韓珍 (寶勒巷)

營業中

休息中

.好耐無食韓燒啦 上星期同好友食開年飯揀左呢間位於尖沙咀既韓珍地點好方便 而且環境唔錯 坐得好舒服慢慢傾計都得！.我地2個女仔都食得幾多嘢點左牛舌 2人份牛肉拼盤人蔘雞湯 炸醬麵 份量超多！因為頭盤係有好多！仲有埋蛋餅前菜好多碟 有沙律肉既份量同樣都多 而且好入味不得不提既係佢有埋生菜俾埋可以包住肉食無咁膩🥰.人蔘雞湯好足料 有成半隻雞係入面 好香濃熱辣辣飲好好味 又可以解下燒肉既油膩感。牛舌雖然唔係好厚果款 但牛味都好濃郁 加少少檸檬汁係上面再食好正！牛肉拼盤係有3個唔同部位 分別係烤排骨 烤裏脊 特級牛肋骨 好新鮮！全部都好香 唔會太難燒火喉唔會太難控制我最愛特級牛肋骨 係3款肉入面最腍身一大塊 要自己剪的 肉的厚度剛好 咬落好juicy 食過番尋晚🤤.不得不提既係店員有9成都係韓國人 好正宗既感覺！而且燒肉到既時候都會主動幫手燒 服務好好呢間絕對會有下次❤️

唔洗去韓國都食到醬油蟹😍.雖然餐廳係主打韓燒，但係都有唔少主菜可以選擇。見到醬油蟹配牛油飯甘吸引，其他部隊鍋年糕都已經放唔入眼內🤗醬油蟹鮮甜多膏，醬汁唔會好咸，餐廳好細心地將蟹切件後先上枱，所以食得更方便更滋味😃將由蟹絕對是白飯神偷，食晒將由蟹後，將牛肉飯放入蟹蓋內，加入醬汁，醬油的咸香同牛油油香味跟飯拌在一起食，罪惡感十足🤤🤤🤤..燒肉點左三色拼盤，單點燒肉要百幾蚊，三色拼盤有三份已調味的牛肉，只係$420所以好抵食！牛肋骨油脂分布好平均，充滿油香得黎又唔會太油膩，推薦👍🏻經過調味的肉類比起沒有調味的肉類口感更加濕潤，而且帶有醬汁的咸香。如果喜歡肉汁的原味，都可以跟我一樣，多點一份沒有經過調味的鮮肉。單點的原條牛肋骨份量很大，性價比都很高，同樣推薦😚..餐廳會為每枱客人送上一份熱鍋蛋，是免費的！😍泡菜生菜等的配菜都是任添的👏🏻👏🏻

🇰🇷G-Dragon飯堂？如果一間韓國菜可以引到G-Dragon嚟香港時都特登去食，你就知佢既質素做到好貼近韓國地道口味，好值得試😋～而今次介紹就係韓珍🤓。🐂牛肉拼盤 HK$320 - 牛排骨，里脊，同牛肋骨。三款本身已經調咗味，所以燒好之後就咁食已經好正，肉夠新鮮💪🏻而我就鍾意點小小果個麻油，更加吊到個牛香味出嚟，高質🤤。🐷鐵板烤小章魚五花肉 HK$380 - 店員會幫你炒，但你可以自己玩😂佢真係好多章魚仔，好多五花肉，連埋芽菜同冬菇，真係食到好飽然後又好好食👍🏻但要預先警告⚠️⚠️幾辣下，如果用大家明白既標準講，佢係可能五小辣咁上下，真係食到辣先好叫🤔～。🍹凍梅子茶HK$35 - 解渴又唔會話太甜，唔錯～

趁呢一兩日涼返少少，前兩日打完邊爐都未夠喉，今晚再約朋友仔食韓式燒肉先~~朋友仔推薦黎呢間韓式餐館，因為佢話佢之前同屋企人黎過，覺得味道唔錯，感覺好正宗！！一入到就有韓藉既店員熱情招待，四周仲有唔少操韓文既食客，真係有如走進韓國當地咁啊~~朋友話呢度係主打韓燒，但meun上亦有其他種類既韓式主食同小食架！！呢晚我地要左一份牛肉拼盤$320，一份鮮鰻魚$110，一客水冷麵（小）$68同一客人參雞湯$108，打算share一齊食~~落好order之後，店員就為我地呈上可以refill既韓式八小碟作為前菜：）原來只要有order燒肉就會免費獲贈一份鐵板芝士蛋餅添！！！雖然係唔免費，但味道唔錯，而且份量都唔算少啵~~之後既牛肉拼盤入面有三款已調味既牛，自己就最中意牛肋骨，香軟得黎又不失肉味！！原條鰻魚燒香後，沾上醬油一同吃下亦夠滋味~~熱烘烘既香口燒肉配上涼浸浸既煙韌冷面，絕配！！！而人參雞湯係朋友仔既心頭好既暖身又飽肚，的確唔錯：）逢親食火鍋/食燒肉都少不免要配上飲品，呢晚亦唔例外~~最後仲有餐廳贈送既西瓜做甜品添！！！！

