韓珍 (寶勒巷)

營業中

休息中

今日同朋友行過tst 大家講起之前去韓國旅行既經歷 佢話好掛住韓國既燒肉 所以好有共識錦黎到搵韓燒食 上網見到依間有8樣燒肉食 啱曬我ed咩味都想試既人 坐低之後見到餐單原來有牛肉拼盤 重要係慶州韓牛 餐單上說明牛肉係由不飽和脂肪既有油酸決定 比起西方牛 韓牛係擁有更高層次嘅口感同肉質 仲資韓牛肉眼買$365（150g)真係算平啦 其他例如 肉眼 西冷 韓牛拼盤 都大減價 平均平成一百到二百蚊不過我朋友同我一樣都鐘意咩味都試下 所以我地都係叫左個四色五花肉加牛肉($698)估唔到佢無邊爐蛋 但係就比左個煎水蛋黎 都好滑 同埋入面加左三色豆同洋蔥 有蛋香之外仲好健康😆另外比足9碟小菜 有沙律 泡菜 雞肶菇 蘿蔔 高麗菜等等 值得一提 泡菜唔會太辣 就返香港人口味醬料都畀足三款 有辣椒醬 黃豆粉同埋麻油鹽 結果發現原來都無咩點用上醬料 因為全部肉都好夠味中間第一嚿起係蒜蓉味 第二個喺香草味 第三個係咖哩味 第四個係辣椒醬味 蒜蓉味好濃 香草怖滿五花腩上面 咖哩味醃得最出色 辣椒味係最入味 五花腩配上生菜可以中和油膩感 生菜好新鮮 唔錯唔錯 接著就係牛脊肉 牛舌 雪花牛同埋排骨牛脊肉偏

今日約左個中學同學來尖沙咀食飯聚舊，寶勒巷都有好多韓國嘢食，今次揀左呢間上樓的韓國餐。上到去發覺餐廳分開做兩個area，一邊食韓燒，一邊食炸雞。入到去其實大部分侍應都係韓國人，好似好正宗甘！但係落單佢都會盡量安排識廣東話嘅幫你。燒肉有好多款式，影唔哂，其他嘢食都好吸引，揀左好耐先決定到。八色珍味拼盤 (八色五花肉) $538仲有另外兩款價錢貴啲，但肉類會有d唔同。韓燒同日式燒烤最唔同就係韓燒主要係燒豬肉，豬五花應該係最common ，最有代表的部位。不過兩個人點呢個拼盤份量其實有點多，因為一舊都幾大，可以剪成大約6-7小件。如果多1-2個人可以試多d其他野。呢個五花肉無論係腌製的口味同肥瘦分部都好高汁！每一隻味都有驚喜。五花肉雖然係比較肥，但只要燒耐少少，燒乾d脂肪，食落口會冇咁油膩之餘，仲好香口！燒完的肉我會放起右上角果碟醋攤凍一陣再食，d肉其實已經好夠味，所以我都冇點其他醬汁。食韓國菜唔少得大量腌製伴菜，我鍾意夾住d燒肉食，減低油膩感。呢個蛋餅都係free ga! 燒緊肉時可以食住先，有啲蔬菜粒起入面。海鮮豆腐辣湯($98)個湯辣辣地幾開胃，仲要好足料，撈飯食好好味！食住燒肉飲番杯

一去到店員就會上好多前菜俾你，有泡菜、白蘿蔔、椰菜、筍、海帶等等......然後仲有醬汁俾你；當然唔少得醬汁肉，仲有包肉嘅生菜。叫咗店員推介嘅韓牛，韓牛份量都好多，而且好大塊，雪花紋非常之靚。配菜仲有粟米、菇、南瓜及洋蔥。店員會幫你燒，而且韓牛好大塊，燒好咗之後，食落去入口即溶，非常juicy；而且啖啖有牛香，真係特別唔同。午餐重叫咗個鍋物，有蟹及蜆，用料非常豐富，而且辣辣地，送飯一流。叫多咗個豬拼盤，有豬頸肉、護心肉及豬五花。豬肉都幾好食，而且有豬香味，五花肉包菜真係好好食，加埋辣醬簡直一流。

