韓珍 (寶勒巷)

營業中

休息中

📍#韓珍 📍Hancham Korean BBQ Restaurant #HanchamKoreanBBQRestaurant .🇭🇰香港尖沙咀寶勒巷6-8A盈豐商業大廈1樓🇭🇰1/F., Winfield Commercial Building, 6-8A Prat Avenue, Tsim Sha Tsui, HK.人均消費: HKD500.味道: 👅👅👅賣相: 👀👀👀價格: 💰💰環境: 🌹🌹服務: 👨🏻👨🏻性價比: ⭐️回頭率: 🔆.最近外出食飯意慾好強😅韓珍係韓式燒烤，係尖沙咀寶勒巷，地點都算方便易揾地方好大，入到去聞到陣燒烤味真心餓到一個點🙈但抽風系統比較差，熱到出晒汗，啤酒都好快熱晒🥵.Ⓜ️#香炸雞粒 HKD180炸雞熱辣辣，上面灑咗少許紫菜粉食落好有趣，似麥樂雞多啲😅唔係我想的炸雞，實物與相片不太相同不以炸雞為標準就可以嘅.⭐️#50cm長韓式蛋卷 HKD158蛋卷比我相像中亦唔一樣，蛋比較薄，以為會好似玉子燒咁嘅厚度好薄嘅蛋餅包著好多嘅椰菜絲，上面有茄汁，沙律醬同木魚碎但味道好正，連茄汁沙律醬好開胃，每件都好大份我覺得食得過.Ⓜ️#牛肉眼 HKD250牛肉眼係150g，口感算可

遲來了的周年紀念當然要食返一餐好啲㗎啦，本身對韓國嘢一般般，但間唔間都聽到女朋友提吓不如食韓國嘢，咁就打算試吓呢一間同事有提及過嘅韓國餐廳。去到地方相當闊落，就算一張二人枱都坐得好舒服，好有空間感。本身點了牛肉拼盤，泡菜煎餅，辛辣麵，醬油豬肉，誰不知竟然送了很多前菜，還送了一個雞蛋煎餅，有點驚喜！味道方面，中上水平啦，賣點就是選擇非常多，除了韓國烤肉，有部隊鍋，醬油蟹，韓式炸雞，刺身，韓國啤酒等等，基本上應有盡有，未試過嘅可以試吓👍🏻

熟識瘦編嘅人都知我每年要至少去一次韓國，除左係好鐘意韓國文化之外，韓國食物都係其中一個原因。因為疫情關係，今年真係可能打斷我個計劃，無得去韓國，咁就要去搵間韓國人主理嘅餐廳，當自己去左韓國啦。🇰🇷-今次為大家介紹下依間韓國人主理嘅「韓珍」，佢係樓上鋪，所以環境比較寬敞，每張檯之間都有距離感，唔會好迫，依排去食都唔會太擔心，坐得幾舒服。同傳統韓國餐廳一樣，一黎度會有好多前菜，啲前菜整得好出色好好味，每枱仲會送多一客雞蛋燒，好抵好飽肚。😆-重點當然係燒肉啦，非常推介大家叫雪花牛肉，油脂分佈越均勻，口感就越好真係無錯，一分錢一分貨，平時嘅任食韓燒真係無得比。另外仲有叫到護心肉同牛肋骨等，調味都唔錯，肉質夠軟腍。當晚去到嘅時候全場爆滿，不過唔會覺得好迫，突然覺得有少少後悔，點解我之前唔知有依間餐廳，食3次任食韓燒，不如黎食1次韓珍。😆-味道評分▶️🌕🌕🌕🌕🌗 (4.5)抵食評分▶️🌕🌕🌕🌕🌗 (4.5)回購評分▶️🌕🌕🌕🌕🌗 (4.5)-➡️ 韓珍 (尖沙咀)📍 尖沙咀寶勒巷6-8A號盈豐商業大廈1樓

