韓珍 (寶勒巷)

營業中

休息中

韓國嘢相信大家都食唔少，不過呢間韓國🇰🇷餐廳真係超超超正宗，因為幾乎全部都係韓國靚仔靚女做侍應，係我見過最多嘅一間，溝通用簡單英語便可🤗除此之外，地方非常寬躺，客人不少，空間感十足，而且唔覺有油煙味，抽風設備值得一讚，因為最驚食完燒烤成身味😅一坐低第一時間叫番杯啤酒🍻先，500ml價錢$55元屬於好抵，另外Order完之後，大量配菜調味一碟二碟擺滿成張枱，睇見都開心，呢D都係韓國特式，正所謂輸人唔輸陣，視覺效果一流😍牛肉拼盤（二人份量）$320，有三款牛肉，排骨、裏脊、牛肋骨，全部已經調味好，上面鋪滿大量香蒽、蒜粒，好心急啊，快D開始喇🤗呢度你可以自己燒又得，交比韓妹幫你燒又得，首先等個燒烤網燒熱左，用牛脂肪揸係網面，咁就唔會咁易黐住，仲有，呢度原來每位侍應經過都會好細心咁幫你睇睇D肉烤成點，又會幫我地換個網，基本上都唔使點理，又剪好埋大小比我地食，真係好正👍🏻呢塊牛肋骨，調味夠，烤起來好香，一放落去，喳喳聲，香噴噴，入口肉香酥軟，無渣味美，可以點下D特制醬料，非常滋味👍🏻佢會配上一份生菜🥬用來包住D牛肉和配菜等，好爽口又健康，其實可以任由客人發揮創意配搭自己喜好，都幾好玩架😬醬油雞肉

今晚同朋友去食韓燒，餐廳有好多韓星相/海報，特色推介有八色燒肉套餐，除了八款口味的五花肉，還有五花肉配豬肉或牛肉，價錢由$538-698，亦有海鮮、炸雞、韓國菜式，如人參雞、煎餅、水冷麵、石鍋飯、拉麵等等。餐廳環境十分寬闊，坐得舒適，燒肉爐上的抽油煙夠強勁，吸走好多燒肉餘味，食完燒肉都唔會一身味。沙律及前菜泡菜超多款，都是免費附送。沙律清爽脆口，泡菜微辣帶酸，好適合港人口味。仲有醃洋蔥及菇、少有的蔥泡菜、醃生菜、醃香蘿蔔片、辣椒蔥絲……全部都好夾燒肉。八色五花肉 $538，套餐適合2-3人食，有八款醃到入味的五花肉，可一次品嚐八種口味，超滿足。店員好細心，幫我地燒肉，先燒味道偏淡的味道，人參及蒜蓉，燒得好靚，脂肪燒到閃閃發光同埋好香。人參味突出，微甘又入味，估唔到人參都夾到燒肉，感覺好補身。蒜蓉味較清淡，唔會好重味，食完唔怕個口大味，有蒜香得來又食到五花肉的豬味。套餐仲有生菜，可用來夾燒肉、泡菜、醃菜等，味道更清爽，又可解五花肉的油膩，可以食多點。之後燒大醬味及日本燒汁味。前者味道較濃，有大醬的豆香同濃味，咸度高左，所以不用沾醬都好味，而且大醬令肉更惹味。日本燒汁味道都較重，同樣醃得入

