靚煲皇 (已結業)

我地今次叫左個豬骨煲個煲裏面超足料豬軟骨、尾龍骨、豬手骨齊哂個湯無味精 幾入味唔太濃或太淡拎條炸響鈴卷浸兩浸d豬骨湯！味道岩岩好！！我一個人食左五條響鈴然後試埋傳說中呢間野其他自家製既野手打墨魚滑、蟹子鮮蝦丸、手包雲吞同水餃相併都唔錯新鮮手切肥牛雖然有d小貴但都值但真係超級好食！！油花剛剛好夾埋個豬骨煲淥兩淥好正我唔識講 總之好香好有牛味😂😂我一個人食下食下食左一大碟我地重有叫桂花蚌、雞子雞子我無試 但我啲 f d話幾好桂花蚌我第一次食 好爽口彈牙 幾正~

有朋自遠方來, 佢想食下香港地道野, 香港人最鍾意打邊爐, 就同佢試下港式邊爐.靚煲皇夠晒地道又有風味, 食物又夠新鮮.好多款特式鍋底, 最後選了高湯雲吞雞鍋, 先飲個湯, 濃郁雞湯味, 雞湯好易好油, 但呢個清甜唔肥膩, 就咁當湯飲都無問題.隻雞夠肥美, 但脂肪唔多, 肉夠滑口, 很鮮既雞肉味. 雲吞皮薄, 但唔會滾滾下自己穿左, 入口好滑, 又夠彈牙. 隻雞食到差唔多開始可以打邊爐, 要左近期大熱既秋葵, 滾完都夠爽口, 好咬口, 唔會有D草青味. 打切肥牛紋里平均, 入口非常彈牙, 肉質嫩口, 而且肉味濃郁, 精心用料.每樣食物都夠新鮮, 所以味道特別出眾, 值得再黎.

Was feeling like having some hotpot and after visiting a few places and getting turned down because it was like 2am, I found this place. A quick call confirmed they were open until 4am. Arrived and was greeted by the boss. He explained the menu and gave some recommendations. Eventually ordered the fresh local beef, the handmade wontons, king oyster mushrooms and a mixed veggie basket to go with the pork bone soup base. Overall was quite tasty and plenty to eat for one person.

經過旺角，我同朋友又想起一個豬骨煲火煱。就叫左一碟蜆肉紫菜餃，蜆肉好新鮮好有海鮮味，蜆肉同紫菜嘅配合，帶出蜆肉海鮮餃嘅鮮味道！主角嚟啦～正宗澳門豬骨煲，一打開煲蓋就有陣陣撲鼻，口水直流！尤其是豬手不太淋，又有彈性，絕不肥膩。而且我哋作爲女性呢講，最需要的是補充骨膠原啦，食後，就好像充满了能量，成個人都立即靚曬！打邊爐一定不可以少得手切牛肉啦，賣相唔錯，食落牛味濃郁，肥瘦適中！更令豬骨湯，更濃郁，更美味！

呢排天氣熱到一個點，朋友仲話要去打邊爐😆原來係帶我黎食冬瓜湯嘅火鍋，真係冇諗過冬瓜湯可做火鍋湯底，真係夠哂創意又健康消暑！先講下個新鮮脆炸響鈴，我一食落就知系用新鮮嘅油嚟炸，完全冇油益味，一口咬落去非常之鬆化，就算唔落湯，就噉食，都好香脆。我就鍾意香脆嘅感覺。呢個冬瓜海蔘雞煲，海參同埋花膠都係我哋女人必食嘅美容補品，花膠食落'煙煙銀銀'連埋啲湯好好飲。而且雞肉仲好滑，好有雞味，唔會俾d湯整淡咗。一睇就知佢地選了好有心機。最後要講下泰式蝦球，咬落去鬆化，丸心裏面非常軟心，配泰式酸辣汁。絕！

工作上的不快, 相約朋友宵夜肚心事, 去左開到半夜既旺角靚煲皇. 夏天有點熱, 都係唔打邊爐, 要左刺激一點既麻辣雞煲, 莞茜, 紅椒既配料再炒多幾下, 令舍惹味.雞煲麻味唔算太重, 點到即止, 唔會麻住個口, 辣度則剛剛好, 好開胃, 啱晒口味.雞肉肉厚, 質感滑溜唔鞋口, 份量十分足料.仲有炸蝦丸, 我見隔離枱好多人都叫, 可能夏天食D香口野開胃D.大大粒, 手打蝦丸咬落好爽口彈牙, 外面炸到好脆口. 呢度就算唔打邊爐, 其他小菜, 雞煲都好好味.