多數d前菜食到要encore 因為點左好多野食 d前菜本身份量又多 所以今次無encore 最好食都係個薯仔!個南瓜就生生地 無咩味其他都正常~-煎蛋餅（點燒肉就會送）-叫左個牛肉拼盤 ($320)有三款肉:特級牛肋骨+烤排骨+烤裹脊牛肋骨最正~ 肉質軟腍 好入味分量唔算好多 2個人岩岩好夠食店員好主動幫手燒  服務十分好~-50cm長韓式雞蛋卷( $158)超吸引真係超長 超大份 視覺效果好震撼  勁滿足入面勁多餡 包住勁多生菜、泡菜、芝士 又有沙律醬同茄汁 正😋！！成件事好juicy~建議4-6個人share -醱酵人蔘雞湯 （$108)足料! 人蔘味就無咩但成隻雞好嫩!!!雞湯一定加黑椒鹽!!!! 味道即刻好濃郁好好味!!!-甜酸炸雞 ($190) 炸粉略多 但雞肉真係好嫩 汁既味道不錯!食落好juicy ！

昨天經openrice 訂了位了韓珍同朋友食生日飯，早前也試過一次，感覺環境及水準也錯、所以今次朋友生日話想試韓燒，想起韓珍、貪佢吾太多人，吾會趕你走！ 朋友也很喜歡，總算沒選錯地方、

近期無得去韓國，但又好想去食左韓國野。於是，特登搵左間真正由韓國人主理，夠晒地道嘅韓式美食。位於尖沙咀寶勒巷嘅韓珍，出名正宗，大部分待應都係韓國人，服務周到又熱情，超有禮貌。未叫食物，已送上好好味，熱辣辣既芝士蛋pizza。佢惹味得黎又唔會覺得好漏，連老公都話好好食，清晒。前菜都有好多款，有泡菜，芽菜，南瓜，沙律，馬鈴薯，酸蘿蔔等等。個人比較中意食酸蘿蔔，馬鈴薯，南瓜，REFILL左幾轉。我同老公係食肉獸，所以今晚主攻燒肉。而且聽講韓珍既燒肉係好新鮮！我地總共叫左四款肉類，分別係特級牛肋骨，調味烤排骨，牛五花肉同蜂窩五花腩。幾碟牛肉都好重牛味，牛五花肉好薄，輕輕燒一燒已經好好食。調味烤排骨既調味都做得好出色，唔會搶左牛肉鮮味，就咁食都夠味，不用再沾醬汁。特級牛肋骨份量都算幾多，牛脂分佈均勻，肉質鮮嫩，夾生菜超好食。係bor，每枱會附送生菜一碟。除左牛肉之外，份蜂窩五花腩都好驚喜，原條五花腩直上，點解叫蜂窩?? 五花腩上細心咁切了格子紋，方便客人燒熟，而燒至有點金黃時，格仔紋會顯得更加明顯，口感亦非常香口，真的回味無窮！

朋友生日搵到呢間食韓國菜...點知坐低叫嘢食係叫左勁耐..搞到我哋係咁禁鐘叫人黎幫我哋落單，啲服務員態度係非常之差又黑面，落一次單要重複講3-4次...攞到黎仲要係錯，食到最後朋友仲有半杯野飲...諗住留返食埋蛋糕飲，啲服務員問都唔問我哋要唔要..就咁收咗去！🙄🙄🙄到切蛋糕連碟都唔俾我哋！總言之食物非常之普通，叫左份炸雞、一個拼盤咁既野（有牛有豬）食炸雞係無肉食..除左個髀之外..問題都係同KFC差唔多...啲肉都係普普通通，牛脷係無味既，個拼盤跟左份煎蛋係有蛋腥味既...仲有個8爪魚鍋係8爪魚勁細都算係完全無味架🤯🤯🤯🤯...成張單食咗2700幾蚊 6個人...貴就算...仲要係無服務！講真食過咁多次韓燒或韓國菜黎講...呢次係我食得最失望嘅一次！