聽講香港都有得食韓國八色五花燒肉，即刻約好姊妹去試試！7:15pm入座，當時仲未有太多客人，翻開餐牌見到八色珍味拼盤果頁已經覺得好吸引，唔知會唔會係韓國食到嘅味道呢? 八色燒肉包括有人蔘、黑椒、日式燒汁、大醬、辣椒醬、香草、咖哩同蒜蓉醃味，由於好姊妹唔食辣，我哋問侍應可否將辣椒醬醃肉換成唔辣嘅肉，侍應係韓國人，經過我哋士七嘴八舌用英文解釋後，佢終於明白我哋嘅要求，俾我哋將辣椒醬醃肉轉為人蔘醃肉。除咗烤五花肉，我哋仲叫咗個韓牛拌飯share。飲品方面都好多選擇，食韓式燒肉當然要配燒酒啦！估唔到佢有水果味燒酒cocktail，我哋叫咗jar 荔枝味試試。荔枝味好出，勁大jar，兩個人飲極都飲唔晒！抵！同韓國一樣，會有一大堆配菜，而呢度除咗泡菜，醃蘿蔔等例牌嘢，仲會有埋沙律菜，好健康！燒肉就要自己燒，有時侍應路過都會幫吓手嘅...味道方面非常出色，基本上一咬落去就分辨出醃肉嘅味道，個人偏愛人蔘味同大醬味！最特別係咖哩味，有d似熱浪薯片味！餐廳越夜越多人，就好似韓國食燒肉咁好熱鬧，侍應亦好勤力咁換烤盤同收碟，喺呢度彷佛去咗韓國咁，一解冇得去旅行之苦！

Best friend 生日，梗係要揀返間似樣既餐廳同佢慶祝啦！因為我呢個閨密係個超級韓迷，好鍾意KPop，我就梗係投其所好，揀左呢間韓式燒肉店- 韓珍！呢到既環境相當唔錯，地方闊落，亦都痴滿哂韓星既poster,我個frd一入到餐廳已經笑哂🤣🤣🤣重點係超多韓國人幫襯，就連waiter 大部分都係韓國人，果然係正常宗韓國過江龍！食物方面，我地點左店既招牌「八色珍味拼盤」。呢款「八色烤五花肉」有多款唔同既配搭，分別用左八種調味，包括人蔘、黑椒、日式燒汁、大醬、辣椒醬、香草、咖哩和蒜蓉！店員好nice咁幫我地燒肉，我地坐定定等食🤣建議大家由味淡至味濃去食，因為咁樣先可以試真味道；我自己都係比較鍾意傳統口味燒汁同蒜蓉，五花肉燒到金黃色，連肥糕既位置都燒到十分香脆，食到停唔到！而朋友就覺得咖喱味好特出，夠入味！我地既食法會係用生菜包住五花肉加埋其他配菜，可以中和返個油膩感！除左五花肉，我地亦都點左薄切牛舌，份量好多，肉味都好濃，口感勁爽！推薦！最後個餐仲跟埋烤蛋，裡面落左洋蔥粒同青紅椒一齊焗，又香又滑！我地加埋野飲800$左右埋單！高質燒肉黎嫁，呢個價錢係值得！

韓珍今晚又帶媽媽食好野啦今次食好耐無食既韓燒雖然下午都仲係狂風暴雨好彩晚上無甘大雨啦好易搵到發現餐廳都好多韓國人食阿前菜多款前菜十分出色八色珍味拼盤，四色五花肉＋牛肉 $698主打菜是「八色珍味拼盤」，分別用上八種調味－人蔘、黑椒、日式燒汁、大醬、辣椒醬、香草、咖哩和蒜蓉我特別鍾意香草味，醃料好豐富，香草非常多，食落清香牛肉十分新鮮，建議唔點醬汁牛肉會有雪花牛肉、牛舌和排骨冷麵 $88清涼既水冷麵岩岩好降溫而且可以消膩麵條好爽滑幼細總結超高GP 值既韓燒——————#kayGorfoodie #foodie #hkblogger #foods #hkfood #hkfoodie #foodie #hongkongfoodie #instafood #hkig #hkigfood #hkeat #eat #hongkongfood #hkfoodblog #yummy #hkiger #food #hk #foodblogger #foodshare #hkfoodlover #hkfoodstagram #tasty #香港美食 #香港 #美食 #食評 

