韓珍 (寶勒巷)

營業中

休息中

帝國中心嘅韓珍食過幾次，今次試下寶勒巷，入到去裝修有少少舊，光線唔太夠，地方都唔算細，坐低睇原來……唔同餐牌，呢度抵食好多😱，指定set lunch 只需65，仲配飲品，唔使加一，真心抵👍。今日星期一係牛骨湯特價，嚟到個樣已好靚，首先講下前菜，有泡菜，芽菜同炸蝦餅，泡菜好辣，芽菜份量好多，用蝦餅做前菜第一次見，主食牛骨湯同平時食嘅有少少唔同，除咗牛骨有金菇，蘿蔔，仲有少少紅棗，牛骨份量好多，湯仲有少量韓國粉絲，蘿蔔夠稔都幾入味，整體味道都唔錯。最正係仲配咗橙🍊，好健康🤣，飲品我要咗柚子蜜。位置關係呢間少人過帝國好多，唔怪得要做特價。

好耐冇食韓燒，想搵d高質d既韓燒，就揀左韓珍八色五花肉🥩分別有辣椒醬五花肉、香草五花肉、咖喱五花肉、蒜蓉五花肉、人蔘五花肉、黑椒五花肉、日式燒汁五花肉、大醬五花肉醃製做得好好，五花肉既油脂分怖得好好，每條都好大份，仲有其他味揀架鮮鮑魚(5隻) $180個醬油葉得好入味，甜甜地，鮑魚好新鮮，唔會覺得韌，大推佢地個茶好特別，甜甜地既芝士焗雞蛋餅有三色椒🫑，熱辣辣蒸南瓜味道甜甜地，好似食緊番薯雜菜沙律🥗酸酸地，唔會太辣，幾好特別醃白蘿蔔我好中意，唔會太酸

大大話話都有兩三年冇喺香港食韓燒。以前一年總會飛幾次韓國✈️🥺，簡單啲來講韓國韓燒牛有牛味🐮豬有豬味🐷(唔好笑香港啲肉真係無味)，肉靚不特止，前菜任食價錢平，識食一定會喺韓國先食啊。但係封咗關咁耐，開始想念韓燒，終於忍唔住食返一次。係香港次次食都覺得好伏，我懷住無希望嘅心情，叫了調味烤裏脊、蜂窩五花腩同牛舌。今次竟然有驚喜喎，係少有嘅豬有豬味牛有牛味呀😆，特別推介調味烤裏脊，冇諗過會係香港呢個價位嘅韓燒店見到咁靚嘅油脂分布，個調味好香，再加埋本身塊肉，入口真係每啖既有牛味個質感更正。蜂窩五花腩都算高質，舊腩尚算夠厚，望落以為肥膏位太多，但食落幾平均唔覺好油膩，重點豬味濃郁🐷。牛舌就普通左少少，爽口的但唔算特別有牛味。

第一次去，一入門口感覺地下好滑要小心行，坐下見到之前菜已經放晒係到不過見到d分量唔太開心未見過一些得兩條醃菜，叫咗原味五花腩、牛、但無肉味，醬油蟹味道可以，但忘記比個飯我哋，人手不足要自己行出房門叫人

星期六晚上與朋友到尖沙咀寶勒巷的韓珍吃晚餐， 朋友一早訂了枱， 一入到店內油煙感好重， 地下非常滑， 要一步一步好小心地行。 當晚點的菜式有四色五花肉加牛肉、 水冷麵、 海鮮煎餅、 炒年糕、 生牛肉、 真露和啤酒。四色五花肉加牛肉～ 價錢$698， 五花肉有咖哩、香草、蒜蓉和辣椒醬味， 肉質唔新鮮， 只可以食到重重的調味料。 牛舌、雪花牛肉、調味烤排骨和調味烤裏脊， 除了牛舌好少少之外， 其餘三款質素都差。水冷麵～ 水冷麵味道稍為正常。海鮮煎餅～ 一送上枱已經是凍冰冰的， 煎餅除了大蔥之外， 只有少量魷魚仔， 一點也不好吃。炒年糕～ 炒年糕味道普通， 裏面有少量魚糕。生牛肉～ 成晚最正常就是生牛肉， 幸好還有一樣比較好吃的。整體而言第一次到韓珍， 感覺性格比唔高， 食物的價錢和質素不成正比， 原先對這裏的燒肉好有期望， 但最後非常失望。 這裏的韓式前菜都不好吃， 相畀我平時吃的韓國餐廳已經比下去了。 最後我們還沒有叫埋單， 店員已經送上帳單跟我們說他們的信用卡機突然壞了， 需要現金付款， 他們想盡快收錢，所以先給我們賬單， 整餐飯的感覺很趕時間 ，四個人帳單大約$1900， 食物質素真