上星期快閃首爾，始終時間有限，又想多試不同種類的餐廳，結果只吃了一頓燒肉，食得唔夠喉，回到香港還是想念著韓國美食，於是來到這家韓國大廚主理的韓國料理晚餐。我們剛開始燒了少量肉類，侍應就主動幫我們換了燒烤盤，很細心，一般都得自己向侍應提出，才會幫你換，服務水準真高！我們點了牛肉拼盤，有調味烤排骨、調味烤裏脊、調味特級牛肋骨，調味了的牛肉更加鮮味，個人最喜歡牛肋骨，味道甜甜的，入口即溶。附送的蛋餅也不馬虎！雪花牛肉的雪花分佈好靚，烤後的牛肉香味在口中盤旋，普通沾點鹽吃已經是美食。另外點了峰窩五花腩，肥瘦分佈好靚，外脆內嫩，加生菜包著吃正好👍🏻人參雞湯真的很足料，bb雞的肉很滑嫩，就連雞骨都好林，入口即溶，雞裡面有很多糯米飯，甚至有栗子、紅棗。這份人參雞湯可以媲美上週在首爾光化門附近很有名的人參雞，價錢還要比在韓國的更便宜。這裡的食物很新鮮，份量很足料，價錢又合宜，我倆吃到捧腹而回，滿足

這次經過寶勒巷找東西食 發現有家樓上韓國料理店上去看看發現環境挻大的 原來是食韓國烤肉料理🙈所以決定一試吧 店鋪環境很大 而且還有包房很大的首先店員會為我們送上餐前小食 總共有8小碟挻多呢大部分也是醃製食物 最喜歡食泡菜😋 有驚喜的食物是煎蛋餅 也是餐前小食 味道很香而且用鐵板放著保暖·豬肉拼盤 HKD$280拼盤裡面有豬頸肉/豬頰肉/護心肉其三款不同部位最喜歡豬頰肉 外面不常見食物 這部位挻腍身有咬感·辣醬五花肉 HKD$140經過醃製的五花肉令到味道香濃 燒烤期間味道更香食起上來肉質腍身 油份在口腔散發著挻不錯的味道😋·辣醬炒年糕 HKD$98 面頭有兩隻餃子拌原隻熟蛋 點上醬汁令到味道更佳年糕份量挻多的 煙煙韌韌的口感挻喜歡食 很飽肚🤣

心血來潮想食韓國菜，聽朋友介紹韓珍d韓燒肉類好新鮮，餐廳仲要係韓國人主理，真正既韓國菜，所以就決定左去食韓珍。但最後我竟然俾偷飯賊吸引住🤣餐前4小碟醬油蟹(一隻)配牛油飯 $250(美味指數: 😋😋😋😋😋)醬油蟹真係名副其實既偷飯賊，食醬油蟹一定要配飯！白飯上面有一隻生雞蛋，有紫菜同芝麻，好香。整整一隻醬油蟹，好入味，入面有好多蟹膏，將蟹膏撈飯黎食，簡直係人界美味醱酵人參雞湯 $108(美味指數: 😋😋😋😋)人參雞湯又好有驚喜，雞骨熬到脆化，連雞骨都可以食埋。美中不足的地方係人參味唔夠濃郁鐵板烤小章魚五花腩 $380(美味指數: 😋😋😋😋)店員會幫手炒五花腩，炒熟左之後就可以熄爐食得，五花腩好肥美嫩滑，小章魚好都出色，不過真係好辣🌶🌶，唔食得辣既朋友慎選🤣😋整體食物質素：4 / 5💰性價比：4 / 5👍推薦指數：4 / 5

朋友生日，於是同佢去咗佢最愛嘅韓國菜！今次揀咗韓燒～一去到聽到大部份店員都係用韓文溝通，由韓國人主理，感覺幾正宗😎-我哋點菜前就上咗唔同配菜，有南瓜、醃蘿蔔沙律菜、生菜等，仲可以免費任添㗎，我最中意食芽菜同泡菜，refill咗三次🤣另外如果叫韓燒，就會送一個鐵鍋煎蛋餅👍🏻入面芝士同三色椒，口感豐富～蛋餅都幾嫩滑。-醬酒蟹（$250）呢個算係我係香港食過最好味嘅醬酒蟹😋感覺真係好似去咗韓國食醬油蟹，好正宗👍🏻肉質同醬酒鮮甜，唔會太咸，蟹膏又多又濃，佢仲好貼心已經將原隻拆咗一件件，基本上一個人可以好快KO一隻蟹。而且仲會附上一大碗牛油飯，加上蛋黃食更香滑。我另外再加入蟹膏同少少醬酒撈埋一齊食，食盡醬油蟹嘅精華！-牛肉三色拼盤($320)牛肉控必點！滿足你可以試唔同牛部位嘅三個願望～採肉新鮮牛肉，再加以唔同嘅調味，醃得好入味！分別有調味烤排骨、調味烤里脊同調味特級牛肋骨。牛肉味十分濃，油脂味香。包生菜同醬料食，口感加分🆙仲有Oppa 幫我地烤肉，又周不時幫我地換燒烤板，服務水準很讚呢💯-醱酵人蔘雞湯（$108）食完燒肉，飲下雞湯清清喉嚨幾好～有一大隻雞幾足料，雞肉幾嫩滑呢～呢個價錢飲到人蔘雞