今晚叫老公陪我去尖沙咀寶勒巷一間韓國餐廳晚餐，點解？今次揀嘅韓燒餐廳就係由韓國歌手代言，更係要捧下場啦！一入門口就已經見到他的照片，餐廳內還有簽名海佈紙版人像，超開心囉。 店員大部份都係韓國人，客人亦多韓國人。食野時還覺得似係韓國咁。講翻食物先因為兩個人 order都有點限制，驚份量多食唔晒，最後揀左牛肉拼盤，可以試多些口味，有三款調味烤排骨，調味烤裏脊同特級牛肋骨。還有配菜如鮮磨菇，粟米心，洋蔥同埋雞脾菇。店員細心幫我們開火，拉低吸油煙管讓燒烤油煙味吸取，免一身油條味。還會有耐性幫客人煮理，香味撲鼻食落牛味濃又夠晒惹味，包生菜超清新食都幾件也不膩。試左調味嘅牛類，跟住就試下無調味的豬五花，甘香厚身又咬口嚼頭，店員燒得剛好，金黃外表熟透，只需醮點鹽超惹味。原來還會送上伴碟小菜，蒸蛋，調味醬，生菜一份，另加也只需要$10, 包肉超爽無咁油膩。好特別的一盤蒸蛋，鬆軟蛋香。牛肉石鍋飯 $98，熱辣辣足料牛肉蔬菜生雞蛋，加埋韓國辣醬伴均同食，非常開胃，同老公 share每人食到兩碗的。海鮮豆腐湯 $118熱辣辣嫩滑豆腐，蜆肉，菜蔬，微微辣醒胃。飯後果西瓜香甜多汁。

之前喺韓國食過八式燒肉，一直都好想食多次，比我發現原來香港都有得食，緊係要去試吓啦！見到餐牌，諗都唔使諗一定點八式珍味拼盤，佢同韓國都一樣有8款味道去醃d五花腩，分別有人参、黑椒，日式燒汁、大醬、辣椒醬、香草、咖哩同蒜蓉。如果識食，就應該由最淡味食先，最後食最濃味。最首先上枱緊係韓國嘅前菜小碟啦，陣容都唔少，味道有d酸酸辣辣同酸酸甜甜都幾開胃。主菜終於出場啦，八式珍味拼盤，佢將d五花腩卷成圓形，看似藝術品，非常吸引眼球，我地急不及待放落鐵板上面燒，放落爐燒果時咋咋聲，好快已經將油脂迫晒出黎，食落d肉質仲好juice,肥而不膩，肉質帶d爽口，真係食到停唔到口，我個人覺得8隻味都各有特色，全部都好好食，呢個餐仲送咗個蛋餅比我地食，蛋餅用熱煎pan上碟，咋咋聲非常香口，蛋味都好重，非常滿足。我地仲叫咗泡菜飛魚子拌飯，飯面頭真係勁多飛魚子，仲有生蛋、什菜同泡菜撈埋一齊食，個飯每一啖都充滿飛魚子，如果你係飛魚子控一定唔可以錯過。食韓國餐一定唔少得炒辣年糕啦，原來都幾大碟，除咗年糕之外，仲有2隻餃子、魚糕同雞蛋，個汁煮到啱啱好，濃稠度可以掛喺d年糕果度，年糕食落勁煙韌，非常好食。

尖沙咀呢間韓珍幾年前佢一開已經來食過大名鼎鼎八色五花肉,今次幾年後再戰韓珍。 入到門口有韓星紙版公仔,坐低發現佢旁邊開左相連既韓國炸雞店,同之前吾同左,感覺更韓味。一坐低叫完野食已經送來好多小配菜,Kim kee 好好食好爽好入味,叫左必食招牌八色五花肉同原味拼甜酸炸雞同啤酒。除左韓國啤,佢地亦都有其他外國draft 啤酒,認真正。可能因為點左烤肉,送左一個蒸蛋,非常美味。八色五花肉最鐘意辣椒,人參,大醬同蒜蓉味,全部都非常入味,包菜一流可惜菜吾多再叫要加錢。不過兩個人食加埋一盤炸雞真係太多食吾呔,但炸雞亦好脆肉好嫩,總括來講咁多韓國餐廳係香港, 韓珍真係一間味道近乎韓國本土味既餐廳,而且五花肉非常出色。