咁岩朋友生日，朋友話想食韓燒，當然要帶佢去正宗韓國人開既韓燒餐廳，餐廳位置位於寶勒巷，非常易找，入到餐廳空間感都好大。睇睇餐牌，韓珍都有好多款的肉類選，當中主打「八色珍味拼盤」，已包括八個不同口味、不同部位的肉，可以一次過滿足哂想食唔同既口味既朋友點左菜之後，侍應會先上好多碟韓式小碟，仲有一盤以煎pan上的蛋餅，係免費送的，我諗係由於沒有爐邊蛋的關係，餐廳就轉送蛋餅取締，份外貼心，蛋餅不止只有蛋，仲加左d洋蔥同椒粒，蛋鬆軟富蛋香，超好食！我地就點左menu中間果款四色五花肉+豬肉($598)，主要原因都係想食護心肉😋四色有蒜香、咖哩、香草、辣椒醬，再搭護心肉、調味排骨、豬腩肉同豬頸肉😍好豐富，唔好睇佢每份都細細份，其實都好多，特別係四色五花肉每一卷攤開都好長😱侍應都好細心會走埋幫我地燒，侍應幫我地燒果然唔同d,香口但又唔會過熟，肉質都幾juicy，加上各款不同既調味，唔洗再點調味醬汁都好夠味，淨係食肉會有d漏，配埋生菜包住一齊食可以中和番，好味下次韓燒會再黎呢間～

前兩天媽咪突然說很想吃韓燒，又不想到普通的連鎖店，所以便決定上OpenRice找一下有沒有出名的韓式燒烤。看見這間韓式燒烤店很多好評，所以便決定來試一試😝這間店位於一樓，一出lift便看見店舖。裏面分為左右兩邊，左邊是吃韓燒的，右邊是吃炸雞的。這裏空間很大，座位舒適。坐下後，店員遞上餐牌。來到這裏當然要試一下這裏的招牌菜，8色珍味拼盤，你可以選擇只係豬，也可以選擇豬加牛肉，我們當然要選擇雙併的😍點菜後，店員會送上前菜，共有6碟。當中媽媽最愛吃這個泡菜👍難得今次咁多人，所以我們叫了一個荔枝米酒，可以share飲。這個米酒加上荔枝味，感覺非常好飲，不會有超重的酒精味，很快我們便飲完整瓶，大家來到一定要叫這個來飲！😍很快便上菜了，左邊用小碟的是牛肉，右邊卷在一起的是豬肉！牛的份量也不少，其實是足夠四個人吃的。個人比較喜歡吃雪花牛肉，燒下去牛的香味湧出來😋豬肉分別有四種味，有蒜蓉，香草，咖喱，辣椒醬。本身自己不太喜歡吃豬肉，但這個好好味。想不到味道已經滲入豬肉裡，而且燒完豬肉吃下去一點也不硬！吃燒烤的也有這個蒸蛋送😂另外在這個炎熱的夏天，當然要叫一個韓式冷麵來吃！這個韓國冷麵比起我在韓國吃的更

正宗的韓國餐相信也是不少香港人的最愛，這食肆的廚師店員也是由韓國人擔任的.lunch set 十分經濟種類選擇十分之多,有鍋物也有冷麵等主食.十分充滿韓式燒烤的佈置， 座位十分舒服適合朋友的聚會.大班朋友可叫八色珍味拼盤，每一種豬肉的味道也能夠嘗試.店員熱情地附上各種韓式小食， 泡菜的水準十分之高十分之爽口.海鮮豆腐鍋十分之正宗熱哄哄石鍋上的.牛肉十分之新鮮.豬肉的調味也十分之好.抽風十分之理想並沒有半點油煙.韓式牛肉炒粉絲也十分之美味.

前幾日約左3位朋友陪我食我鍾意的韓燒，openrice搵左間尖沙咀的韓燒----韓珍，好易搵，在寶勒巷馬會附近。我地book左8點4位，去到已經差唔多滿座，幸好預先book枱。人齊坐低，睇左餐牌，嗌左八色珍味拼盤中的四色五花肉加牛肉， 四色五花肉加豬肉。四色分別係辣椒醬，香草，咖哩和蒜蓉; 牛肉分別是調味烤裏脊，調味烤排骨， 牛舌和雪花牛肉; 豬肉分別是護心肉，調味排骨，豬頰肉和豬頸肉。 以及嗌左50cm長韓式雞蛋捲。一黎送左個烤蛋俾我們食，另外其他野食都好快上齊，我們先食已切好的韓式雞蛋捲。起初是朋友想食雞蛋捲，我興趣不大。但食左第一件，我發現原來雞蛋捲可以咁好食，所以我食左三件，佢賣相好吸引， 雞蛋捲表面有d沙律醬，茄醬和魚乾片，入面有d 蟹籽等的食材，真係食過返尋味。另外有提供生菜俾我地包住d肉食同幾碟配菜，如泡菜，酸蘿蔔， 菇等 。講番燒肉，我們一致認為辣椒醬和咖哩味的燒肉是最好食和最惹味。我個人認為香草好濃，好突出，蒜蓉最夾，無得輸。分量好夠，大家都飽到抱住個肚走。價錢合理，一分錢一分貨。環境舒適， 寬敞。位置又方便大家。燒肉賣相好吸睛，呃like一流。下次再約埋三五知己來這