今次嚟到位於尖沙咀寶勒巷樓上嘅韓式餐廳韓珍聽講係由韓國人處理用嘅都係新鮮食材煮真正嘅韓國美食一嚟到就已經有韓國籍嘅職員招呼我哋雖然呢度係食韓燒嘅地方但係油煙味一啲都唔大抽風系統應該做得唔錯一叫完餸就已經嚟咗韓國嘅餐前小食分別有泡菜，醃生菜，醃白蘿蔔、南瓜等等而且仲會額外送多一份煎蛋餅🍳入面有紅椒同埋芝士可以拉絲醬油蟹配牛油飯🦀好難得見到韓國餐廳做醬油蟹即係對自己嘅食材充滿咗信心醬油蟹上枱嘅時候已經拆好咗大部份只要戴上手套就可以開始食蟹將蟹肉折落去牛油飯入面牛油飯上面亦都加咗一隻蛋黃🍚可以令到飯更加香滑呢度嘅醬油蟹唔止得個咸字而且好有鮮味更重要嘅係成隻蟹都好有膏真係食晒成隻都唔夠🤤牛肉拼盤🐮上菜嘅時候會連埋一碟生菜俾你包住嚟食牛肉拼盤總共有三款特級牛肋肉，里脊同排骨每款都已經有唔同嘅調味就咁放上去燒就可以總括嚟講牛肉味十分之濃完全唔使再加額外嘅調味另外叫咗兩杯西瓜汁🍉可以解下油膩同埋清下熱氣侍應姐姐服務都好好會不時咁樣嚟睇吓我哋究竟燒成點同埋使唔使換鐵板

最近天氣又稍涼了一點，想吃燒烤的我們這次就來到這間由韓國人主理的韓燒店。位置在寶勒巷，十分方便。店員先上小菜，種類很多，有泡菜，生菜，蘿蔔等等。跟餐還有送一盤小小的鐵盤焗雞蛋，蛋軟軟的，裡面還有蔬菜。烤肉方面我們點了一個牛肉拼盤，不但價錢超值，還可以一次過試試調味烤里脊，調味烤排骨，和調味特級牛肋骨。這幾款肉都預先醃好，十分入味。配上各種醬汁和生菜都很好吃。最好食的我們覺得是調味特級牛肋骨，一大片烤完之後剪開，肉質軟稔。吃過牛肉當然又要吃豬肉。我們點了一份辣味的護心肉。烤過之後肉質偏脆，很惹味，但不會太辣蓋過肉味。怕只吃肉會太膩，我們叫了一盤水冷麵降降溫。。水冷麵的麵質有彈性，口感冰涼。這次最有看頭的就是這份50cm長韓式雞蛋捲。超大份的蛋捲裡面有椰菜，泡菜，蟹子，沙律醬，柴魚片等等。蛋煎得很嫩滑。最後還送上一碟免費的西瓜，十分清甜，很甜心。總括而言餐廳的肉類很新鮮，服務水準也很不錯。

天氣凍凍地，想食返啲熱辣辣嘅嘢，燒肉都係一個唔錯嘅選擇！上次同朋友食過韓珍，都好唔錯又大份，今次一於再encore！一坐低就有啲韓式前菜開開胃。餐廳仲送左蛋餅，新鮮整起都幾飽肚。套餐當然最抵食，【八色珍味拼盤】套餐有八款肉，今次食四色五花肉+豬肉組合。四色五花肉就有辣椒醬、香草味、咖喱、蒜蓉味，每款都夠入味又油脂豐富。 燒完啲肉汁同油脂咇晒出嚟，好正呀！ 最好食係咖哩味同香草味，味道濃郁。豬肉都有四碟：護心肉、調味排骨、豬頰肉、豬頸肉，朋友話豬頸肉最正，超彈牙！ 為左減低油膩感，最好用啲生菜夾住嚟食，仲可以增加纖維！仲叫左個人參雞湯暖暖身，用料十足，啲雞肉好嫩滑，個湯應該熬左好耐，連雞骨都可以食埋，勁。最後仲有西瓜做飯後果。