🔎尖沙咀寶勒巷6-8A號盈豐商業大廈1樓 *「八色五花肉好出色」- 韓珍.八色珍味拼盤 – 八色五花肉($538)一種五花肉可以有8種口味，的確好吸引。未覺味道單係視覺都已經係打卡必備。味道都好豐富，有人蔘、黑椒、日式燒汁、大醬、香草、咖哩、蒜蓉、辣椒醬。應有盡有。哈哈，真係好好味，調味好夠，肉汁好新鮮。海鮮雞湯($450)勁大盤，而且入面嘅料好了好多好多。單單係隻雞都已經好大隻，而且好入味。其次有好多唔同嘅海鮮，魷魚呀鮑魚呀，超級足料。鮮芒果沙律($98)諗住餐前食d沙律，一上菜就見到好大碟。而且芒果都幾多，炒年糕加芝士($98+$20)如果年糕控必點，價錢唔算好抵，因為佢唔算勁份。但味道好好，食完一舊又一舊。+$20仲有埋芝士。🍽7.5/10

近年來，韓國文化大熱，香港開了不少新派韓國餐廳，今天和太太在尖沙咀逛街，選了一間叫行韓珍既餐廳食晚飯。餐廳位於寶勒巷的商業大廈2樓，交通便利。門口放了個著名韓星- 黃致列紙牌人像，可以影相打卡。餐廳還十分之大，分開幾個區域，可以一大班人開派對。餐廳食品非常豐富，有火鍋、炸雞、刺身、醬油蟹、韓燒等等，都是時下非常火熱既食品，除此以外，還有很多不同飲品以供選擇。我和太太決定食燒牛扒和火鍋。侍應首先送了7樣小食，本人比較喜歡有泡菜、醃羅白和雞髀菇漬物，都是比較重口味的。接著，肉眼扒送到過來，鮮紅既顏色睇得出是新鮮貨，侍應細心地放了上去個燒烤爐，我和太太就繼續一邊食一邊等。 食物陸續送到，有個韓式煎蛋，味道淡淡的，口感鬆軟，和漬物一齊食就非常配襯。最後是個韓式海鮮火鍋，紅色既湯裹里，有大蝦、海蜆、鮑魚、魷魚、和大量既蔬菜，細味一口，鮮甜中帶有一陣辣勁，十分合適嗜辣嘅朋友。巧手嘅侍應已經幫我地燒好塊牛扒，還幫我地切成小塊，我急不及待地焦了些鹽，品嚐一塊，牛味很濃，而且還有肉汁，口感鬆軟，還有回甘味。食完牛扒，火鍋都已經食得啦，各類海鮮都鮮甜爽口，蔬菜吸收了湯既鮮辣味，越食越辣，呢個時候最好就是飲

韓珍📍尖沙咀寶勒巷6-8A號盈豐商業大廈1樓Kay Gor今晚又帶媽媽食好野啦今次食好耐無食既韓燒雖然下午都仲係狂風暴雨好彩晚上無甘大雨啦好易搵到發現餐廳都好多韓國人食阿前菜多款前菜十分出色八色珍味拼盤，四色五花肉＋牛肉 $698不同醃料好似辣椒醬、咖哩、香草、黑椒、日式燒汁我特別鍾意香草味，醃料好豐富，香草非常多，食落清香牛肉十分新鮮，建議唔點醬汁服務員主動幫手燒，態度熱情👍🏻👍🏻👍🏻👍🏻👍🏻煎芝士蛋餅厚厚既蛋餅份量十足而且芝士不多不肥岩岩好總結有十分好服務同食物有高質素Kay Gor 推介 👍🏻👍🏻👍🏻👍🏻👍🏻備注👍🏻5粒代表最推介———#kayGorfoodie #foodie #hkblogger #foods #hkfood #hkfoodie #foodie #hongkongfoodie #instafood #hkig #hkigfood #hkeat #eat #hongkongfood #hkfoodblog #yummy #hkiger #food #hk #foodblogger #foodshare #hkfoodlover #hkfoodstagram #t