昨晚和兩個朋友到此晚餐，本身食物質素和味也不錯，但職員的服務態度和上錯餐這兩樣令人極度失望。1. 點餐出錯我們叫了E02套餐 (全豬肉~~因為我是戒了牛肉的)，但當上餐時，已發現4式小碟拼盤上的應不是豬肉，跟着就問送餐店員 “這是豬肉?” 而店員說 “是”，之後我再跟店員說 “這真是豬肉嗎？因為我不能吃牛肉的。” 店員再回答 “是，豬肉。” 但點知埋單時佢居然計我E01餐價錢，跟住我當然同佢理論啦，佢仲話佢地出餐記錄係E01，我話我已經一而再，再而三同你地講我係唔食牛肉的，所以係唔會叫牛肉的，跟住佢哋先肯改返單。。。但連一句 “sorry” 也沒有說。由於心中忐忑，回到家即上網對相，結果。。。真係牛肉 😭😭，而家佢地應該慶幸我係因為信仰而戒牛而唔係因為身體敏感而戒，若然我因敏感而誤食，後果就真係不堪設想啊！2. 服務態度非常差一進門口，在接待/收銀櫃位的那位韓籍女職員(看似經理) 不單一句簡單的 “歡迎” 也沒有，甚至黑口黑面 😓，跟着還試過有幾次需要幫忙時剛巧叫她來也同樣黑口黑面，目無表情，問她什麼都不回答，完全是不尊重客人的態度，令人極度反感。。。相反，那些落單/送餐的店員好禮貌得

兩個女仔點了一份牛肉拼盤 牛舌 五花肉 加5隻鮑魚剛剛好飽 埋單$86x基本上在韓珍如只燒肉想飽肚 肯定埋單要過$400一位不過唔緊要 佢貴得嚟 係好食嘅服務又好 啲侍應行過會幫你檢查抽油煙機 睇下有無燒燶 又會幫手換烤盤 而且小菜都正宗 好食不少嘅香港韓式餐廳嘅伴菜都味道麻麻 比超市質素嘅泡菜韓珍比嘅泡菜好好食 唔會過酸拎黎包肉解膩真係好夾而且牛肉拼盤腌製嘅醬汁都好開胃惹味肉類一直維持到水準新鮮 有肉味 比起一個價錢任燒個類餐廳個人更prefer 比多少少食韓珍~ 可以品嘗到正宗韓國燒肉嘅味道🇰🇷而且佢個抽油煙機好勁食完唔食一身烤肉味 正！

睇到網上介紹，上星期就book左位黎試下。主要都係比佢既人參雞湯吸引果然同網上評語一樣，推介不過個海鮮泡菜豆腐鍋，海鮮好少亦唔新鮮，湯都比較淡⋯要自行加多d泡菜落去調味。另外仲叫左個50cm長蛋卷，真係好大份🙈但味道很不錯薄薄既蛋皮卷住素菜，再加左沙津醬同木魚，食落唔會太膩。整體都很滿意，座位唔會好迫，員工亦好有禮貌下次多d人會再去試下燒肉。

又係睇韓國節目睇到心思思要食烤肉估唔到嘅係lunch set 又平又抵食，仲有好多唔同款，小朋友至愛炸雞set, 上面放滿紫菜已經很吸引，裏面仲有椰菜絲，平時叫佢一齊唔食🤣

呢排日日都困喺香港冇得去韓國，唯有食下韓燒啦😋😋呢間餐廳我bookmark左好耐終於可以去試啦～.我哋揀咗個四色五花肉+豬肉套餐 $598海鮮煎蔥餅 & 冷麵.食物賣相好唔錯👍🏻👍🏻將肉片捲到好似一朵朵花咁🥰個豬肉套餐用咗好多唔同配料同醃料去處理肉類～所以雖然係食緊豬肉同一個部位但每一條肉燒出嚟之後味道都好唔同😋😋😋.海鮮蔥餅同冷麵份量就好多好抵食😋😋配菜有泡菜、芽菜等得都可以任添㗎～.不過有點要注意就係餐廳嘅內部衛生麻麻地廁所有啲唔乾淨🙈🤣🤣🤣建議食之前去左商場廁所先🙈

價錢合理服務都可以可能因為有些侍應不懂廣東話所以溝通差少少，不過也可接受。食物方面絕對冇問題，我們一行四人點了個拼盤，一個海鮮湯，泡菜煎餅，不過份量可能太多最後還是要打包一些回家

