韓珍 (寶勒巷)

營業中

休息中

約左朋友食飯，佢話想食韓燒，就帶左我去呢間韓珍。牛肉拼盤（$320)拼盤較單點既肉抵食，$320 可以品嚐到三款肉，店員亦會幫忙燒，唔駛怕唔識處理或者燒過龍浪費左啲肉。牛肉既肉質非常淋，而且非常入味。另外，燒肉可以配三款醬汁一齊食，不過我覺得夠入味，所以都無用到。煎蛋餅（點BBQ SET 附送）人參雞湯（$108)估唔到人參雞湯咁足料，有成隻雞之餘又有藥材，味道濃郁，另外仲有啲糯米一齊煮，食完煲雞湯都有啲飽。水冷麵（小）（$68)點左韓燒就可以點呢個細size 既水冷麵，水冷麵非常唔錯，麵汁酸度適中，冷麵麵條非常幼細，口感爽口、Q韌。配埋清新既青瓜、水煮蛋同埋爽甜既梨一齊食，真係勁fresh!Somersby Rita($78)食韓燒又點可以唔叫野飲？我就叫左杯Somersby Rita!Somersby Rita 即係將整支Apple Cider倒插在酒杯內，睇落十分有型，上檯既時候已經吸引到眾人既目光。另外，蘋果汽酒亦都加入檸檬同埋梳打水等等，味道酸酸甜甜，要黎解韓燒既油膩感真係一流。

今次同男朋友試左呢一間位於尖沙咀超人氣嘅韓珍～揀呢間既主要原因，除左係由韓國人主理，亦因為菜式款式多，可以食韓燒、醬油蟹、炸雞或者部隊鍋等等，超正！1️⃣ 🐔甜酸炸雞 ($190)呢款炸雞真係不得了！炸粉唔會過厚，且炸得甘香可口；加上，店舖採用新鮮肉類，雞肉食落好juicy，超正！2️⃣ 🦀醬油蟹 (1pc，$250）我之前去過另一間出名食醬油蟹既店，但試完覺得都係唔及呢到高質，搞到得一直念念不忘🤤今次呢隻蟹我比足💯，唔腥，而且超多膏😍食過呢到醬油蟹幾次，但從未試過肚屙，果然呢度出品先最有保證！3️⃣ 🍜水冷麵 (小，$68）水冷麵都不錯，個湯好開胃，而d麵煙煙韌韌～每次食韓國野都一定叫🤪4️⃣ 🥚50cm長韓式雞蛋卷($158)呢個雞蛋卷好似手臂咁長，而且雞卷好厚身，中間夾住泡菜，上面淋上沙律醬同木魚片，絕對岩哂大胃王！5️⃣ 🥝奇異果梳打 （$48)呢杯梳打偏甜，但一邊食炸雞一邊飲梳打，真係嘆到爆！🔍加分位呢到防疫措施都做得唔錯，所有店員都有戴口罩～結帳既時候，店員仲會送一包消毒酒精液，非常貼心！

朋友知我想食韓國菜又想試醬油蟹，所以揀咗呢間正宗韓式餐廳。隻醬油蟹麻麻，反而海鮮～鮑魚就幾好味。店員落單嘅時候完全冇用紙記低以為咁，點知都係漏咗兩個餸。個特飲仲攪笑，得一塊奇異果。整體感覺有少許失望。