於尖沙咀行完街，好想食韓燒，早前有朋友提過韓真的八色珍味拼盤。店面不難找，地鐵站行2分鐘就到。特別之處是五花腩，8款都有不同口味，拼盤有3款1 8款口味五花肉，2 4款口味五花肉加豬肉，5 4款口味五花肉加牛肉。因為想試牛肉，所以就叫了五花肉加牛肉。先上配菜，有酸薑，泡菜，幸鮑菇等，先開胃。拼盤裡有4款5花肉，辣椒醬，香草，咖哩，蒜蓉。店家將4款五花肉以卷狀上碟。店員會幫你燒，等你食到韓燒的最佳口味，正適合我這種懶人，加上自己吾識控制火喉，由店員協助就最好不過。佢先會燒好，再切片，看著在你眼前煮起，真係即製即食。五花腩好脆好脆，腩肉少不免有一點油，但仍做到脆口，肥瘦比例剛好。4種口味，各有不同，調味料不同，令每款吃起來都不一樣，但仍然食到肉味，調味一流。在完成腩肉後，店員會幫你換一個盤再燒牛，避免之前調味料影響之後的味道。4款是調味烤裏脊 調味烤排骨，牛舌，雪花肥牛。牛肉都是高質素牛，肉汁全部鎖在裡面，外脆，香口，但裡面好滑，加上店員完全掌握進食最好時機。牛舌薄薄一片，牛味十足。包住生菜食，更加減少油感，又清新。最好以一杯柚子梳打作結,是一餐好好的韓燒烤肉體驗。

Hancham is a wonderful Korean BBQ joint located in the heart of TST delivering authentic flavors and various delights. 😋As with most Korean restaurants we begin our meal with a quaint selection of side dishes, including fresh cabbage, pickled onions, mu-err, and thinly sliced spring onion. A refreshing tasting platter to begin our feast.Next we move onto the meat selection. First up is thick slices of Korean Hanwoo beef. We selected various cuts from different parts of the cow to best enjoy the

之前去韓國旅行都有試過食八色烤肉，一直都好懷念果種味道，最近朋友同我講原來香港都有得食，所以我哋就即刻去咗八色珍味拼盤有三種選擇，我哋叫咗八色五花肉，因為可以一次過試晒唔同味道除咗八色烤肉之外，餐牌上面都有其他好吸引嘅嘢食，所以我哋都叫咗唔少重頭戲當然就係呢個八色五花肉啦，佢分別係八種唔同嘅味道，但係我就覺得咖喱味最好食，而且味道亦都最濃郁最突出，其他味道可能真係要試真啲先至食得出。雖然佢係五花肉，但係食落肉同肥膏嘅比例大概係六四左右，比起我之前喺韓國食嘅冇咁肥。而且佢一塊肉好長好大塊，四個人食都足夠！除咗豬肉之外都想試吓牛，所以就叫咗個牛肉拼盤，烤出嚟都一樣好香好好味水冷麵嘅醬汁調味可以按自己個人喜好調教，個人覺得個湯可以再凍啲就更好🤣🤣呢份蛋卷十分足料而且仲好長😍芝士味濃郁得來又唔會覺得漏蛋餅相對就冇咁多材料，但係薄薄一片食落都幾好味食韓國嘢必食嘅年糕湯，裏面仲有啲韓式餃子，餃子雖然炸過，但放咗落啲湯度再食感覺上冇咁熱氣

前菜- 泡菜、醃白蘿蔔、醃大葉、雞脾菇、沙律菜生菜籃 - 用黎包肉食.烤肉既醬料及醬汁- 酸酸地既洋蔥汁、胡椒鹽、豆瓣醬 同 綠豆粉芝士蛋餅 - 贈送架，有芝士、洋蔥粒係中間，蛋中間好滑，好食！主菜黎啦！四色五花肉 + 牛肉拼盤～店員會幫手燒食物，先燒牛肉類牛舌 薄薄一片，好爽雪花牛肉 - 好有牛肉味，中間有肉汁調味烤排骨 - 調味後既牛肉有蒜香同甜甜地既醬油味，唔使再點醬汁都已經夠味調味烤裹脊 - 呢款都係用蒜頭同醬油醃製過，而且肉質好鬆軟四色五花肉：辣椒醬- 被辣椒醬醃過既五花肉令其更惹味...辣辣地令我食唔停.咖哩 - 咖哩係似星洲炒米既咖哩味，同五花肉都好夾香草 - 五花肉面鋪滿香草，燒烤完五花肉塊充斥著香草味～蒜蓉 - 原汁原味既五花肉呈現眼前