四色五花肉加豬肉八色珍味拼盤，包括有護心肉、調味排骨、豬頰肉、豬頸肉、辣椒醬五花肉、香草五花肉、咖喱五花肉、蒜蓉五花肉；護心肉，肉質軟腍，肉味濃厚；調味排骨，採用自家製醬汁進行調味，味道獨特、惹味；豬頰肉，肥瘦比例恰當，口感較厚實；豬頸肉，口感爽口、彈牙，油脂味道濃郁；全部味道嘅五花肉都醃得好入味，經燒烤後五花肉口感帶點焦脆、油脂香溢，五花肉肥瘦相間，脂肪部位一口即化，瘦肉部位食落好Juicy；辣椒醬五花肉，辣椒醬微辣帶甜，味道香口、刺激；香草五花肉，Rosemary包裹住原條五花肉，味道香濃、清新；咖喱五花肉，辣度比較溫柔，香料味道醇厚；蒜蓉五花肉，蒜香味濃，蒜蓉令口感增加；提供左一塊豬脂肪用作搽烤爐，提供南瓜、洋蔥作配料。醱酵鮑魚人蔘雞湯，材料份量十足，包括有鮑魚、蛋絲、嫩雞、糯米、金菇、人蔘，雞湯味道清淡甘甜，湯底為乳白色，雞肉口感嫩滑，骨髓、骨頭口感好腍，雞軟骨有咬口；鮑魚，新鮮、爽彈、肥美。8款伴菜，芝士焗雞蛋餅，雞蛋餅口感滑嫩，蛋香味濃，有紅椒、青椒加入，口感清爽，芝士有好多；泡白菜，味道酸辣；生菜，口感爽脆、大片；醃洋蔥青椒粒，味道微辣帶酸；蒸南瓜，口感軟腍，味道香甜；酸

唔知有無人同我一樣覺得如果間餐廳係由當地人打理啲野食就會特別local🤣聽個韓國fd講韓珍係由韓國人主理我就決定黎個兩小時韓國料理旅行🤣-🥩 牛肉拼盤 $320拼盤就岩哂咩都想試下嘅我地佢包含咗烤排骨 烤裏脊同特級牛肋骨佢地嘅肉都好新鮮好重牛味👍🏻-🥓 蜂窩五花腩 $150友人係牛精 而我就鍾意依個五花腩多啲佢入口即融極邪惡🤤Waiter仲好好咁幫我地cut成一舊舊😝-🦀 醬油蟹 $250/1 pc第一次係香港食醬油蟹 正喎😈好新鮮 好好口感將啲牛油飯食放係蟹蓋度撈著黎食真係好好味😚-🍶Lychee rice wine $120最後想講嘅係依個米酒真係好好飲!!!$120又好飲又大jar😂最緊要係唔會太甜 極推介👍🏻👍🏻👍🏻

我唔明呢間餐廳點解有咁多好評，食物真係好一般，最主要服務真係差到不得了。十問九唔應，叫碟菜叫咗半個鐘都冇！結果都係冇黎到！個四眼男侍應全程藐嘴黑面！！重點提示，食完一定要check單！會比錯隔離枱張單，拎張新單黎又會收多咗你錢。一定唔會再有下次！

依間係尖沙咀既韓國菜係韓國人主理,而餐廳既侍應好多都係韓國人,除左主打既韓式燒肉,醬油蟹同熱鍋都好正,無得去韓國唯有係香港食住止下癮😛例牌食韓國菜之前有泡菜同芽菜等等既前菜,但特別既係有甜薯,而且個汁帶酸好開胃好好食🥰食完好想再refill醬油蟹($488/2)其實係香港吾係咁夠膽食醬油蟹不過見咁多人推薦就試下🙈兩隻蟹都好多膏,咬落去味道帶甜鹹,醬油味好香味道吾會太鹹,透明蟹肉好新鮮完全無腥味,而且仲配有牛油飯,配醬油汁食超夾!食到最尾將d飯撈埋蟹蓋食更加入味好正🤤好有係韓國食醬油蟹既味道🥰花蟹海鮮鍋($340)海鮮鍋有超多海鮮,有原隻既蟹,鮑魚,大蝦,魷魚,扇貝,帶子,蜆同青口,味道帶辣而且吸收哂海鮮既精華所以好鮮甜,如果驚吾夠飽既仲可以加麵,不過佢份量好多所以我地兩個人食已經好夠飽

尖沙咀有好多韓國料理ga la🍲平時daddy mummy 就話怕坐圓椅子，如果想吃得舒服一點，我推介尖沙咀韓珍！不但坐得舒適，枱和枱之間更有不錯的空間，可以一家大細都坐得舒適的餐廳👨‍👩‍👧‍👦先黎幾份前菜，這裡的前菜有驚喜，佢地的泡菜吾會太酸，我一口氣吃完一碟，係吃前菜的時候我已經將牛舌放上鐵板了，爭取時間ar ma😛，這裡的燒烤爐是沒有燒邊爐蛋的喔，不過會提供免費的蛋一大盤！好誇張，飽到暈！燒緊的過程中，我最期待的人參鮑魚湯到了，有全隻雞係入面，足料，人參味濃郁！