偽韓妹子又出動👋 今次去左一間由韓國人主理既韓燒餐廳，店員大多都係用韓文溝通，非常有親切感🤗 正宗韓國菜自然有捧場客，喺疫情之下都座無虛席，真係好厲害！·一嚟店員會先送上不同的一小碟前菜，好似有大豆芽、泡菜、醃蘿蔔、南瓜等等，每樣都可以refill添😋 另外，如果叫韓燒仲會送一個鐵鍋芝士煎蛋餅👍👍·☆ 牛肉拼盤 HKD$320拼盤包括調味特級牛肋骨、烤排骨及烤裹脊🐮 全部採用新鮮肉類奉上👍 個人偏愛特別牛肋骨🤩 一大塊牛肋骨燒香後切成小塊，包住生菜食特別美味😋 牛肋骨肉質軟腍，味道甜甜的，十分入味😚·☆ 辣豬肉石鍋拌飯 HKD$108熱辣辣既石鍋裝住色彩繽紛既蔬菜、辣豬肉片及珍珠米飯，拌入韓式甜辣醬撈勻，味道甜甜辣辣，十分滋味😋 喺石鍋底因熱力形成既飯焦係我既至愛，脆卜卜索索聲好好味🤗·☆ 芝士部隊鍋 HKD$280食韓國菜既表表者又點少得部隊鍋🍜 部隊鍋裏面材料非常豐富，午餐肉、香腸、魚糕、豆腐等乜都有，再加入韓國香辣即食麵，食完成個人暖笠笠好滿足😻😽

很久沒有去尖沙嘴，仲要突然好想燒肉當然係韓式燒肉最正啦！睇完食評之後去左呢間韓國人主理韓式餐廳～餐廳好多員工都係韓國人，夠曬地道～首先來了很多前菜，都是可以添加的 泡菜跟醃蘿蔔都很不錯！仲有碟芝士蛋～重點8色燒肉好惹味又新鮮🤤份量仲要超多！！又有不同口味的五花肉，推介辣味與咖喱味2人食到我地超飽 我覺得可以3-4個女仔來就岩岩好了店員仲會好貼心教你點燒先好食☺更加會自動幫你換底盤另外叫了人參雞湯 熱辣辣又養生❤建議簡有鮑魚個個 因為隻鮑魚超好味！

最近韓國疫情爆發,大大減低左去韓國既意欲,但韓式癮又起就唯有係香港食住韓燒先.朋友見我韓食癮起就話帶我去一間由真韓國人班底既韓國餐廳食,聽到即刻雙眼發光開心返🤩呢間係尖沙咀既韓式餐飯唔單止得韓燒,仲有其他正宗既韓食料理,而且款式種類都好多元化.難得啱啱出左糧無幾耐當然要豪返下食韓燒先.餐牌表明店內係用上新鮮用肉類,今次就點左一牛一豬試試.前菜有6小碟,以入口較清新蔬菜沙律同泡菜為主.當中亦附燒烤附上鐵版烤雞蛋,上枱時鐵盤周圍十分熱要相當小心,烤雞蛋水裏帶蔬菜粒既甜味,入口又相當鬆軟而且富蛋香.牛肉拼盤內有調味特級牛肋骨,調味烤排骨同調味烤裹脊.牛肋骨醃得好夠味,味道偏甜,牛肋骨入口軟腍.牛里脊肉質比較嫩滑富有彈性,脂肪亦相對較少.牛排骨加上蒜醃製味十分香,肉質入口又唔會韌,夾入新鮮爽脆生菜內可以減低油膩感.豬護心肉即係豬橫膈膜與肝之間的肌肉肉筋,相對油分較少,入口爽滑彈牙,帶微微內藏味.咁既價錢有咁大份好抵.職員會不停睇住你枱上既燒盤,密密幫你換走烤盤,睇得出服務十分用心.牛肉石鍋拌飯面鋪唔同顏色既蔬菜,石鍋烘熱暖住石鍋飯,加上韓式甜辣醬拌匀後香噴噴,入口甜甜辣辣十分開胃,食下食下就好

🔺韓珍如果想食由正宗由韓國人開嘅燒肉☺️咁就一定要試下韓珍👍🏻經理以至店員都會用韓文溝通感覺好像去了首爾一樣🥰🥰呢間餐廳採用新鮮肉類 服務水準仲好高👍🏻.50cm長韓式雞蛋卷🍳味道不錯充滿蛋香味 適合三個人嘅份量👌🏻👌🏻.人蔘雞湯🐥材料非常充足 而且人蔘味好濃唔好攤凍嚟飲呀！.韓國牛西冷🐮一定要叫 好好食😋😋肉汁豐富 唔需要太多調味 牛味十足 價錢超值🥰🥰.蜂窩五花肉🐷啖啖肉 個人喜歡食硬少少所以可以燒耐啲 咁就比較脆口😁😁