朋友響外國返嚟，想食豬骨煲，大家諗住試吓新野就去咗呢間靚煲皇。訂左七點， 去到都唔算多人！七個人叫左兩個煲，一個係豬骨煲（有分三個size)，另一個係胡椒豬肚雞煲。(豬肚唔算多，胡椒味唔算辣，而我地每個人都飲左一碗先至開始打邊爐）新野既有海參。嘢飲方面冇其他餐廳有自己煲嘅涼茶，全部都係支裝嘢飲。手切肥牛叫咗一轉就唔無得再叫啦，因為無晒！但嗰陣八點幾咋喎😰豬肝切得比較薄好容易熟海參都算切得好多舊，有 一兩舊未解凍得晒。本人鍾意食魚蛋，叫咗一個福州魚蛋入邊有料嘅，另外一個白魚蛋，黎到好似炸魚片頭咁，但係就無咗平時炸魚片嘅彈牙！炸響鈴即炸即出。都無乜油！太好味我哋再叫多左一次。比較之前響附近食過嘅打邊爐鋪頭，呢間水準真一般。

夏日熱辣辣 香港又好潮濕 有時會冇咩胃口 或者個人好易水腫 咁岩見到靚煲皇呢到有冬瓜海蔘雞煲 就叫左黎試下呢個冬瓜湯真係好足料 海蔘唔係得一兩條咁少 而且仲有花膠 瑤柱 同什菌係入面😆😆 真係好滋潤又消暑☺️☺️而且湯底好鮮甜 真材實料冇味精👍🏻👍🏻👍🏻放左雞件落去 等滾起煮熟就食得 雞有半隻 煮得好嫩滑 而且冇冰鮮雞個種怪味👍🏻👍🏻蜆肉紫菜餃 呢個餃嘅combination 好得別 好少見 但又好好味😂😂 大家都可以叫黎試下手切肥牛呢個真係冇得輸 牛好新鮮而且肥瘦均勻 陸一陸 少少生咁食 正👍🏻

約埋幾個朋友出旺角食飯, 我地最鍾意去靚煲皇, 地鐵行過去都係十分鐘內, 唔洗響旺角同人迫餐死.今晚無落雨又唔係太熱, 坐左露天位食小菜, 露天感覺舒服, 無拘束, 可以開懷大飲大食大笑.小菜要左出名既小炒王同泰式蝦丸小炒王既九菜花新鮮翠綠, 爽口無渣, 魚乾帶咸香, 夠惹味, 夏天夠晒開胃.炸蝦丸炸至脆卜卜, 一咬好脆好惹味, 而入面既蝦膠打得夠均, 特別彈牙, 而且食落唔會太油膩.呢間真係好鍾意佢地D鍋物, 所以點都叫個招牌靚煲皇, 入面主要有扇貝, 豬軟骨, 仲有超甜既粟米同蘿蔔.個湯底夠晒豬骨味, 仲帶D扇貝既海鮮鮮甜味, 簡單得黎好易入口, 唔會滾到好多油.扇貝又夠新鮮大隻, 食落煙韌彈牙. 豬軟骨夠軟腍同黏口, 好入味.而且而家用apps訂位, 每4位或以上就有飯後冰鎮水果盤送, 生果鮮甜又解暑, 讚!!

約埋班朋友出黎食飯打邊爐, 再黎旺角既靚煲皇, 鍾意呢度用料新鮮又足料. 一早訂左位坐入面, 就算對住個爐都唔覺熱, 冷氣非常充足.夏天悶熱感覺飽濟, 有款時令<冬瓜花膠雞煲>, 冬瓜係消暑佳品, 所以一滾起就先食冬瓜, 軟腍爽口, 索埋個湯底特別鮮甜, 好解暑.夏天唔想食太多肉類, 仲有要左炸魚皮同蓮藕片, 炸魚皮脆卜卜, 好香口, 拖一拖個湯再食好入味.蓮藕片好爽口, 咬開仍有一絲絲, 啱晒夏天食.其他有手包水餃, 餡料十足, 隻隻都漲卜卜, 水餃餡肉夠嫩滑, 皮夠薄唔易穿.雪花肥牛脂肪平均, 入口特別嫩滑彈牙, 肉味濃香, 令人回味.肥鵝腸唔覺太肥, 新鮮乾淨, 每條都夠大夠長, 滾完唔會縮埋一舊, 入口特別夠爽.仲有朋友至愛即炸響令, 厚實但咬落非常鬆脆, 唔油膩, 浸湯食更有口感.