轉眼間已經幾年冇去過韓國非常懷念當地嘅烤肉韓珍就有正宗嘅韓國燒烤啦質素同喺韓國食嘅一模一樣仲要由韓國人主理係真正嘅韓國美食呢間餐廳採用既係新鮮嘅肉類身為食肉獸嘅我叫咗個八式珍味拼盤（牛肉+五花肉）調味烤裏脊既肉質鮮嫩牛味豐富甜甜地既調味料帶出咗牛嘅鮮味調味烤排骨既口感爽滑係我最鍾意嘅一道菜牛舌切得夠薄好容易烤對燒烤新手嚟講都唔會難度雪花牛肉偏瘦但又不失油脂嘅香味食幾多都唔會有內疚感五花肉有四個味包括辣椒醬，香草，咖哩同蒜蓉咖哩味同香草味係必試既一set可以試曬咁多樣野完全滿足曬我都食肉嘅慾望呀食韓國嘢又點少得部隊鍋？呢間既部隊鍋唔會太辣湯底鮮甜煙肉唔會好咸香腸既口感結實彈牙真材實料午餐肉都好正宗配埋泡菜娃娃菜豆腐等勁好食呀配菜有好多款我最鍾意就係食佢哋嘅薯仔沙律係簡單而美味嘅傳統韓國料理唔只野食好正 呢度既服務水準高Order完好快上菜服務態度好而且乾淨衛生冷氣好夠就算係炎炎夏日都適合怕熱嘅人放心去食

今晚約朋友嚟到寶勒巷嘅韓珍gathering， 因為大家都好鍾意食韓牛， 呢度係韓國人主理食嘅都係正宗韓國菜，肉類新鮮，介紹畀朋友一定冇投訴。星期日晚六點嚟到，都已經有不少客人。坐低後店員奉上各式各樣嘅前菜，放滿一桌，望到都開心❤️我哋叫咗雪花牛肉，醬油豬肉，大蝦，同埋韓式冷麵。雪花牛肉肉質，牛香四溢。大蝦更是高質，不止大隻，肉質彈牙，燒完香噴噴。醬油豬肉都好好食，調味料入曬味，豬肉 燒完都仲係好嫩滑，證明係食材優質。服務水準都好高，店員不斷照顧我哋嘅需要，例如換爐裏的鋼板。餐廳真系幾適合gathering。

尖沙咀除咗條韓國街之外，寶勒巷都有間韓式燒肉店睇落唔錯，一於上去燒吓燒吓😆進店後左邊喺韓珍，店員都喺韓國人嚟，同佢哋講英文同簡單廣東話都溝通到👍🏻🥬店員先上前菜小碟，有醃白蘿蔔、泡菜、南瓜、南瓜蓉等等，好開胃嘅前菜😊🥞估唔到仲有蛋餅作為前菜☺️Dinner Set (2 persons)🥩1++韓牛西冷牛扒150g：厚厚嘅韓牛🤤見到就流哂口水，睇落雪花比例唔錯❄️燒到表面轉哂色，中間仲喺粉嫩色就夾上嚟剪開✂️油脂同肉嘅比例啱啱好，入口即溶嘅感覺好滿足啊☺️🦐大蝦：強烈推薦大蝦‼️超大隻蝦蝦😳變哂色之後就食得啦😌剝殼後，一口咬落去啖啖肉😍超濃蝦味又juicy ☺️🍗牛舌：薄薄哋份量都幾多👌🏻🍖調味烤排骨：燒嘅時間要耐啲，唔喺幾夠軟腍，可能我燒得唔好😹🥗沙律：滿滿沙律醬😈有蛋喺上面👍🏻🍛牛肉石鍋拌：將度生蛋撈落石鍋飯度，飯香都喺蛋黃味超級香噴噴😌🍘泡菜煎餅：有啲泡菜夾埋一齊煎都ok🍹梳打：水果味梳打，味道有啲人工味🥺