今晚無落雨又唔係太熱, 坐左露天位食小菜, 露天感覺舒服, 無拘束, 可以開懷大飲大食大笑.
小菜要左出名既小炒王同泰式蝦丸
小炒王既九菜花新鮮翠綠, 爽口無渣, 魚乾帶咸香, 夠惹味, 夏天夠晒開胃.
炸蝦丸炸至脆卜卜, 一咬好脆好惹味, 而入面既蝦膠打得夠均, 特別彈牙, 而且食落唔會太油膩.
呢間真係好鍾意佢地D鍋物, 所以點都叫個招牌靚煲皇, 入面主要有扇貝, 豬軟骨, 仲有超甜既粟米同蘿蔔.
個湯底夠晒豬骨味, 仲帶D扇貝既海鮮鮮甜味, 簡單得黎好易入口, 唔會滾到好多油.
扇貝又夠新鮮大隻, 食落煙韌彈牙. 豬軟骨夠軟腍同黏口, 好入味.
而且而家用apps訂位, 每4位或以上就有飯後冰鎮水果盤送, 生果鮮甜又解暑, 讚!!