第一次黎食呢間，行到去先知原來係呢個位，去到時，太早，未有客，我地係第一枱。無耐，我地就點左個煲，黎到後，嘩左一聲，都幾大煲喎，煲內有帶子，白蘿蔔，粟米，全部都好味，入曬味另外點左肥牛（唔記得乜名，好似係安格斯）幾正，都幾多，蝦丸，手打嘅，最鐘意，我fd點左午餐肉。😂原來得我地3個女仔，根本唔駛額外叫咁多，叫個牛就夠。

今晚約左姐妹打邊爐, 唔想又係叫平時果D普通湯底, 所以睇左一輪, 要左款花膠海參豬骨煲, 之前聽過夏天先食熱既食物進補最有效, 希望食完真係補到D骨膠原.鍋底材料十足, 有花膠, 海參, 豬骨, 蘿蔔, 粟米, 先飲下個湯, 清得黎好濃郁既豬骨味, 未滾起所以未算太杰太膠質.花膠夠軟腍, 入味又黏口. 海參肉厚, 彈牙兼爽口. 當個湯滾到咁上下, D豬骨味滾晒出黎, 蘿蔔同粟米亦吸收晒, 食落特別甜. 最近多左一款食材叫秋葵, 呢度都有, 條條都夠粗, 好乾淨. 食落好爽口, 唔算太黏, 感覺唔錯, 好健康.

約個朋友出黎宵夜吹水, 去左開到好夜既靚煲皇打邊爐,  無落雨可以坐出面.朋友唔想要普通湯底, 所以要左個藥善花彫醉雞煲, 花彫味香但唔會太重酒味, 夠清感覺無咁肥膩.雞件肉質豐厚, 啖啖肉, 滾完仍保持肉質軟滑, 而且雞味香濃, 入晒味, 唔算太多脂肪, 食得牛多食下雞都唔錯.仲有午餐肉, 切得夠厚, 滾完唔會散, 而且有午餐肉既香味.宵夜不宜食得太飽, 同朋友都係志在飲下啤酒傾下偈, 好滿足.

呢晚好有慶至打邊爐, 雖然坊間好多任食邊爐好抵, 但我都係想散叫, 因為食材比較高質同新鮮, 所以約埋D朋友黎靚煲皇.等緊個煲滾既時候, 要左個炸蝦丸熟食醫住肚先.炸蝦丸炸到金黃色, 夠乾身唔油膩. 咬落外表夠香脆, 蝦丸夠爽口彈牙, 開胃小食唔錯.邊爐料既即炸響令, 呢度既炸野確係唔錯, 炸完唔油, 而且鬆脆.豬頸肉紋里平均, 唔會太肥, 入口軟腍, 唔鞋口, 肉味濃香. 厚薄適中, 唔會滾到韌晒都未食得.仲有貢丸都係好彈牙爽口, 無雪藏味, 夠新鮮.個豬骨煲湯底好多材料, 豬骨味香濃, 味道唔會太咸, 食完無口乾.

已經好久未出動，朋友果真沒有介紹錯，這間餐廳的火鍋的確做得很好。門面可以坐，還有兩部電視可以睇，有兩個台，任君選擇，是個火鍋吹水好地方，有大吹風機，即使坐出面都會覺得熱！二人同行，點選了一個小的招牌火鍋煲「靚煲皇」，沒錯，跟餐廳名一樣，所以很易記。小的鍋已經好夠兩個人食，因為配料非常十分豐富，豬骨湯底濃郁而鮮甜，有豬骨、魷魚、粟米、菜瓜等......相當足料抵食呢！朋友介紹的手砌肥牛，小的$198，但份量一點也不少，兩個人食都好夠食！牛味濃郁，厚砌而軟熟、不是機砌的可以相比，口感得棒。泰式炸蝦球個人覺得是必點之選，外皮加了點米通炸過，脆口得來好香，肉身彈牙，夠熱，我忍唔住一個人吃了6粒，完全不能停口....必定會介紹其他朋友來食的！