二人食韓燒是最苦腦的事，因為點太多食唔哂，太少又款式少😑！放題質素又一般！ 所以今次朋友介紹去了公司附近的（韓珍）韓國料理店！環境很大座位亦很舒服，亦有很多韓國男團的擺設😊！一座㡳已經有免費前菜，亦可配搭燒肉一起食，Egg Pizza 都是免費👏👏！八色珍味拼盤＄538我們點的是五花肉，分別 用上 八種 調味 ，有(人 蔘 )、 (黑椒) 、 (日 式 燒 汁) 、 (大醬 )、 (辣椒 醬) 、 (香草 )、 (咖 哩 )和 (蒜蓉) , 醃製 出 八 款 不同 顏色 的烤肉 , 單 是 視覺 效果已經好吸引，一碟大約二至三人分量，已經可以品嚐不同口味，肉香十足 肉質的口感亦不錯！👍🏻👍🏻葛根水冷麵（小）＄68食完烤肉，再食碗冷麵，酸酸甜甜又冰涼，麵質亦好爽口彈牙！😋😋Grapefruit $48(杯）有氣西柚果汁🍹配搭韓燒一起吃，一流！💁🏻‍♀️最後重有西瓜🍉送！

今次lunch meeting去韓珍開餐，6個人 12：30就到,可能未到lunch hour全場無咩人。食左$900 好平 好抵 個個都好飽！鍋物真係值得推介最緊要係老闆埋單

又係時候解放下，老公深知我愛正中韓燒，帶我去尖沙咀食好西，位置易搵，在馬會樓上，在一樓，上到去門口已經＂韓＂氣逼人我地book咗七㸃未算多人，見到好多黃致列的相報，道地韓國裝潢，仲有不小韓國客人，不到半個鐘已經陸陸續續爆場一般韓式燒烤食材佢哋都有齊，而且仲做優惠，仲有特別的八式珍味拼盤可選，啱晒想食多款口味的客人的欲望前菜八小碟～跟足韓國做法有醬汁，仲有一個焗蛋同跟餐生菜送，呢兩樣無refill，其他小碟可無限refill，個蛋有芝士同洋蔥甜椒嫁，清清地，都飽肚我地叫咗個八式珍味拼盤，四式五花腩加牛肉，份量係2~3人份牛肉方面分別係調味烤裹脊、調味烤排骨丶牛舌和雪花牛肉，牛味香濃，油脂分布均勻，先燒了沒有任何調味的雪花牛肉同牛舌，吃到原味道，肉嫩多汁，入口即化，點鹽食已經好好味，再來烤排骨同裹脊，夠入味～帶甜味和蒜香，腍軟嫩滑，不用點醬已經好好食四式五花腩跟咗一份蔬菜，味道分別係辣椒醬丶香草丶咖喱同蒜蓉。賣相好靚，卷成一圈。先從淡味食起，蒜蓉配五花腩好夾，既有蒜蓉味又不失五花肉原味，燒到微焦是是佳吃法，香草味燒熟後味道好像燒漢堡，辣椒醬帶小小辣味，味道較濃，咖喱味就較重咖喱香，沒有過多

尖沙咀可稱得上韓國餐廳集中地，除左韓國街都仲有唔少選擇~呢次黎既呢間韓國烤肉店其實都幫襯過幾次，一來尖東都有分店夠哂方便，另一方面係有oppa幫手燒肉!點完餐先送上數碟前菜，有醃昆布、泡菜、沙律菜等，食韓國野既吸引之處莫過於大堆頭~最正仲有用鐵pan整既韓式蛋餅，熱烘烘香噴噴，蛋香鬆軟😍除左散點肉，仲有拼盤，我地試下四色五花肉+豬肉四款。　五花肉分別以香草、咖哩、蒜蓉、辣椒醬調味，一卷卷的排列，非常吸引。攤開仲比爐面長，都幾大件。而我最中意係蒜蓉味，味道唔會太濃，加埋其他配料用菜包住食係最正既~咖哩味都好香。燒既時候，oppa 見到都會過黎幫手燒吓、剪下咁,都幾細心！　4款豬肉有護心肉、調味排骨、豬頰肉、豬頸肉~ 護心肉係近橫膈膜既肉，較有咬口，肉味濃香。豬頰肉肉質鮮嫩有彈性，帶油花，烤香後肥而不膩~食烤肉，我比較中意食無醃過既肉，燒完加d麵豉、蔥絲或者醬汁已經好好味~最後點個大醬湯，加入左蟹、蜆，湯頭更鮮甜， 辣醬大醬帶出香辣味道刺激味蕾，特別醒胃。