呢排好少出街食飯，一食就食好啲😋去左尖沙咀呢間「韓珍 Hancham」韓燒&火鍋🥘我真係又韓燒，又食火鍋，兩個人食到超飽！仲有專人幫你燒埋，同埋處理個火鍋我最中意韓菜有不同細細碟既小食，泡菜、南瓜、海苔etc...🔶蜂窩五花腩 170g $150原條厚切既五花腩上菜，將五花腩切到一格格，好似蜂窩形狀肉質好有彈性、又好juice，肥瘦適中！🔶雞蛋pizza原來每檯都會送，佢雞蛋幾厚，整到好似玉子燒咁，唔會燒到太乾，趁熱食好味🔶奶油芝士鍋雞 $190無骨雞先炸好左，然後再混入奶油，重口味既人必食👍🏻🔶辣魷魚海鮮湯配烏冬 $288好多海鮮係鍋內，有原隻魷魚、扇貝、大蝦、青口、蜆！煲到個湯好甜，加埋個烏冬都幾飽🔶牛肉石鍋拌飯 $118飯唔會太乾，牛肉都唔會太硬，唔夠飽食呢個飯都飽晒！最後仲有飯後甜品-西瓜🍉 清清口氣舒暢！埋單仲送左一支hand sanitizer 好貼心🥰

那一天我和女朋友食晚餐駕車係樓下街泊沒有抄牌可能新沙士關係平均食左700一個人以沙士價算高消費食左2塊韓牛扒牛扒韓牛扒 油味重牛味唔算濃 算係係合格但唔會再食人參雞 難食可以唔洗再食醬油蟹幾好食 值得推介但食完有點肚痛贈送左 蛋餅完全無味 好似食 粉甘環境一般 地方不太乾淨地下又滑感覺係食下價野既地下如果唔係韓粉不太建議去食唯一有值得欣賞既地方係老版娘 員工態度幾好但餐廳黎講食物如果太一般係唔可以收700至1000一個人頭

當日做野勁累，老公話要食好野甘岩係尖沙咀見到依間韓食有醬油蟹就即刻勾起條醬油蟹筋啦兩個人我地叫左一個燒肉set 同一隻醬油蟹先上伴菜，味道一般，泡菜都唔算出色，可以refill 架店員開完爐就擺低舊脂肪等我地自由發揮啦三款肉都好好食，夠味又嫩身反而生菜量唔夠，但再叫要加錢架而且鐘意佢已經剪到細細舊，方便包生菜烤蛋係免費送，但明顯烤太耐。。好硬身，而且無蛋味醬油蟹出場，雖然得少少膏，但隻醬油味岩岩好，唔會太鹹，溝埋d 飯食一流叫一隻，d 飯會有剩，老公用黎配埋燒肉食都唔錯

受武漢肺炎影響 尖沙咀真係好少人今日同朋友食番個開年lunch入座率大約5成到今日叫左個set lunch ,尼到d set lunch真係好好食又飽肚 又坐得唔逼 。 所以係聚腳好地方翻食指數

第一次去食 整體上都Ok 唔差 醬油蟹好食 海鮮雞煲足料 但如果可以再多幾隻鮑魚就更加好 哈哈 牛肉非常好食 下次去一定會再叫多一次 回味無窮 價錢係就係貴左啲 不過做野咁辛苦都係為左食 下次會再去！有好多唔記得影相，例如係帶子 我地一班朋友走去試生食 結果口感真係鮮甜，唔一定要燒先好食，然後仲有一個飯溝左蛋之後，食落去既感覺真係非常好吃，只可惜影既相睇小，唔能夠分享比大家睇，必須再次推介海鮮煲，湯底非常鮮甜好喝，喝湯都會喝到飽。