鑱咀萬萬歲!🙌🏻ChamZeoiLongLongLife🙌🏻🐭 “韓珍”唔萬歲😢...🐭裝潢以傳統深色木材作主調，門面有幾張韓星照片，但裏面冇任何韓風裝飾，感覺有啲唔搭調。沒有播放着背景音樂，氣氛有啲乏味。鋪位好大，空間位置寬躺，店內燒烤味不算濃烈。...🐭周圍都係服務員，所有服務員都行嚟行去好似好忙咁做緊嘢，個樣全部都刻住「我好努力做緊嘢，你睇我唔到」，搞到我都有啲唔好意思打擾佢哋。個個都好似機械人咁木冇表情，冇乜反應，唔會望人，有啲甚至比較呆滯。...🐭食物方面，選擇頗多元化，在傳統的韓式烤肉上加了玩味創新元素，價錢亦算合理。...🐭蛋餅(送嘅)賣相👅👅👅味道👅口感👅👅份量👅👅👅👅👅冇乜味，欠缺蛋香。混合左麵粉嘅蛋餅口感總是怪怪的，實實地又唔煙韌。...🐭重點：其實我真係好怕啲服務員極速放低一啲送嘅食物，然後粒聲唔出極速走人。我第一次嚟，唔會知你呢個係送嘅定係上錯枱或落錯單。結果我又要再搵服務員去問。...🐭而且，前菜上得非常之亂，有啲一開始就上咗，有啲上主菜時先上。我同朋友兩個人，有啲款式有一碟，但有啲款又有兩碟，實在令人摸不着頭腦😓...🐭醬油蟹 1隻 $250賣相👅👅👅👅👅味

📍#韓珍 📍Hancham Korean BBQ Restaurant #HanchamKoreanBBQRestaurant .🇭🇰香港尖沙咀寶勒巷6-8A盈豐商業大廈1樓🇭🇰1/F., Winfield Commercial Building, 6-8A Prat Avenue, Tsim Sha Tsui, HK.人均消費: HKD500.味道: 👅👅👅賣相: 👀👀👀價格: 💰💰環境: 🌹🌹服務: 👨🏻👨🏻性價比: ⭐️回頭率: 🔆.最近外出食飯意慾好強😅韓珍係韓式燒烤，係尖沙咀寶勒巷，地點都算方便易揾地方好大，入到去聞到陣燒烤味真心餓到一個點🙈但抽風系統比較差，熱到出晒汗，啤酒都好快熱晒🥵.Ⓜ️#香炸雞粒 HKD180炸雞熱辣辣，上面灑咗少許紫菜粉食落好有趣，似麥樂雞多啲😅唔係我想的炸雞，實物與相片不太相同不以炸雞為標準就可以嘅.⭐️#50cm長韓式蛋卷 HKD158蛋卷比我相像中亦唔一樣，蛋比較薄，以為會好似玉子燒咁嘅厚度好薄嘅蛋餅包著好多嘅椰菜絲，上面有茄汁，沙律醬同木魚碎但味道好正，連茄汁沙律醬好開胃，每件都好大份我覺得食得過.Ⓜ️#牛肉眼 HKD250牛肉眼係150g，口感算可

遲來了的周年紀念當然要食返一餐好啲㗎啦，本身對韓國嘢一般般，但間唔間都聽到女朋友提吓不如食韓國嘢，咁就打算試吓呢一間同事有提及過嘅韓國餐廳。去到地方相當闊落，就算一張二人枱都坐得好舒服，好有空間感。本身點了牛肉拼盤，泡菜煎餅，辛辣麵，醬油豬肉，誰不知竟然送了很多前菜，還送了一個雞蛋煎餅，有點驚喜！味道方面，中上水平啦，賣點就是選擇非常多，除了韓國烤肉，有部隊鍋，醬油蟹，韓式炸雞，刺身，韓國啤酒等等，基本上應有盡有，未試過嘅可以試吓👍🏻

熟識瘦編嘅人都知我每年要至少去一次韓國，除左係好鐘意韓國文化之外，韓國食物都係其中一個原因。因為疫情關係，今年真係可能打斷我個計劃，無得去韓國，咁就要去搵間韓國人主理嘅餐廳，當自己去左韓國啦。🇰🇷-今次為大家介紹下依間韓國人主理嘅「韓珍」，佢係樓上鋪，所以環境比較寬敞，每張檯之間都有距離感，唔會好迫，依排去食都唔會太擔心，坐得幾舒服。同傳統韓國餐廳一樣，一黎度會有好多前菜，啲前菜整得好出色好好味，每枱仲會送多一客雞蛋燒，好抵好飽肚。😆-重點當然係燒肉啦，非常推介大家叫雪花牛肉，油脂分佈越均勻，口感就越好真係無錯，一分錢一分貨，平時嘅任食韓燒真係無得比。另外仲有叫到護心肉同牛肋骨等，調味都唔錯，肉質夠軟腍。當晚去到嘅時候全場爆滿，不過唔會覺得好迫，突然覺得有少少後悔，點解我之前唔知有依間餐廳，食3次任食韓燒，不如黎食1次韓珍。😆-味道評分▶️🌕🌕🌕🌕🌗 (4.5)抵食評分▶️🌕🌕🌕🌕🌗 (4.5)回購評分▶️🌕🌕🌕🌕🌗 (4.5)-➡️ 韓珍 (尖沙咀)📍 尖沙咀寶勒巷6-8A號盈豐商業大廈1樓