呢個冬天雖然不太凍，但我同班friend已經打左十幾次邊爐，所以呢晚要轉一轉，去左食韓燒！睇到Openrice有好多好評，於是黎左呢間韓珍。一入到黎，greet我地嘅已經係韓國老闆同老闆娘😍 雖然唔識韓文，但都感覺到佢地嘅熱情款待。我地得兩個人，所以叫左個2-3人餐，點知黎到係勁大份量！呢個餐有4色五花肉+牛肉，價值$698。四色五花肉有4隻好distinctive嘅味，而我最中意係香草味。調味做得非常好，而服務員亦好殷勤咁幫我地燒肉，燒到剛剛好，鎖住啲肉汁，亦唔會燶哂🤤牛肉其實都好高質，特別係牛舌嘅口感好正，調味亦好好，食到我地完全停唔到口😍😍😍

真正韓國人主理的韓式美食！朋友說這間韓式燒烤很正宗，所以約了我一起去吃！選擇困難症發作，所以叫了一個聖誕餐～單是前菜已經有9小碟，很豐富！選這個套餐的其中一個原因是：它有1++韓牛西冷扒，韓牛比起和牛沒有那麼肥，所以肉味會更濃郁！店員會幫忙燒，所以我們可以專心吃和談天，而且店員服務不錯，值得一讚。除了韓牛，燒大蝦亦深得我歡心～大大隻蝦，食下去啖啖肉，好味！田園沙律，除了沙律菜，還有雞蛋和杏仁，醬汁比較特別，平時沒有吃過。這個應該是煎蛋，因為沒有爐邊蛋，可能用這個取代～蛋味濃郁，但不太夠嫩滑呢。泡菜煎餅，雖然配料簡單，但煎得香煎，又有泡菜的酸辣味，不錯吃～牛肉石鍋飯亦有驚喜，拌飯的辣醬很惹味，而且飯入面有很多配菜，口感豐富～套餐還有兩杯飲品，我們要了Blue Lemon 和Pineapple.清新冰涼，很配韓式料理！

<韓珍 Hancham>📍尖沙咀寶勒巷6-8號盈豐商業大廈1樓(有2間分店)哩兩日天氣又凍番少少 終於有啲冬天嘅感覺⛄️見天氣凍所以🦖🦕前兩日就去左食韓燒暖下身韓珍出名係因為G Dragon來香港都去哩到開餐我地試左勁多野 叫左900蚊食到好似放題咁🤣最推薦係個牛肉拼盤 入面有3款調味好嘅牛🐮其中個特級牛肋骨牛脂分佈均勻 夾生菜超好食另外個泡菜煎餅都好出色 食到最尾都仲脆嘅👍🏻我地仲膽粗粗食韓國菜叫左一份三文魚刺身😂結果真係唔太新鮮 所以我地拎左啲三文魚去燒點知意外地好好味 好似厚切火炙三文魚腩咁😍大家有興趣嘅話都可以try try韓燒三文魚！🤪〰️

食店：韓珍✨「韓國人主理嘅食店，真正韓式美食」張梁點餐👦🏻🧒🏻1）$250 《醬油蟹》評分（10分滿分）：9⃣食評💬：呢到係So far張梁響香港食過比較好味嘅醬油蟹，隨蟹仲附送一大碗蛋黃牛油飯，撈勻蟹膏同少少豉油嚟食鮮味十足！2）$68 《葛根水冷麵》(小)評分（10分滿分）：8⃣食評💬：呢個麵係真正嘅韓式地道美食🤤一路食燒肉，一路食冷麵，真係別有一番風味！又凍又酸嘅湯底好特別，當你熱辣辣食完一片牛後，再食一啖冰凍又煙韌嘅麵，好爽！(溫馨提示:可以用鉸剪剪一剪個麵底先食)3）$320 《牛肉拼盤》評分（10分滿分）：9⃣食評💬：拼盤包括三款牛，排骨、裏脊同埋特級牛肋骨，牛肉醃得好入味，食落好juicy好新鮮😋倒少少汁落去個爐到一齊燒更好味！4）$108 《人參雞湯》評分（10分滿分）：8⃣食評💬：一大鍋人參雞湯有成隻雞係入面，雞肉好嫩滑，點少少粗鹽嚟食一流！湯嘅味道清清地幾好，飲落好養生好補❤性價比唔錯～最後👉🏻未上菜前，食店會有好多小配菜提供比大家配埋燒肉一齊食，額外仲有個沙律同鐵板蛋！食過唔少韓式食店，配菜黎講真係算豐富～讚！韓珍 (尖沙咀)📍尖沙咀寶勒巷6-8A號盈豐商業大廈1樓