很久沒吃韓燒了，今天要吃個飽！ 雖然只有兩個人，但都叫點了一份「八色珍味拼盤」，要了四色五花肉+牛肉，每款都可以試試！ 前菜有八小碟，感覺很華麗！ 除了泡菜，洋蔥，蘿蔔這些常見的，還有魚糕，雞髀菇和蒜苗蝦乾，很有誠意！四色五花肉率先登場，分別有蒜味，香草味，咖哩味和辣味。 五花肉卷到一朵朵花般，很漂亮。店員會幫忙燒肉，所以我們只要安靜地等吃就好了～燒完後，剪好，再排得整整齊齊！ 半肥瘦的五花肉，怎樣調味都非常美味，其中香草味就最深得我心！牛肉分別有：調味烤裏脊，調味烤排骨，牛舌和雪花牛肉。我最愛雪花牛肉，肥瘦適中，用生菜包著吃更加美味。雖然只吃那8款肉已經很夠飽，但我們還是貪心地叫了炒年糕。炒年糕的配料很多，有蛋，炸餃子，還有魚糕，很豐富。

呢間燒肉店蠻地道，因為當晚見到很多韓國人都黎食，另外店員亦都係韓國人，注意如果想去食既話一定要book枱，當晚相當full，見到有人walk in但無位。韓式蛋卷 - 一開始以為係爐邊蛋，所以就叫咗蛋卷，後尾發現原來店家都有煎蛋餅送，味道同爐邊蛋差不多而且可以不斷refill，但當然蛋卷好食好多，入面包咗泡菜同芝士，而面頭灑滿木魚碎，相當好食，一定要趁熱食，有拉絲質感。特級牛肋骨 - 呢塊肉是當晚質素最好的一塊肉，肉味明顯濃郁好多，亦不需過多的seasoning，就咁加少少鹽已經好好食！所以都推薦大家order八色式珍味拼盤 - 呢個係拼盤裡其中四款牛肉，分別係調味排骨、調味牛脊、牛舌及雪花牛肉，整體質素不錯，特別是牛舌及雪花牛肉，牛舌因為薄，燒一燒就食得，而後者肉味較出，加上一股油香，很好吃！

好耐都冇食韓燒~~今晚難得約到中意食韓國野既朋友, 我地當然食韓燒啦！一坐低，先黎好多SIDE DISH, 同埋調味醬～我地ORDER 左石頭飯、人蔘雞湯、海鮮湯、牛肉拼盤等~~牛肉拼盤有三款牛肉，排骨、裏脊、牛肋骨，全部都已經調味好~~上面仲鋪滿好多香蒽、蒜粒，賣相吸引！牛肋骨係最好食，好軟腍，而排骨、裏脊就鮮嫩可口。人蔘雞湯，真材實料，入面D 雞嫰滑，湯底人蔘雞湯味濃，飯粒軟棉棉，食落好滋補！海鮮湯入面同樣好多料，有豆腐、蜆、青口、菜等，辣度剛剛好～石頭飯入面有好多大豆、芽菜、蛋絲、紅蘿蔔絲、牛肉，仲有辣醬比大家自己撈，味道唔錯！OVERALL 價錢合理又坐得舒服, 而且完全唔覺有油煙味,下次可以再黎!!

「韓珍」，以「韓式珍味燒肉」來形容也感貼切吧，儘管定位中價，以A la Carte形式單點食品，而不是較受大眾歡迎的燒肉放題，今晚也全場滿座，蠻具人氣。温馨提示：侍應中有約半數是韓國人，有可能需以簡單英文點菜，但餐牌以中英圖文並茂，十分清晰。除了韓國菜必備的任食韓式小碟外，這蛋餅也是，由於燒烤爐的設計容不下爐邊蛋，所以餐廳以這蛋餅代替，可無限添食。韓式蛋餅新鮮煎熟，鬆軟富蛋香，內有洋蔥及椒粒，簡單美味。特級牛肋骨 ($280/300g): 雖然價錢不低，但質素甚高，牛肋骨肉色紅潤，含一定脂肪佔比，香滑富油香之餘，亦有濃郁的牛肉味。八色珍味拼盤 ($698): 拼盤有四款牛肉及四款豬肉，牛肉分別是牛舌、雪花牛肉、調味烤裏脊及調味烤排骨：薄切牛舌每邊燒十餘秒便能享用，爽滑美味；雪花牛肉較有肉感，肉味及油脂香並重，兩者能取得平衡；其餘兩款以韓式醬油調味，味道偏香甜，而肉質亦十分軟腍幼滑。另外四色豬腩肉卷分別是韓式辣椒醬、咖喱、香草及蒜茸，雖然同是豬腩肉，但這拼盤的好處是能嘗不同口味，豬腩肉肥瘦相間，爽滑而肉汁豐富。每款也夠入味，各有特色，個人較喜愛韓式辣椒醬及咖喱口味。