寒風颯颯，正正係食燒肉嘅好時機，圍爐倍感溫暖啊！今次去到尖沙咀嘅韓珍，燒肉超吸引～牛魔王嘅我地第一樣必點就係牛肉拼盤啦，有三款牛肉就夠晒滿足啦～包括：烤排骨、烤裏脊同埋特級牛肋骨。牛肉都調味過所以好夠味～而我最鍾意就係特級牛肋骨，肉質好腍嫩又腌得好入味！燒肉最愛就係點五花腩，油花四濺特別香口而呢度都有呢個蜂窩五花肉，長長厚厚一塊，剛剛好攤平係爐面，燒完一邊接一邊，再剪成一小塊一小塊煎香，表面焦脆就最好食了！豬肉仲點左護心肉，份量都幾多，配上生菜泡菜夾一齊食就最夾啦！同好多韓燒一樣，都會烤雞蛋，平時係爐側邊嘅坑位烤，今次係成鍋上呢，唔需要慢慢等佢熟！夠滿足我呢個蛋控啦～另外一樣有好多配菜，有醃蘿蔔、生菜沙律、南瓜等等不過就唔係無限添加啦～

#韓珍間唔中都會想食韓國嘢。都聽聞過下韓珍燒肉，諗諗下就想食。一黎都有韓國既食餐前小菜。6小碟。每碟份量都少少，啱啱好唔會過多。最鍾意就係食泡菜，醃蘿蔔同醃菜都幾好食酸酸美味好開胃。我哋主要食燒肉，所以叫咗唔同嘅肉類。有豬腩肉、幾款牛肉、牛肋條。感覺上佢哋肉類質素都唔錯。尤其係五花肉，食韓燒必備。雖然佢有差唔多一半係肥豬肉，但燒完之後逼左啲油出嚟其實唔會見膩。仲好香豬肉味。佢鍾意夾埋生菜豆瓣醬同泡菜一齊食。醱酵人參雞湯 $108冬天想滋補下，飲人參雞湯最好不過。滋潤又補氣。湯既雞味香濃，綿滑。雞肉煲到一夾就化開，但又唔會老。我都食咗唔少雞肉。人蔘味如果再重啲就好。辣魚糕 $98魚糕彈牙，無係韓國食嘅咁辣，帶點洋蔥嘅香味。甜辣甜辣既。係一隻蛋同埋兩隻炸餃子。炸餃子好香脆。

之前見朋友生日黎呢間慶祝，氣氛好好所以心思思想黎一試一坐低就發現原來附近幾枱客都系講韓文，而且店員大部分都系韓國人睇黎今次冇揀錯，應該可以試到正宗韓式美食叫左個八色珍味拼盤（2-3人份量，有4款牛肉➕五花肉）$698跟住好快就上左8碟前菜，生菜加送芝士蛋餅，味道仲唔錯😋今次燒牛肉分別有：調味烤裹脊/調味烤排骨/牛舌/雪花牛肉上菜後，侍應即刻就幫手燒牛肉俾我地食首先緊系食左最新鮮嘅雪花牛肉除左有香濃嘅牛肉味外，口感嫩滑，食得出系新鮮靚牛肉牛舌嘅牛味就更濃郁，而且食落好似牛肉甘，仲唔會韌其餘兩款牛肉嘅味道以調左味嘅醬料為主，口感依然不錯侍應會keep住幫手燒嘢食，系呢到食真系啱晒唔想自己燒嘅朋友，甘好嘅服務，真系要俾個讚佢地👍🏻至於呢個四色五花肉就有4款口味：辣椒醬/香草/咖喱/蒜蓉我最愛就系蒜蓉味，因為夠晒香口惹味，而且每一口都好香脆，脂肪同肉嘅比例剛好，第一次食到口感甚佳嘅五花肉，就算系肥嘅位置，食落嘅感覺都好似肉甘至於辣椒醬同咖喱味都唔會辣，啱晒我，香草就醃得好入味