好香。人參味突出，微甘又入味，估唔到人參都夾到燒肉，感覺好補身。蒜蓉味較清淡，唔會好重味，食完唔怕個口大味，有蒜香得來又食到五花肉的豬味。套餐仲有生菜，可用來夾燒肉、泡菜、醃菜等，味道更清爽，又可解五花肉的油膩，可以食多點。之後燒大醬味及日本燒汁味。前者味道較濃，有大醬的豆香同濃味，咸度高左，所以不用沾醬都好味，而且大醬令肉更惹味。日本燒汁味道都較重，同樣醃得入

聽講香港都有得食韓國八色五花燒肉，即刻約好姊妹去試試！7:15pm入座，當時仲未有太多客人，翻開餐牌見到八色珍味拼盤果頁已經覺得好吸引，唔知會唔會係韓國食到嘅味道呢? 八色燒肉包括有人蔘、黑椒、日式燒汁、大醬、辣椒醬、香草、咖哩同蒜蓉醃味，由於好姊妹唔食辣，我哋問侍應可否將辣椒醬醃肉換成唔辣嘅肉，侍應係韓國人，經過我哋士七嘴八舌用英文解釋後，佢終於明白我哋嘅要求，俾我哋將辣椒醬醃肉轉為人蔘醃肉。除咗烤五花肉，我哋仲叫咗個韓牛拌飯share。飲品方面都好多選擇，食韓式燒肉當然要配燒酒啦！估唔到佢有水果味燒酒cocktail，我哋叫咗jar 荔枝味試試。荔枝味好出，勁大jar，兩個人飲極都飲唔晒！抵！同韓國一樣，會有一大堆配菜，而呢度除咗泡菜，醃蘿蔔等例牌嘢，仲會有埋沙律菜，好健康！燒肉就要自己燒，有時侍應路過都會幫吓手嘅...味道方面非常出色，基本上一咬落去就分辨出醃肉嘅味道，個人偏愛人蔘味同大醬味！最特別係咖哩味，有d似熱浪薯片味！餐廳越夜越多人，就好似韓國食燒肉咁好熱鬧，侍應亦好勤力咁換烤盤同收碟，喺呢度彷佛去咗韓國咁，一解冇得去旅行之苦！